ankawa
منتدى الهجرة واللجوء => الهجرة و واللاجئين => الموضوع حرر بواسطة: سيف العباسي في 21:41 28/08/2010
-
شبابا اريد اسال سوال احنه من انقابل بل يو ان شلون ايتم التحديد الدوله الي انريد اروحله يعني منو يختار همه احنه ؟
وشغله الثانيه اليو ان تصرف رواتب للمقدمين على اليون ان لو لا؟ ارجو الاجابه شباب الي يعرف خلي ايفيدني
وشكرن مقدما الكم شباب ما اتقصرون
سيف العباسي
-
حبي بالنسبه للدوله اليو ان هيه تختار بس تسالك انت منو عندك اقارب بره تعدد الدول
هيه تدرس الملف وتشوف الدوله المناسبه الك وتحولك عليها
بالنسبه للرواتب اي اليو ان تطي حسب حاجه الشخص لكن تكطع الراتب على كلام الناس
يعني مثل اني اضوج منك اروح احرك عليك يكطعون الراتب وهاي صارت ويه هوايه نااااااس
واكو ناس تاخذ رواتب مال ناس لو راجعه للعراق لو رايحه لسوريا لو سافرو لدوله ثاني مو عن طريق اليو ان
اعرف احد يطلعله بالشهر من اليو ان قريب ال 400 دينار بالشهر
وعده 3 سيارات
-
السلام عليكم
وتعقيبا على كلام ابو شهاب كل الي كاله صح وفعلا هيه الامم المتحده الي اتحددلك دوله اللجوء
وشغله الفلوس لاتحجي بيها ولا اتعب نفسك شغله بكيف المنظمه يعني اكو ناس بمصر عدهم ماشاءالله امكان الشقه ثلاثه ورب العالمين فاتحها بوجهم واشوفهم واكفين سره علمود دياخذون هل الكم جنيه الي هيه المفروض اتروح للفقره او الي حالتهم تعبانه
بس شنكول غير الله الحمدلله على كل حال واي حال
ان مع العسر يسرا
robin - cairo
-
احمد عباس و روبن هووووووووود
هههههههههههه ليش مستغربين
العراقيين اساتذة بهيج شغلات يعتبروها فهلووووووووووووة
والله اعرف واحد بالعراق عدهم مجمع محلات
ويلزم سرا ع هاي مال عطالة بطالة هههههههههههه
شايفين هيج نفسياااااااااااااااااات؟؟؟؟؟
-
يعني شباب شنو للنفر الواحد اشكد ينطون وشتو ترتيب الراتب هم معامله واحد ايقدم وشنو تعتمدعلى حاجه الشخص ؟وشنو مال واحد يحرك الثاني جا اليون ان تعتمد على حجي الناس غير هي تتاكد بنفسه لو شلون ؟
ارجو التوضيح شباب
سيف العباسي
-
اخي سيف السلام عليكم
بالنسبه لتحديد الولايه اي ولايه عندك فيها كفيل درجه اولى ومرات حتى لو صديق يحولونك عليه
بالنسبه للراتب بالun هذا يصرف للعاجز عن العمل يعني عنده اصابه لا سامح الله تمنعه من العمل او للنساء وعدهم اطفال وما عدهم معيل
اما الحصه فاول ما تستلم ورقة الحمايه راح يحولونك على ىالحصه ومو شرط مرات بشهر يطلع اسمك او اكثر
ومن تستلم ورقة الحمايه تسجل بالهلال الاحمر علمود علاجكم جميعا وحتى لا سامح الله العمليات الكبرى يحولوك الى مستشفى خاص وهم يدفعون 80 بالمئه
مع تحياتي
نسيت اكلك انه صاحب الورقه او صاحب العوق لا سامح الله ينطوه 7000 ليره وباقي العائله 500 ليره لكل نفر هذا الي اني سامع بيه
-
شكرن جزيلا يابه على الرد بس انت وين جاي تحجي بل اردن لو بسوريا قصدك حبي هذا الحجي وين في اي دوله؟ ارجو التوضيح شكرن الك ارجو الرد
سيف العباسي
-
عجبتني شكــــرن مالتك.
1- ماكو انته تختار هذا كان قبل هسه بس نريدهه تطلع شماتصير
سواء اميركا او كندا او استراليا او باوربا اي شي لازم توافق عليه والا راح تتأخر
شغلتك هوايه واحتمال تنلاص لان المتقدمين هوايه عشرات الالاف او مئات الالاف
ميكدرون يمشون حسب الطلب اخي اي شي متوفر عدهم راح يبلغوك
وحاليا ممتوفر عدهم غير اميركا.
اما الولاية هاي في اميركا طبعا تگدر تشوفلك قريب او صديق يكفلك
وتروح لنفس ولايته بنسبة 95%
2- المساعدات الشباب ماقصروا وشرحولك الموضوع ولو اني ماعندي اطلاع على
هذا الموضوع لكن اسمع من بعض الاصدقاء ان الموضوع شائك وبالحظ
وطبعا اكو الكثير من اصحاب النفوس الضعيفة يشاغبون على الناس بـ UN حتى يقطعون عنهم المساعدة
......
عيني اخ سيف انته اذا ناوي تجي وتقدم لتتأخر بعد اكثر لان يومية دتتعقد شغلة التوطين وتصير اصعب
فكلما تستعجل كلما احســــن
وهذه نصيحة وانته بكيفك تريد تاخذ بيهه لو تريد تعوفهه.
-
اخويه العزيز سيف العباسي
اني من سوريا
تحياتي
-
شبابا اريد اسال سوال احنه من انقابل بل يو ان شلون ايتم التحديد الدوله الي انريد اروحله يعني منو يختار همه احنه ؟
وشغله الثانيه اليو ان تصرف رواتب للمقدمين على اليون ان لو لا؟ ارجو الاجابه شباب الي يعرف خلي ايفيدني
وشكرن مقدما الكم شباب ما اتقصرون
سيف العباسي
اخي العزيز اغلب الحالات الامم تعتمد على اقرباء الك وعلى ضوئه تحدد الدوله الي تروحلها ولكن هذا لايعني انت عندك اقرباء باستراليا وقصتك ماكانت قويه او مقنعه يودوك لاستراليا لا بهالحاله هما الي يختارو الدوله وحسب قصتك وعلى الاغلب امريكا
اما من ناحيه المساعدات فتختلف من دوله الى اخره وياحبذا لو تذكر الدوله الي تريد تروحلها حتى نساعدك اكثر
-
يعني شباب شنو للنفر الواحد اشكد ينطون وشتو ترتيب الراتب هم معامله واحد ايقدم وشنو تعتمدعلى حاجه الشخص ؟وشنو مال واحد يحرك الثاني جا اليون ان تعتمد على حجي الناس غير هي تتاكد بنفسه لو شلون ؟
ارجو التوضيح شباب
سيف العباسي
ماكو محد يعرف شكد يطون للنفر كل واحد شكل
والتقديم تروح على اليو ان كلهم الباحثه الاجتماعيه شوكت نكدر نقابلها وتروح تقابلها هاي هسه قبل جانو لا كل الاجئين يطوهم راتب بعدين كامو يكطعون عليهم لازم تروح تقابل الباحثه والناس تستحي من بعض يكلك جاي علمود الراتب والمساعدات وهمين ممضمون الباحثه توافق على المساعدات لو لا