ankawa
منتدى الهجرة واللجوء => الهجرة و واللاجئين => الموضوع حرر بواسطة: بغدادي76 في 19:59 04/09/2010
-
المصدر
http://www.e.sy/details.php?id=MTk=
اسم الخدمة :
الجنسية السورية للأجانب
تصنيف الخدمة :
خدمات الجنسية
الجهة المانحة للخدمة :
مديرية الهجرة والجوازات - وزارة الداخلية
التعريف بالخدمة :
يمكن لأجنبي الحصول على الجنسية السورية بعد استيفاء الشروط المذكورة.
الشروط:
1- أن يكون كامل الأهلية.
2- أن يكون مقيماً في القطر إقامة متتالية مدة خمس سنوات على الأقل سابقة لتقديم الطلب.
3- ذا اختصاص أو خبرة وله وسيلة مشروعة للكسب.
4- ملماً باللغة العربية قراءة وكتابة.
الوثائق المطلوبة :
1- طلب إلى مديرية الهجرة والجوازات للحصول على الجنسية السورية.
2- شهادة صحية تفيد بأنه خال من الأمراض السارية.
3- خلاصة سجل عدلي.
إجراء الخدمة :
1- تقديم الطلب إلى مديرية الهجرة والجوازات.
2- إرفاق الوثائق المطلوبة.
3- تقديم الطلب حتى صدور قرار الجنسية.
4- مراجعة المديرية للحصول على الموافقة.
معلومات إضافية :
تكتسب زوجات العرب السوريين من العربيات والأجنبيات الجنسية العربية السورية وفقاً لما يلي:
1- الزوجة العربية:
- طلب تبدي فيه رغبتها باكتساب الجنسية مرفقاً بالأوراق الثبوتية بما فيها عقد الزواج
- صدور قرار عن السيد الوزير باكتسابها للجنسية العربية السورية
2-الزوجة الأجنبية:
- طلب مرفق به صورتا قيد من نفوس الزوج مثبت عليهما مفصل هوية الزوجة.
- صورة عن بطاقة إقامتها في القطر.
بعد مضي سنتين على تقديم الطلب على أن:
1- تكون إقامتها في القطر مشروعة.
2- العلاقة الزوجية قائمة ومستمرة.
3- صدور قرار عن السيد الوزير باكتسابها الجنسية.
-
شكرا اخي بغدادي 76 لنقل المعلومات عن الجنسية السورية راح اروح اقدم عليها يصيرون ثلاث جناسي
-
و الله هذا الخبر يفيد الالاف العراقيين هناك صارلهم مدة طويلة
-
وشنو هي الجنسية السورية ؟؟؟؟؟؟؟ فد شي يعني ؟؟؟؟؟؟؟
مع الاسف صارت احسن من العراقية
-
اكص ذراعي مو بس ايدي
اذا ينطوها لعراقيين
يقبلون كل الجنسيات بس العراقي راح يرفضوه
-
اخي صاحب الموضوع
الف تحية وشكر على جهدك
ولكن ماهي الفائدة التي تجنيها من الجنسية السورية يعني بالعامية لو تبقى على العراقية احسن لانه يجوز العراق بيوم من الايام براسه خير بس اطمئن عمر سوريا مارح يصير بارسها خير لانه شعبها عبارة عن خليط من اللصوص وذوي الاخلاق السيئة والانتهازيين والطفيليات .
هذا اولا ثانيا تكدر تجاوبني همه اصلا دينطون اقامات بالاول علمود ينطون جنسية للعراقي احزم امرك وتوكل على الله لو تطلع لدولة محترمة لو ترجع للعراق وهذه نصيحتي لكل اخوتي العراقيين اذا ماكو لا توطين لاسفر شمنتظر بسوريا (نكرة السلمان)
-
عيني نور الحديثي هو يادوله لفتنا غير سوريا منو الاردن الي يوميه مطلعه العراقيين
لو مصر الي لفينا اكثر من سبع ملاين مصري وهسه صارو اوادم براسنه وكامو يطردون
العراقيين لو لبنان الي اصلن متنطيك دخول او اقامه دخليه سكته .
والله الي عايش بسوريا ويشوف المعانات الي سببه العراقيين الهم مينكر فضله على
العراقيين وكافي متحمله اتهامات الحكومه العراقيه (ال.....) بل ارهاب علمود امبقين
العراقيين بسوريا ومحد داك باب احد وكايله تعال لسوريا الي يريد يروح للاردن خلي يروح
محد لازمه او لمصر او لبنان.
حبيبي ليغرك الكلام الي تسمعه من بعض العراقيين الي محترم نفسه محد يدك بابه ولا
احد يحجي ويا .
وختامآ بلدنا هجرونه منه موزين منهم اتحملونه ليش ننكر فضلهم علينا ولي معاجبه يرجع لبلده.
-
اخي (طلعت روحي)
اولا ممكن تكلي ليش انت داخل باسم (طلعت روحي) اكيد نتيجة لمعاناتك مو نتيجة لسعادتك وانت تتنعم بنعم مكتب الهجرة والخدمات السورية وبرنامج المساعدات الي قدموها الك والولفير الشهري الي تستلمه والفود ستامب مال ولايتك الي هي على الاغلب دمشق بالشهر مو اقل من 1000 دولار لو شتريد نكول ل.س بكيفك هذا اولا .
ثانيا بالنسبة مال محد مايدك بابك فاتصور انت عايش بمكان مجهول بحيث ابو الامن السياسي مدايندلك ويجي عليك ويكلك قل ولا تقل وبالنسبة للاتهامات الي داتحجي عليها الي انت تسميها حكومة بالعراق واني ماعترف بيها فانت بالضبط دتقصد رئيس الوزراء الي لاطش بالكرسي الي هو جواد نوري بارحتك شتسمي سمي فالي دتدافع عليهم الي همه السوريين كانوا ملفية ومنطيه الجنسية وبيت بحي الامين ومعتبري بطل الابطال واذا ترد تفاصيل اكثر مستعد انطيك فعلى كيفك ويانا وانت اذا شايف سوريا هيج حلوة ليش تطلب لجوء بغير دولة صح اكيد من المعاناة الي دتشوفها اما بالنسبة انت تكول انه سوريا تلفي العراقيين فاحب اكلك انت مستاجر شقة بفلوسك ودتاكل بفلوسك وتصرف بفلوسك واكثر فشكو عليهم عدهم سياحة دائمة اما اذا حضرتك عندك غير وضع فالله يوفقك والسلام ختام والله يفرج على العراقيين الي موجودين بسوريا
-
اخوية بغدادي شكرا على الموضوع
للاضافة انه اني كنت لمدة سنتين بحلب في سوريا وهاي التعليمات جانت معلقة عالحايط يم الكاونتر مال الموظفين. في وقتهة سألت واحد من الضباط اللي موجودين على هالموضوع كتله هاي هم تنطون لاحد لو هيج كالي ولا فد يوم تحلم بيهة!!!!! اني غيرت موضوع في وقتهة حتة لا اسمع شي ايغثني.
اني مو من باب نقض الموضوع واحتمال يكون تصرف فردي بس حبيت اضيف شي صاير وياية
Mory
-
الله اشكد احب الشام واهل الشام الطيبين المكان الوحيد اللي يخليني احس بسحر الشرق وبساطة الحياة ... انا منتمي بعاطفتي لهذا البلد وهذي هم تعتبر جنسيه
عاشق الشام
ابوبشير
-
اخي Mory تكدر تستشير موقع محامي سوريا , علما انو بيه قسم للإستشارات المجانية.
أخوان آني سامع انو الي مايسوي مشاكل بسوريا ماحد يجي يمه , علما انو الأطفال العراقيين يدخلون المدارس السورية مجانا , مع العلم انو همه ضروفهم صعبة جدا, وكل هذا متحملينه.
وعيب الواحد يكون ضيف ابيت ويحجي على اهله, مهما صار
-
اخوية بغددي هذا الكلام كان سنة 2007 وحاليا اني في بغداد دا احضر الجنط مالتي سفري بعد ايام
تحياتي
Mory
-
الاخ نور اني بلنسبه الي سميت اسم طلعت روحي من وره الامنيه لاني صارلي سنتين وشهرين انتظر الامنيه المكشوره مو علمود ساكن بسوريا ولا بسبب الهجره الدوليه الي بسوريا اني شغلتي واكفه بواشنطن .
وبعدين اني مو منتظر المساعدات وشوكت اروح استلمه تجيني مساعدات اهلآ وسهلآ متجي براحتهم لان اني بحياتي ممديت ايدي لواحد وكتله انطيني ولمساعدات عندي لا شئ واخر شي افكر بي لان اني معتمد على الله وعلى نفسي دائمآ.
واني صارلي بسوريا اكثر من ثلاثة سنوات ونص ما فديوم واحد دك بابي علمآ اني ساكن بمنطقه معروفه بكثرة العراقيين ولا فديوم واحد بلشلرع كلي انطيني هويتك واني ابد ماشيل جواز ويايه لان اعرف نفسي ما اندك باحد ومحترم نفسي .
اما بلنسبه لجواد المالكي فميحتاج اوصفلكيا يمكن انت اعرف بي اكثر مني فهو ناكر لجميل سوريا الي لفته وهسه كاعد يكول على سوريا ملفيه الارهاب وهو اكبر ارهابي ونكس.
واني مو مثل جواد وغيره انكر جميل سوريا الي احتضنتني لحد الان وعدها استعداد تحتضني باقي عمري مادام اني محترم البلد الي اني بي وخلي ابالك اني لو لاكي عمل هنا يمشيني ويعيش اولادي لباقي العمر فأقسم بالله ما اطلع من سوريا وكل الدول الي لفة العراقيين هم العراقيين عايشين بفلوسهم مو بس سوريا يعني شتريد سوريا تصرف على اكثر من مليون ونص عراقي يادوله سوته منو الاردن الي عايشين بخيراتنا وطردة العراقيين لو مصر الي جنه ملفيهم اكثر من سبع ملايين.
واحب اكلك اذا انت جنت عايش بسوريا فمع احترامي الك لتنكر الجميل اما اذا مجنت عايش بسوريا فلتحكم عليه بكيف .
واتمنا لكل العراقيين الخير والله يسهل كل اموركم.
-
هذي سجية الاوفياء بارك الله بيك وبالشام
تحياتي الك اخي العزيز
ابوبشير
-
السلام عليكم جميعا اخي نور لاعاب حلكك واني اظم صوتي لصوتك اما اخي طلعت روحي يارب تفرج عليك وتطلع الامنية مالتك عن قريب وتسافر وترتاح اما بالنسبة للاردن اني صارلي 10 سنين بيها بلد نظام وقانون تمشي قانوني ونظامي اكبر واحد ما يكدر ايكلك على عينك حاجب واهم شغلة بيها مابيها رشوة من سابع المستحيلات اني جيت لسوريا عالحدود واني داخل واني طالع اخذو رشوة وبعين قوية وهما شرطة يا اخويا وهذا الي مستحيل تشوفة بالاردن اجيت عشرة ايام سايق التكسي نصب علية ابو الفندق نفس الشي وتخاف تحجي لبسوك تهمة
-
لا تعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟بس شي واحد الارهاب والارهابيين والبهائم المفخخة من اين تدخل العراق ؟؟؟؟؟؟
-
أخي العزيزحمادة عزو@ احب اكلك ماكو بلد بلوجود اذا ماكو بي رشوه لتقنعني
لان صاحبي بأمريكا من راح ديطلع اجازة سوق وشاف بيه تعقيدات راح لغير مدينه
واشتره اجازه ب300$وبكل مكان اكو ناس تاخذ رشاوي واكو يعملون بأصلهم وميا
خذون ابد واما بلنسبه للنصب هم موجود بكل بلد من يشوفون واحد غريب
يقفصون عليه مع احترامي لك واني واحد من هل الناس من جانو يجون
الخليجين للعراق جنت اقفص عليهم واذبحهم من الوريد للوريد ;) ;D ;D ;D
فياحبيبي اني قصدي ماكو اشرف من سوريا من ناحية احتضانه للعراقيين وصدك
متسد بابه بوجه احد ولفيزه محطوه لولا الضغوط عليها من الحكومه العراقيه وبذات
ابو السبح لان العراقيين هنا يعرفون وضعه وين جان مبسط على يارصيف وهو هذا
الي مخبله علينا .
تحياتي لك والله يسهل امور الجميع يارب.
-
طيب بعدنا بنفس الموضع ماتغير همين ليش دتطلب الهجرة اذا هيج سوريا حلوة وجميلة والدنيا ربيع والجو بديع تكول لانه مالكيت شغل طبعا لانه محد مايشغلكم هناك واذا اشتغلتوا فيعني غير الكم ليرة الي ينطوكياها بالزور والي ماتكفيك طبعا اما بالنسبة الي فاني اعيش (بدول ....) الي تريد تروح يمها واكبر نعمة اني محصلها هي حريتي بالتفكير والتعبير عن الراي مهما كان الاختلاف بيني وبين حتى اعلى سلطة في هذا البلد وهذه نعمة ماراح تحس بيها الا اذا تريد تطلع من الجنة مالتك اما بالنسبة للمساعدات فاتصور انه حضرتك تكول عمري مامديت ايدي الى اخر الكلام فيعني حضرتك ماتستلم الحصة وغيرها الي ينطوها الك الunhcr اما بالنسبة لجواد المالكي الي ناكر للجميل ممكن تجاوبني ليش كنوا ملفي واني اجاوبك السبب كان تدمير العراق كدولة لخدمة جار السوء (وددت لو كان بيني وبينهم جبل من نار ) الي دائما تشوف صور رئيسها (نجاد) بالشام وسحرها فاذا كانت هاي نظريتك من طيب المعاملة ونكران الجميل فالله الي يستر فاذا كانت هذه طرق تفكير من يريد ان يستضيفني ليستغلني لقتل شعبي في تفجيرات الجامعة المستنصرية وغيرها في الثمانينات فالله خير حافظ وهو ارحم الراحمين .
على العموم كما قلت لك انه حرية التعبير نعمة لاتعرفوها الا عندما تتحرروا من قيود ال.......
والله يسهلك وتشوف الامنية مالتك تروح لامريكا وتعرف شنو معنى الكلام الي كنت تكتبه ومااكلك غير الله يساعدك
-
اخي العزيز طلعت روحي اني كتلك وانت حر بكيفك صارلي 10 سنين بيها وما يوم دفعت دينار رشوة ولا موجودة هاي الحالة دخلت 10 لسورية زين لحكت ارجع بالكروة وتقبل تحياتي ومال الرشوة بأمريكا جأز كلشي ايصر اعرف دكتور بال93 راح للصين ايقول اول ما الشرطي الصيني شاف جوازي عراقي كام يفركلي بأصابعة ويقول كلت اخوانة العراقيين وصلو الرشوا للصين
-
اخواني الاعزاء
اذا تدخل السياسه بالموضوع فألاراء كلها راح تكون متشنجه وبيها خلط وما راح يسلم شعب منها ... يعني اني احب الشام لاني احس تعاملهم افضل من غيرهم حسب تجربتي الشخصيه كعراقي وهذا لا يلغي وجود امور سلبيه ابدا ولكن عندما اخضعها لمقارنه مع الاردن فالاردن ليس بافضل حال ابدا وبيه نصب واحتيال على مستوى عالي جدا وخصوصا اذا عراكي ( عراقي ) عضلاتهم تصير رامبو عليك واحنا سبق اشترينا شقه بمنطقة خلده بعمان ونصبو علينا ولا قضاء فادنا بالاردن ولا عداله لانه احنا عراكيين يازلمه (عراقيين) مسموح النصب عليهم واكل حقوقهم واعتقد طردهم للعراقيين من الحدود خير دليل على حبهم واحترامهم النا اليس كذلك ؟
تحياتي
ابوبشير
-
غلق الموضوع لانه اخذ منحنى اخر وتدخل ردود السياسة وهنا ممنوع هذا الشي وبقى مقفول الى ان يقراه ردي الاخ بغدادي 76 وافضل ان يحذف هذا الموضوع لانه لا يخص العراقيين