ankawa
منتدى الهجرة واللجوء => الهجرة و واللاجئين => الموضوع حرر بواسطة: دايخ بن دايخ في 20:24 30/08/2010
-
اخواتي اخواني .. أهلي وكرايبي :
أخوكم دايخ بن دايخ من جماعة قيد الدراسة ، وصارلي 6 شهور من استلمت المغلف الأكشر . وهسه آني دايخ وفي طريقي لأن أصير دايح بلا أمل خصوصا بعد ما قريت عن حالات قيد الدراسة بهذا المنتدى الموقر . يعني أكو ناس صارلها سنين قيد الدراسة ولحد اليوم ما انفرجت عليهم .
سؤالي الله يخليكم : أكو احد بيكم أو من معارفكم كان قيد الدراسة و انفرجت عليه هاي الأيام ؟ . أريد أعرف بلكي الصبر على بلاوي المحلفين والأي أو أم يجيب نتيجة . الرجاء الرجاء لا تبخلون بالأجوبة دخيلكم .
أخوكم دايخ بن دايخ
-
يمعودين وينكم .. أهل النخوه .... فد كلمه .. ولو كلمه وحده : إي .. لو لا ؟ كلمه وحده تريح كلبي ؟ إي لو لا ؟ .. فهموني حتى اندل دربي .
-
السلام عليكم
اخويه دايخ اني ظليت دايخ مثلك لمده سنه ووراها اجه الفرج دكووول ياالله وهيه تصفه اشويه صبر وظليت دايخ لحد هسه بالامنيه
ان مع العسر يسرا
robin - cairo
-
الله يسهلك وتسمع اخبار حلوة هل ايام الجايه
-
اني انصحك بالباراسيتول ينفع بيهج حالات ;D
-
اخي صاحب الموضوع السلام عليكم
طبعا اني اخوك قيد الدراسه من شهر 9 يعني تقريبا سنه بس هذا مو يعني انته حصير مثلي او مثل غيري
اني اعرف ناس طلعت بشرين 3و4و5و6و7 يعني مو قياس فتوكل عله الله ولاتفكر وانشاء الله تجي عن قريب
طبعا اكو حمله لارسال رساله الى الرئيس الامريكي سترسل هذه الايام للملفات المتاخره وطبعا اني مشارك بيه
وبعظ الاخوه فراي بان تشارك في الموضوع
اخوك قيد الدراسه الى الابد
-
زين اخوية تكدر تكولنة انت من وين مقدم؟؟وشنو سبب الرفض؟؟؟وهل فعل السبب حقيقي...لو مجرد رفض غير مقنع بالنسبة الك؟؟؟والمحلف شون جان ويا بالمقابلة؟
تحياتي
-
كول ياالله ولاتدوخ هسه تصفى اكمش سره والله كريم
-
أخي dr1985 :
السلام عليك
آني بعمان ومو مرفوض إنما قيد الدراسة . النتيجة استلمتها بشهر 3 وكان مأشر بيها عالمربع الأول مثلي مثل المقبولين لكن الفرق أنني قيد الدراسة ، أي بإنتظار موافقة المحلف من عدمها .
شكرا لمرورك
تحياتي
-
اخويا العزيز - كول يالله والشغلة هاي ينرادلها صبر ومثل ما كال الله سبحانه ( ان مع العسر يسرا ان مع العسر يسرا ) ونشاء الله تفرج ع الكل بدون استثناء .
-
هاي هم بعمان هيج صاير ترى بلبنان هم اجه لاقرار عليه صحيح يطول بس ينقبل و اجرائاته الباقيه تصير سريعه متحس نفسك اله انت بامريكا بس اصبر شوية وكول يالله
-
الأخوة الأكارم :
Robin Hood .. شكرا لك وأنشاالله تطلع أمنيتك وتسافر وتخلص من الضيم والقهر وأوجاع الإنتظار .. آمين .
storm2000 : آني كامش سره وأعتقد كدامي خط بطول خط الإستواء .. الله كريم .. إحترامي لك .
قيد الدراسة الى الابد : آني متابع معاناتك من خلال رسائلك هنا ، الله يفرجها عليك وعالجميع .. تحياتي
kunda : إذا هي واكفه عالباراسيتول هاي سهله .. آني متعود أكرزها مثل الحَب يوميه .. شكرا جزيلا
mms : الله يسمع منك وينطيك على كد نيتك الطيبه .. تحياتي