ankawa
منتدى الهجرة واللجوء => الهجرة و واللاجئين => الموضوع حرر بواسطة: Arsenal81 في 18:02 03/09/2010
-
تحول ما كان يفترض أن يصبح عملاً خيرياً للعراقيين الذين يعيشون في الأردن إلى "كابوس بيروقراطي" هذا الأسبوع.
فحركة المرور تباطأت الثلاثاء حد الوقوف التام في منطقة الدوار الثاني في جبل عمان بالعاصمة الأردنية، فيما كان المئات من العراقيين، كان بعضهم ينتظر منذ ساعات تحت الشمس دون أن يتناولوا شيئاً طوال اليوم، في محاولة لشق طريقهم إلى مدخل مصرف عراقي.
أما سبب وقوفهم وانتظارهم الطويل فهو أن نحو 9500 مواطن وأسرة عراقية يقيمون في الأردن ومسجلين لدى المفوضية الدولية للاجئين، منحوا حق الحصول على معونة مالية بقيمة 200 دولار، من وزارة الهجرة العراقية.
غير أن البرنامج تأخر، ما أدى لأن يعمل الفريق القادم من بغداد، على إقامة مركز داخل المصرف العراقي في عمان.
وأكد المتحدث باسم الفريق الذي أرسلته وزارة الهجرة العراقية، أكرام مراد علي، أنه لا يوجد جدول زمني لتنظيم وتنسيق عملية دفع المعونة المالية للمستحقين.
أما خارج البنك، فكان يقف المئات تحت أشعة الشمس الحارقة وفي أيام شهر رمضان.
بداية الأزمة كانت بسبب الارتباك بشأن الأوراق الضرورية المطلوبة لتسليم الأموال للمعنيين، ما تسبب في حدوث فوضى داخل البنك.
وقال علي إن الفريق كان يعتقد أن تسليم الأموال من خلال البنك سيكون أمراً مفهوماً وسهلاً، غير أنه يقر بأن المبنى كان أصغر من أن يستوعب الحشود المتدفقة لاستلام المعونة المالية، الذين بدأ بعضهم في التجمع خارج البنك منذ يوم الأحد.
لكنه أوضح أن الفريق يبذل جهده، مشيراً إلى أن برنامج صرف المعونة سيستمر للأسبوع القادم.
-
لا حول ولا قوة الا باله
والله اخوية كلة صوج الناس بدون وعي ولا شعور بالمسؤوليه وقلة الثقافة مع الاسف
اتخيل مواطن يرفض الوقوف بالسرة ؟؟؟؟؟؟؟ طبعا متعودين على الخربطة جان فظت بيومين الشغله بس كلمن ايكول ياروحي اني الاول استلم لازم
-
أخوان :
إذا عرف السبب بطل العجب ، السبب هو الفساد . كان بإمكانهم أن يجدوا أكثر منه تخريجة للتغلب على مشكلة الزحام والفوضى كأن يقسموا المشمولن بالمنحة المالية حسب الحروف الأبجدية لأرباب العوائل ( كل يوم خمسة حروف مثلاً) . هذا واحد من حلول كثيرة ليس من الصعب إيجادها . لكن الجماعة رادوها فوضى وتأخير حتى تصفالهم بالنهاية وتضيع حقوق الكثيرين في جيوب الفاسدين ... ولا عجب .
-
اخوية ترة الشغلة ابيد العراقيين يعني احنة وين مانروح يصير ازدحام وسرة وهوسة وعركة وكل واحد يريد ياخذ مكان اللاخ واني فريت هواية دول اشوف اصحاب البلد واكف بالسرة ومرتب بس اشوف واحد طالع من السرة كول هذا عراقي
-
مو اذا يرتبوها على الحروف الابجدية او على ارقام الجوازات او العمر او او او مليون طريقة أكو لترتيب الشغلة بس هو احنا اذا مو هوسة ولطم وبجي وطربكة وابو الواسطات يفوتون من باب الورة وام عيون الحلوة تكعد رجل على رجل يم الاستاد المدير :D ترة نفقد هويتنا اللي اتميزنا بيها .. لعد شلون يكولون علينا عراقيييييين؟؟؟؟؟؟؟؟؟
-
أخي kunda :
قد أتفق معك بشأن المسلكيات والعادات اللي تطبع أغلبية مجتمعنا ، لكن وين دور الجماعة المسؤولين عن هذا الموضوع ؟ . إلا تتساءل معي : لماذا لم يتم اللجوء إلى أحد الحلول العملية العديدة لتجاوز مشكلة الزحام والفوضى والطربكة ؟ . هم بالأساس سووها مثل فزعة العرب : علييييييييييهم يا ربع . لماذا ؟ . أليس وراء الأكمة ما وراءها ؟ . فتش عن السبب يزول العجب .
-
اخوية دايخ اني رحت وشفت صوج المواطنين المصرف صغير وكله بالعركات والمدافع اتريد تدخل اجو الشرطه يتوسلون بيهم اوكفو سره ميرضون
وشفت من يستلمون التصفيق والهلاهل الوصفير
-
وداعتك حتى اذا سوها على الحروف الابجدية
لمن توصل هناك تلكة الكل جاية والكل تريد تستلم
جماعتنه يكلولك
صار بيها فلوس بعد مو مال كعدت بيت
لتروح تخلص
-
أخواتي أخواني :
إحنا ما يصير نظل نجلد بأنفسنا . صحيح إحنا نتحمل جزء من المسؤولية عن هيج وضع مخزي . لكن بربكم لمن الأفندية المسؤولين ما يتكذكروكم بالحسنى إلا بعد خراب البصره شتتوقعون طبيعة النتائج ؟ . معظم العراقيين هنا كاتلهم الفقر والعوز والضيم من سنوات . هسه يالله اتكذروهم الجماعة بهاي الصدقات ؟ .. وتاليها نكعد نجلد أنفسنا على يابه إحنا شعب همجي ! . هذا هو العجب لا سواه .
تحياتي
-
والله اكثر الناس الجاية مجانت محتاجه لو شايف السيارات الي ارقامه بغداد شكد
-
أخوان أعذروني على اللخبطة اللغوية لأن آني دايخ بن دايخ (إسم على مسمى) : يتكذكروكم أقصد يتذكروكم .
-
أخي ضاع الوطن :
حتى لو أكو ناس راكبه سيارات فارهه جايه تاخذ ما تعتبره (حقا لها) من المنحة الماليه المستخرجة من أمول نفط الشعب العراقي ، هذا لا يعني أن الغالبية هنا لا تعيش أوضاع مادية صعبة . صحح لي إذا كنت آني غلطان .
-
لا اخوية مو اني اكعد اصححلك معلوماتك صحيحه بس اني قصدي الناس الجايه تستلم همه الي خربطو واحترك الاخضر بسعر اليابس وشجعوا الموضفين على اغلاق المصرف وعدم اكمال معاملات التسليم بحجه عدم تعاون المواطنين معهم
-
أخي ضاع الوطن :
أكيد الحاجة والفاقة والعوز ، مرفوقة بعدم إلتفات (حكومتنا الرشيدة) لمواطنيها في الغربه ، كلها عوامل دفعت الناس للتزاحم على المصرف بهذه الصورة المفجعة . تصور معي جماعة من الناس تايهه بالصحراء وكاتلها العطش : ألا تركض حتــى وراء الســـراب ؟! .
اللهم ارفق بحال أهالينا في محنتهم الجماعية .
-
200 دولار ما يجي قطره من بحر النفط الي جان يوصل الهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
-
أخي أبو زينب الشحماني :
هاي الـ 200 دولار ما تطلع عشر قطره من بحار السحت الحرام اللي تملي كروش الفاسدين .
اللهم .......
-
اخويه العزيز تره انت مو دايخ انت بالعكس صاحي ابن صاحي لان مواضيعك جريئه وقويه .................................................... تقبل تحياتتتتتتتتتتتتتتتتتتتتتتتتتتتتتتتتتتتتتتتتتتي.
-
شكراً على المرور على الموضوع و نقاش الجميل
-
الى متى يبقون يهينون بنا ويذلونا على فتات
هم يسرقوا المليارات ويرموا لنا فتات حقوقنا مثل الكلاب يرمون لها العظام بعد اكل اللحم
كانوا يستطيعون تجنب كل هذه الازمات والاهانات للناس والمشاكل التي سببوهها من فقدان الجوازات وغيرها ودفع المخساعدة باسلوب حضاري ومحترم وكريم
ناهيك عن نظرة المارة السلبية للعراقيين
بدفع المساعدات عن طريق مفوضية اللاجين عن طريق الفزيا كارد
لكن هذا اذا توفرت النية لدفع المساعدات للكل
واذا لم تتوفر نية سرقة المبلغ تبا لهم ولمساعدتهم كرامتنا اهم من اموالهم
-
الواحد كلبة يوجعة من يقرا هيجي مواضيع
-
حقيقة اخوان عندما اقرا موضوع يخص مساعدات للعراقيين فى دول الجوار اشعر بحزن يدخل الى قلبى ودمعة تغررغر فى عينى وحسرة والم على بلد ضاع وشعب تشرد وامول هدرت وسرقت وضاع حقى وحقك ضاع العراق وظهر من ينهب ويسلب ويقتل ويدمر ويسرق المليارات وظهر شعب مغلوب على امرة عسى ان يجد مخرجا من محنة لاذنب فيها لة يريد من يجلب لة الامان والخدمات يريد من يعيد العراق الى اهلة ويعيد اهل العراق الى وطنهم ذهب الى الانتخابات رغم عدم قناعتة بكل اللاعبين السياسيين ولكن مابليد حيلة عسى ان اللة ينفخ بضمير احدهم وينقذ هذا الشعب ةهذا البلد فارجوكم ياخوان لاترموا بصفة سيئة على ابناء شعبكم فما يميز العراق اكبر من تصرفات صغير ة وهى ليست سمات وصفات الشعب العراقى فشعب العراق ياخوانى اللذين تنتقصون منة هو شعبكم اخوانكم واخواتكم شعب الحضارات شعب الرافدين وبلد الانبياء ومهما جارت بنا الايام فلذهب والمعدن الاصيل لايصدا وبريقة يبقى فارجوكم لاتلوموا من لم يلتزم بدورة فى الوقوف للحصول على 200 دولار بل لومو من جعلنا هكذا بين الدول تتعامل معنا حدود كل الدول مع الاسف بقليل من الاحترام والكل يعرف الاسباب التى يطول شرحها وختاما وعذرا للجميع فكلنا عراقيين ونفخر بعراقيتنا رغم كل المحن والظروف
-
السلام عليكم....
اخواني انا جواز سفري منتهي من فئة N القديم وكذلك ورقة اليو ان منتهية ... وهسة اجاني مسج من المفوضية مكتوب لقد تم شملكم بمبلغ 200 دولار ... هل ينطون لو لازم تجديد الجواز وورقة اليو ان؟
شكرا لكم
-
هكذا الحال يوم الخميس
-
السلام عليكم اخويا ابوشهاب لا عاب حلكك والله تحجي ذهب وبارك الله بيك تقبل تحياتي اخوك حمادة عزو@