السلام عليكم ورحمة الله وبركاتة
اشلونكم اخوان شخباركم اعذروني علة تاخري عليكم وحقكم علية
طبعا بعد تحديد موعد سفري يوم 20 \7\2010 وذهابي الي مطار بغداد الدولي وصار التجمع يم ساحة الوفود اي واحد عندة موعد سفر ينتظر بالساحة ومشاء الله الساحة قبطت كلها اتريد تتطفر المهم وبعد انتظار حوالي نص ساعة اجة موظف من الiom كال جماعة ال iom يخلي يجون يمي كام ايصيح بالاسماء وكل واحدة ينطية ورقة الفحص الطبي الي يسوة قبل موعد السفر بيوم كال هاي الورقة من توصلون العمان انطوها لموظف الiom وكل واحد يستلم الورقة ويصعد بالباص والله صعدنا بالباص وطلع بينة وبعد نقاط التفتيش الدقيق وسرة الدخول علة المطار المهم وصلنا للبوابة المطار وكلمن نزل جنطة وياة بس قبل وصولنا لبوابة المطار سايق الباص كال اخوان كل واحد يلملي خمس تالاف اكرمية ادري اول مرة اشوف اكرامية خمس تالاف غير اكرامية طاكة هاي المهم وبعد دخولنا المطار واجراءت التفتيش الدقيق واجراءت المغادرة ويعد انتظار بقاعة المغادرين حوالي ساعتين وبعدين صعدنة الطائرة علة الخطوط الجوية الملكية الساعة 11 صباحا بتوقيت بغداد طبعا الطيارة من جوة رهيبة علة التقنيات الي بيها غادرنا بغداد الساعة 11\15 بتوقيت بغداد وصلنا مطار الملكة عالية بعمان الساعة 12 ظهرة بتوقيت بغداد وجان اكو موظف باستقبالنا اردني وجان تعاملة ويانة كلش حلوة ومجامل وطبعا وزعنة حقيبة ال iom الي بيها الاوراق المهمة كلها وكال اليلة تباتون افندق لين الوقت اتخر وانتو تعبانين وصدك الوقت اتخر صارت الساعة با5 العصر وكلمنا كل اجراءت الترانزيت وطلعنة من المطار وجان باص ينتظرنة صعدنا الباص وكبل علة الفندق وصلنا الفندق ويانة موظف الiom الاردني كال اخوان بيها مجال اجمعونة اكرامية لسايق الباص هل يطلع منكم هاي احجاية حلوة هل يطلع منكم هااا امو بالعملة العراقية بالدولار يعني دولار دولارين وبعد المبيت لليلة افندق الملكة عالية طبعا الفندق نظيف ومرتب والمطعم نظام البوفية المفتوح وجان الجوة بعمان ايخبل عباللك ربيع وثاني يوم الصبح كعدنا الساعة با 7 وكان التجمع يم الباص ورحنا كبل علي المطار انتظرنة بقاعة المغادرة حوالي اتلاث ساعات والله الساعة 12 الظهر اجتي طيارتنة وكبل من عمان الي نيويورك والرحلة جانت متعبة حيل 12ساعة طيران يعني راسنة صار طبل وصلنا مطار جون كندي الظهر ابيش ساعة مادري لان صارت عندي دوخة من السفر ??? ودخلنا المطار طبعا المطار فدشي موطبيعي اتشوفة بس بالخيال شنو من نظام شنو من ترتيب شنو من نظافة شنو من تقنيات واجهزة حديثة وكملنة الاوارق والاجراءت واستلمنة باج الiom وبعد التفتيش الدقيق واجراءت الدخول والمغادرة وكبل علة طيارة تكساس كانت متجهة الي دلاس علي متن خطوط امريكان ارليناس ومن دلاس الي هيوستن المحطة الاخيرة وصلت هيوستن وجان باستقبالي ولد جزائري من المنظمة الي اني عليها وداني علة الشقة مالتي طبعا الشقة نظيفة ومرتبة وخاليلي اكل مال اسبوع لي كدام
وثاني يوم اجة علية ولد عراقي من المنظمة طبعا الولد حباب وخدوم وشما تتطلب منة شغلة ميقصر المهم كملت اوارق تتقديم السوشيل والفوت استامب والمدكيت وبس بقت هوية العمل الي هسة بعدها وطبعا المجمع الي اني بي يظم جاليات من كافة الجنسيات بس اكثر شي اهنود ومكسيكان وعراقين للاظافة لبقية االجاليات من سودانين وافغان واسبان وغيرها طبعا العراقين ميتحجون ومعاجبهم العجب ولاتصورون اكو عراقي ايحبلك الخير ماحشة الطيبين والخيرين لان اهنا العراقي ومع كل اسف ايريد ياكل حق اخوة العراقي لعد الغريب شيسوي مادري .يعني خاصة اذ يعرفون بيك جاي جديد طبعا اول سوال انتة منين بغداد لو محافظات عود هو صاير لوتي ايريد ايعرف البقة الجغرافية ومن يامنطقة ومن ياعمام ايريدة ايشوفك منين مانين وبعدين ايكللك ياخوي اشجابك لامريكا اشورطك اتكلة ليش ايكلك شغل ماكو والحياة صعبة والعيشة متراد ويظلمها عليك ويكلبها كربلا ......ادري اذ العيشة صعبة ومتراد ارجع البلدك احد جابرك فنصيحة اخوان عوفو العراقين لاتتعرفون عليهم اتعرفو علة هندي سوداني ولا عراقي ومع الاسف ....................... هاي الفلم كلة من البداية للنهاية واي سؤال اني بالخدمة تحياتي الكم
اخوكم اياد البدري
الف مبروك اخي ونتمنى من الله ان يوفقك ويجعل من طريق النور
واما بالنسبة الى كلامك عن العراقيين الي هم يضلمون الدنية على الشخص الجديد هذا واضح لان العراقي مضروب بيه المثل وهو ما يحتاج ان تعرف بيه الاخرين
وتقبل مروري لمتواضع
وديـــــــ العراقي