ankawa

منتدى الهجرة واللجوء => الهجرة و واللاجئين => الموضوع حرر بواسطة: ساحر بغداد في 04:15 03/09/2010

العنوان: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ساحر بغداد في 04:15 03/09/2010
السلام عليكم ورحمة الله وبركاته

اريد النصيحة من المارين بالتجربة. واصحاب المعلومات المقيدة.

اخواني انا مقدم اي او ام من بغداد وقابلت مقابله اولى بشهر السابع 2010  وبعد اسبوع وبنفس الشهر قابلت مقابلة ثانية وبعد عشرين يوم تقريبآ بشهر الثامن فحصت قحص طبي اول وثاني وخلصت. وليس هذا المهم بموضوعي ولكن اردت التوضيح.
انا عندما قدمت للأي أو ام قدمت كل اوراقي ومن ضمنها الجواز وهو فئةS‏ وهذا جوازي رسمي وسافرت به الى دول كثيرة وفي احدى السفرات وهي تحديدآ بعد اختطافي قررت ان اضيف زوجتي على جوازي ولكن بصورة غير رسمية يعني تزوير لأن الشغله ماينرادلهة شي فقط صورة الزوجة وختم وتنظاف وأكيد هذه الخطوة مااجتي من الهوا ولكن لصعوبة ضرفي فعلت هذا.
بالتأكيد كما ذكرت جوازي رسمي ولكن وجود زوجتي في جوازي غير رسمي وانا قمت بتقديمه للأي او ام. وقدمت صفحة زوجتي المزورة ايضآ.

اسألتي لكم ياأخواني هي..

1‏ هل سوف يتحققون من جوازي في فترتي الحالية التي انتظر فيها موافقة المحلف والأمنية.
2‏ انا قمت قبل ايام قليلة بأستصدار جوازات جديدة لي ولزوجتي من فئةA‏ واريد ابلاغهم بأصداري لجوازات جديده وارفاقها مع ملفي.
هل اذا ارسلت الجوازات الجديدة سوف يهملون الجواز القديم.
3‏ متى يحتاجون جوازات سفرنا؟ هل يعطونا الفيزا على ضوء معلومات الأستنساخ الموجود عندهم ام سيستدعونا لأعطائهم الجوازات.
4‏ لقد اصدرت لزوجتي شهادة جنسية لأنها لم تكن تمتلك شهادة جنسية واصدرت لي ولزوجتي جناسي لأننا كنا في جناسينا اعزب وباكر وسبب تغيير الجناسي هو لأصدار الجواز لزوجتي وقد صدر والحمد لله لي ولها بأربعة ايام. ولاتستغربو على المدة التي صدرت بها جوازاتنا لأني دفعت بمعاملات الجوازات بالتي هي احسن وانتو افهمو.
هل ارسل الشهادة الجنسية والجناسي الجديدة مع الجوازات ام ارسل للمنظمة الجوازات فقط ام لاأرسل شيئ.

اسف لكثرة الأسئلة وارجو الأجابة عليها لاخوكم لأني بأشد الحاجة الماسة لمعرفة ماذكرت..

ملاحظة::-
ان ماأخفيته على الأي او ام هو عدم ذكري بأن جواز زوجتي تزوير او بصورة اصح لم اذكر بأني قمت بأضافة زوجتي معي تزوير علمآ اني ضفت زوجتي معي وسافرت الى سوريا ولم يلاحظ احد التزوير ابدآ.
اتمنى ان المنظمة لاتلاحظ ذالك الى ان ارسل جوازي وجواز زوجتي الرسمي لأن مايقلقني بهذا الموضوع ان المحلف سألنا هل زورتم وثائق رسمية وقلت كلا فلا اريد التناقض بهذه المسألة.

انتظر منكم الأشارة لأقوم بأرسال جوازاتنا ومستمسكاتنا الجديدة لل أي او ام.

وشكرآ لكم
اسأل الله العظيم رب العرش العظيم ان يلهمنا ويلهمكم الصبر وان يفرج علينا وعليكم ويفرح كل منتظري السفر.
اااااامممممممين

اخوكم
ساحر بغداد
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: angie-dawood في 21:16 03/09/2010
اخي ساحر بغداد ارجو منك عدم الزعل والعتب على اي عضو هنا لانه الكل ما يقصر بالرد من يعرفون الرد اني من الناس دخلت لموضوعك بس معرفت اجاوب لانه هاي الشغلات مال جوازات وغير الامور الاخرى الي بدوائرة العراق او دول الجوار ماعندي علم بيهم فماكو داعي للزعل اذا ما احد جاوب على موضوعك نفس اليوم او نفس الحظة انتظر يوم اخر بلكن  اكو عضو يعرف الجواب ويجاوب على سؤالك ..  المهم اخي ارجو من ما تاخذ الامور بحساسية زايدة وكلنا هنا اخوة واحد يسند الثاني سوى بالردود او باي مساعدة حتى لو كانت خارج المنتدى
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: متفائل جداً في 21:43 03/09/2010
السلام عليكم


حبيبي الغالي اول شيء انت من طلعت جواز a الك وزوجتك لزم تبلغ الاي او ام حتى يصدروك الفيزا على الجوزات الجديدة

ثاني شيء لا تهتم مادام عبرت من المحلف فا هاي هيه هو اكثر شيء التدقيق يصير بل محاكم الجنائية في العراق يعني ما لهم علاقة بجوزك  عرقتهم انو انت محكوم او غير محكوم

ولا اضوج اذا الاخوان مجاوبوك
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: aspire في 21:44 03/09/2010
الخ ساحر بغداد

بس حبيت اكلك بانو الجوازات راح تطلع بيهة من العراق للاردن فقط ومحد مراح يسالك عن الجواز بعد ما تطلع من الاردن لان راح توصل امريكا باوراق اي او ام ودا احجيلك عن تجربة شخصية .
بالنسبة للجواز S فمراح تكدر تستعملة لان الاردن ميعترفون بي حسب ما اعرف فالاحسن انو ادز الجوازات الجديدة للمنظمة لانك بكل الاحوال راح تستعمل الجواز الجديد A .

اتمنا انو تستفاد من الرد واذا احد من الاعضاء الى اي رائي ثاني فاتمنى انو يشاركونة بي حتة يصير عندك فكرة وتطلع على تجارب اكثر .

العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: Iraqi Christopher في 21:45 03/09/2010
اخي العزيز ساحر بغداد، مثل ما تفضلت الاخت انجي معظم الاعضاء دخلو وانا احدهم ولم اجاوبك لاني مقدم من خارج العراق، اما اذا تريد جواب وحسب اجراءات عمان (للاستئناس) فاليك الردود:

1- اذا ما تم اخذ بصماتك تبدأ اجراءات التحقيق الامني.
2- لا تهمل بل تضاف الجوازات الجديدة للتحقيق الامني.
3- يحتاجون الاصلي في اخر مرحلة قبل السفر، طبعا يتم اعتماد الاوارق التي قدمتها وقامو باستنساخها على افتراض انه اوراق صحيحة وقانونية وصورة طبق الاصل من النسخ الاصلية (اذا ما ظهر عكس ذلك فليس بصالحك ابدا ،وتتحمل العواقب).
4- ارسل كل اي نسخة جديدة سواء جواز او جنسيات او شهادات جنسية، ولا تذكر موضوع التزوير لانه ليس في صالحك.

هذا الذي اعرفة بالنسبة لعمان والله اعلم.
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: huseind في 21:48 03/09/2010
 السلام عليكم اخي العزيز انت دز جوازاتك الجديده والجناسي الجديده وحدث المعلومات بالملف مالتك وان شاء الله محد يسالك
على القديم واذا سالوك كول من طلعت الجواز الجديد اخذو القديم وبعد لجيب سيره الاحد والله يوفق الجميع
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: um reem في 21:53 03/09/2010
اخويه ساحر بغداد الافضل الك تكللهم ع الجوازات الجديده لان شغلتها مضبوطه اولا وحتى تخلص من جواز s والي اعرفه انو همه ميهمهم الجواز مو ذات اهميه بالتسبه الهم وان شاء الله الله يسهلها وتمشي امورك على خير مايرام
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ريم عبد في 22:59 03/09/2010
اخي ساحر بغداد
اول شغله اتسويها ترسل ايميل للمنظمه اتبلغهم باصدارك جوازات جديده لان جواز ال اس ميمشي بالعراق
ثاني شي اتسوي سكان للجوازات الجديده والجناسي الجديده كلها وادزلهميا واتبلغهم بسبب التعديل
بهاي الحاله راح تهمل المستمسكات القديمه وتعتمد الجديده فقط تاشيرات السفر  في الجواز القديم تنقل للملف
بعدين انت ماعندك اي اجراء اتسوي لاخفاء التزوير القديم
ومالك الا ان تنتضر
وجوابنا مراح ايفيدك باي شي
لو سائلنا قبل متقدم الجواز القديم جان نصحناك بعدم تقديم الجواز القديم لحين اصدار الجديد
وخصوصا انت عندك امكانيه تصدره ب4 ايام
ان شاء الله ايكون جوابي وافي
واذا عندك اي استفسار احنا حاضرين انجاوبك
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: Mory في 23:35 03/09/2010
اخي العزيز
ولو جوابي يجوز يزعل هواية ناس او هواية ناس يجوز ما رح ترضة علة هالجواب

اخي اذا كنت مستعمل بالكيس مالتك بالمنظمة نفس الايمل الظاهر امام اسمك بالبروفايل مال منتدى فاحب اكلك اكيد المنظمة صار عدهة خبر هسة.
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: koka75 في 23:51 03/09/2010
 
  اخوية العزيز ترة السالفة ميرادلها روحة للقاضي اذا وانا اكلك اذا لكفو التزوير وهوة من المستحيلات يلكفوه لان انت طلعت بيه من العراق ومحد انتبه عليه يعني قصدي التزوير باي وثيقة كانت ولاي دولة اكثر واحد ممكن يلكف التزوير هية الدولة نفسها الي صدرت منها هاي الوثيقة يعني جواز عراقي وطلعت بيه من العراق ومنلكف فماعتقد همة راح يلكفوه المهم اذا لكفوه فعادي اخوية كول انت نطيت فلوس لواحد يشتغل بلجوازات علمود يضيف مرك وياك بالجواز وهوة الي سواها تزوير وانت لم تكن تعرف بذلك وخلص يعني انت بريئ من تهمة التزوير وارجو ان تكون فهمتني  بالتوفيق اخي الكريم
   اخوووكم ابو محمود
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: عراقي كرادي في 00:46 04/09/2010
اخوي اني هم نفس حالتك جان عندي جواز مو اس وانما ان ومن رحت اضيف زوجتي واولادي بالجواز وداعتك خلو بس الصور وكتبوا بس الاسم الاولي ودخلت بي لعمان وسوريا وسولي مشكله بسوريا لانه زوجتي ضايفين بس الاسم الاول ولاختم ولاتوقيع مع العلم ان ضفتهم بدائرة الجوازات, وانت قدم المستمسكات الجديده مابيه شي بالعكس يمكن احسلك, بس المهم لاتذكر مسئله التزوير لانه اذا ذكرته راح الفايل مالتك كله يلغي وصيرعندك عدم مصداقيه وكلشي يروح, اما اذا انت خايف لايعرفون التزوير ماحد راح يعرف, لانه همه من سووا الجواز اس لاجان عدهم كومبيوتر ولابيانات ولاابد ولهذا كل الدول رافضته لانه يعرفون اصلا انه سهل التزوير ومامعترف بي. 
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ^Miss Violet ^ في 10:19 04/09/2010
up
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: emigrant2 في 12:28 04/09/2010
شوف اخويا ساحر بغداد

انت لازم ادز نسخة من جوازاتكم الجديدة واي مستجدات تحدث معاك بالمستقبل لانها راح تكون من ضمن الفايل مالتك ومن الله التوفيق
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ابو طيبة في 16:07 04/09/2010
السلام عليكم
احب ابرد كلبك اول شي الجواز الا S مابي حاسبه لئن اصلن همه ميعترفون  يردون من فئة A
ثاني شي هم ميحتاجون الجوازات فقط من يحددو موعد سفر> ابن عمي اتصلو بي المظمه قالو تم تحديدسفرك فقط ارسل الجوازات  سكنر  و انشاء الله خير لاتقلق  اخي  ساحر بغداد لا تزعل اخي شغلتك محد مسويه المفروض مدز الجوازات تقول لهم ممطلع جوازات  و انشاء الله  تمشي قظيتك ولا تفكر بيها


اخوك ابو طيبه
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ابو روز في 16:32 04/09/2010
الاخ العزيز ساحر بغداد
اشلون ساحر اومتكدر اتخلص نفسك هههههههههه دا اتشاقا لا تزعل هه
ما دام طلعت جوازات جديدة او جناسي جديدة لا تفكر بيها اهوايا دز رسالة للمنظمة او انطيهم خبر انه اصدرت جوازات او جناسي جديدة او هذا اتاج للمعلومات الجديدة او حتى لو اتاخر الكيس مالتك مو مشكلة لانه سفرك مو اي دولة الحكومة الامريكية اذا ما دققت اوراقك اهنا زين راح ايصير عندك اشكال اهناك محتمل او اعتقد انتا كلت عندك جواز s او هذا معناه انتا اخذت حاليا جواز G او جي يعتبر دولي او اذا اي سوال اجاك عاى بعث اوراق جديدة كول مجرد ردت استخرج جواز منفصل للزوجة
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ساحر بغداد في 19:40 04/09/2010
السلام عليكم ورحمة الله وبركاته
شكرآ لكل من ساهم برأيه ونصح وكل من رفع موضوعي لأجل الفائدة.

والله هسة صارت عندي فكرة جيدة بخصوص جوازاتنا وطبعآ احب اذكر انه اني طلعت جوازات A‏ المقروء الاكترونيآ احدث شي.

باقي عندي استفسارين جزاكم الله خير
1 هل اترجم الجناسي الجديدة وارسل النسخ العربية والمترجمة مع الجوازات. لأن اني ارسلت القديمات عربي ومترجم قانوني.

2‏ انا قد انهيت 47 يوم منذ تاريخ مقابلتنا مع المحلف وبعدني ماأرسلت لهم ايميل لمعرفة نتيجة المحلف.
هل اكدر اسألهم بنتيجة المحلف بنفس الأيميل الي راح ابعث بي المستمسكاب الجديدة..

ولكم فائق الشكر والتقدير لما قدمتموه من معلومات مهمة جدآ جدآ بالنسبة لي.
الله يوفقكم ويحفظكم ويديم الجميع لفعل الخير.

اخوكم
ساحر بغداد
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: megalove في 21:54 04/09/2010
أخي العزيز ساحر بغداد
برنامج ال آي او ام لا يشترط ترجمة لأي وثيقة للمتقدم على البرنامج وهذا عادة يكون مهمة المنظمة المروجة للطلبات--- ولكن في نفس الوقت من الافضل ان تترجم الجناسي و شهادات الجناسي و عقد الزواج و تعطيها المفروض في المقابلة الاولى وهذا الذي حدث معي اما الآن وانت اكملت كل المقابلات لا اعتقد ان هناك فائدة من ذالك --- لأني رأيت المحلف معي يعطي كل وثيقة الى المترجم و يتأكد من معلوماتها ان كانت مطابقة للبايوغرافي الذي ارسلته او بدء الطلب

نعم تكدر تسأل عن اخر تحديث على ملفك عندما ترسل الوثائق الجديدة--- بالنسبة الي اخبروني ان استفسر عن نتيجة المحلف بعد مضي شهرين على المقابلة و ان شاء الله بعد 7-9  راح اكمل شهرين و ارسل هذا الايميل

لا تشيل هم الجواز  S لان اصلا ما اله اي قاعدة بيانات يعتمدونها بالبحث -- ولا تنسى تره صدر ورة الاس جواز  جي  و  اي   الي صادرات على بيانات معممة حتى على السفارات العراقية بالدول

المهندس  megalove
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ريم عبد في 22:08 04/09/2010
اخي الساحر
المستمسكات الجديده كلها ادزها يالايميل بدون داعي للترجمه
وبنفس الايميل ستفسر عن سبب عدم ارسال جواب المحلفين وينتهي الموضوع
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ساحر بغداد في 00:58 05/09/2010
الأخ المهندس والأخت ريم وباقي اخواني المشاركين بالموضوع اشكركم من كل كل قلبي على كل حرف كتبته ايديكم و مر بموضوعي.

احب ان انوه على شيئ مهم وهو:
اني عندما قدمت على الأي او ام كنت قد ارسلت اوراقي كلها بالعربي يعني اسكنر وارسلتهن.
طبعآ اني ارسلتهن الصبح وهم اتصلو بي في نفس اليوم العصر وكالولي يجب ان تترجم كل مستمسكاتك انكليزي وترجع تبعثهن بأسرع وقت على ان يكون عنوان الأيميل اسمك الثلاثي بالأنكليزي...
لهذا اني سألتكم اذا كان يجب علي ترجمة مستمسكاتي الجديدة او لا.؟

فأحسن شي بما انهو اني خلصت مقابلاتي والفحص الطبي وباقي على نتيجة المحلف. راح ارسل مستمسكاتي كلها عربي وجوازاتنا وياهن واذا همة رادو اترجمهن فأكيد راح يخابروني مثلما خابروني اول مرة..
 الله يسهل علية وعليكم ويوفقنا وينهي كل معاناتنا و انشالله كلنا نطلع وتصير سوالف اااااااااااممممممين يارب العالمين.

اخوكم
ساحر بغداد
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: انور جورج في 01:14 05/09/2010
اخي ساحر بغداد لاتمهتم امورك سهله ان شا الله  اخي العزيز الحكلي اني اريد اطلع جواز لبنتي ومدادبره انا بامريكا واهلي بالعراق ومن  يراجعون الجوازات اهلي يكولولهم لازم ولي الامر وانا لااستطيع العودة ارجوك ان تساعدني بطريقه استخرج جواز  لابنتي باسرع وقت لان مقابلتهم هذا الشهر
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ساحر بغداد في 01:50 05/09/2010
اخي العزيز انور جورج
اني راح اكاتبك بالكلام العام اهنا حتى يستفيد الي مثل حالتك لعل وعسى ان اكدر افيدك بشي وافيد كل شخص يعاني من اصدار الجواز الجديد فئة A.
والأشياء الخاصة راح اطلبهة منك عالخاص او الأيميل.
بالأول جاوبني على هذه الأسئلة حتى اكدر اعرف اذا كنت اكدر اساعدك او لا.

1 اين كنت تسكن بالعراق
2‏ اين نفوسك
3‏ هل بنتك عندها شهادة جنسية
4‏ هل الأم موجودة بالعراق وأذا لا فمن هو الأقرب بعد الأم لبنتك.
5‏ كم عمر بنتك.
6‏ أذا انت من بغداد هل في الكرخ ام الرصافة.
7‏ هل لديك بطاقة سكن.

عند جوابك على هذه الأسئلة راح اكدر اعرف اذا كنت اكدر اساعدك او لا. وانشاء الله انشاء الله اكدر اساعدك.
بس جاوبني ويصير خير

اخوك
ساحر بغداد
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: انور جورج في 20:21 05/09/2010
الاخ ساحر بغداد  اشكرك على الجواب
1- انا من سكنه بغداد
2-نفوس الاعظميه
3-ابنتي لديها شهادة جنسيه وجنسيه
4- الام موجودة بالعراق وتحمل الجواز السوري
5-عمر ابنتي سنتين
6- انا من بغداد الرصافه
7- لدي بطاقه سكن
انا سعيد جدا اذا تكدر ساعدتني كاخ الي في بغداد  واشكرك مرة اخرى
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: ساحر بغداد في 03:21 06/09/2010
اهلآ اخوية العزيز انورجورج
والله يمكن شغلتك محلوله.
باجر يوم الأثنين انشاء الله راح اسألك اصدقائي الي بجوازات الأعظمية وانتظر مني رد على الخاص.
حتى اذا اوكي رأسآ انطيك رقمي يخابروني العائلة الكريمة ويصير خير انشاء الله.

من حسن حظك انه اغلب اصدقائي هم في جوازات الأعظمية بشارع المغرب..

تأمل الخير.

اخوك
ساحر بغداد
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: انور جورج في 06:54 07/09/2010
بارك الله فيك انا بالانتظار  انا عندي سفرة الى واشنطن  للسفارة العراقيه  حتى اوقع ورقه موافقه ولي الامر  لاصدار الجواز هاي اكيد مطلوبه في الاصدار حسب ماعرفت  انا بانتظارك اخي العزيز
العنوان: رد: استخرجت جناسي وجوازات سفر جديدة لي ولزوجتي. وعندي شي أخفيته. على ال IOM
أرسل بواسطة: انور جورج في 07:00 07/09/2010
بالمناسبه  اخي العزيز ساحر بغداد  نسيت اكلك اي شي او اي استفسار تحتاجه من هنا انا حاضر واذا تحب تنطي عنواني   هنا في تكساس دالاص انا ارسلك العنوان على الخاص ورقم الهاتف  وان شا الله ماقصر وياك باي شيء