ankawa
منتدى الهجرة واللجوء => الهجرة و واللاجئين => الموضوع حرر بواسطة: comander في 11:16 02/09/2010
-
السلام عليكم اخواني واخواتي الاعزاء في هذا المنتدى...
اني من المتابعين الدائميين لهذا المنتدى لكني اليوم اتشرف بالتسجيل لغرض طرح مشكلتي ومعاااااناتي واتمنى منكم المساعده في ابداء ارائكم,
اني من الذين قدموا على برنامج الــ IOM وانهيت الفحص الطبي والمقابلات وكانت اخر مقابلة لي في الشهر الثامن مقابلة محلفين... لحد الان الامور حلوووه بس المشكلة الي مدوختني ??? لان مااعرف شأسوي...... اني ااااااااحب بنيه واريدها للزواج وبنفس الوقت اريد اسافر ومااخسرها يعني مااريد اسافر واعوفها.... ومااعرف شأسوي
ممكن اكو طريقة تساعدوني بيها واكدر اتزوجها واسافر او طريقة ثانية. والله نفسيتي كلللللللش تعبانه
اني اشكركم مرة ثانية واتمنى الكي الحل من خلالكم
-
لو السفر لو البنية وحدة من الاثنين واني افضل السفر لان هاي فرصة ما تتعوض بس البنية تتعوض واذا اتريد سافر وبعدين شوف شسوي لم شمل او من هاي السوالف...شوف اخي اني ترة مدا اتشاقة وياك لمن دا اكلك السفر اهم من البنية وبعدين راح تعرف ليش
-
خويه اذا الابنيه اتحبك و تريدك لا تخسره.... امشي بشغلة السفر و اخطبه بهاي الفتره...من توصل اهناك وتاخذ الكرين كارد سوي معاملة واسحبه .خلي اتطول الشغله ميخالف..لو حته يجوز اكو طرق اسرع قبل لا تاخذ الكريم كارد.
لا تسافر و تخسره لان بعدين راح ترجع علموده اذا انت تحبه ... و تخسر الاثنين و اتضيع المشيتين.
-
اخي نصيحه مني انه تستمر بموضوع سفرك والبنيه اخطبها هل لفتره والله يسهل امورك ان شاء الله من اتسافر سوي لم شمل
والبي خير يصير
لا اله الا انت سبحانك اني كنت من الظالمين ..
-
لا استاذي لا تخطب و تورط نفسك لان احتمال مراح تكدر تسحبهة اذا سافرت او احتمال اتطول شغلة لم الشمل سنوات وبعدين هم البنية تنكسر قسمتهة و هم انتة راح اتكوم كلساع اتفكر ترجع والله شنو لان البنية خطية ...اطفر هناك واذا شفت نفسك تكدر تسحبهة خير على خير واذا ما كدرت لو ترجعلهة للعراق وتتزوج وبذلك تكون جنيت على مستقبلك لو تنساها وتعيش حياتك بامريكا و هناك راح اتشوف هواية بنات والله يسهلهة الك
-
اني مع رأي الأخ geb لا ترتبط وانت بعد متدري على يا كاع واكف.. روح ورتب امورك و بعدين فكر بالارتباط.. واذا تريد توكف على رجليك و تصير.. لا تمشي ورا كلبك.
-
اخوي العزيز انته ليش دايخ
؟؟؟
نصيحتي الك انته بعدك ممسافر
انته اترووح تتزوج وقبلها تتصل بال اي او ام كوللهم اني رح اتزوج اريد تأجلون الشغله مالتي شويه لان اريد اضيفها وهمه رح يردولك جواب
ورح يكلولك اوكي من اتكمل كل اوراقك
رح انته اتدزلنه ياها
عقد الزواج الجنسيه يعني من هالاوراق الرسميه
ومن بعدها يضيفون اسمها وياك بالكيس لان هيه رح اتكون زوجتك يعني القرابه من الدرجى الاولى اخويه
ومن بعدها يسوون عليها تجييك امني ومن بعدها رح اتصير وياك بالسفر حته لو سفرتك تيجي قبلها لتدير بال رح هيه وراها اقل من شهرين 3 رح اتكون يمك اخويه العزيز وانته ليش دايخ متكلي لان اعرف هوايه ناس سووها ابعمان وبسوريا انته هسه الك مجال واتمنه انو تقره الرد مالي باقرب وقت حته اتبلش بالاوراق مالتها
او للضروره اذا مقبلو بالاضافه مالتها كلش عادي اتسويلها كيس جديد واتسويلها اضافه ثانويه يعني هيه رح تمشي بالمعامله مالتها وبهالاموور اتكون هيه صاحبة الشأن لان بكل الاحوال هيه زوجتك شرعا وبالقانون العراقي ورح اتكون بهالحاله صلة القرابه من الدرجى الاولى ;D فكر بيها زين والعبها صح واخذ من نصيحتي مرح تخسر
تحياتي الك وانشالله الي اتحبها اتكون الك اخويه بس سوي الي كلتلك عليه
اخوك سلفر كالفورينيا
-
هم خوش حجي مال الاخ سلفر
بس امبين على اخونة ما يكدر يتزوج هسة متشوفة ديدور طفرة من العراق والا لو يكدر جان اصلا ما حب راسا يتزوج و يعيش بالعراق العظيم
-
هههههههههههههه
الله يكون بعونك والله دنشوف اشكال مشاكل بهالزمن
والله الشباب انطوك خوش مقترحات عاد انته اختارلك واحد.
-
اخي العزيز اذا انت صدك تحب البنيه اتزوجها وبعدين من توصل سوي اوراقها حتى تسحبها يمك ماعندك غير حل اتفق ويه البنيه على هذا الشي وهي اذا تحبك صدك راح تنتظرك حتى لو تتاخر معامله السحب
-
شكراً احبتي على دعمك الي وابداء ارائكم النيره.... واخص كل من أرمينا وشيري روم و Miss Violet و geb وSilver و عمر عراقي وملك بابل..
بس حبيت ابين الكم اني رايدها للبنيه وهيه رايدتني بس الي مأخرني ومخليني محتار اكو بعض الاصدقاء ينصحوني ان اسافر ومن اوصل بسلامه اتخذ قراري واكو رأي اخر بأن اتزوج واقدم اوراقها بس سؤالي اكو احد الاخوه او الاخوات مرو بهيجي تجربة او وصل لامريكا بخير وسلامة وحده او مع زوجته شنوا صار وياهم يعني الشخص يروح وحده احسن او كعائلة افضل,
واسف اذا اطلت بكلامي بس اكيد انتوا عاذريني
اتمنى اقرأ المزيد من الردود والمقترحات وياريت اسمع اصحاب التجربة.
-
الاخ العزيز كومندر؟؟؟
والله اخي هيه حيره شغلتك ولايمكن المقارنه بين القلب والعقل... ولكن يجب ان يكون للعقل ارجحيه باتخاذ القرار
ودع القلب.. بغرم بما يشاء... يعني حياتك اولئ وان تستقر في بلد امن اهم من كل شي وبعدين كمل نصفك الثاني ؟؟؟ اني رائي هاذه
الله يجعل الخير الك
-
شكرأ اخي العزيز ابو ارا على مشاركتك والله حيررررره بس الي داشوفه من كلامك وكلام الاحبة الي نوروني بكتاباتهم اشوف الاغلبيه تحثني على ان اسافر وهناك اقرر.
-
عيني اسمعوا رأيي
هناك احتمالين لهذه القصة والاحتمال الاول هو هل انت حبيت البنية قبل التقديم لااي او ام لو بعده ؟؟؟؟
اذا قبل التقديم فهذا معناه انت ماتحبها من كل قلبك والاكان اتزوجتها وقدمتلها وياك كزوجتك او كان ضفتها في المراحل الاولى للتقديم ...
الاحتمال الثاني ان تكون حبيتها بعد التقديم لان مثل مانعرف انه الشغلة تحتاج وقت على الاقل سنة وانت بهالسنة ممكن اتكون تعرفت على هالبنية وحبيتها... هنا لازم تفكر بالاثنين عقلك وقلبك معا شلون اني اكولك ....
خليها بمكانك يعني خلي نكول هي اللي طالعتلها امريكا وراح اتسافر وتعرفت عليك قبل سفرها بفترة فحكم عقلك هل من الممكن ان هي تعوف السفر لخاطر عيونك ومن كثر محبتها الك؟؟؟؟اذا لا فعوفها احسنلك لان الماتضحيلي مااضحيلها والماتحبني مااحبها لان حب من طرف واحد فاااااشل .
بس اذا كنت متأكد علم اليقين انه هي تضحي وتحبك وتعوف امريكا لخاطرك ولخاطر حبها الك ,,لاوالله انصحك بالاقتران بها وبسرعة
(وتقدر بعدين تشوفلكم طريقة للتواجد سوية في امريكا)) ها شنو رأيك بتحليلي؟؟؟؟؟؟
-
اخي خلي انطيك المفيد انت ليش دايخ؟؟؟؟؟
اخطب البنية وسافر وهي تقدم عال اي او ام على الكيس مالتك بعد ان تاخذ الكرين كارد وجيتهة مضمونة ترا ميرادلهة حيرة...واكو ايضا غير طرق تجيبهة بيهة..بس هاي اسرع طريقة يعني باقل من 8 اشهر هي يمك ورا متقدم عال اي او ام
الطريقة الثانية تكدر تسيولهة لم شمل عن طريق الكرين كارد...يعني تروح للعراق او سوريا تكطع مهر او توكل احد يكطعلك مهر وتقدملهة على كرين كارد من داخل امريكا وهاي تطول سنة ونص وصديقي سواها
واكو طيقة ثالثة وهاي سريعة جدا بس غير مضمونة...انه انت من توصل امريكا هي تقدم على دراسة توفل يعني تطلع فيزا دراسية عادية وهناك انت تمشي بمعاملتهة
وغيرهة وغيرهة هواية طرق...اخي روح سافر بس اخطب البنية قبلهة حتى تحجزهة..البنية مكدور على سحبهة...بس السفر هو الصعب الي لازم تضمنة
-
حبي تريد مصلحتك ومصلحتها ؟
سافر وحصل كرين كارت وبعدين ارجع اخطب
اذا تحبها فكر بمستقبلها ومستقبلها بامريكا
بعد عمر طويل بس الي يحب لازم يفكر بحبيبته او بمرته زييين ويفكر ياسامح الله لو راح من الدنيه هيه منو الها
بالعراق ؟ تتاذه بامريكا ممكن تشتغل او اكو دوله اساعدها
لذالك انصحك تضل متواصل وياها والي دسوي الها والك لمصلحتكم
-
متتصورون شكد افرح من اشوف دعمكم الي وتواصلك بابداء ارائكم وتجارب اشخاص مروا بنفس تجربتي
بس حبيت اكول لاخوية العزيز kunda اني حبيت البنية بعد ان قدمت وقابلت والي يخليني متعلق بيها اكثر البنية عافت اهلها الي تركوا العراق وسافروا لدولة مجاورة قبل فترة من بداية علاقتنا لاجل ان تبقى قريبة منى,
اما كلامك اخي Dr اثلج صدري بس ممكن تنطيني طريقة وتكون مجرب الي مثلاً ممكن اني اسافر وهي تقدم بعدي؟ الفتره شكد؟؟؟ اني متابع وانتظر ردودك وردو كل الاحبة,
اخوية الغالي احمد عباس اي اريد مصلحتي ومصلحتها بس بأقصر وقت يعني شغلة الكرين كارت طويلة سنة وشهرين يله احصل على كرين كارت وبعدها سنه يله تكدر تجيني ومتعرف بهاي السنتين وكم شهر شيصير بالعراق, عموماً اني اشكرك ونورتني بمرورك.
شكراً للجميع
-
للرفع
-
ممكن احد الاصدقاء الي مر بهيجي حالة يساعدني بفكرته ??? او الاشخاص الي بامريكا اكيد يعرفون الامور اكثر اتمنى ينوروني بكتاباتهم
-
اخي رح ادزلك مسج عالخاص اليوم
تحياتي
-
اخوية انت ليش ما تتقدم للبنية وتعقدون وتسافرون سوية ما دامك واصل مرحلة بالتقديم؟
-
شكراً دكتورنا العزيز على تواصلك واهتمامك لقضيتي انتظر رسالتك عالخاص.
نورتي الموضوع بكتابتج اختي سرى اني اريد شخص ينطيني خبر مؤكد بأن يصير اقدم اوراقها بعد ان اخطبها وهي تكمل الاجراءات بعدي.
-
مو بس خطوبة لازم عقد.
-
اقصد اتمام كل الاجراءات القانونية الي تثبت هاي البنية زوجتي قانوناً, واني اسافر وهي تجي بعدي لو يكلولي لازم تبقون وتكمل المقابلات وتطلعون سوا. ???
-
اذا تريد رأيي تطلعون سوة احسن لان من تطلع وحدك وهي تبقى هنا راح تبقى بقلق.وانت القرار الاول والاخير الك اخوية العزيز وربي يوفقكم.
-
شكراً جزيلاً اخت سرى على كل ردودج الجميله.
زين ممكن سؤال اخير ولو اني ضوجتج .... حسب معرفتج شكد ممكن نتأخر اذا قدمت اوراقها ويايه مع العلم اني كملت مقابلة المحلف بداية الثامن.؟
-
نصيحتي اليك ان تتزوج قبل ان تاتي ------------
مع التحيات
-
هاي والله ما اعرف بيه اخوية العزيز اترك المجال لاهل الخبرة.
-
شكراً اختي سرى .... وانتظر رد من اهل الخبره.