ankawa
منتدى الهجرة واللجوء => الهجرة و واللاجئين => الموضوع حرر بواسطة: salam83a في 13:43 30/08/2010
-
السلام عليكم
طبعا اليوم اجانة الرفض جميعا وشفت اكثر من حالة بالمنتدى والاصدقاء ومع الاسف هيج الناس خدمتهم ويعوفوهم
طبعا احب اشكر جميع الاخوه والاخوات على مواقفهم الطيبة والنبيلة وابارك لللي سافروا والي راح يسافرون ويعز علي وداعكم ووداع المنتدى الي صار فيس بوك بالنسبة الي واني كلش ممتن الكم لان اتعرفت بهواية اصدقاء وناس طيبين واحب اذكر اكثر شخص صار صديقي وانشاء الله نروح للشمال اني وياه نغير جو بالعيد اخوية وصديقي سيوفي طبعا الكل اخوه واصدقاء والقائمة تطول واتمنالكم السفر والاستقرار وشكرا لكم ايها الاحبة اتمنى لكم التوفيق مع تحياتي لكم والى ادارة المنتدى العزيز والاخت انجي وجميع الاخوة والاخوات العزيزات واخص اعضاء جمعيتنة الطيبين
اخوكم سلام
-
ابكيتني سلومي ---- انت بالفعل اخ وصديق عزيز واتشرفت بمعرفتك وجان كل املي انه نتلاكة هناك لكن هاهية الخيرة فيما اختاره الله -----
تحياتي وادعو من الله انه محد يمر باللي مرينة بيه واتمنالكم كل الخير
-
والله ما اعرف شاكلكم انتة و سيوفي بصراحة عبالك واحد ضربنة بسجينة لمن قريت الخبر من الصبح والله الشاهد انمرد قلبي ..انتوا اخوان اعزاء علينة ويعز علينة ما انشوفكم واني اعتقد لو تقدمون استئناف حتة اتسوون الي عليكم و الباقي على الله وانشاء الله مينساكم ولا حول ولا قوة الا بالله
-
السلام عليكم
لا هاي ممرجية منك سلومي
تتذكر من انرفض اخونة العامري 2 شلون انت كنت اول واحد قدمتلة يد العون
وفهمتة شلون يستأنف
لاتيأس من رحمة ربك وكلشي بالقسمة انصحك تستأنف ان شاء الله يصير خير
اكيد انت وسيوفي هسة تعبانين من الموقف بس من تهدأون شوية وتفكرون زين راح تشوفون انه هذا حقكم وابد لاتتنازلون عنة
وقدموا الاستاناف او حولوا على الاس اي في وربي يقدم مابيه الخير
تحياتي الك سلومي وقلبي معكم
-
شنو السالفة ؟؟؟ فهمونا
-
اجانا رفض اخوية اني وسلام
-
والله يا خويه ولو الشغله مو سهله بس نرجع و نكول الخيرة فيما اختاره الله... ان شاء الله يفرجه عليك وعلى سيوفي من باب ثاني او حتى من نفس الباب بلكي اذا قدمت استئناف .
بس ممكن اتبين سبب الرفض؟
اتمنالكم الخير
-
[/sizeيا ربي اجاكم رفض شباب الله يعينكم ويعوضكم بغيرهه يله اخوتي الله موجود وميسد باب اله يفتح واحد غيره وتكرهون شيئا وهوة خيرا لكم اني صحيح ما اعرف احد هنا بس احس انو كل الي بل منتدى اخوتي ويعانون نفس معاناتي لذلك اتعاطف وية كل واحد ميحضل مبتغاه اتمنالكم التوفيق بحياتكم وادعولنه الله يسهل امرنا تحياتي الك اخوكم ابو عزوز
-
والله سيوفي ماتستاهل والله هي هاي واحد يخدمهم و يتهدد من وره الشغل وياهم وبل احير مايقدرون هذا الشي :'( :'( :'(
اكيد سبب الرفض تافه مو هيه هاي سوالفهم
-
مع الاسف والله
والله ماتستاهلوووووووون اخ سلام وسيوفيييييييييييي
اتمنالكم كل الخير والموفقية
-
لاحول لله اذا تسمحولي اني نفس الحاله اجاني رفض وجتني الكابة وردت انسحب مثلكم بس الخيرين بالمنتدى انجي وغيرها كالولي لاتستسلم وكول ياالله وقدم استئناف واني اكلكم نفس الشي كولو يالله وقدمة استئناف (ان بعد العسر يسر ) وانتو صبرتو اصبرو عالواهس ويانا . وان شاء الله خير
-
لاااااا مستحيييييل
اخ سيف واخ سلام والله كولش انقهرت شنو هالخبر ؟؟؟؟؟؟؟
وشنو سالفه الرفض هالايام
لاتستسلمون اخي قدمو استأناف والله كريم
والله ما اعرف شكول
تعذروني
-
سلام
لا يئاس مع الحياة
قدموا استئناف انته وسيوفي
كتلكم صديق اخويه انرفض وقدم استئناف وهسه صارله جم يوم واصل امريكا
فقدموا ولتئيسون فدوه
جورجيا
-
اخواني سيف وسلام
انتو دائما تشجعونة من نوكع وتشدون من ازرنا فليش هسة تريدون تعوفون كلشي
انتو صبرتو هواية ولازم تواصلون الطريق عبر تقديم الاستئناف والله يسهل
-
اخوان استانفو اللة كريم انا كرايبي اجا رفض استانف و هسة قابل محلفين هم مرة ثانية و امورة زينة اتفائل بالخير تجدو و بالمناسبة شنو سبب الرفض اخوان
-
الله كريم
-
هارد لاك اخوتنا(سلام وسيوفي) .. نتمنى ان ما تقطعون الامل ، صحيح الموضوع محبط جدا" لكن لا ياس مع الحياة وما اضيق العيش لولا فسحة الامل...ربي يفرج عنكم ويكتب اللي بيه الخير للجميع...ونتمنى ان تتواصلون ويانه وما تقطعون ابد.
-
لالالالالالالالالا سلام كولش والله مو خوش خبر منك ومن سيوفي ليش هيج
يعني صدكوني اخواني خليتو الوضع كئيب بهل خبر هذا
لا تيأسون وسوو استئناف واستفادو من تجارب الاخوان الي رفضوهم قبل
مو هسه بعد شويه اول غيرو جو علمود ترجعون بهمه وتسون استئناف
وبدون ما تتأملون الكثير انتو بس عيدو طلب الهجره وتركوها على الله القادر على كل شيئ
هي وحدها تصير الشغله بدون متفكرون بالموضوع
ويارب الله يسعدكم ويفرحكم بالايام الجايه
تحياتي اختكم مينا
-
سيوفي دزيتلك رسالة على الخاص :'(
-
لا والله كولش مو خوش خبر لكن شنريد نكول غير الخير فيما اختاره الله وانشاء الله
تقدمون استئناف وتنقبلون يارب الله يوفقكم واتمنالكم كل الخير يارب
-
اخي العزيز ...قل لن يصيببنا الا ماكتب الله لنا...والخير فيما يختار الله لنا اخي انا مثل حالتك وحصلت على رفض نهائي وعرفت ان الله سبحانه وتعالى لم يقسم لنا الهجرة ومريت بفترة قصيرة كابة لكن الحمد لله الان انا مرتاح جدا ونسيت الموضوع الى الابد
-
والله مو خوش خبر هذا
لاحول ولاقوة الا بالله والله ضجت كلش اني من شفت هذا الخبر
بس اخواني اني مع الاخوان قدموا استئناف وانشاء الله ربكم يسهلها
تحياتي الكم ياطيبين
-
الاخوة الاعزاء الاخ وسوفي والاخ سلام ارجو ان لا تياسوا وحاول تقديم الاستئناف باضافة بسيط اي معلومات او اثباتات وانشاءلله بالمحاولة الثانية يكتبلكم القبول اهم شي هي المحاولة وعدم الياس ربي يوفقكم يارب
-
السلام عليكم
اخويه سلام اذا اصابتك مصيبه كول ان لله وانا اليه راجعون وهسه اشوف والله تنحل اكبر مشكله استئنف اخويه وان شاءالله رب العاليمن ينفخ بصورتك ويقبلون الاستئناف
ان مع العسر يسرا
robin - cairo
-
اخي سلام
ايعز علينا تنقلنا هيجي خبر
والله جنا نتمنى نكدر انساعدك باي شي
وياريت اتقدم استئناف عسى ايكون بيها فائده
وان شاء الله متعوف المنتدى ولا نستغني عن اخوانا الاعزاء
وياربي ايسهلك طريقك سواء كان هنا او بامريكا
-
الاخ سوفي والاخ سلام
انتم من اجاكم الرفض كالو الاسباب لو لا ؟
وعليه تكدرون تضيفون اي نقوصات في هذه الاسباب وهذا من حقك لان ممعقولة اي واحد يكدر يلخص حياته اوسيرته في جلسة واحدة.
وتوكلو على الله
-
حبيبي صلي عالنبي شنو القصة
لا تيأس ولو اني متاكد انت بس ضايج شوية وكلها كم يوم وتصير احسن ومن حقك والله
بس احسن شي قدم استئناف وبيها الخير الك ولاخونة سيف
وداعتك اني من يصير عندي شي ويخربط بالبداية اتفائل دائما
اتوكل عى الله وغير جو وصفي ذهنك وابدي بالاستئناف وهسه تشوف شلون السنة الجاية بمثل هذا اليوم انت هناك
واتذكر كلامي
موفق حبيبي وتحياتي لك
-
اخى اتوكل على الله وقدم استئناف واكثر الحالات الى انرفضت اجاها قبول بعد ماقدمو استئناف...........................فاتوكل على الله
-
والله مو سهله علينه نسمع خبر رفض واحد غريب فكيف الحال اذا كان اخ من اخوتنه بالمنتدى
عمي قدموا استئناف والله كريم واحنه راح نساعدكم بالدعاء و هو خير وسيله .
-
عيني سيوفي وسلام مثل مكالو الاخوة قدموا استئناف بس لاتيئسون من رحمة الله لان رحمة الله جبير وواسعة وانشالله اللي تريدوا يصير يااااارب