ankawa
منتدى الهجرة واللجوء => الهجرة و واللاجئين => الموضوع حرر بواسطة: المهندس سيوفي في 12:25 28/08/2010
-
السلام عليكم جميعا
طبعا سؤالي تحديدا راح يكون للاشخاص اللي مقدمين SIV من داخل العراق بس جانوا قبل مسافرين لدولة من الدول --- هل طلبوا منك عدم محكومية من الدول اللي جنتوا بيها ؟ اقصد هل طلبوها بمرحلة NVC او بيوم المقابلة ؟
بالنسبة الي قريت بموقع السفارة اليوم ووجدت انه محدثين الفترة مال البقاء في تلك الدولة --- يعني جانت قبل يمكن 6 اشهر وهسة صايرة سنة !!!
اني بالنسبة الي ورة السقوط جنت مسافر لدولة خليجية وبقيت بيها تقريبا 6 اشهر وبصورة متقطعة --- هل مطلوب مني اجيبلهم عدم محكومية من ذيج الدولة ؟؟ اذا اي فهاي كارثة لان من خلال رابط السفارة دخلت على ذيج الدولة ووجدت انه يصدرون هاي الورقة بس بشرط يكون صاحب الطلب موجود حاليا وفعليا على ارض ذيج الدولة وميصير عن طريق الايميل --- وهاي كارثة بالنسبة الي لان شيطببني هناك بعد وشلون احصلها ؟؟
اخوتي ساعدوني وخصوصا الي نفس حالتي ومسافرين قبل لدول وذاكرين الدول اللي جانوا بيها باستمارة DS157
اتمنى منكم الرد السريع وكلي ثقة انه متقصرون
تحياتي
-
رفع للمساعدة رجاءا
-
السلام عليكم اخوية
اني ممسافر وطلبوا مني عدم محكومية وكملتها ودزيتها الهم وسويتها من بغداد
-
عاشت ايدك اخوية
بس ممكن توضحلي شنو الخطوات والاجراءات ال قمت بيها ؟ وياريت الاخوة اللي مسافين برة العراق سابقا يوضحون هل رادوا منهم هذا المستمسك لو لا ؟
-
اخوية العزيز مهندس سيوفي اولا بس ياريت تكلي وين لكيت البطاقة الشخصية ما اليسا شنو جانت مضيعتها لتكلي اباب الشرجي هههههه اتشاقة وياك اخوية العزيز
نرجع لسالفة عدم المحكومية اخي العزيز اولا انت مامشمول بيها لانك مابقيت بصورة مستمرة ولمدة6 اشهر بهاي الدولة المطلوب عدم محكومية من دولة بقيت بيها لمدة 6 اشهر متواصلة وبدون انقطاع وانا متاكد من هذا الكلام اما عن انه بدلو الطلب وسوه سنة كاملة ومو 6 اشهر فهذا ماعرف بيه -- لانه اني مسافر لعدة دول وباقي بدولة وحدة 6 اشهر متواصلة ولهذا جبتلهم عدم محكومية من هذيج الدولة اما انه اني باقي في دولة اخرى 6 اشهر واكثر ولكن بصورة متقطعة فالجواب نعم وكلتلهم بهذا الشي وشافوه في جوازي وعادي ماك اي مشكلة فلتخاف ولاتفكر ولاتقلق ووتوكل عالله ونشالله موفق وبالنسبة لعدم المحكومية فمثل ماكلت طلبوها مني في مرحلة الان في سي ولكني لم استطع ان اكملها بوقت قصير فاخوك شسوة دزيتلهم كلشي رادوه وبقت فقط عدم المحكومية وكلتلهم من اكملها ادزها فالجماعة ماقصرو مشوة معاملتي ودزولي موعد مقابلة بالسفارة ودزولي ايميل كالولي اخذ وياك عدم المحكومية للسفارة بالمقابلة والحمدالى الله مشت الامور تمام وبالموفقية انشالله
اخوووك ابو محمود
-
ممنون منك اخوية ابو محمود وعاشت ايدك عالرد
بس بالنسبة للمحكومية مال العراق شلون ؟؟ يعني اللي اعرفة حتى لو الشخص مامسافر قبل لاي دولة لازم يطلع وحدة بالنسبة للعراق ؟؟ انت شتكول ؟
-
خبراء الاس اي في --- ليش هيج يمعودين --- مو داانتظر ردودكم
-
اي اخوية سيوفي من العراق تطلعها عادي وما تتأخر 14 يوم وتستلمها الك ولزوجتك.
-
مشكورة اخت سرى عالرد --- بالنسبة الي جنت مسافر لدولة خليجية بس بقيت بيها 5 اشهر وبصورة متقطعة --- هل ضروري ان استخرج عدم محكومية من ذيج الدولة !!!
-
لا ما يحتاج.فقط الدولة اللي بقيت بيها بصورة متواصلة سنة او اكثر.
-
لعد قريت باكثر من موضوع بالمنتدى انه 6 اشهر مو سنة !!
-
العفو متأسفة اقصد 6 اشهر تعذرني اخوية سيف.
-
بالمناسبة سرى --- اني بوكتها سافرت بالجواز الاس وسلمتة بوكتها من استلمت الجي ---- يعني الجماعة اخاف بالمقابلة يريدون اثباتات --- بس اني مجرد ذكرت انه مسافر لهاي الدولة بال DS157 والسنة اللي سافرت بيها !! شتشوفين عادي ؟
-
اسف عالتاخير عليك اخوية سيوفي بالنسبة للعراق جماعة كالوميحتاجوجماعة كالو يحتاج اني بالنسبة الية اكلك يحتاج لانه اذا ماطلبوها منك بمرحلة الان في سي احتمال يطلبوها منك بمقابلة السفارة مثل مصار وياية لان طلبوها مني بالمقابلة واذا متعرف مكانها ابغداد لا تغير مكانها ورة ماضربوها بسيارة مفخخة تغير مكانها وصار بمركز شرطة العلوية بالساحة الي بيها مطعم كرسبي تقدم عليها وانت وحضك هة يكولون تتاخر اسبوعين بس اني تاخرت وياية عشرين يوم وبالنسبة لعدم محكومية من خارج العراق فاني هم بوكتها حالتي جانت نفس حالتك لنه جنت في بلغاريا مقيم اهناك وباقي بيها 9 اشهر بصورة مستمرة وقبل ماارجع للعراق سالت بالمنتدى وهم كالولي سنة وفوق يعني مو 6 اشهر واعتمدت علهذا الكلام وماسويتها ورجعت للعراق وبعدين اكلتها لانه سويت وكالة لشخص اعرفه في بلغاريا وصدقتها من الخارجية وماادراك ماتصديق الخارجية انكتل اليوم كله وبالحر والبهذلة الله لايعود هذيج الايام ودزيتها الى بلغاريا وسويتها مناك يعني خصم الحجي 6 اشهر متواصلة وليست سنة وانا متاكد من هذا الكلام ونشالله بالتوفيق اخي العزيز
اخوووكم ابو محمود
-
بالمناسبة كانت دائما اكو مناقشة بيني وبين احد الاخوان اني اكول 6 اشهر وهو يكول سنة.عالعموم هي 6 اشهر.
اخوية سيف شنو تقصد بالاثبات؟ يعني شي يثبت انك بقيت اقل من 6 اشهر؟
-
اخوية كوكا اشكرك عالرد
بالنسبة لسالفة عدم المحكومية من العراق سهلة ---- بس بالنسبة مال غير دولة شلون --- اني بقيت بذيج الدولة 5 اشهر وبصورة متقطعة بس شلون اثبتلهم هذا الشي اذ طلبوا اثبات ؟ لان بوكتها سافرت بالجواز الاس وسلمتة لهذا الجواز من استلمت الجديد الجي ؟
انتظر ردودكم
-
بالمناسبة كانت دائما اكو مناقشة بيني وبين احد الاخوان اني اكول 6 اشهر وهو يكول سنة.عالعموم هي 6 اشهر.
اخوية سيف شنو تقصد بالاثبات؟ يعني شي يثبت انك بقيت اقل من 6 اشهر؟
اي بالضبط سرى ؟ اني اتكلم عن لسانهم اذا كالوا شنو اليثبت ؟
-
اخوية سيف اكتبلهم التواريخ بيا تاريخ دخلت وبيا تاريخ طلعت ما اتصور بعد يطلبون منك اثبات ما دام انت مبين دتحجي الحقيقة بس راح يسألوك عن السبب مال الزيارة لتلك الدولة فقط لاغير.
-
اخوية سيف اكتبلهم التواريخ بيا تاريخ دخلت وبيا تاريخ طلعت ما اتصور بعد يطلبون منك اثبات ما دام انت مبين دتحجي الحقيقة بس راح يسألوك عن السبب مال الزيارة لتلك الدولة فقط لاغير.
سرى --- وين اكتبلهم هاي التواريخ --- هي بس بال DS157 كاتبين بس السنة ال دخلت بيها وكتبت --- يعني مكاتبين من والى مثل بقية الحقول
-
انت معناها كاتبها كذا مرة مو صحيح؟ يعني مثلا انت دخلت سنة 2009 بشهر الثالث وطلعت وبعدين هم دخلت بشهر الخامس من نفس السنة اوكي؟ معناها انت كاتب بالدي اس 157 نفس السنة فد مرتين على الاقل يعني تكون واضحة الهم انه انت ما بقيت فترة مستمرة بذيج الدولة.
وهو يسألك بالمقابلة ليش سافرت لفلان دولة؟ وبيا سنة؟ وانت راح توضحله لاتشيل هم.
-
السلام عليكم
شباب فد مداخله بسيطه اني هسه بمصر ومقدم على iom من 2008 ومنتظر بس الامنيه بس مطلبو مني عدم محكوميه وصارلي بمصر تقريبا 5 سنوات
السؤال هل برنامج siv فقط مشمول بالمحكوميه ؟
وبرنامج الiom غير مشمول بالمحكوميه ان كانت من العراق او الدوله المقيم بيها ؟
ارجو التوضيح وشكرا
ان مع العسر يسرا
robin - cairo
-
اي اخوية روبن فقط الSIV يريدون عدم محكومية.
-
سرى ---- مفتهمت قصدج --- بال DS157 كاتبين فقرة وحدة بس شنو الدول اللي زرتها خلال اخر عشر سنوات وبيا سنة ؟ اني كتبت هيج دولة وبفلان سنة وبسسسسسسسسس
يعني ماكتبت بوكتها من هلكد لهلكد وماذكرت هذا الشي بغير مكان لان مامطلوب بغير استمارات او بال I360 مثلا ؟؟
-
اي هاي هي بس بالمقابلة راح يسألك احتمال شكد بقيت بيها وهاي هي.بس احنا مثلا اكو دولة مرتين زرناها مرة ببداية السنة ومرة بالصيف فكتبناها بوقتها مرتين مثلا
JORDAN MARCH 2007
JORDAN JUNE 2007
فبالمقابلة سألنا على الاثنين وشنو كان سبب السفرة هذا اللي صار ويانا.
-
تسلمين اخت سرى على الجواب والله يطمن قبلج دائما وابدا
ان مع العسر يسرا
robin - cairo
-
اكثر الردود جاية تخبط بين عدم محكومة العراق وبين عدم محكومة الدولة الي مسافرلهه اكثر من 6 اشهر بصورة متواصلة , آني الي اعرفه يردون , بس مو من كل الدول , اكو موقع اسمه الستيت دبارتمنت تخلي بيه اسم الدولة وتطلع المعلومات إذا يردون منهه لو لا , وعلى كل
آني جنت بالسويد سنتين وقبل ما ارجع ولد نصحني كال سوي عدم محكومة قبل ماترجع
لكن للآن ماوصلت للمرحلة الي يطلبون بيهه عدم المحكومة , آني حغلس , بس إذا طلبوهه انطيهه وإذا صارت عندي معلومات عود اكتب بالموضوع.
-
اني مااعتقد مطلوبة بالنسبة للي مقدم من بغداد فقط يريدون عدم محكومية من العراق يعني هسة اني مثلا رايح الى مصر ولبنان وسوريا والاردن وكل وحدة عابر بيها السنة ((متغرب 9سنوات تقريبا))معقولة راح اروح افتر على هالدول كلها واجيب عدم محكومية منها؟؟؟؟؟؟؟؟؟ ثم من سنة الفين وفوق اني ذاكر لبنان بالاستمارة دي اس 157 شنو راح يدزوني الى لبنان لو للسفارة اللبنانية علمود عدم المحكومية ؟؟؟لان هاي شغلة كلش عاوية وتعبانة
زين اذا واحد جان فعلا محكوم بأحدى هذه البلدان هل هذا الشيء راح يتسبب برفضه؟؟؟
-
اخواني آسف عالمقاطعة , اني راح اروح لتركيا , هم لازم اسوي عدم محكومية لو لا ؟؟ اتمنى من الاخوان اللي بتركيا يساعدوني ؟
و الله يوفق الجميع ...
-
اذا أكو واحد من القدماء ياريت يفهمنا شنو موضوع العدم محكومية وخاصة اللي سافروا فترة طويلة خارج العراق
-
UP
-
اخواني واخواتي اريد اضيفلكم فدمعلومة زوجتي واطفالي بقوة فترة في مصر اكثر من سنة وهذا كان مثبت في جوازاتهم ولانه اني ماعندي احد في مصر علمود يسوليلي العدم محكومية مناك فاني غلست وماذكرتلهم هذا الشي وقدمت الجوازات بالمقابلة والحمدالى الله لو مانتبهو عليها لو شافوها وهمة هم غلسو المهم ماسالوني عليها نهائيا والله يوفق الجميع
اخووكم ابو محمود
-
زين اني مسافر الى سوريا لمدة اكثر من ستة اشهر بقليل بجواز اس
وهسة عندي جواز جي ايصير اغلس لو لا
ارجو الاجابة