ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: مسافر ودربي بعيد في 15:40 01/09/2010
-
وصلت لامريكا والحمد لله بعد سفر طويل عبر القارات من اسيا الى اوربا ثم الى امريكا والحمد لله خلصت وبدت المواعيد الي عبالي خلصت طلع هم وراية وراية مواعيد من الصبح وبعدين راح تبدي دوام المدرسة ولازم اداوم يومية خمسة ايام بالاسبوع
مطر برد ثلج مالهم علاقة لازم اداوم لان اذا مداوم يكطعون عنك الفود استامب وتروح بالباصات وترجع بالباصات بس يلة هاي هي
الي يريد الحلو يصبر على مرة .............. نصيحة للمسافرين الجدد الي عندة كفيل او اقارب يسكن قريب منهم يشتري وياه مودم لاسلكي ضرووووووووووووووووووووووري وكيبل usb طويل حتى يكدر يمدة من الشباك ويفتح النت لان متكدر تشترك بالنت الا بعد ما اطلع السوشيل سكيورتي وتشتري شورتات اذا بالصيف او جو الولاية حلو لان كلهم شورتات واطلع يعني لاجينز ولا هم يحزنون ...... وبعد ما اعرف شكتب ان شاء الله عن قريب اشرحلكم التفاصيل لان اني مجطل من صديقي وكاعد برة الشقة يلى ااكدر اسحب ......بس خصم الحجي السيارة ايدك ورجلك بامريكا بس كلهم عدهم سيارات والكل تشتري من توصل بس بعد السوشيل سيكيوتي الغضب وبعد ما اطلع اجازة سوق يعني ورة 3 اشهر اقل شي او كثر ....... مسافر ودربي صدك بعيد
-
:) الحمدلله على السلامة اخي
الله يووفقك ان شاء الله كلها تصير سوالف و تتعود على المكان و الوضع و كل حياتك تتحسن.. اهم شي بديت
-
حمدا لله على سلامة وصولك حبيب
-
مبروك الوصول و صير سبع من تنجح راح نشتريلك بايسكل ابو 3 جروخ ;D .... حبي يا رب تستقر و تشوف كل الخير
-
حمدالله على سلامه اخويه بس فد سوال رحمه لااهلك ??? ??? ???
يا ولايه انته ??? لاان عجبتني شغلة شورتات بل صيف ;D ;D ;D ;D ;D ;D
-
الحمد لله على السلامة وبالتوفيق انشاء الله
-
الاخ مسافر ودربي بعيد
الف الف الف مبروك عله سلامة الوصول وانشاء الله تتحقق كل الاماني
-
مبروك اخي..وبعد لازم تغير اسمك من مسافر ودربي بعيد...الى(مسافر ودربي جريب) ، همزين فرحتنا بعد هالرحلة المضنية اللي مريت بيها ..بس يا ريت تذكرلنا يا ولاية انت بيها حتى نستفيد، موفق اخي الكريم وانشاءالله نسمع عنك كل الخير وتوصلنا اخبارك الحلوة الحافلة بالنجاح الباهر اللي راح يرفع اسم العراق عالي في بلاد المهجر..صدكني هو هذا النصر..ان تعكس صورة مشرقة عن العراقي الحبوب الطيب الغيور الشهم الشجاع الناجح الذكي الطموح النشط ....بالتوفيق اخي ...وشايف كل الخير...وادعو الله ان يمن عليك بالراحة والامن والطمانينة انت وكل اخوتنا العراقيين الي وصلوا واللي راح يوصلون بأذن الله قريبا".
-
الحمدلله على سلامتك وبالتوفيق ان شاءالله دير بالك على الدروس اكلك المعلمين هم يشيلون مسطره ??? ??? ??? ;D ;D ;D ;D
-
الف مبروك يامسافر ودربك بعيد بس لازم تغير اسمك لان بعد ماكو سفر اكعد و اسكت وتعلم انكليزي زين
وانشاءالله تلكي الشغلة الي تناسبك ولو العراقيين معلمين على التعب والبهدلة بس الحمدلله على كل حال
وبالموفقية
-
الف مبروك بالموفقية
-
الف حمدلله على سلامتك اخي مسافر
وياربي ان شاء الله تصير عندك سياره ويقرب الدرب عليك ;D
وكل شي بدايته صعبه وان شاء الله الجايات اسهل
وبالتوفيق
-
الف الف الحمد لله على السلامة وان شاء الله بالتوفيق
-
بالتوفيق ان شاءالله
-
السلام عليكم
الف الف الحمدلله على سلامتك اخويه وان شاءالله بالموفقيه وتحقيق كل الاحلام وربي يفتح بوجهك كل ابواب رزقه ونسئلك الدعاء
ان مع العسر يسرا
robin - cairo
-
الف الف الحمدلله على سلامتك اخويه وان شاءالله بالموفقيه وتحقيق الاماني
-
الحمد لله على السلامه وان شاء الله الموفقه والسعاده يا رب
بس يا ريت اخويه تذكرنه انته بي ولايه وشنو الي شفته وسمعته عن ولايتك المساعدات العمل الجو وغيرها
اخوك علي العكيلي
-
الحمد لله على السلامة وبالتوفيق
-
مشكور كل الشكر للعراقيين الشرفاء والاخوان بعينكاوه والله انتو نعم الاصدقاء والاخوان والنصحاء واني فرحان بكل واحد باركلي
وان شاء الله ابارك للكل ان شاء الله اني بولاية كنتاكي والجو حار مثل عمان الي جنت بيها بس عدي لان بالبيت تبريد مركزي
المساعدات زينة والبيت مؤثث مستعمل بس نظيف عرض مطبخ كامل وخاصة للاطفال ماكو شي محاليه ادوخ من الملاعيب و من هاي السوالف يعتي مو مثل حجي الدورة التثقيفية واني خلوني على برنامج الماجك راند واني الحمد لله لغتي الانكليزية زينة يعني امشي نفسي مالكيت اس مكشلة قوية باللغة وباجر عندي امتحان لغة انكليزية بالمدرسة وان شاء الله اكتبلكم اكثر من اشد انترنت
-
مبروك اخونا العزيز ويارب موفق ان شاء الله.
-
نورت ارض الوطن بوصولك يا ورد وانشالله التوفيق والنجاح بكل خطوه
تحياتي
ابوبشير
-
[color=navy]السلام عليكم
بالموفقيه وانشاء الله الاستقرار في بلدك الثاني......
ابو ماجد [/color][/i]
-
الحمد لله على السلامة اخوية
وان شاء الله تكون ولاية الخير عليك
تحياتي
ياسر
-
الحمد لله على االسلامة اخي العزيز
وان شاء الله يوفقك ربي
اخوك الناسك
-
مبروك سلامة الوصول وبالتوفيق ان شالله
-
الله يسلمكم اخواني وخواتي روحم الله والديكم ويم ان شاء الله الي يريد يسافر يسافر والي ميريد الله يوفقه ان شاء الله
تحياتي الكم
-
الف مبروك حياتك الجديدة وحمد الله على سلامة الوصول مبروك اخوية مبروك
-
الف الف مبروك بتحقيق حلمك وانشاء الله اتمنى لك الموفقيه والنجاح
وما اوصيك وليدي صير حباب ... واشتغل زين ..هههههه
بالتوفيق يارب الك والنا احنا من بعدك (الي ما مسافرين)