ankawa
منتدى الهجرة واللجوء => الهجرة و واللاجئين => الموضوع حرر بواسطة: Safaa Alkhrkhy في 11:48 23/08/2010
-
اخواني الاعزاء ...
يوم 21 تموز وصلني الايميل الاتي من المنظمة:
Dear Sir,
Thank you for your email.
Please note that once you are scheduled for your fingerprint appointment you will be contacted for the appointment details.
Please be informed that your security check has been cleared, and once you are scheduled for travel, you will be contacted regarding your travel date and the state that you will be resettled in.
Please feel free to contact us for further inquiries.
We appreciate your patience.
Kind regards,
IOM Info Center
وراهة بستة ايام وصلني الايميل الاتي منهم :
Dear Sir
Thank you for your e-mail, Please be informed that we have checked your case and found that it's currently undergoing our security check routines, we can't anticipate how long these checks will take, once everything is cleared you will be updated about your case status.
Kind Regards
IOM Info Center
//AAN//
رجعت بعثتلهم استفسار على هذا التناقض منهم يقول :
Dear Sir,
I write to you to inform you that I have big mystification.
As you read in your email in July 21, 2010 you tell me that my security check has been clear.
At 27, July 2010 you told me about my case it is currently undergoing our security check routines.
((Dear Sir
Thank you for your e-mail, Please be informed that we have checked your case and found that it's currently undergoing our security check routines, we can't anticipate how long these checks will take, once everything is cleared you will be updated about your case status.
Kind Regards
IOM Info Center
//AAN//))
I want know where the fact is?! In first email or in the second.
I hope to hear from you soon.
اليوم وصلني هذا الايميل منهم:
Dear Sir,
Thank you for your e-mail, Please be informed that we have checked your case and found that its currently undergoing our security check routines, we cant anticipate how long these checks will take once everything is cleared IOM staff will contact you for updates.
Kind Regards,
IOM Info Center
هسة شفتوا التناقض ؟؟؟ بيمن اصدك؟؟؟؟
ابو سارة
-
والله يا عمو ابو ساره اني دخت بالرساله لان الاولى يكلك انته بالجدول مال سفر
والثانيه يكلك انته رح يصير عليك تجيك امني جديد
وبعدين يكلك التجيك الامني من جديد وال اي او ام رح ينطولك اي تحديثات عالموضوع
يعني الشغله محيره بشكل ومبيها اي ربط
اتمنالك الموفقيه وانشالله اهل الخبره يفيدوك بالموضوع
تحياتي الك
سلفر
-
أخي ألعزيز صفاء ألله يعينك مو كنت اني على حق لمن ردت نكتب اسماءنا بالرسالة أللي ألى أوباما حتى تفض شغلتنة لو أي لو لا
-
والله شغلهم كله خربطة بخربطة
الله كريم بلكت يطلع الايميل الاول هو الصحيح
ويتصلون بيك هالايام
تحياتي
-
هسة محد كلي يا أيميل اصدك بيهم؟؟؟
-
لست الوحيد على هذا الحال
انا وعدد من العوائل معي حضرنا محاضرات السفر واثناء المحاضرات اكدوا لنا ان الموافقة الامنية كاملة وباقين على موعد السفر فقط ، وبعد انتهاد الدورة رجعوا بكلامهم. وهذ الكلام من شهرين ونصف ونحن خمس عوائل على هذا الحال وكلنا من 2008
-
اخي ابو ساره ولو الموضوع مزعج
بس اكيد اتصدك بالايميل الثاني
وهاي صارت كم مره ويانه
وبالنهايه نبقى على السكيورتي جيك روتين
لو الامنيه خلصانه وخاليك على جداول السفر جان هسه المفروض ناطيك موعد سفر
اصبر ان الله مع الصابرين
عبالي ادفعك واخذ مكانك
بس الظاهر ماكو جاره مجلب بيها بايديك و سنونك
-
السلام عليكم اخويا صفاء
أحييك من أمريكا وأحب أكول لاتضوج أبد مثل ماكلت مرارا وتكرارا هذي مجرد حجة ليس الا الموافقة الأمنية انت مخلص كلشي وماعدهم اي عذر ينطوه بس متعرف همة اشلون يشتغلون واشوكت يدخل الواحد على جدولة السفر هي مجرد عذر ليس الا.
أتأكد لاتخاف ابدا وتطلع يعني تطلع لأن انت مكمل كل شي. آني من أجيت لأمريكا شفت ناس بالمنظمة يحجون يكولون المنظمة متصلة بالكفيل بس يكولون للمتقدم انت بعدك تحت الأجراءات الأمنية بالرغم انو هو كلشي مكمل، المنظمة متوصلها اوراق المتقدم الا اذا يكونون موافقين عليه من الهوم لاند سيكيورتي يعني شنو يعني موافقتة خلصانة بس الحجي من الأردن همة يمهم جدولة السقر وكلشي. والف مرة كلت ماكو موافقة أمنية تطول اكثر من ثلاثة أشهر فلا تنحبط ابد ولاتيأس ابد المسألة بس مسألة وقت متعرف اشوكت ييجي موعدك وتسافر وهاي كدامك تعرف موضوع جماعة شهر الثاني والثالث ليهسة ناس مجدولة على السفر وبعدها مطالعة.
كول يالله وارتاح كلشي ماكو وان شاء الله تطلع عن قريب.
-
عيني Tulip ، لا اعتقد ان كلامك دقيق ، ثلاث اشهر للامنية ؟ انا بعد شهر راح اكمل سنتين بس الامنية
بس انشالله يكون كلامك صحيح
-
وعليكم السلام
والله يا حبيبي الدوخة والحيرة والخربطة مجودة
يعني مرات اعذرهم للمنظمة ومرات الومهم لان يغلطون غلطات مو طبيعية والاخطاء دائما موجودة
اكو اكثر من ناس اتصلوا بيهم وكالولهم على المقابلة قبل يومين او ثلاث وانت قيس من هذه
المهم حبيبي لا تهتم والفرج قريب ان شاء الله وهسه بعد مدة يدزولك الكلام اليفرحك لان مباقيلك شي
تحياتي للجميع
بالتوفيق
-
ابو سارة اللة يساعدك انى اخوك عمورى وانى هم مثلك كلولى انت على جداول موعد السفر هذا الحجى بشهر الخامس فى عمان وبشهر السادس خابرتهم كلولى تجيك امنى زين مو انتو كلتولى بشهر الخامس تدرى شكلى ماكو هيج حجى ايجوز غلطان الموظف وياك ولحد هل اللحظة دا انتظر اللة ينتقم منهم فياعزيزى لا اتصدك لا اول ايميل ولا ثانى ايميل هى هاى كلها حرب اعصاب ديلعبوها ويانة موافقاتنةالامنية كلها موجودة صحيح تجى من واشنطن وايكلك كلير على الموافقة بس هو المشكلة منو هو الى يحدد موعد السفر من اخر المستحيلات واشنطن التاخير كلة ديجى من عمان همة الى يحددولك موعد السفر وهمة هسة صاروا مسؤولين على بغداد مثل ما تعرف هاى عود انت مشتغل وية القوات الامريكية وانى هم مشتغل فماتعرف شنو فلمهم سبحان اللة عبالك المنظمة حاقدين على المترجمين جنت اتمنى الموظفين الى يشتغلون بالمنظمة مو عرب كلها حاقدة علينا هاى لو موظفين امريكان بالمنظمة ما جان هسة طالعين واللة العظيم هسة لو يسووها مثل جماعة تركيا جان هم واحد يعرف شوكت موعد سفرة اللة كريم مع تحياتى اخوك عمورى
-
السلام عليكم ابو سارة
صدك الله ايساعدك وبالفعل الردود مالتهم متناقضه اخويه ابو ساره خليها على الله وبعد لاترسلهم اي ايميل لمدة شهر وان شاء الله ايصير شيء تره همه مو دايما ينطون الامور المضبطوه وايسوون اشياء تربك وادوخ الشخص المقابل بس هاي الحركات ايسوها لمن الواحد اتكون امورة كلها جاهزة ووضعه تمام انته اصبر وارتاح اشويه ورجع الصورة مال مدينه العاب وعوف مال التايكر ;D واتمنالك الموفقيه ابو سارة الوردة وان شاء الله رمضان ما يخلص اذا ما مستلم الاوكي منهم باذن الله
اخوكم راحت النجمات وعدد الرسائل :'( ليش مااعرف ??? ??? هذا حساب جديد ونفس الاسم بغدادبقلبي بس بدون مسافه ::)
-
الله يعينك والله مااعرف شأكلك بس اصبر الصبر مفتاح الفرج اتهون وكلها اتصير سوالف
-
عجيب امر غريب اخوية صفاء
حسبي الله عليهم يلعبون بأعصابنا
حسبي الله , الله ايصبرك
-
حسبنا الله ونعم الوكيل
الله يساعدك على هالحيرة وحركة الاعصاب والله ديتفننون الجماعة شلون يعذبونة نفسيا
عيني ابقة راسلهم افتهم شنو القصة ترة كلش مخربطين يعني صار فترة اريد واحد يكول الكيس مالتي ماشي عدل ماكو كل واحد تلكي مطلعيلة دالغة شكل
ابقة راسلهم كوللهم مفتهمت اني هسة شنو وضعيتي اخر شي ترة من حقك
والله يكون بالعون ان شا ءالله
تحياتي
اختك بنت العراق
-
الله كريم
-
اخي صفاء جان هم هاي الايميلات رافقناها وي المناشدة حتى يشوفون خرابيط مال موظفيهم كل ايميل شكل يكول
حتى تكمل المناشدة بالوقائع
-
اخي ابو سارة الله يفرح كلبك وان شاء الله بحق هذا الشهر الفضيل تتيسر امورك
وانا اؤيد كلام الاخت انجي والله كريم ماعليك الا بالصبر
-
والله اخواني شغلة انتظار ((سنتين وثلاث شهور)) مو سهلة ... صحيح لو لا؟؟؟ هسة ايكولون مرات الامنية تتاخر لتشابه بالاسماء .. هسة اني اسمي (صفاء) وهذا الاسم انثوي اكثر مماهو ذكري !!! ايجوز هذا السبب؟؟!!
-
اخي العزيز
ان شاء الله خير وهية خربطة مثل ماتفضلوا اخوانة
وان شاء الله انت على جدول السفر ويتصلون بيك هالايام وتبشرنة يارررررررررررررررب
اتمنالك السفر العاجل ثم همة مو حددولك الولاية مو نيو مكسيكو على مااذكر بعد ليش الاحباط هية كم يوم ويخابروك
-
اشكركم اخواني على الردود ويارب يسمع منكم اني بس خايف من شغلة وحدة هية الشغلة مال هالنيجيري اللي سواهة قبل كم شهر اثرت على الموافقات الامنية مالتنة وخلتهة بالقعر؟؟؟ لو شتكولون؟؟
-
والله يا اخي السالفه صارت بيهه واسطات
شنو رأيكم وحده نعرفهه ضافت اخت رجلهه
وهي الي مشتغله ويه العمام مو رجلهه
وانقبلت وسوت مقابله اولى وثانيه وفحص بيوم وااااااااااااااااااااااااااااااااااااااحد
تصدكون هالحجي؟؟؟؟؟؟؟؟؟؟؟؟؟
وهي اصلا ميحقلهه تضيف اخت رجلهه
يعني يحقلهه تضيف الاقارب بالدرجه الاولى يعني اخت اخ وهيج
بس المصونه عدهه بت خالتهه باليو ان
وهي الي سوت شغلتهه
وطبعا مصارلهه شهرين من قدمتلهم وهمه هسه كملو كولشيييييييييييييييييييي
-
انـــــــــــــــــــــــــــــــــــــــــــــــــــا اخــــــــــــــــــــــــــــــــــوك
هاي الواسطات!!!!
-
السلام على الجميع وعلى الاخ صفاء
اخوكم كلكامش احب اكلك الله يساعدك والله كريم والله انا هسه فتحت ايميلي ولكيت نفس رسالتك Security Check ان شاء الله خير لان هاي مو حاله خاصه بيك لكن حالة مئات من العراقيين لكن الله كريم وتمنياتي الك بالموفقيه وللجميع
اخوكم كلكامش
-
اشكركم اخواني على الردود ويارب يسمع منكم اني بس خايف من شغلة وحدة هية الشغلة مال هالنيجيري اللي سواهة قبل كم شهر اثرت على الموافقات الامنية مالتنة وخلتهة بالقعر؟؟؟ لو شتكولون؟؟
قلبي وياك اخوية الكرخي قضيتك اخذت اكثر من المعقول اللي يصبرك
بس ياريت تتكرم وتشرحلي شنو سالفة النيجيري لان صار فترة اسمع بيها ومااعرفها شنو؟؟؟
-
اني هاي شغلة الامنية مدوختني والله ليش ناس بشهر ونص تطلعلهم وناس سنين واشهر طويلة مدا افتهم شنو الفلم
اني اسمي كللشششششش غريب ونادر يعني لو يريدون يجيكون عليه ما اتوقع حيتاطبق لو يتشابه وية احد يعني هم اسم غريب وهم يتشابه وية اسم احد ويطلع هالاحد هذا عندة مشكلة امنية غير حظ لعد :-[
والله اني اتوقع الموضوع ليس له علاقة بالاسم اكو فد شي منعرفة احنة لعد ناس تطلعلهم بشهر ونص او شهرين شنو يعني تجيكاتهم تمشي اسرع منة مو المفوض نفس المراحل نمر بيها كلنة؟؟
-
الاخ كوندا العزيز... شوف هذا الموضوع بي شوية تفاصيل عن (دكة النيجيري)
http://www.ankawa.com/forum/index.php?topic=379124.0
وشوف هذا الرابط للمزيد من المعلومات
http://www.aawsat.com/details.asp?section=4&article=550192&issueno=11352
وانتة تفتهم الفلم الكامل مال هالقذر حشاك وحاشى الاخوة القراء
ابو سارة
-
السلام عليكم
الله يساعدك اخ صفاء ويزيدك صبر على صبرك
عمي انته صبرت كل هالمدة , اصبر بعد واخر الصبر الفرج باذن الله
ربي يسهل امرك ويخلصك من هالشدة يا رب
-
حسبي الله ونعم الوكيل
-
عيوني ابو سارة سنتين و3 اشهر طويلة الله يعينك ويعينا
بس انت لاتهتم على الرد الثاني لان اني من رحت لأول مقابلة اجاني ايميل بالموعد وبعدها بومين اجاني ايميل ثاني يكول ان المعاملة بعدها بالاجرائات.
فاللي اريد اكلك اياه انه تفائل بالخير ولاتهتم
وتقبل مروري
تحياتي
-
السلام عليكم اخويه الورد صفاء الله ايسهل امرك يارب وتستلم خبر قبل العيد ان شاء الله اخويه شغلت النيجيري صارت قديمه كولش ومااعتقد الها علاقه بالموضوع بس الشغله بالنصيب اخويه اني سبع سنيني بالاردن وطلعت منها قبل 6 اشهر والحمد لله واكو ناس اقدم مني وبعدهم واكو ناس اجوا ووره سنه طلعوا اخويه كلمن والله اشكاتبله اصبر والتالي ربه عالي بالموفقيه لك يارب تتسهل امورك