ankawa
منتدى الهجرة واللجوء => الهجرة و واللاجئين => الموضوع حرر بواسطة: untr في 18:06 26/08/2010
-
اخواني رجاءا لا تبخلو على اخوانكم الي ما يعرفون شي عن امريكا كل واحد يكتب عن ولايته شنو الزين بيهه وشنو الموزين حتى يستفاد الجميع اخواني لا تبخلون علينه لا تطلع وتكول شعليه خليك انته موقع المسؤليه وساعد اخوانك العراقين الي ما يعرفون شي عن امريكا وشكركم اني
-
بالنسبة لسان دييغو - كاليفورنيا..فالجو معتدل طوال السنة هاي بالنسبة للجو..اسعار الايجارات وشراء العقارات بصورة عامة تكون اغلى من باقي الولايات بسبب اعتبارها ولاية سياحية..الايجارات بسان دييغو تبدي من 400 دولار لسكن مشترك يعني غرفة ضمن بيت عائلة الى 1300 دولار لشقة لغرفتين او تلث غرف نوم بس حسب المنطقة..ب 1700 تاجر بيت مستقل 3 غرف نوم وهم حسب المنطقة وهذا الحد الادنى..بالنسبة للقانون فاكو تساهل بصورة عامة يعني مو مثل اريزونا او بعض الولايات الشرقية اللي بيهة سلطة القانون جدا قوية..اني شخصيا ما شايف غير ولايات بس اسمع من اصدقاء.. بالنسبة لنوعية الحياة والرفاهية فكاليفورنيا رقم 1 بسبب الجو اولا ومناطق الترفيه..شوارع سان دييغو سيئة في بعض المناطق وكثرة اعمال النصب الرسمية من قبل الشركات خصوصا اللي غالبيتهة هيسبانيك بس الواحد يكون حذر لان النصب وين متروح موجود بس النسب تختلف ..باعتقادي الشخص او العائلة اذا تلكي شغل هنا فمستحيل يغادرون الولاية لان الجو اله تاثيره المباشر على شخصيتنا..
بغدادي
-
عاشت ايدك اخويه البغدادي وتمنه من اخوانه الباقين ان يحذون حذوك يا نشمي اخوك علي العكيلي
-
شنو الموضوع بس البغدادي عايش بمريكا والباقين كلهم بعدهم ما مسافرين معقوله اعضاء مشرفين صح النوم
-
موضوع مهم وياريت المتابعة من الاخوان مشكور اخويه العزيز
-
كلش حلو الموضوع وعاشت ايدك
وياريت الاخوة والاخوات يفيدونا
وياريت احد يحجيلي عن تكساس لان هي ولايتي الي راح اسافر الها
-
اني اسكن تكساس هيوستن من 6 اشهر جوها بالصيف تموز واب قاسي بس الي يهون التبريد بالبيت والسيارة والعمل ويكثر في هذه المدينة المكسيكان ويتكلمون الاسبانية الغالبية .....المواد الغذائية والايجارات والاجهزة كلها رخيصة علما ان هذه الولاية لاتفرض ضريبة الولاية على المشتريات من ملابس واجهزة وانما فقط الضريبة الفدرالية الي هي 8 بالمئة وهذا ينعكس على طبيعة الخدمات ولكن تبقى اميركية واعتقد بسبب وجود النفط في هذه الولاية ساعد ذلك الخدمات .... العمل متوفر للي انكليزيته بسيطة ويعرف يستعمل الكومبيوتر فاغلب العراقيين هنا يعملون بشركات التجميع الالكترونية والمكيفات ولوازم المطبغ والراتب بحدود 7.25 الى 8 دولارات للساعة وهي للشخص وشخصين تكفي ولكن للعائلة مستحيل وهنا تتدخل الحكومة بمساعداتها من فود ستامب واحيانا التانف ...........الي ياخذ 8 دولارات بالساعة معناها 1100 صافي بالشهر بعد قطع الضريبة......... وهي لاتكفي عائلة تسكن شقة 2 غرفة وصالة او اكبر فهنا الكهرباء حوالي 200 بالصيف والبانزين.... والاغلبية يشترون سيارات قديمة هنا موديل 2004 فما دون وتكون بحلجة الى تصليح مستمر وخصوصا التصليح غالي من اجرة عمل ومواد احتياطية وكذلك يحتاج الشخص او العائلة الى تلفون او اكثر بحدود 50 دولار بالشهر......وبالتالي فالعائلة الكبيرة تحتاج اكثر من واحد يعمل بس تبقى نقطة مهمة هنا محد يجوع ومحد ينظلم
-
اعتقد ان كاليفورنيا هي الافضل
الجو جميل على مدار السنه
فرص العمل متوفره ولكن ليس بكثره وتحتاج الى متابعه مستمره
اقل اجر هو 8.50 بالساعه
المساعدات اكثر من بقيه الولايات
صحيح الايجارات اغلى من بقيه الولايات بس خلي نحسب الفرق
اني على مدار السنه ادفع 35 الى 50 دولار شهريا للكهرباء والغاز (الطبخ والتدفئه) الاخ من تكساس قال انه يدفع 200 للكهرباء بالصيف (لاجهوه التبريد ) وغير ولايات جاي يدفعون 200 للتدفثه بالشتاء.
صحيح اكو فرق بسيط بالاخير بس الجو يسوه .
البانزين اغلى من بقيه الولايات (تعتبر ثالث اغلى ولايه بالوقود بعد هاواي و الاسكا)
ومثل ما كال الاخ عاشق الوزه هنا محد يجوع ومحد ينظلم.
-
اخي العزيز انا اعيش في كاليفورنيا سانتيغو الكاهون \ اولا افلوسنا بالجو الحلو لايحتاج تدفئه ولا تبريد المعيشه رخيخه بسبب تنافس المحلات العربيه وكثرة العراقين فماكو شيء نشتري بالغالي او سعره الطبيعي الا ايكون في السيل يعني في التنزيل الشغل موجود في اماكن بعيده عن السكن مايقارب النصف ساعه او اقل الملابس رخيصه وكل شخص حسب امكانياته هنا في امريكا ماكو لبس كشخه الكل تلبس البسيط بس العراقين شايلين هم للبس او احنا اول الناس
يعني بالمختصر الي يجي في هل مكان ميحس نفسه بعيد عن العراق لان وين متروح العراقين موجودين والكهاوي العراقيه بس ولايه ابشكل عام هي حلوا ومريحه او متحس بالغربه بيها
الله ايسهل للجميع او يجون او يرتاحون لان الانسان له قيمته هنا في امريكا
-
ماشاء الله اشو عراقين هوايه بكاليفورنيا وحك الي تريد عرف يكفلك بيها منلكه
الله كريم
-
اني اسمع عن اوريكون يكولون حلوة ورخيصة ولو اني راح اروح كاليفورنيا
-
عاشت اديكم اخواني بس يا ريت تفصلونه شكد ينطون ول كم وشكد ينطون جيك وشكد غذاء للبالغ و الطفل يا ريت اخواني ويا ريت اخواني باقي الولايات هم يكتبونه وينكم اهل مشكن و ميزوري و شيكاغو و واشنطن و نيفاده و نيورك و فلوريده والاسكا وغيرها اخواني لا تهمل الموضع تذكر نعمت الله عليك بمساعده اخوانك
-
شكرا اخوي العزيز على هل موضوع
وياريت من الاخوة الباقين يقتدون بيك وكل واحد
يحجينه على المدينة الي هو بيها حتى كل واحد يسافر عندة
معلومات اولية على اي مدينة بامريكا وهاي طبعا تصب في صالح
الجميع .....
مع الشكر الجزيل للاخوان الي شاركو بهذا الموضوع
-
احب اضيف جواب الاخت نخله عن ولايه واشنطن مدينه كينت وهاذا جوابهه مرحبا ...شلونكم اخواني ....ان شاء الله الكل بخير
اخويه اونتر لا تزعل علينا ..واذا عرف السبب بطل العجب ..ترى والله هنا الحياة بس ركض ويادوب تتنفس بالويك ايند ..انا اعرف انا مقصره بس مو بيدي ...عموما هذا الحجي ما يفيد خلي ندخل بالموضوع ...
راح احجيلك عن حالتي لانه انا ماعرف عن تلاخرين ...
انا واختي اجينا يوم 8 شهر السادس الماضي واحنه عدنا كفيل كان اللي خالتي وهنا تجدر الاشاره الى انه احيانا الافضل لك انه ماعندك كفيل حتى المنظمه هي تبتلي بيك ..احنه الكيس ووركر مالتنا حبابه بس بلرده ومعتمده على بيت خالتي ..بس سوتنا الاوراق المهمه مثل السوشيل وموعد التلقيح الاول اللي هو بسياتل وبعدين ظلينا نشوفها بالمناسبات برغم ان كفيلنا اللي خالتي امراه كبيره وعدها بس ابنها عنده سياره والولد مشغول بشغله ...عموما بهذا البلد لاززززم واحد يعتمد على نفسه لاززززم....
مدينه كنت مدينه طبيعتها حلوة بيها لاجئين اشكال والوان وبيها عراقيين هواي ...ما حسيت بخصوصية كنت الا من رحت للتلقيح لسياتل ...لان سياتل رااااائعه وكبيره ومدينه صناعيه وابنيه ...حتى الحجاب هناك قليل باعتبار انا محجبة ..في حين كنت بيها كلش هووااي ناس لابسين حجاب ..مربط الفرس انه كنت مدينه يجيبون بيها الاجئ كبداية حتى لاينصدم ويتعايش بالمجتمع الى ان يقوه عوده شويه وبعدين روح وين متريد تروح ....
اول مااجينا اجتي الكيس ووركر مالتنا انطتنا 40 دولار ..وراحت ..وكالت شفنالكم شقه ..ولانه خالتي تعرف المجمعات القريبه ..قالت هذا المجمع مو زين ...وفعلا رحت شفته كل 12 شقه الها ممر واحد كانو مستشفى والريحه اول ما تفتح الباب لا تتطاق كانه اكو ناس ماادري من يا بلد مدري شنو ياكلون ...وهاي ريحه الاكل مالتهم ..بس انا والله ماهمني الشقه مو حلوه ولذلك مااقتنعت بكلامهم ورحت شفت بنفسي بس من شميت الريجه ماكدرت ...فقلت للكيس ووركر قالت بس مايصير محد راح يقبل اياجرلكم وانتو ماعدكم دخل والمنظمه لازم تضمنكم وتكفلكم ...بعض الاصدقاء كانو يعرفون انه اكو مجمع اخر تتعامل ويا المنظمه وفعلا سئلو وعرفو انه اكو شقه راح تفرغ بعد شهر ...فبقينا هذا الشهر في بيت خالتي الى ان فرغت الشقة وانتقلنا والكيس ووركر اجتي وقع على العقد ككفيل وضامن ...
بالنسبة للبرامج اكو برنامجين ...برنامج اسمه الماج كرانت اللي هو النظمه تكفل الشخص كانه لمده 3 اشهر الى ان تلكيله شغل والثاني برنامج حكومي يسمونه ويل فير ..تبقى المنظمه مسؤؤله تلكيلك شغل بس اعتقد تكون الاولويه للماتج كرانت ...اغلب العوائل اللي جاي الاحظه يخلوهم عالماج كرانت لانه انت حتى لو خلصت الفترة مال الماج كرانت تكدر تقدم بعدين على الولفير لانه مفتوح للكل ...اللي لاحظته انه العوائل اللي عدهم اطفال اكو هواي برامج حكوميه تسندهم لان من رحنا لمقابلة الولفير باعتبار انه احنه مو على الماج كرانت قالت انتم لانه سنكل وماعدكم اطفال البرنامج اللي الكم هو انه نكفلكم مده 8 اشهر فقط ..انطونا كل شهر 359$ وفود ستامب اللي هو كارت الطعام بقيمة 215$ من كنا ساكنين لمده شهر وي خاله بس من اتجولنا لبيتنا وبعثنالهم رساله بتغيير العنوان زيدو الفود ستامب وصار 310$ ومقل ماقلت لحضرتك هاي المساعدات راح تنقطع بعد اقل من تسه اشهر باعتبار انا وصلت قبل شهرين ..وفي حاله حصلت شغل لازم اخبرهم حتى يحسبون دخلي شكد راح يصير واما يللقون المساعدات او يقطعوها ...
اختك لهسه جاي ادور على شغل والباصات دمرتني ...امريكا حلوه بس بالبدايه الحياة تكون بيها صعوبه ...مثل ماواحد يسبح عكس التيار ..وهنا كلهم يشتغلون صغير وكبير ...انا الان في مرحلة البحث عن عمل ...والسيارة كلش مهمه ...لانه الباصات مو عملية اذا كان شغلك يبدي من وقت ...
والله كريم زالموفقية للجميع ان شاء الله ...احويه لا ادوخ كلشي يرادله وقت وبالنهايه كلشي راح يكون زين ...بالمناسبة من البارمج اللي شفتها للعوائل يسموها التانف ماعرف شنو خصائصها بالضبط بس وانا بالكليه اسمع الموظفه تحكي مع واحد تقوله اذا انت عالتانف وعندك اطفال ممكن الويل فير يدفعلك حتى تدرس حتى تحصل سرتفكيت (عادة هاي السيرتفكيت عبارة عن دورات لمده 6 اشهر يعني كوارترين ) بالصيانه او الكهربائيات او مجالات اخرى حتى تحسن فرصك بالحصول على عمل ....
لاتزعل علينا اخويه ..بس والله الناس مشغوولين ...ولو اعرف هاي مو حجه ...
شكرا
نخله عراقيه
كييينت
-
صعب تذكر المبالغ مال المساعدات لان هي مو دائما تصير مضاعفات على عدد الاشخاص فكل عائله وحجمهه ومخصصاتهم وره قناعه الكيس ووركر شكد راح ينطيك لان بعض الاحيان ما ينطون الحد الاعلى . كل شخص يكدر يحجي عن حجم عائلته وشكد يخصصون الهم
الولكم مني صار حاليا 1100 دولار لكل شخص وهاي المنحه فدراليه ما تختلف بين الولايات.
اني سبق وان ذكرت اني اسكن فس كاليفورنيا
العائله الاربع نفرات
الحد الاعلى للكاش هو 828 دولار بالشهر وغالبا يدفعون الحد الاعلى للي بعده ما مشتغل لان الايجارات غاليه.
الحد الاعلى للفود ستامب هو 668 دولار بالشهر وعن قضيتي لمده 6 اشهر كنت استلم 600 بس وقبل شهر غيروا الكيس ووركر مالتي و الجديده رفعتلي الفود ستامب للحد الاعلى 668 دولار اعتبارا من شهر التاسع ان شاء الله.
كاليفورنيا للعائله الي بيهه اطفال ينطوهم مساعدات لمده 60 شهر وهذي عن الكاش اما الفود فيستمر ما دام الانكم ما واصل للحد الاعلى (للاربع نفرات 2395 دولار شهريا ) اذا ما وصل راتب العائله لهذا المبلغ بهاي الحاله تنكطع عنهم المساعدات.
في حاله ان شخص من العائله اشتغل و ما وصل راتبه للحد الاعلى راح يطبقون علهم معادله ويكصون من المساعدات
مثلا واحد اشتغل والراتب مالته 800 دولار
راح تنزل المساعدات الى الكاش 551 دولار والفود الى 499 دولار
بس الكلي زاد لان الراتب 800 والكاش 551 صار الكلي 1351 وهذا احسن من المساعدات فقط.وراح يصيرلك كردت قوي وتعتبر دافع ضرائب ملتزم وهاي كلش تفيد بالمستقبل.
-
اشكرك اخويه على التفصيل الرائع والله يوفقق اخويه
-
اخويني خلي مشاركتم تفيد اخوانه الي ما يعرفون عن امريكا اي شي واني واحد منهم اخواني لا تبخلون علينه بل معلومات اكيد اي كلمه تفيدنه اخواني لا تتعاجزون وكتبونه كلمن على ولايته والزين والموزين
اخوكم علي العكيلي
-
رفع