هلو شباب وصبايا
هاي تحشيشه خفيفة قبل الفطور
بعيوني صفت دنياي سوده
والباجه بطبختها تريد صوده
ولد طكيته طلع يلعب سوده وكراتيه سويه بيه
بيه سكر وكت اشرب دايت
ولهدومي ردت باكيت دايت
خاف القوة تطفتى جبت دايت عالشحن يسويها نهار
عنيد وبعد اكل للروح عندي
ومامحتاج شي اليوم عندي
شلون شفت بالسينما فلم عندي مال اميتاب
كمت ما اعرف جمعتي من خميسي
وبعد ما انخى ايتو من خميسي
عتني شلون عته من خميسي كطع كل الدكم
اخوكم هم اخذ رايه واشيره
خاطر ينطبك شيرك وشيره
امريكا تعتبر رايش وزيره هاي الي ماعاجبتكم
ابشرك للزراعه اليوم طبري
ويروحي بقامتج ع الراس طبري
صرت طوبه اليوم ولكفني نور طبري ب90 وطلعني
شربت هواي وهوايه معسل
وعساك بمرض هالحصبه معسل
صار اسبوع محله معسل شنو عدهم فاتحه
مثل الطير احوم عليك وافتر
وراسي من دواره داخ وافتر
ابني بالمدرسه ويريد وفتر ابو ال60
اخبرك من حياتي بقن صطران
ويلا يا اقلام العمر صطران
اجه يتمشى ويطوطح طلع صطران ما ادي منو مشربه
وانشاء الله تعجبكم
هاي تواصلا مع اخوية ضيوعي
يا ابو حمود شايك گوم هيله
وعلى هذا الحچي هاليوم هينه
شعرك لو طول فد يوم (هينه) حفـــر.
....
عرفت الگال والگايل مبايــگ
وشعره من الزمن صدگ مبايگ
تدري اني وشعندي (مبايگ) طابوگــــه.