ankawa

منتدى الهجرة واللجوء => الهجرة و واللاجئين => الموضوع حرر بواسطة: sultanyan في 14:47 05/09/2010

العنوان: شباب الحكو طلعت المساعدات شهر بس وبعدها دوووووووخ بحالك
أرسل بواسطة: sultanyan في 14:47 05/09/2010
السلام عليكم
اليوم اول يوم بالدورة التثقيفية واكو شي كلش حلو صدمنا كلنا وهو  المحاظرة الي دتشرحلنا عن الوضع سألتنا سؤال خلانا نلف براسنا كالت شتعرفون عن الولكم كنالها مبلغ نستلمه بس نوصل ؟ فالجواب جان ((( ماكو هيج حجي ولا تصدكون بكلام الناس كل الي الكم اذا كفيل راتب مال شهر واذا ماكو كفيل شهر سكن بس مو اكثر وينطون مساعدات بعدها بقيمة ماليه بسيطة جدا فانتوا لازم ادورون شغل وتعينون نفسكم لان المنظمة ماراح تكدر اتساعدكم اكثر من شهر)))  شنو رأيكم بهذا الكلام الحلووو يعني طبعا اني ماعندي مشكلة بس المهم الكي شغل يسد ايجاري ومصروفي وماريد منهم شي بس اذا ماحصلنا شي يعني شنو انلف وجهنا ونرجع لو انلف بالشوراااااااااااااااع
شنو رأيكم شباب طبعا احنا كلنا حقدنا عليها بالاحرى مو هي السبب بس هذه التعليمات مثل ماكالت انطوني ارأكم والي طلع قبل فترة من شهرين وفوك ياريت يحجيلنا
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: zozk في 15:07 05/09/2010
السلام عليكم
هذا الكلام صحيح بس بعدالشهر الاول المنظمة نفسهة تاخذك لدائرة الخدمات الاجتماعية و ايقدمولك ولفير و تبقى نسنلم مساعدات مدة 6 الى 8 اشهر خلال هذة المدة حاول اتحصل شغل و الله ايسهلك انشاء الله
العنوان: رد: شباب الحكو طلعت المساعدات شهر بس وبعدها &
أرسل بواسطة: sultanyan في 15:25 05/09/2010
zozk تسلم علرد اخوية انت حاليا في اميركا اذا اي فدوة اروحلك احجيلي عن برنامج الولفير وشنو المساعدات راتب وبحدود للعزاب بس؟؟؟اني داروح على فيرجينيا ماعرف شنو الوضع ممكن تحجيلي واكونلك ممنونة
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: ملك الحيرة في 15:29 05/09/2010
حبيبي المنظمة تريد تحثكم على الشغل وما تعتمدون على المساعدات وهذا من صالحهم وصالحكم ايضا
اما موضوع المساعدات فاذا كان عندك اطفال ما تنقطع الى ان يبلغون 18 سنه
واما اذا كنت عزابي اذا اشتغلت راح تنقطع عنك بعض المساعدات مو كلها واكو برامج هواي للمساعدات
بس انته لا تخلي همك الشاغل موضوع المساعدات لان هنا تبدي مشاكلك بامريكا وما راح تقدر تقاوم
خلي امامك انك مسافر لبلد ما عندك بيه واحد وماكو واحد راح يمد يد المساعدة الك ...واذا اجت المساعدة خيرا على خير
العنوان: رد: شباب الحكو طلعت المساعدات شهر بس وبعدها &
أرسل بواسطة: sultanyan في 15:31 05/09/2010
اني والله مامعتمدة عليهم بس خايفة انه صعبة الكي شغل لاني ماكدرت اكمل جامعة بس عندي خبرة 4 سنين  مضيفة طيران بالاردن بس ماظنيت يقبلون اهناك حتى حابة اكمل دراستي والله دايخة ياzozk
العنوان: رد: رد: شباب الحكو طلعت المساعدات شهر بس وبعدها &
أرسل بواسطة: ملك الحيرة في 15:40 05/09/2010
لا تخافين

من رزقك في بطن امك بلا حول ولا قوة لك
ومن جعل والدتك تطعمك من جسدها بلا حول ولا قوة لك
ومن جعل والديك يقطعون اللقمة من افواههم ليطعموها لك

لن يتخلى عنك وانتي قادرة على العمل بما امرك به


مقتبس من: sultanyan في 15:31 05/09/2010
اني والله مامعتمدة عليهم بس خايفة انه صعبة الكي شغل لاني ماكدرت اكمل جامعة بس عندي خبرة 4 سنين  مضيفة طيران بالاردن بس ماظنيت يقبلون اهناك حتى حابة اكمل دراستي والله دايخة ياzozk
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: sultanyan في 15:58 05/09/2010
تسلم ملك الحيرة وانشالله اسمك مايدل عالحيرة
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: doori في 18:31 05/09/2010
مرحبا
اخت سلطانيا الرزق على الله والشاطر من اول يوم مينتظر خلي يخلي في باله ماكو مساعدات ولا شي هسه انتي مضيفة طيران اني دارس سياحه بس انكليزيتي ضعيفه جدا والحمدلله وراح ابدي ان شاءاله بعد رمضان ويه اصدقائي الخيرين باخذ دورات تثقيفيه انكليزيه  ;D ;D ;D ;D يعني ليل نهار نهار ليل والله كريم الله كاتب الرزق وين وشراح نشنتغل فلديرين بال اني عندي يقين ان الله ما ينسه عبده ابد وبعد الي صار بيه لحد ما استلمت النتيجه تعلمت هالشي وصار عندي درس بالغربه اسعى يا عبد واني اعينك سامعين بي مو اكيد المهم الله كريم
وتسلمين على هالمعلومه سؤالي لحضرتج كلولكم على موعد سفر لو لا؟
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: نور الحديثي في 18:58 05/09/2010
اخوان تحية طيبة
بالنسبة للدورة التثقيفية فمو كلشي بيها صح ومو كلشي بيها خطأ يعني بالدورة يحجون اشياء standardيعني كلامهم يحكمه قواعد معينة مثلا كالوا النا بالدورة انه مايصير ناخذ غير الوزن المسموح وغيرها وغيرها وهاي السالفة كلها مو خطأ بس بالمطارات يتساهلون بيها وخصوصا الوزن بس مثلا نقطة النقاش الي هيه المساعدات فالمنظمة لا راح تحير بيك بمسالة الفلوس ولا هم يحزنون لانه كلشي معد مسبقا عن طريق برامج مساعدة حكومية تسجلون بيها بمجر وصولكم وبعدين الاجراءات تاخذ مجراها الطبيعي وخلال شهر تبدي كل امساعدات توصلكم بس الافضل هو الاهتمام بايجاد عمل لانه بلا عمل حياتم تصير لا طعم ولا رائحة ولا لون واي سؤال اني حاضر
اخوكم ابو نور
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: مــــان في 19:02 05/09/2010
اخوية ترة الدورة التثقيفية هاي شغلتهم

يعني يسون امريكا كدامك مسدودة من كل ناحية

يعني ملخص الكلام يكلك هذا وضعنة عاجبك لو مو عاجبك

يعني مو كل كلامهم صحيح وهم لازم يسون هيج


وانت اصلا لتعتمد على المساعدات

لازم هناك تشتغل

تحياتي
العنوان: رد: شباب الحكو طلعت المساعدات شهر بس وبعدها &
أرسل بواسطة: sultanyan في 19:15 05/09/2010
تسلم دوري  ياريت لو يقبلون يشغلوني مضيفة هناك يامعود لو بالمطار اي شي انشالله تاير مال طيارة مو مشكلة هههههههه ::)
الموعد بعده ما خابرونا عليه
العنوان: رد: شباب الحكو طلعت المساعدات شهر بس وبعدها &
أرسل بواسطة: sultanyan في 19:20 05/09/2010
الاخوان ياسر ونور شكرا لمبادرتكم وتهوين الامور على قلوبنا لان انا بصراحة خايفة هوايه ماريد اخسر شغلي اهنا علمود اروح وانصدم اني اعرف شغلة المضيفة هناك صعبة لعراقية بس شنو برأيكم ممكن اخذ كدورة تفيدني بالشغل انشالله لو ميكانيك ماعندي مشكله زين اني ماكملت الجامعة بس سنتين واوراقي كلها ضاعت من انهزمنا من العراق بس عندي التوجيهي ووصل مال براءة ذمة من الجامعة للسنه الثانية زين مايخلونا انكمل دراسة  لو هم على حسابنا
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: angie-dawood في 19:22 05/09/2010
مقتبس من: sultanyan في 14:47 05/09/2010
السلام عليكم
اليوم اول يوم بالدورة التثقيفية واكو شي كلش حلو صدمنا كلنا وهو  المحاظرة الي دتشرحلنا عن الوضع سألتنا سؤال خلانا نلف براسنا كالت شتعرفون عن الولكم كنالها مبلغ نستلمه بس نوصل ؟ فالجواب جان ((( ماكو هيج حجي ولا تصدكون بكلام الناس كل الي الكم اذا كفيل راتب مال شهر واذا ماكو كفيل شهر سكن بس مو اكثر وينطون مساعدات بعدها بقيمة ماليه بسيطة جدا فانتوا لازم ادورون شغل وتعينون نفسكم لان المنظمة ماراح تكدر اتساعدكم اكثر من شهر)))  شنو رأيكم بهذا الكلام الحلووو يعني طبعا اني ماعندي مشكلة بس المهم الكي شغل يسد ايجاري ومصروفي وماريد منهم شي بس اذا ماحصلنا شي يعني شنو انلف وجهنا ونرجع لو انلف بالشوراااااااااااااااع
شنو رأيكم شباب طبعا احنا كلنا حقدنا عليها بالاحرى مو هي السبب بس هذه التعليمات مثل ماكالت انطوني ارأكم والي طلع قبل فترة من شهرين وفوك ياريت يحجيلنا



اخي اذا تقصد الولكم جك فالكل يستلم واستلم هذا المبلغ وماكو خلاف عليه اما اذا تقصد عن المساعدة الي تكون 8 او 6 حسب الولاية هم الكل استلموا والي يجون بعدهم نفس الحقوق الظاهر اخينا الي بالمحاضرة ميعرف اي معلومات عن الولايات المتحدة وقوانينها حجى بكفيه !
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: sultanyan في 19:25 05/09/2010
والله يا اختي يا انجي هي وحده وحجت بكل ثقة كالت ماكو شي اسمه ولكم جاك الي جاي بدون كفيل مااله غير سكن واثاث وفود ستامب لشهر اما الي على كفيل ينطون بدل سكن شهر بعدها دبرو حالكم هذا النص مالتها اليوم
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: مشلوع كلبي في 19:47 05/09/2010
اختى العزيزة وعزيزتى انجى هذا الكلام نفسه يكل الدورات التثفيفيه انى سمعته نفسه من دااسافر قبل سنه وللان كل ديسافرون وراى نفس الكلام المحبط يسمعون مثلما الاخت سمعت واحنا قبل سنه حتى مايريدون نعتمد على المساعدات وندور على شغل ومانخلى ايدنا على خدنا وننتضر المعونه
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: kunda في 20:08 05/09/2010
عمي كولو ياالله عمركم سمعتوا عن عراقي راح لاامريكا ومات من الجوع ؟؟؟
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: (COBRA) في 20:16 05/09/2010
سلتانيان تحيه طيبه
انتي ليش مدوخه نفسج من هسه  كولي يالله  وبعدين منو يعرف باجر شيصير الله واعلم
بس اتذكري كلما ينسد باب الله يفتح باب كدامج  وخلي عينج بعين رب العالمين وهو كفيل  بلعباد تقبلي دعائي
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 23:15 05/09/2010
هذا نفس الكلام الي حجته ام الدورة النه بشهر السادس, ضلمتها علينه بوكتها, وهمه متعمدين يسوون هشكل وياكم, يراووكم الموت علمود ترضون بالصخونه من توصلون بأمريكا ;D خاصتا اذا منظمتكم بامريكا يطلعون مو خوش اوادم, واللي اكتشفته اني هو بس العزاب راح يتبهذلون شوية خصوصا اللي يحجون انكليزي, لانه اليحجي انكليزي المنظمة راح تلبسة مثل ملبسوني أني وغيري, فأحسن شي الواحد يعتمد على نفسة أول ميوصل وينسه شي اسمه مساعدات, اني أول موصلت بس عرفوا بيه احجي انكليزي راسا لبسوني ولا حتى كامو يخابروني ويسألوني خو ممحتاج شي, وضليت تقريبا شهر ملبوس لا ولكم جك ولا كاش اسستنس ولا فود ستامب ولا مدكيت, وجنت كل ما أسأل الكيس مانجر مالتي على الوكم جك يكلي بعده مواصل, ومن اسئلة على الفود ستامب والمدكيت يكلي قدمتلك عليه وانت روح خابرهم وكمل المعاملة مالتك لانه تحجي انكليزي, كتله يابة اولشي اني ما اندل الدائرة مالتهم وين صايرة وثاني شي اني صح احجي انكليزي بس هذولة الدائرة ماعرف شلون اتعامل وياهم ولا اعرف شجاوبهم لانه اي غلطه بالجواب فراح يرفضون المعالمة مالتي, يكلي اي عادي اذا رفضوها, لانه اكو هواية لاجئين شباب مثلك انرفضت معاملاتهم لانه بعدهم شباب بحيلهم وماعندهم مشاكل صحيه (هههههه شلون جواب حلو) وأي شغله اسألة بيها يكلي انت روح سويها لانه تحجي انكليزي, ما اطولها عليكم...قبل 4 ايام بزعت ورحتلهم واتعاركت وياهم وغلقت الكيس مالتي بالمنظمة بس قبضت الولكم كامل 900 دولار بالنهاية (اصلا بالدفرات حصلته), وهسه اني دايح بدون منظمة ;D

نصيحتي للعزاب الي راح يجون, دربالكم اتكولون للمنظمة انتو تحجون انكليزي بطلاقة ترة يلبسوكم, وثاني شغله جيبوا وياكم فلوس كاش شكيد متكدرون ترة اتفيدكم بالايام السوده, يعني اني لو مجايب فلوس وياية جان هسه اني بالشارع نايم وكليومية ضاربني الاعصار ومطيرني, وثالث شغله حاولو تعتمدون على نفسكم بكلشي مو على المنظمة, ترة الحياه بأمريكا كلش صعبة خصوصا بأول 3 اشهر ووراها اتصير كلش سهله,

أختي Sultanyan اذا منضمتج بأمريكا طلعو خوش اوادم فراح ينطوج الولكم جك من تصولين او يجوز يدفعولج الاجار مالتج من الولكم جك, بالنسبة للبرامج مال المساعدات الي يشمل العزاب هو الMatch Grants او  ال Refugee Cash Assistance, اذا حطوج على البرنامج ماج Match Grants فراح يدفعولج الاجار لمده 3 اشهر الى اربع اشهر وينطوج 200 دولار كاش كل شهر, وره 3 اشهر او 4 اشهر راح تخلص مساعداتج وانتي لازم بعد اتحيرين بنفسج بس بالنسبة الفود ستامب والمدكيت هذا راح يبقى لحد 8 اشهر, واذا خلوج على البرنامج Refugee Cash Assistance فراح يينطوج كل شهر بحدود 330 دولار كاش (حسب الولايات) وهاي تستمر لمده 8 اشهر, وبالنسبة للاجار فراح يدفعولجياه من الولكم مالتج الى ان يخلص, يعني مثلا اذا الولكم مالتج 900 دولار والاجار 300 دولار بالشهر فراح يدفعولج الاجار بس 3 اشهر, وبالنسبة للفود ستامب والمدكيت فهذا همين راح يبقى لحد 8 اشهر, وتكدرين اجددين الفود ستامب بعدين اذا ملكيتي شغل ورة 8 اشهر.

وانتي حاولي لتفكرين بهاي المساعدات لانه هيه اصلا مراح اتكفيج (اتكفيج بس تاكلين وتنامين كم شهر), فأحسن شي اعتمدي على نفسج اول متوصلين وحاولي تلكين شغل بأسرع وقت ممكن, وأي شغله تجيج بالبداية اقبلي بيها وابدا لتستنكفين منها, والي يكلج شغل ماكو بأمريكا فهذا جذااااااااااب,

وبالنسبة للوظيفة مال Flight Attendant مو صعبه, كلش سهله بأمريكا لانه شركات الطيران امزبلة بالمئات بأمريكا, وهواية شركات يوظفون Flight Crew حتى لو ماعدهم كرين كارد وكل الي يطلبوه شركات الطيران هو بس تصريح عمل, يعني اني صارلي شهر بأمريكا وكلت خلي اقدم على الوظايف مال الطيران عن طريق الانترنيت وأشوف, لحد هسه انقبلت بأربع وظايف, بس مراح اكدر اشتغل هسه لانه شهادتي ورخصة الطيران مو امريكية فلازم اعادلها اولشي علمود اكدر اطير على United States Aircraft Registry.

فهاي شغلتج راح اتحصليها بسهولة اهنا بأمريكا لانه انتي مشتغله اربع سنين كمضيفة بشركات الطيران بس لازم اجيبين وياج كتاب يثبت هذا الشي, يعني روحي للشركة الي تشتغلين بيها بالاردن الي هيه مثلا JATE او RJ وطلبي منهم الHR لتر + توصية, وجيبي وياج الشهادات همين مال الدورات الي انطوجياها شركة الطيران مثلا Aviation Security Course و CRM Course وغيرها...

بس اكو شغله اهنا بأمريكا ولو اني ممتأكد منها اذا تشملج او لا وهيه لازم اتحصلين موافقة من وزارة أمن المواصلات TSA قبل متشتغلين, لانه اني قبل اسبوع من داعادل شهادتي ورخصتي بأكاديمية الطيران كلولي جيبنة موافقة اولشي من الTSA وبعدين تعال, وبالنسبة هاي الموافقة ترة كلش سهله من اتطلعيها, يعني مطول بحدود الشهر الى شهر ونص, واذا الشركة مطلبوها منج فبعد احسن,

وانشالله من توصلين لامريكا وتحصلين التصريح العمل حاولي راسا ادزين الCV مالتج لشركات الطيران عن طريق الانترنيت, وحاليا احسن شركات طيران بأمريكا هيه

American Airlines, United Airlines, US Airways, Delta Airlines, Continental Airlines,

فوتي على مواقعهم بالانترنيت ودزيلهم الCV مالتج, وانشالله اذا قبلوج فراح يتصلون بيج ويكلولج تعالي لفلان مكتب عندج مقابلة بفلان يوم, بس حطي ابالح ترة المقابلة شوية صعبه اهنا يعني مو مثل الشركات الطيران بالدول العربية ;D
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: sultanyan في 23:36 05/09/2010
اخخخخخخخخ يا كابتن علي الله يريح قلبك مثل ماريحتني انشاءالله الم كل الدورات والتوصية واخذهم وياية ويصير خير تسلم على هالمعلومات القيمة جداااااااااااااااااااااااا ممنونتلك كلش اخي العزيز
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: doori في 23:42 05/09/2010
اخ كابتن علي الله يوفقك وتسلم على التوضيح ما بقيت شي ما شاءالله عليك هاي شنو ااااااااااااااانت :o :o :o :o لتخاف ما احسد اني بالنسبه الي عندي اكثر من تخصص بشهاداتي طبعا اخذت السياحه من اولها من معهد بغداد للسياحه والفندقه قسم مطبخ ومعهد الاداره التقني قسم سياحه تخصص ضيافه والاخيره بكلوريوس سياده وادارة مكاتب سياحيه بس ترعفون الدارسه بالعراق صدقه لله خصوصا بسنه 2005 و2006 جان الواحد يروح يداوم وبالدفرات يله يرجع للبيت يعني بصراحه حشاكم دراسه طايح حضها وللاسف ما اخذت اي دورات بهذا الخصوص لان اجيت للاردن واقامه وما ادري شنو فما كدرت اسوي شي
المهم اختنا ضاحبة الموضوع يمكن يكلولكم باخر يوم من الدوره التثقيفيه عن موعد السفر وانتي اسالي ام الدوره الي دتسويها الكم عن الموضوع بس شو هاي من هسه حطة كدامكم بلوكه كونكريتيه ههههههههههه شحساعد متكليلي والله عندي شاب صاحبي راح يسافر لاستراليه يكول احلى شي شفنا الدوره التثقيفيه يله يمكن لانها صايمه يخالف تحملوها
الله وفق الجميع لما تحبه وترضاه يا ارحم الراحمين
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: sultanyan في 00:05 06/09/2010
اي والله دوري يسلم حلكك اكيييييييييييييييييد بس والله اني قابلة اذا اكوا شي يحسن مستقبلنا احسن من هالوضع
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 00:20 06/09/2010
اخذيهن كلهن منهم والزكيلهم طابع بوجهم ;D ادري بيج ضايجه لانه راح اتعوفين شغلج الحلو والراتب بس ترة صدكيني الراتب القوي مراح يفيدج بعدين بالاردن لانه هذوله كليومية قانون شكل يطلعون, وبأي وقت راح يلزموج الباب ويكلولج باي باي, وراها راح تخسرين شغلج...والفرصة مال امريكا راح اتروح عليج, وراها راح يبقى بس طريق واحد الج الي هو ترجعين للعراق العظيم, فتوكلي على الله اختي تعالي لامريكا وابني حياتج اهنا حتى لو تبدين من الصفر, اذا انتي خايفة لتخسرين شغلج وتجين لامريكا وتنصدمين لعد اني شكول عفت راتب 6500$ وشغلي المرتب وجيت لامريكا؟ ومع ذلك اني مضايج لحد هسه, وحتى هسه مستعد اشتغل زبال 5 سنين بأمريكا بس علمود الجنسية اخذها لانه متعرفين شلون راح اتفيد بالمستقبل, وانشالله اذا جيتي لامريكا وحصلتي الجنسية فشكو شركة طيران بالدول العربية راح يتوسلون بيج ويوكلولج بس تعالي اشتغلي حتى بدون مقابلة يعني كبل اتصعدين للطيارة ;D, وحتى الراتب الي تاخذي انتي حاليا فراح تاخذي ب3 اضعاف من يكون عندج جنسية امريكية, وهذا الحجي الي كاعد احجي ترة صدك وشفته بعيني, يعني أني من جنت بعمان جنت اشوف اني او اي طيار وياية جنسيته عربية ياخذ 6500 دولار بالشهر, والطيار الاجنبي ياخذ 16 الف دولار بالشهر :o ومن اسألهم يابة ليش هذا تنطوه 16 الف؟ يكلولي مو هذا جنسيته امريكية وشهادته امريكية, والشغلة الثانية الي صارت هيه جان عندي صديق طيار ألماني وقبل فترة من جنت بعمان كلي بلكت ادزلي الايميل مال الشركة لانه ديريد يقدم عدنه, فاني دزيتله الايميل, شو ورة 10 ايام جان اشوفه بالشركة هههههههههه, كتله لك ها خالي شوكت جيت؟ كلي البارحه, كتله بشر سويت مقابلة؟ قبلوك؟ كلي اني قبلوني قبل ما اجي للاردن هههههههههههه, واللي كتشفته اني بهلفترة شكو طيار اجنبي فاشل كاعد ديجي يشتغل بشركات الطيران العربية لانه شركات الاوربية والامريكية مستحيل يشغلون طيارين نص ردن, بس الشركات العربية لا رأسا يشغلوهم لانه جنسيتهم اجنبية................هسه شفتي شلون الجنسية مهمه؟

يلة اني مضلي شي على الجنسية, صارلي شهر واسبوع بامريكا

يعني بعدلي 58 شهر و3 اسابيع ;D
(http://www.sudftw.com/SUDftw/DANCING_BABY.GIF)
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Aiham_ في 00:29 06/09/2010
و الله سبع كابتن عجبتني هواي  ;D بالتوفيق حبي
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: sultanyan في 00:34 06/09/2010
والله كلامك كله مضبوط بس بدون زحمة اخي العزيز انت بأي شركة طيران جنت بالاردن بس لا تطلع بنفس شركتي
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 01:00 06/09/2010
حبيبي حمودي, انشالله من توصل لامريكا حاول اتعادل شهادتك, ترة بس اتعادلها فرأسا راح اتحصل الشغل الي تريده انت, وانت حاليا حاول اتقوي لغتك الانكليزية ترة أخوان اللغه جدا جدا جدا مهمه بأمريكا, ترة اللي ميعرف لغة فراح يشوف امريكا عبارة عن جحيم, هاي ما عدا البواري الي راح ياكلها من يشتري فد شي او يشترك وية فد شركة, وثاني شغله دربالكم اتوقعون على ورقة اذا متقروها زين وتفتهمون شمكتوب بيها بالظبط, ومن تشترون خط تلفون او تشتركون بشركة مال انترنيت او اي شي ثاني فدربالكم اتسوون عقد وياهم!!!!!!! ترة يمصون فلوسكم...ووراها اذا تريدون تفصخون العقد فراح يغرموكم واذا مدفعتوا غرامة فراح اتصير عليكم Bad Credit, اهمشي من توصلون لامريكا لتستعجلون بشراء خط تلفون او انترنيت, ضلو اول اسبوع ادورون على يا احسن وارخص شركة بولايتكم وبعدين اشتركو وياهم ودربالكم اتسوون عقد, ترة اني اول موصلت لامريكا استعجلت, ورة يوم رحت اشتريت خط تلفون واشتركت وية شركة مال انترنيت وراسا وقعت على عقد سنتين وياهم, واتعكلت بعكال مضبوط مال اهل الجنوب ;D واكلتها خوش اكله بحيث هسه القائمة مال انترنيت كلفتي بحدود ال300 دولار مال شهر واحد فقط,  والشغله الثانية الي صارت بية هيه رحت وسجلت بالجم وهمين وقعتلي على عقد ابو السنة, فهسه اني صار عندي درزن عكل ;D واني بعد اسبوع راح افصخ كل العقود لانه راح اعوف ولاية فلوريدا وانتقل الى ولاية كولوردوا, فراح اتغرم بحدود 1000 دولار من ورة العقود :(

فنصيحتي الكم لتسوون عقود وية اي شركة! واذا تريدون اتسون عقد وية فد شركة فحاولو تقرون العقد زين وافتهموا كلمة كلمة شنو معناها, ترة اكو كلمات وراها بلاوي اذا متفتهموها!!!!!

وهسه اخر مصيبة صارلتي الجلب مال كفيلتي اخذوا الشرطة لانه نسيت ادخله جوة بالبيت, لازم ادخله جوة بالبيت الظهر لانه حارة برة, فوكاها كفيلتي امسافرة...زين هاي شراح اكولها للكفيلة مالتي من تجي ??? ??? ???والله مادري.
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 01:11 06/09/2010
مقتبس من: sultanyan في 00:34 06/09/2010
والله كلامك كله مضبوط بس بدون زحمة اخي العزيز انت بأي شركة طيران جنت بالاردن بس لا تطلع بنفس شركتي

اختي اني جنت بSkyChess مال نقل VIPs ابين العراق والاردن وافغانستان وقطر والامارات, والشركة امريكية مو اردنية بس البيس مالتهم بعمان, وهمين اشتغلت فترة وية الاردنية للطيران Jordan Aviation بس بطلت لانه طلعو نصابين وخمطو 30 الف دولار الي دافعلهمياه مال التدريب على Boeing-737  :(
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Aiham_ في 01:16 06/09/2010
كابتن علي يصير ادزلك جلب من سوك هرج ... بس دزلي صورة اله و داعتك ادزلك واحد توينز  ;D , بس خاف ادزلكيا و يشوف الحيات بامريكا تختلف و يكوم يصيح ميو ميو
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 01:20 06/09/2010
مقتبس من: Aiham_ في 01:16 06/09/2010
كابتن علي يصير ادزلك جلب من سوك هرج ... بس دزلي صورة اله و داعتك ادزلك واحد توينز  ;D , بس خاف ادزلكيا و يشوف الحيات بامريكا تختلف و يكوم يصيح ميو ميو

دزلياه على البريد السريع ابشرفك, هسه راح احولك فلوس ;D هاي خاف كفيلتي تشتكي عليه من تجي وتشوف الجلب ماكو,  هاي شلون مصيبة.
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: koka75 في 15:39 06/09/2010
 
   اخواني واخواتي الاعزاء شكرا لكم على المعلومات القيمة ولاكن عندي سؤال للجميع وخاصة كابتن علي لان الضاهر كابتن علي عنده معلومات ن المساعدات زينة --- اخوية العزيز كل الحجي مالتكم وجميع المشاركات جانت للعزاب يعني محد حجة وكال العوائل شنو مساعداتهم يعني مثلا هسة احنة عائلة من 6 اشخاص وندي 3 اطفال اقل من 5 سنوات شنو الوضع بالنسبة النة وشنو المساعدات الي راحج نحصل عليها وذا كانت كل ولاية والها مساعدات شكل فانا انشالله رايح لولاية نيويورك -- البيني وساكون شاكرا لكم
  اخووكم ابو محمود
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 19:50 06/09/2010
مقتبس من: koka75 في 15:39 06/09/2010
 
   اخواني واخواتي الاعزاء شكرا لكم على المعلومات القيمة ولاكن عندي سؤال للجميع وخاصة كابتن علي لان الضاهر كابتن علي عنده معلومات ن المساعدات زينة --- اخوية العزيز كل الحجي مالتكم وجميع المشاركات جانت للعزاب يعني محد حجة وكال العوائل شنو مساعداتهم يعني مثلا هسة احنة عائلة من 6 اشخاص وندي 3 اطفال اقل من 5 سنوات شنو الوضع بالنسبة النة وشنو المساعدات الي راحج نحصل عليها وذا كانت كل ولاية والها مساعدات شكل فانا انشالله رايح لولاية نيويورك -- البيني وساكون شاكرا لكم
  اخووكم ابو محمود

أخوية ابو محمود اعذرني ماعندي هواية معلومات بخصوص المساعدات مال العوائل, بس الي اعرفه اني المساعدات مال العوائل احسن بهواية من المساعدات مال العزاب, بالنسبة الك ولزوجتك اعتقد المساعدات بس 8 اشهر وقابلة للتجديد في حال ملكيتو شغل, وبالنسبة للاطفال فراح تستمر المساعدات الهم والتأمين الصحي لحد ميصير عمرهم 18 سنة او 21 سنة, واكو شغله ثانية ترة كل ولاية وكل منظمة مساعداتها شكل, قسم يكولون اكو ولايات ينطون مساعدات سنتين, وقسم من الولايات ينطون مساعدات خمس سنين.
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: koka75 في 21:57 06/09/2010
 
  مشكوور اخوية كابتن علي ونشاللة الي عدهم معلومات عن المساعدات للعوائل يفهمونة وهسة افتهمت من كلامك ولكن بقة السؤال كم هية المساعدات للاطفال ولغاية 18 سنة يعني التامين الصحي اووكي معروف ولكن المساعدات الباقية هل هية كاش مني ام ماذا وشكرا للجميع
  اخوووكم ابو محمود
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 22:15 06/09/2010
مقتبس من: koka75 في 21:57 06/09/2010
 
  مشكوور اخوية كابتن علي ونشاللة الي عدهم معلومات عن المساعدات للعوائل يفهمونة وهسة افتهمت من كلامك ولكن بقة السؤال كم هية المساعدات للاطفال ولغاية 18 سنة يعني التامين الصحي اووكي معروف ولكن المساعدات الباقية هل هية كاش مني ام ماذا وشكرا للجميع
  اخوووكم ابو محمود

ألعفو اخوية, المساعدات مال الاطفال هيه التأمين الصحي + فود ستامب, واعتقد وياها همين كاش موني تقريبا 250 دولار للطفل الواحد, بالنسبة لجالهك لدوخ بيهم لانه الحكومة هيه راح اتساعدهم بكلشي.
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: koka75 في 23:22 06/09/2010
 
   مشكوور اخوية كابتن علي ونشاللة الموفقية للجميع
  اخووكم ابو محمود
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: حسين السالم في 23:47 06/09/2010
اخي العزيز كابتن علي السلام عليكم ورحمة الله وبركاته اذا مو زحمة عليك فد سؤال اذا في حالة لاسامح الله الواحد بالفترة اللي ينطوا مساعدات وملكة شغل شيسوي ومساعداتة خلصت والشغل انت ادور لو المنظمة تجيبلك في حالة الواحد انكليزيتة مو كلش ؟ بالنسبة للعزاب سؤالي مو للعائلة وشكرا جزيلا على جوابك مقدما ارجوا ان تتقبل مروري اخوك حسين السالم.
العنوان: رد: شباب الحكو طلعت المساعدات شهر بس وبعدها دوووووووخ بحالك
أرسل بواسطة: Cpt_Ali في 00:53 07/09/2010
مقتبس من: حسين السالم في 23:47 06/09/2010
اخي العزيز كابتن علي السلام عليكم ورحمة الله وبركاته اذا مو زحمة عليك فد سؤال اذا في حالة لاسامح الله الواحد بالفترة اللي ينطوا مساعدات وملكة شغل شيسوي ومساعداتة خلصت والشغل انت ادور لو المنظمة تجيبلك في حالة الواحد انكليزيتة مو كلش ؟ بالنسبة للعزاب سؤالي مو للعائلة وشكرا جزيلا على جوابك مقدما ارجوا ان تتقبل مروري اخوك حسين السالم.

حبييي مستحيل الواحد ميلكي شغل بأمريكا, الشغل موجود بكل مكان, اللي يريد يشتغل من صدك ويحصل فلوس فراح يلكي يشغل, وحتة المنظمة راح يلكولك شغل وغصبا عليهم يلكولك شغل, واذا سمعت واحد بأمريكا يكلك شغل ماكو فهذا جذاب, هذولة لكو شغل بس رفضو لانه يستنكفون منه ويريدون شغل راقي ويكعدون رجل على رجل ورة الميز والكومبيوتر كبالهم, هذا الشغل الراقي مستحيل يجي بالبداية, اهنا بأمريكا لازم تبدي تشتغل من الصفر يعني عامل ابعمل او مطعم او فندق وشوية شوية تبدي تتطور بشغلك وتصعد, يعني مثلا خلي انكول وصلت لامريكا واشتغلت بمعمل مال دجاج او اي شي ثاني, اول شغله راخ اتكون عامل اتغلف وتحمل وراتبك 8 دولارات بالساعه, ورة 3 اشهر او 6 اشهر من يشوفك المدير انت جيد بشغلك فراح يرفعك ويسويك السوبر فايزر مال العمال وراتبك همين يزيده يسويه مثلا 15 دولار بالساعه, وراها بفترة همين راح يرفعك ويحطك مساعد وياه بالمكتب وراتبك همين يزيده ويصير مثلا 25 دولار بالساعه, ورة فترة متشوف نفسك الا صرت انت المدير وراتبك فد 45 دولار بالساعه, هاي هيه الحياه بأمريكا,

بالنسبة الك اخوية اذا لغتك الانكليزية ضعيفة كلش فلازم اول متوصل اتفوت مدرسة وتطور لغتك بأسرع وقت ممكن, لانه اذا متعلمت انكليزي فمراح تكدر اتحصل شغل بيه خير بأمريكا, لانه الميحجي انكليزي اهنا فمراح يلكي شغل غير المنظف او حمال لانه هذني الشغلات الوحيده بأمريكا الي متطلب لغه, ومن اكلك اتعلم لغة مو يعني اريدك تحجي انكليزي بطلاقة مثل الامريكان, وانما من الامريكان يحجون وياك تفتهم عليهم وانت همين من تحجي وياهم يفتهمون عليك, انشالله وصلت الفكرة اخوية. وأي سؤال أخر اني حاضر

بالنسبة اصحاب الشهادات واللي يحجون انكليزي ويريدون يشتغلون بشهاداتهم بأمريكا فلازم اتعادلون شهاداتكم لانه اذا معادلتوها فمراح اتحصلون الشغل اللي تريدوه اهنا بأمريكا.