ankawa
منتدى الهجرة واللجوء => الهجرة و واللاجئين => الموضوع حرر بواسطة: owenh79 في 16:12 04/09/2010
-
مرحبا اخواني و اخواتي الاعزاء,
تحية طيبة..........
اني اشتغلت ويه شركة مقاولات عراقية ( مثلا XXX) , و هذه الشركة نفذت مشاريع لشركات امريكية و لفيلق مهندسين الجيش الامريكي لمدة 18 شهرا , من بداية 2005 و الى منتصف 2006 .سالت الاخوان بالمنتدى و اكدولي بانه ممكن ان اقدم على SIV , بس لازم احصل على رسالة تزكية و الاوراق الي تاكد بانه مشتغل للحكومة الامريكية.المشكلة محصلت رسالة التزكية من المسؤولين الامريكان و هاي صارلي تقريبا خمسة اشهر و اني احاول بس بدون فائدة. المهم, هسه اتصلت باحد الضباط الي اشتغلت وياهم و قبل يكتبلي رسالة تزكية (طبعا نموذج الرسالة , حصلته من الاخت سرى ) , و مكتوب برسالة التزكية : اسمي , العنوان الوظيفي و الفترة: من......و الى ..... . و مكتوب بانه ما اشكل اي اخطر على سلامة و امن الولايات المتحدة . بس اكو مشكلة وحدة و اريد رأيكم و نصيحتكم.
المشكلة هي , بانه هذا الضابط , اني اشتغلت وياه تقريبا 9 اشهر , و بعدها هو سافر و رجع للأمريكا , بس اني بقيت و كملت 18 شهر بالعمل ويه الشركات الأمريكية و فيلق المهندسين.يعني هو كاتب بانه عمل بالعراق مع فيلق المهندسين لمدة سنة واحدة , و اني اشتغلت وياه لفترة 9 اشهر فقط.
اخواني و اخواتي خبراء SIV , اذا قدمت هذه الرسالة , و رسالة من الشركة العراقية تاكد بأنه اني مشتغل ويه الشركة العراقية لمدة 18 شهر , و العقود موضح بيها هذه الفترة , راح اكدر اقدم على ال SIV لو لا؟
مع فائق الشكر و التقدير .......
أخوكم أوين
-
حبيبي هو مو الركومنديشن يحدد شكد مشتغل انته اهم شي HR لتر تكول انته خادم سنه احجيلك اني قدمت ريكمتديشن من ضابط خادم 9 اشهر ويايه بس هم يعتمدون على HR لتر لازم مذكور بيها سنه
-
شكرا على المشاركة و الاجابة السريعة.
المشكلة بال HR Letter , لازم اسويها عن طريق الشركة العراقية .اذا الشركة العراقية كتبتلي بأنه اني مشتغل وياهم اكثر من سنة , و عقود المشاريع تاكد هذا الشي . تتوقع السفارة و جماعة ال SIV راح يقبلون بيها ؟ لو هم راح يطلبون HR letter من جهة امريكية؟
تحياتي ....
أوين
-
مرحبا اخواني و اخواتي الاعزاء,
ممكن رجاءا تساعدوني و جاوبني على الموضوع .
تحياتي...................
أوين
-
لاعادي جدا حتى لو مشتغل شهر واحد وياه اصلا فترة 9 اشهر كلش هوايا اني مقدم ريكومنديشن ويا وضابط مامكمل شهرين وياه ههههههههه وهاي كلش كافية وسألوه عني واتاكدوا من عملي بس اللي يحدد انك مشتغل سنو هو الHR لتر هو شي اعتيادي انه الجيش الامريكي أكبر وحدة ماتوصل سنة بالعراق لان دائما يتبدول خوب اللي اشتغلوا ويا المارينز يعرفون انه وحداتهم بعد تبقى اقل من الارمي ((مو ارمي سترونك صديقنا)) ارمي الجيش يعني ;D
-
كوندا هاي شبيك حبي الولد يكول اس اي في شنوتكولة شهر واحد كافي ..... >:( ..........عيني اوين رسالة ال اج ار مال الشركة العراقية ترا ما تاكل اذا ما مصدقة و موافق عليها المشرف الامريكي المباشر على الشركة و يكتب بيها عنوانة الالكتروني و رقم تلفونة ان وجد و يوقع على الاج ار مالتك غير هذا ترا ما يعنرفون بيها .
-
اخويه Aiham حجي كوندا صحيح بل نسبه للركمنديشن و كلامك صحيح HR لتر من شركه عراقيه وحده ما تكفي لازم مصدقه من جه امريكه و ها و تره اكيد راح يطلبون نسخ من العقود
-
مشكورين اخواني Kunda و Aihem على الاجابة و المشاركة.
اخوية Kunda ,انته قصدك على SIV لو IOM ؟ اني اقصد على SIV ؟متاكد يصير لو لا ؟
اخوية Aihem , انته مثل متفضلت اني اريد اقدم على SIV , بس المشكلة مثل ما متوضحتلكم ,اني اشتغلت للشركة عراقية نفذت مشاريع للشركات امريكية و فليق المهندسين الامريكي.و مشتغل وياهم لمدة 18 شهر. بس المشكلة هذا الضابط الي كتبلي الرسالة ,كاتب اني مشتغل وياه فترة 9 اشهر.هذا الشي يقبلوه جماعة SIV لولا؟و بالنسبة لل HR Letter , انته تكول لازم مصدقة من قبل مسؤول امريكي. اذا حصلت على رسالة ال HR من الشركة العراقية, تقصد لازم نفس الضابط الي كتبلي الركومنديشن ,يوقع على رسالة HR Letter؟ ارجو التوضيح.
-
اخوية اوين اني شفت رسالتك عالخاص بس سؤال هذا المشرف مالتك اجه واحد امريكي ثاني وراه لو لا؟
-
شكرا اختي سرى على الاجابة .هذا الضابط اجه وراه واحد , بس المشكلة اني ماعندي بيه اتصال حاليا. بالاضافة الى هذا الشي ,اني اعرف غير هذا الضابط و كان ممكن يسويلي ركومنديشن , بس مثل متعرفين كلهم ميجاوبون من تطلب منهم الركومنديشن, و تعرفين اني شغلي كان قبل 4 سنوات تقريبا.
-
اوين حبي و لو ما ريد اهبط من معنوياتك بس ترا 4 سنوات كلش هواي و ما اتصور راح يجاوبك لان همة اصلا عقد الجندي وية الجيش بس 5 سنوات شتريدا يتذكر ,!!!!!!!!؟؟؟؟؟؟
-
مرحبا Kunda & Army Strong .اني كنت مفتهم بانه الركومنديشن راح يعتمدون عليها اذا كان مذكور بيها اني مشتغل سنة.بس هسه انتم موضحين بانه جماعة ال SIV راح يعتمدون على HR Letter , و لازم ال HR , موثقة من جهة امريكية.ممكن تساعدوني اشلون راح احل هاي المشكلة , اني ما اكدر احصل على HR من جهة امريكية لانه اني كنت استلم راتبي من الشركة العراقية.
-
مشكور اخوية العزيز Aiham على المشاركة. لا بالعكس اني دائما احب ان اخذ بنصائحكم لانه اني واقعي , وما اريد اقدم و تامل فد شي و بعدين متصير. المهم كلامك صحيح بانه 4 سنوات كلش هواي , بس اني احب ان اوضحلك بانه هذا الضابط بعده مستمر ويه الجيش و اني علاقتي بيه جيدة , و كل هاي الفترة كنت اتراسل وياه على الاميل.بس المشكلة اني اشتغلت وياه بس 9 اشهر و بعدين هو رجع للامريكا.
المهم , حسب كلام و الاخوان Kunda & Army Strong , المشكلة مو بالركومنديشن , وانما بال HR Letter , اشلون اسويها مصدقة من جهة امريكية ,لانه انتم تكولون لازم موثقة من جهة امريكية.ممكن تساعدوني بحل هاي المشكلة؟
-
اخواني و اخواتي الاعزاء, اكو احد منكم قصته نفس قصتي , أو يعرف احد الاعضاء قدم نفس الشي و عنده خبرة بهذا المجال.ارجو المشاركة و ممنون منكم .
-
شلونك اخوية اوين اني ما اعرف بشغلة انه لازم الاتش ار تتصدق من شركة امريكية بصراحة ما متأكدة بس ما اتصور.اقترح عليك تشوف اخوتنا مثل اخونا ايناس سعيد وما متأكدة منو بعد من الجماعة اللي اشتغلوا وية شركات عراقية بالاساس.
-
شكرا اختي سرى و ممنون منج هواي.ممكن رجاءا تساعديني اشلون احصل (ايناس سعيد ) و باقي الاخوان الي مشتغلين ويه شركات .
-
اخواني و اخوتي الاعزاء, ممكن تساعدوني اذا تعرفون احد مشتغل ويه شركة عراقية و مشتلغة للحكومة الامريكية.بس اريد استفسر من عنده عن طريق التقديم و اشلون سوه الاج ار لتر.
-
والله خبلتوا للولد ...
عزيزي أون حل مشكلتك كالاتي ..
1- الـ Recommendation لازم يكون من مديرك ((الاميركي حصرا)) يثبت بيها انه انته ما تشكل تهديد للأمن القومي الاميركي وخلي لا يذكر بيها تواريخ ولا بطيخ بس يكول بيها انه انته جنت تشتغل وية الشركة XX .
2- الـ Verification الي تحصلة من شركتك العراقية ((الي تقدم دعم لقوات الائتلاف)) تؤكد انه انته مشتغل لمدة تزيد عن سنة وحدة ويكتبون بيها تاريخ مباشرتك وتاريخ انفكاكك (( ومو شرط الي يوقع على الـ Verification انه يكون حاصل على الجنسية الاميركية))
هذا الحجي حسب تعليمات شروط الهجرة للحصول على الهجرة الخاصة SIV.
اخواني ارجو التأكد من قبل الرد لان ردودكم وان كانت من باب حسن النية وابداء المساعدة ممكن تسبب احباط للمتقدم ..
تحياتي
ROCK
-
اخي العزيز ROCK لا دوخنا الولد و لا بطيخ ..... عزيزي اوين روح على هذا الربط :
http://arabic.iraq.usembassy.gov/root/pdfs/special-immigrant-visa-application-guide-arabic.pdf
-
اخواني الاعزاء Rock & Aiham , مشكورين و متقصرون و الله ما اعرف اشلون اردلكم الجميل .و شكرا لكل باقي الاخوان و الاخوات الي ساعدوني بنصائحهم.
حبيبي Rock , بالنسبة للنقاط الي انته ذاكرهن, كلهن موجودات , و اني امس كتبت للضابط الي كتبلي الركومنديشن , بانه يغير عبارة ( من تاريخ .... الى تاريخ ) ,لانه هو ذاكر باني مشتغل وياه 9 اشهر .اني كتله غير العبارة الى ( مشتغل اكثر من سنة). ولو جماعة SIV حسب شروطهم يريدون ( من تاريخ .... الى تاريخ ), بس اني راح اعتمد على HR Letter مالت الشركة العراقية و على العقود المنفذة.
اخواني , بس طلب اخير , اذا احد بيكم يعرف او عنده اتصال بالاخ (ايناس سعيد), ممكن يساعدني حته اتصل بيه لانه ايناس نفس شغلتي.و اذا تعرفون احد عنده نفس التجربة ,ممكن تساعدوني حته اتصل بيه.
-
الاخ هيثم ..
صحيح القوانين مهمة جدا .. بس التجارب اهم .. وهذا سبب وجود هذا المنتدى الحواري
انطيك مثل .. قوانين الـ SIV تكول انه عليك انه تقدم بيان الولادة حتى تعدي مرحلة الـ NVC ولكن من خلال تجاربنا انه ممكن تجتاز المرحلة بدون ارسال هذه الوثيقة
اخي اون جاوبت رسالتك على الخاص
ROCK
-
شكرا اخوية روك و اخوي ايهم و ممنون منكم هواي .
تحياتي....
-
مرحبا اخواني و اخواتي الاعزاء.ممكن رجاءا اذا عدكم نسخة مسودة باللانكليزي للاج ار لتر (HR letter), لانه مثل متعرفون اني مشتغل ويه شركة عراقية و ما اعرف اشلون اسويها.
-
بسيطة اخوية اوين:
بالعربي
الاسم الكامل
العمر او تاريخ الولادة
عنوانك الوظيفي
تاريخ المباشرة
تاريخ انتهاء العمل (اذا منتهي العمل وياهم)، اما اذا مستمر يكتبون انه لازال مستمر بالعمل.
سبب انتهاء العمل (ان كان منتهي)
اي عقوبات تذكر
ملاحظات اخرى
بالانكليزي:
Full Name
Date of Birth
Job Tiltle
star and finish dates of emplyment
(ومثل ما كتلك اذا بعدك تشتغل وياهم يكتبون على تاريخ الانتهاء he is still in his position)
Notes
وطبعا يوقعون جوة ويختمون ولازم اللي يوقعها هو مدير الذاتية مال شركتكم.
ملاحظة : دائما الشهر خلي يكتبوه بإسمه مو رقمه افضل مثلا شهر التاسع لايكتبون 9 يتبون september.
-
شكرا اختي العزيزة سرى و ممنون منج هواي.