ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو عزوز القيسي في 02:02 27/08/2010
-
السلام عليكم اخوتي اخوكم اني اريد اسئل على طبيعة المعيشة بتركيا
1 المناطق الرخيصة الي ممكن الواحد يعيش بيهباقل كلفه
2 اكدر اشتغل لحد ما اطلع مناك
3 طريقة تعامل الاتراك وية العراقين زينة
4 شكد تقريبا اطول القضية مناك
5 شنو الاوراق والمستمسكات الي يحتاجوهه مني بليو ان
يحفظكم الله اي واحد يكدر يساعدني بمعلومة لئن مثل متعرفون الغريب اعمى ولو كان بصير
اتمنى تشاركون واني ممنون الكم واتمنالكم التوفيق من كل كلبي تحياتي الكم اخوكم ابو عزوز
-
http://www.ankawa.com/forum/index.php/topic,429920.0.html
-
مرحبأ اخي راح احجيلك عن طبيعة العيش بتركيا وبلتحديد عن محافظة افيون
اني صارلي سنة و9 اشهر بتركيا - بافيون
الايجارات اكو رخيصة واكو غالية حسب الشقة اللي تاجرها اكو ب 200 دولار واكو ب 300 وب 400 يعني حسب الشقة والمنطقة
وحسب اذا بيها تدفئة او لا
بلنسبة للملابس اكو سوق بيه ملابس كلش رخيصة واكو محلات همينة الملابس رخيصة
والخضرة همينة رخيصة والفواكه
بس اللحوم لا شوية غالية
واكو مكتب يعني ميحتاج تروح لانقرة تسجل
من افيون تسجل ويدزولك تاريخ المقابلة الاولى
بلنسبة للشغل هسة حاليا اكو شغل تلكى بس بشرط تعرف شوية لغة
وتكدر تستمر بل شغل مالتك لحد متطلع
الفترة اللي تبقا بيها بتركيا مو محددة هسة اللي ديجون ب 5 اشهر دياخذون اوكي
وبلنسبة لل اوراق والمستمسكات
هوية الاحوال المدنية - شهادة جنسية
شهادة زواج اذا متزوج
بطاقة السكن
بطاقة التموينية
دفتر الخدمة العسكرية اذا خادم عسكرية
واي سؤال اني حاضرة وبلخدمة
-
تسلمين اختي العزيزة اني كلش ممنون ولو ادوخج شوية.
زين انقرة غالية اذا رحت لهناك يعني اصير قريب من اليو ان مو احسن
وبالنسبة للغة تقصدين اللغة التركية يعني اني اتكلم انكليزي
وللاورق يحتاج تكون مترجمة ومصدقة من وزارة الداخلية والخارجية لو عادي اجيبه لاوراقي بدون هل الاجرائات
زين اني كنت اشتغل ضمن كينونة وية الجيش الامريكي ومتعرض لاكثر من محاولة قتل وتهديد تفيدني هاي بالمقابلة لو شنو رأيج اذا امكن ترديلي جواب واذا على الخاص اكون ممنون الج وشكرا الج مرة ثانية تحياتي واتمنالج التوفيق الج ولكل الي مقبلين على السفر حفظكم الله وسهل امركم