ankawa
منتدى الهجرة واللجوء => الهجرة و واللاجئين => الموضوع حرر بواسطة: Mory في 15:05 05/09/2010
-
الاخوة المسافرين الى امريكا واللي عدهم اطلاع
طبعا اني اشتريت ادوية تكفي سنتين ليكدام وخاصة اني رايح لولاية باردة ان شاء الله.
الادوية بيهة هواية شيش مال شرابات وبيهة حبوب وابر. طبعا خليت الدكتور يسويلي راشيتة بس كل اللي كتبه يمكن يطلع 5 و 6 انواع بالاضافة الى ان الكليشة مال الراشيتة مكتوبة بالعربي وما بيهة شي يدل على انه مال دكتور غير الاحرف اللي توصف الاختصاص بالانكليزي.
السؤال هو الجماعة اللي اخذوا ادوية وياهم شلون دخلوهة وهل كان بيهة شرابات وابر لو بس حبوب وشكد الكمية.
السؤال الثاني اذا اخذت سرنجات وياية بعدد الابر هل هية مشكلة لو رح يدخلوهة اباب الممنوع والمخدرات.
Mory
-
السؤال الاول : تخلي الادوية بالجنط الكبيرة
بالنسبة للسرنجات ما عندي علم
اكو موضوع للاخت سرى حول الادوية حاول تتطلع عليه ممكن يفيدك
تقبل تحياتي
-
الاخ زيوس
شكرا على مشاركتك اخي. طبعاً الادوية رح تكون بالجنط الكبيرة مو اللهاند باك بس السؤال مالتي يخص النزول من الطيارة باول مطار بامريكا
-
اخ موري عادي تكدر تاخذ الادويه الي اتريدها حسب احتياجك ولتخليها اتبين يعني ادحسها بين الغراض
وخلي وياها الاوراق
المهم لتكون حبوب مفرقه خلي اتكون في باكيتاتها
حتى ليتصورون حبوب ممنوعه
-
اختي ريومة واخوية زيوس كفوا ووفوا بالجواب احنا هم جبنا ادوية ويانة خليناها بالجنط الكبار وحتى وصفة ما كتبنا وكلنا اذا سئلونا نكوللهم اطباء بس الحقيقة اقل تفتيش تتعرضوله هو اللي بمطارات امريكا واقوى تفتيش هو بمطار الاردن فلاتشيل هم.بس خلي في بالك الشرابات لفوها زين لان الجنط تتعرض الى شيل وحط وتنزيل وتصعيد فيجوز تنكسر بين الملابس.
-
شكراً جزيلاً على ردودكم واني كنت بكل الاحول ناوي اخلي العلب الزجاجية بالوسط لان اعرف شيصير بالجنط وشكد تتشمر وتشبع دفرات.
اللي اخاف منه قبل سنتين كنت رايح لالمانيا ونزلت بمطار تيكل في برلين.. اني الوحيد اللي فتشو الجنطة مالتي باليد (يمكن شكلي مو راحة هههههههههه) مع العلم ماكو فحص سونر للجنط من تنزلون من الطيارة بالمطار اعلاه يعني بهيج حالة الواحد شيسوي اذا احد مر بيه مثل هيج حالة من الاخوان والخوات.
وبعدني أسأل عالسرنجات ههههههههههههههههه
-
اخوية موري هم الجنط تستلمهم من الحزام بالمطار لاتقلق كلنا هيج صار ويانة.السرنجات انت ليش شكد ماخذ؟ ههههههههه يمعود كلنا ادوية مو سرنجات.
-
هههههههههههه والله ضحكتيني
السرنجات اشوفهم بلافلام يحقنون بيهة مخدر وبنفس الوقت الادوية الا بوصفة فخفت لا تكون من المحرمات.
مو هواية 10 سرنجات على كد الابر
-
وزعها بالجنط.تحياتي
-
السلام عليكم
اخويه العزيز الشباب مقصرو وياك بالاجوبه من ناحيه الادويه وكلامهم كله صحيح .
بس بالنسبه للابر افضل بان متاخذها وياك لان الابر اهناك بامريكا ميطوها الا برجته دكتور وبصوره عامه كل الادويه بس السرنجات كلش بصعوبه يطوها لان علمود المخدرات ومن لف لف هيج سوالف الله يبعدها عنا وعنكم ان شاءالله والاخوه الي بامريكا يفيدوك اكثر بهل الموضوع واتقبل مروري
ان مع العسر يسرا
robin - cairo
-
عيني انت الشرابات و الحبوب و الدهون و التحاميل و كل انواع الادوية خليها بالجنطة الجبيرة اللي تنشحن لي كدام يعني مو بالهاند باك اما بالنسبة للابر فهمين خليها وية الادوية محد الة علاقة بيها لان اني خليت ابر و هم محد الى علاقة بيها ومحد كال اي شي
بقة موضوع اخر وهو ترة احنا عدنا مفهوم خاطىء انه ماكو ادوية وما يوصفون بس احب اكلك هنا بامريكا تقريبا كل الادوية مسموح تشتريها دايركت من الصيدلية بدون وصفة يعني راح تحتاح انتي بايتك يعني اموكسيل و كفلكس و جماعتة لان هاي الا بوصفة
واي سؤال اني حاضر
-
عيني انت الشرابات و الحبوب و الدهون و التحاميل و كل انواع الادوية خليها بالجنطة الجبيرة اللي تنشحن لي كدام يعني مو بالهاند باك اما بالنسبة للابر فهمين خليها وية الادوية محد الة علاقة بيها لان اني خليت ابر و هم محد الى علاقة بيها ومحد كال اي شي
بقة موضوع اخر وهو ترة احنا عدنا مفهوم خاطىء انه ماكو ادوية وما يوصفون بس احب اكلك هنا بامريكا تقريبا كل الادوية مسموح تشتريها دايركت من الصيدلية بدون وصفة يعني راح تحتاح انتي بايتك يعني اموكسيل و كفلكس و جماعتة لان هاي الا بوصفة
واي سؤال اني حاضر
-
الاخت سرى اتفق وياج انه التفتيش بالمطار مال اردن لعبان نفس يعني مرة حتة تكرمون الحذاء والحزام نزعنياه وبقة الجهاز يطوط وشبعني تفتيش ابو الامن الواكف امام الجهاز.
اخوية ابو ريان الادوية اللي اني اشتريتهة كلهة انتيبايتك علمود الجهال واكو مال كبار تحسباً وما اخذت مسكنات غير الفولتارين.
زين اني رح اتنقل بمطارين قبل لا انزل بولايتي حسب خط السفر مالتي، بالرحلات الداخلية اكو تفتيش سونر لو لا؟ واكو تدقيق لو يعبرون الجماعة.
-
بالرحلات الداخلية اكو تفتيش عاللي شفته وما اعرف ببقية المطارات القادمين شغلتهم اسها من المغادرين لان بالمغادرة هم اكو سونار وتفتح جنطة اللابتوب وتطلعه على صفحة بصف الجنطة وتنزع العفو الحذاء والحزام.وبطل المي مايعبر.
-
السلام عليكم
ارجو ان تتقبلو مروري مع فائق الاحترام .راح اطلع من الموضوع اشويا اتحملو اخوكم ترى المرة زهكتني .
الي موجودين ابا امريكا صحيح المطبخ تجهيز كامل الادولت مثل ()الجدورة المواعين ) زين انجيبهم ويانا اذا ماكو
ممكن اشويا التفصيل ال اخوكم ترى اني مهدد من قبل المرة
او با لنسبة للاجهزة الكهربائية (التلفزيون. ال دي في دي. ست البيت)وما شابه
اخوكم ابو روز
-
خوية ابو روز ولو ما اعرف شنو الرباط وية اللي دا نسولف بيه
من تجارب الاخوة بالمنتدى المنظمة تجهز مواد المطبخ الضرورية ودائما ما اشوفهم يكولون انه هية من النوعية الرديئة
ولموضوع الثاني العالم بالكوة تحصل فلوسهة من المنظمة وانتة تريد دي في دي وست البيت ؟؟؟
-
اخوية ابو روز انت اذا طالع من بغداد مراح يحقلك اكثر من 23 كيلو للشخص الواحد بالحقيبة الكبيرة وين راح تخلي هاي الاغراض كلها؟؟؟ صدكني هي الجنطة بالعجل تنملي.
-
اخي العزيز Mory
انتا افتهمتني غلط اريد اوضح انه احنا نكدر ناخذ الاغراض من العراق ويانا او اكو عليها اشكال من ناخذها ويانا للمطار
مو احنا الي نطلب منهم او شنوا الاشياء المهمة الين نكدر ناخذها ويانا اكون ممنون جدا او اني اسف على الازعاج مرة ثانية
اخوك ابوروز
-
اي اخوية ابو روز تكدر تاخذ وياك مالهم علاقة.
-
الاخت سرى
اني جدا ممنون اخت سرى عاى الجواب بس اني عندي عائلة جبيرة اعتقد معناه اني اكدر اطلع اشويت اغراض
-
بس هم لاتثقلون هنا ممكن تلكون اشياء زينة بس ورة ماتتعلمون منين تشترون موفقين ان شاء الله.
-
انتو طالعين من بغداد وانى عندى جيرانى عوائل اثنين اجو من بغداد عدهم اصدقائهم الامريكان شحنو الهم اغراض من كل شى بصناديق عسكريه كبيرة
-
اخي ابو روز اني أأكد على ما قالته الاخت سرى فعلا الجنط كلشي ماخالين بيهة وانترست وداعتك بس الهدوم وهذا الكنتور بس ربع الملابس رح ناخذ منه.
عيني بامريكا الكهرباء تختلف الفولتية بيه هاي وحدة وثانيا لكل الغراض هناك حسب ما نقرة بالمنتدى مو غالية اما الجدورة والمواعين زوجتي هم ثبرتني اخذ واخذ من سوت الجنط هية انصدمت من شافت ماكو مكان ورضخت للامر الواقع ههههههههههه
تقبل ودي
Mory
-
اخوية مشلوع قلبي
اخوية العزيز ولو ما افتهمت شي من ردك ... احنة طالعين من بغداد واصدقائك الامريكان شحنولهم! منين نجيب اصدقائنا الامريكان حتة يشحنولنة! واحنة طالعين من بغداد.
-
اخوية موري الاخت مشلوع قلبي تقصد اكو جماعات يطلعون من بغداد وعدهم جماعة من الشغل وياهم امريكان يشحنولهم عالبريد العسكري اللي هو جدا رخيص وعدد من اعضاء المنتدى سووا هذا الشي همين.تحياتي اخوية العزيز
-
طبعا رجعنة فتحنة الجنط مرة لاخ ووزعنة الادوية عليهن والله يستر
وهم رح اخذ السرنجات هههههههههههههههههههههههههه
-
عمي اذا المشكلة بالسرنجات فضربوا ابر مال سنة ليكدام و الله كريم
تحياتي
-
والله اخوية اني مفكر اخذ سرنجات جبيرة علمود هم بالحجم العائلي مثل بطل الببسي ومو كمية بالجنطة علمود تصير هههههههههههههههههه
-
مو كل اشرطة الحبوب والكبسول تجي بباكيتات
هواي اكو انواع تجي اشرطة وكل فد خمسين شريط يلله باكيت
هاي شلون بيهه؟؟
-
اخوية فنجز انتة سفرتك كانت قبل ايام واكيد اخذت وياك ادوية ياريت تكتبلنة عالموضوع حسب تجربتك.
-
لا صديقي اني بعد ايام مو قبل
ما تشوفني مهتم وحاير مثلك
-
طبعا والله عبالي وصلت واني دا اكول ليش ما مكمل الموضوع مالته وذاكر بس وصوله لطريبيل عبالي ما عندك وقت والله تعذرني
توصل بالسلامة ان شاء الله
-
الاخ الكريم
بالنسبة للادوية لتشيل اي هم وجيب شكد متريد لان اهم شي الادوية هنا انة وصلت قبل 3 اشهر وجبت وياية ادوية وابر وسرنجات وشرابات مال اطفال بس اهم شي تلفها زين بين الملابس لف كل قطعة بحاجة بين الملابس والشرابات حاول ان تكون بالوسط والله يسهل امرك انة حتى بالحقيبة اليدوية مالتي جنت شايلة حبوب مسكنة ومال صداع محد سالني ولا احد حجة وياي ابدا بس حاول تخلي شراب مال خافض حرارة بالهاند باك وهم لفة زين ان شاء الله ميبين لان الاطفال يصخنون ياسامح الله من البرودة وتغير الجو وموفق باذنه تعالى ولو المجيئ الى امريكا ميسوى شي وانة ان شاء الله راجعة
-
اختي العزيزة eng_mjms
اولا شكراً على للاجابة والنصيحة في موضوع الادوية وجزيل الشكر.
فيما يخص امريكا اني عاجبني اتبهذل واريد اشوفهة صدك ما تسوة لو لا علمود تلعب نفسي منهة وما فد يوم اطبلهة سياحة بالمستقبل.
Mory
-
اخي الفاضل Mory
بالنسبه للادويه والسرنجات محد يحاسب عليها سواء بوصفه او بدون وصفه وانا خلال سفرتي اخذت ادويه بحدود
حقيبه كامله او يزيد من سرنجات وادويه سواء على شكل حبوب او سوائل او بخاخ وطبعا يجب ان تكون الادويه في
الحقائب الكبيره وخصوصا السوائل لانه لايسمح لك بحمل اكثر من 100مل معك بالطائره وعليك حفظها بين الملابس
لعدم تعرضها للكسر
تحياتي