ankawa
منتدى الهجرة واللجوء => الهجرة و واللاجئين => الموضوع حرر بواسطة: دايخ بن دايخ في 14:51 09/09/2010
-
2010-09-09 4:28:03 AM
الأردن يشترط كفالة مالية بقيمة 7 آلاف دولار لكل زائر عراقي
مصادر مطلعة: الكفالة لضمان المغادرة
عمان ، محمد الدعمة :
اشترطت وزارة الداخلية الأردنية وضع كفالة مالية بقيمة 5 آلاف دينار (ما يعادل 7 آلاف دولار) لإصدار تأشيرة لزيارة العراقيين إلى الأردن من أجل مغادرة البلاد بعد انتهاء مدة الزيارة التي تستمر شهرا.
وقالت مصادر مطلعة إن الكفالة بمثابة إقرار بتعهد من قبل الكفيل بدفع هذا المبلغ في حال عدم مغادرة البلاد، ويكون هذا الإقرار صالحا لمدة ثلاثة أشهر وباسم وزير الداخلية أو من يفوضه. وأوضحت المصادر أن هذه الكفالة جاءت للحد من إقامة العراقيين المخالفين، حيث لوحظ أن بعض العراقيين الذين يحضرون إلى الأردن يمكثون في البلاد دون إذن إقامة وبصورة مخالفة لشروط الإقامة، خاصة أن عدد العراقيين في الأردن في الأعوام السابقة وصل لـ750 ألفا، وهبط العدد إلى نحو 450 ألفا العام الماضي. وأشارت إلى أن هذا الإجراء اتخذته الوزارة للزوار الفلسطينيين من قطاع غزة للحد من الإقامة غير المشروعة.
وكانت السلطات الأردنية قد خففت من قيود دخول العراقيين إلى الأردن، وكانت تمنح العراقيين تأشيرات بواسطة شركة «تي إن تي» وشركة «جت» للنقل السياحي وتراعي القضايا الإنسانية والقادمين المرضى من أجل العلاج.
وأوضحت المصادر أن الوزارة لاحظت في الآونة الأخيرة تخلف نحو 60 ألف عراقي منذ مطلع العام الحالي حتى نهاية الشهر الماضي، الأمر الذي استدعى كتابة هذه الكفالات المالية للحد من الإقامة غير المشروعة. وأكدت المصادر أن استقدام عراقيين من أجل الزيارة في الأردن يتطلب أولا موافقة أمنية .
-
معقوله وهل هذا مصدر مضبوط بس مسمعنه هيجي شي
-
والله أخوي للأسف هذا الخبر إنتشر اليوم في كثير من مواقع وكالات الأنباء الرسمية وشبه الرسمية وغيرها . تكدر تشوف وتتأكد بنفسك على صفحات النت .
-
هاهية بس كادرين علينا ;D ;D شلون ما يسوون هيج يمصون بينا مص لعد همة عليمن اعتمادهم غير على اللاجئيين حتى الموافقة الامنية هم بيها جذب ما اطول هل كد خليهم هنانة مدة اطول حتى يصرفون فليساتهم حتى يستفاد البلد منهم لان بالاول وبالاخير همة اعتمادهم على الاجئيين الفقرة الى ما عدهم احد بس اللة سبحان وتعالى مع تحياتى
اخوك عمورى
-
زين اذا واحد يريد يجي يقدم اليو ان شلون واعرف ولد رح يجي بعد 10 اسبوعين وعنده دعوه من اخوه من امريكا شنو موقفه حيصير هذا هم لازم كفيل؟؟؟
-
أخي سفير الوطن :
أعتقد إذا كان عنده موافقة دخول مسبقة يكدر يدخل بيها . الأفضل يتأكد .
تحياتي
-
اخي العزيز
ترة موضوع الكفالة هذا موجود من زمان
احنة مقيمين اهنا بعمان ودائما من نسوي دعوة(استقدام) لاحد من اهلنا من تجي الموافقة مالتهم بعد اسبوعين من تاريخ تقديم الطلب نسوي كفالة بانه راح يطلعون بعد انتهاء مدة الفيزا(وهي مجرد ورقة تعهد) بس هذه الكفالة تستحق في حال انه الشخص المدعو لم يغادر الاردن بعد انتهاء فترة اقامتة واللي هية شهر وممكن تمديدها 3 اشهر فأتصور ماكو شي جديد بالموضوع
وتقبل مداخلتي
تحياتي
-
السلام عليكم اخواني اشلونك اخي دايخ والله لدوخ ولا ابد بس ردت اوضح الاتي:
انو موضوع الكفالة هذا موجديد هذا سياق معمول به منذ فترة واني من الناس دخلت لعمان عن طريق فيزة سواها احد الاصدقاء ووضع كفالة مقدارها 5000 دينار اردني اي مايعادل 7000 دولار بس الكفالة هاي مجرد حبر على ورقة يعني مو نقدية تعهد واصلا لحد ايداعي بيهة ولا ابد والدلالة الاف العراقيين موجودين اهنا وهم داخلين عن طريق كفلاء وانتهت مددهم وهمة كاعدين اهنا وساكتين واولادهم بالمدارس واني واحد منهم وللعلم هذي الكفالة بطلب من الحكو مة العراقية يعني مو من الجانب الاردني وهنا بالاردن كل المجالات مفتوحة امام العراقيين بس هي الاردن غالية نوعا ما وانت اتشوف العراقيين الاغنياء ماشاء الله عايشين احسن من ميعيش الانسان في امريكا بس صح يرادلك مورد مالي جيد وحكو مة العراقية مو بس اهنا تركض ورة العالم اني كنت بهولندا سنتين وبعدين بدون فائدة لان وزير ماادري من من الحكو مة مالتنة يفتر بالدول الاوربية ايكولولهم للاوربين رجعوا العراقيين اذا يبقون العراقيين خارج احنة المن نحكم ومامعناها احنة فاشلين وهاي انتو يااوربيين متقبلوهة لان انتو تعبتوا علينة وجبتونة
-
iهسة طلعوها بالتلفزيون يكولون سبعة الالاف دينار اردني يعني دفتر ابو المية
-
ألأخت أم جودي :
الجديد في هذا الخبر ، ان (كل) العراقيين الراغبين بدخول الأردن سيتحتم عليهم وجود من يكفلهم مالياً لضمان عودتهم . أي أن شرط الكفالة صار يسري على الجميع ، حتى اللي يقدمون عن طريق ( تي أن تي ، وجت) . لو لم يكن الأمر كذلك : لماذا نشر هذا الخبر في عذا اليوم من أساسه ؟
أتمنى أن أكون مخطئاً
-
السلام عليكم
اخوان انا حاجز على الى الاردن على طيارة الاربعاء الجاية ومحصل موافقة امنية يعني شنو موقفي عذا الخبر هبطني لان حتى شركة الطيران متقبل ترجع الفلوس افيدونا افادكم الله
-
مو حكومتنا بعورة لو ما بعورة جان ما صار حالنة هيج و لحد هسة ينطوهم نفط ب 18 دينار البرميل . >:(
-
وكت اللة يرحمك ابو قصي
-
على اساس اشكد فادنا صاحبك أبو قصي اشو جان يطيهم النفط بلوشي وهمه يكرهون شي اسمه عراقي هسه وبعد
-
اخي العزيز
ترة موضوع الكفالة هذا موجود من زمان
احنة مقيمين اهنا بعمان ودائما من نسوي دعوة(استقدام) لاحد من اهلنا من تجي الموافقة مالتهم بعد اسبوعين من تاريخ تقديم الطلب نسوي كفالة بانه راح يطلعون بعد انتهاء مدة الفيزا(وهي مجرد ورقة تعهد) بس هذه الكفالة تستحق في حال انه الشخص المدعو لم يغادر الاردن بعد انتهاء فترة اقامتة واللي هية شهر وممكن تمديدها 3 اشهر فأتصور ماكو شي جديد بالموضوع
وتقبل مداخلتي
تحياتي
عيني ام مجودي هذا الخبر جديد نزل وبكل وسائل الاعلام لو اكو هيجي على كلامج جان منزل وحددوا مبلغ هسه الشغله اختلفت لازم كفيل ويدفع الفلوس واذا الشخص عبر مده الاقامه تروح ال 7000 دولار يله هيه مليوصه مليوصه بقت على هاي ويكلك العراق اغنى بلد والناس تضارب علمود 200 دولار
-
تحياتي شباب ولله دخت وية الموضوع زين اريد اسأل اخوية دايخ بن دايخ وجميع الاخوان الي طاب بشهر االثاني وما عندة اقامة وهوة تقديم مباشر خاف هم يردون منة لو بس الطابين جديد تحياتي الكم شينوك عمان
-
أخي شينوك :
الخبر يتحدث عن الراغبين بالدخول إلى الأردن ، إنتَ عبرت الشط ووصلت سلامات ذاك الصوب .
عموماً الخبر بعده جديد وأكيد راح تتوضح تفاصيله الأيام الجاي ، بلكي يطلع كلام المتفائلين هو الصح .. المهم إنت عبرت الشط علمودك .
تحياتي
-
والنعم من جيرانا العرب
اوف ربي لو عندي سلطةانبي جدار عازل بين جيرانا العرب والعجم
اكول عمي يونان يو اس ايه اللي تتحسر على ايام ابو قصي
قصدك ابو قصي منو؟جان خياط براس شارعنا اسمه ابو قصي ؟شجابه على الموضوع
ابو الحسن
-
طبعا يستاهل العراقيين وطبهم مرض لان شعب بطولاته فقط على ابنائه ويم الاجنبي صاير مضحكة وطبعا الجزء الاكبر اللي يتحمل هذا الشيء همة العراقيين اللي جانوا محسوبين على نظام صدام همة اللي خلوا العرب يدخلون بالعراق وينظرون للعراق بازدراء والحلو همة هسة اغلبهم ابعمان فالاردنيين شوفوهم كرم الضيافة العربية الاصيلة المزيفة شبعوهم اهانات واخذوا فلوسهم اللي هية اصلا سارقيها من العراق (مال البن للبن)
-
إخوان لاحظوا المعلومة المهمة في الخبر :
(( .. الوزارة لاحظت في الآونة الأخيرة تخلف نحو 60 ألف عراقي منذ مطلع العام الحالي حتى نهاية الشهر الماضي، الأمر الذي استدعى كتابة هذه الكفالات المالية للحد من الإقامة غير المشروعة. )) .
يعني هذا يدحض بالملموس دجل الدجالين في (حكومتنا الرشيدة) و كص الكصاصين في وزارة الهجرة والمصخمين اللي يكولون بأن المهاجرين العراقيين ديرجعون من بلدان الغربه إلى أرض الوطن .
-
على اساس اشكد فادنا صاحبك أبو قصي اشو جان يطيهم النفط بلوشي وهمه يكرهون شي اسمه عراقي هسه وبعد
ينصر دينك
-
عيني ابو شباب platini على كيفك شوية ليش همة العراقين محتاجين مرض البيهم مكفيهم من صدام المضحك والى غيرة ليش هو اجة واحد بية خير للعراقين العراقيين تاج راس الكل وكت حقير صوج الي جان يبوك بينة وينطي للدول على مساعدات والفلوس كلهة من جيبنة نساعد ونساعد بس مو الشعب قصدي القندرة المحسوب علينا ضيعنة 35 سنة بس قهر وهو يسبح بحليب لانو ابن فكر
الحرامية هم
صدام + البعثين القشامر
البعثين = بحجة فلوس مال مناسبات + دماء العراقيين
صدام مشبع الوطن العربي ليش لانو يصفكولة هيه هيه هيه قشمر
-
اتصور ترا باجر عيد
هله هله بالردود
-
تاج راسي لورنس العرب 2 ايامك سعيدة وكل عام وانتة بألف خير والاخ كوندا ايامك سعيدة ويوم سفرك اخوية واخونا ابو الحسن ايامك سعيدة
حبيبي كوندا اني من اشد المعجبين بردودك تاج راسي
-
يابه .. عيني .. أغاتي .. تاج راسي ..
مو إحنه صارلنا سبع سنين كالبين صفحه : شكتبنا بالصفحات الجديدة ؟ هذا هو السؤال المهم ، مو الإستغراق في تقليب صفحات الماضي ومواجعه .. صح لو موصح ؟ . لو نظل نردح : لعنة الله عالحجاج .. لعنة الله على يزيد .. لعنة الله على معاويه .. ولعنة الله على السقيفة ! .
السؤال الجوهري : ماذا قدم (( الجديد)) مما لم يقدمه ((القديم )) ؟.
-
أخواني و أخواتي الأعزاء
سلام عليكم أجمعين وعيدكم مبارك وان شاء الله عيد الجاي كلنه متوطنين بامريكا وكندا و و و ....
خللونه نناقش تأثير هاذه الخبر (( على أفتراض أنه صحيح )) عله أهلنه العراقيين اللي ناوين يجون للأردن لغرض التقديم عله اليو ان أو عله الآي أو أم مباشرة...
أولا : حسب ما قرينه أن عدد العراقيين المتخلفين عن مغادرة الأردن بلغ 60ألف شخص...وهذا يعني خلال الأشهر الثمانية الماضية من عام2010فأن ستين ألف شخص قدمو للهجرة وهذا هو الأفتراض الأكيد..ليش؟لأن اللي يريد يطفر من العراق بدون هجرة يروح لسوريا أرخصله !! ثانيا الفكرة السائدة أن الأردن هي الأسرع بمعاملات الهجرة...
ثانيا : أي شخص يريد يقدم من الأردن راح يعيد حساباته ألف مره قبل ما يودع 7000دولار وهو يعرف جيدا أنها غير مسترجعة لأن راح يبقه بالأردن أكثر من 3 أشهر ... هاي أذا واحد بوحده لعد العائلة شلون ؟؟ أضرب $7000بعدد أفراد العائلة !!!! أويلي علينه..
ثالثا : لازم نتأكد من شغله جدا مهمة وهي أن العراقي أذا أودع المبلغ ثم راجع اليو أن وحصل عله كارت الحماية ممكن يسترجع المبلغ المودع؟؟لو راحت فلوسه؟؟
رابعا : أتوقع راح يصير مناقشات و مراسلات بين الحكومة الأردنية و منظمة الهجرة بخصوص هذا الموضوع...والله كريم
آسف للأطالة بس حبيت أحول مسيرة النقاش الى ما ينفع أكثر من ان نسب ونشتم ونحجي عله الحكومات والنتيجة صفر
أخوكم - زياد - أبو الحسن - عمان
-
تاج راسي دايخ بن دايخ موضوعك كلش حلو بيه فائدة طب الاخ yonan__usa usa يكول لله يرحم ابوقصي بس اكلة انتة اخ عزيز لانك عراقي بس صدكني لو ما عراقي جان عرفت شلون اتفاهم وياك و العضو الثاني platini يكول العراقيين يطبهم مرض بس اريد اكلة ليش انتة مو عراقي اسأل المضحك ابن المضحك الي جان يبوك بينة مو العراقيين حرامية حسب مدعيت (مال البن للبن )اسأل الحرامي الي باكنة وباك بلدنا هسة صار لله يرحمة شيرحم منة
اعتذر منك تاج راسي اخوية جبير دايخ بن دايخ
-
أخي العزيز شينوك :
أتفق معك ، ميجوز نظل نجلد بنفسنا فوك الحمل اللي كاسر ظهورنا . المفروض نبحث عن المشتركات لا المفرّقات . لاحظ معي أن كل الإخوة المعلقين بهاي الصفحة هم من طالبي اللجوء أو الباحثين عن فرصة لجوء . هنا الكارثة . هنا مصيبة المصائب . وهاي مفارقة مفزعة حين النظر إليها من مختلف الزوايا .
كان الله في عون العراق
-
اخوية العزيز وحبيبي وتاج راسي ولله ولله موضوعك بيه كل الفائدة بس الي يدور لجوء ميكعد يكول العراقيين قشامر العراقيين طبهم مرض العراقيين حرامية اخوية وصديقي مرة اخرى اعتذر منك ومتاسف
اخوك الصغير شينوك من عمان
-
لا أبداً أخي شينوك ، كلامك صحيح ، ميصير نكفخ بأنفسنا ونشتم بعضنا البعض وإحنا كلنا بمركب واحد .
تحياتي
-
هذا الخبر مجرد اجراء روتيني ينكتب عند العرضةحلجي بباب وزارة الداخلية ولم يتم اخذ المبلغ من اي عراقي وهنا بالاردن والحمدلله وحسب اوامر جلالة الملك حفظة اللهيتم تسهيل اقامة العراقين وعدم تسفيرهم بالقوة او قسرا وهناك اعفاء من الغرامات على كل عراقي يغادر الاردن بشرط تكون المغادرة للعراق وان كانت غراماته لسنين عديدة ويمنح سمة دخول يعني فيزا خروج وعودة والامور ميسرة من الاردن وجزاهم الله خيرا لانهم احتضنوننا لهذة المدة وهم ليس لهم اي واردات ومن يرى غير ذلك فليضع نفسه مكانهم جان شسوينة بيهم لو همة يمنة بالعراق هم خلف الله عليهم لفونة والله لو تشوفون باقي الدول ومعاملتها وية العراقين جان بوستو ايدن كل الاردنين على معاملتهم ويانة بس اكو بعض اللي يدورون مشاكل وهمة نفسهم اللي يدورون مشاكل بالعراق هم اللي يحجون والله العظيم اني زرت 13 بلد عربي ما شفت احسن ولا افضل من الاردن علما اني مو مقيم ولا عدي فلوس هنا واراجع الدوائر هنا ماكو فرق بيني وبين الاردني ابدا والشرطة تساعد العراقي اكثر وتوكلو على الله وادعو الله يديم هالنعمة علينة واشكر الجميع
-
السلام عليكم
ما شاءالله خوش ردود اخواني هيه حجايه وحده قال رسول الله صلى الله عليه وسلم واله واصحابه (كما تكونوا يولى عليكم)
فا اتوقع لو تنسون الماضي السحيق لان الماضي ديعيد نفسه بس بوجوه جديده ان كان المالكي او علاوي او من لف لفهم كلهم جايين يبوكون وينهبون واحنه ولد العراق الي شفنه الظلم من يوم مفتحنا عينه الي هذه اللحظه مشفنا يوم راحه ماعرف شنو السبب هل الكاع ملعونه العراق ملعون العراقيين ملعونين او احنه شعب بس مسير للقتال مدى افتهم فعلا شنو حكمه الله عز وجل بلدنا العراق وان شاءالله الايام الجايه اتكون مشرقه بالخير والامل لكل العراقيين والعراق من شماله لجنوبه ومن شرقه الى غربه وفد ملاخظه بسيطه ماكو بلد يكره العراق مثل الاردن و ايران وسوريا والكويت والسعوديه (وتركيا علمود اخوتنا الاكراد)عليكم بالدعاء والصلاه لان هيه الوسيله الوحيده لا ازاله هاي الغمه من هل الامه كل العالم عرفونا بكرمنا واخلاقنا وفعلا رجال واهل غيره وكول وفعل فا انسو الي راح وانسو هاي المرحله الحاليه الي ديعيشها العراق لان هاي مرحله استثنائيه لان كل هل القتل الي ديصير والخطف والتهجر مستحيل عراقي يسويه بخوه العراقي كلهم مرتزقه من دول مجاوره ومابري اي دوله مجاوره من دم العراقين واتقبلو مروري
ان مع العسر يسرا
robin - cairo
-
السلام عليكم اخوان الاخ الكريم يكول الحكومة العراقية طلبت منهم ليش هي الحكومة مدبرة روحها بالداخل علمود تلتهي بالخارج بس احب اللك الادرن هو هو وحكومة فاشلين وابدا مايحبون للعراق الخير مع العم ابو عداي جان يضخ بالهنفط ويرجع ليورة بس ليش نفط العراق مايغزر ماادري والله اني عندي جماعة بلاردن عايشين يبجون دم من تعامله الجايف حشة من اكول بوجهة بس هم هذولة العرب ولا واحد شريف بيهم ابد وللعم اول دولة ايدت الاحتال همة الدول العربية
وللعم ابيران وتركيا رفضت تحياتي
-
اي ترة صحيح احنا من اول اي دعوة نسويها لشخص وياها كفالة ب 5000 يعني شنو اللي جد بالامرررررررررررررر
-
اخوان وصاحب الموضوع
هذا الامر ليس بالجديد وصار تقريبا منذ 1 سنه واكثر واني شخصيا مسوي دعوات الى اقرباء وجنت اسوي هاي الكفاله وبعد صدور الموافقه وفي وزاره الداخليه اكتب تعهد ب 5000 دينار اردني وهي تساوي 7000 دولار في حال عدم خروج خلال الفتره المقدره او عدم تجديد الاقامه الموئقته ووجد غرامات على الكفيل دفع الغرامه وهي طبعن مرهونه باي شخص عنده اقامه دائميه
يعني هذا الخبر غير صحيح والرجاء الغاء هذا الخبر لانه غير صحيح وبصراحه علاقنا ويا عمان حاليا افضل من اي وقت
يعني لليريد غلي يرجع قبل سنتين ويذكر شلون جانت معاملتهم كحكومه وشوفو اليومخ شلون تسهيلات بكثير من الامور
اخوكم اريد وطن - من كندا يناديكم
-
أخي العزيز ( أريد وطن) :
أولاً أنا نقلت خبراً منشورا وموثقاً فحسب ، وناقل الخبر ليس بكافر .
ثانياً : يُفهم من المعلومة في الخبر أن الداخلية الأردنية بصدد ( تعميم) الكفالة على كل عراقي يروم دخول الأردن ( لا أتحدث هنا عن الإستثناءات) ، أي أن الكفالة أصبحت شرطاً لازماً للتأشيرة . وهذا لم يكن معمول به سابقاً إلا للمقيمين العراقيين الذين يطلبون تأشيرات دخول لأقاربهم .
ثالثاً : أنا في عمان منذ سنوات طوال . وأزعم أن لي إطلاع واسع على شكل العلاقة الأردنية ـ العراقية من مختلف جوانبها قديماً وحاضراً ، ولو أردت ُ أن أكتب مقالا عن هذه العلاقة لنشرته في موقع آخر يختص بذلك ، لا في منتدى ( الهجرة واللاجئين). تحياتي أخي
-
مع الاسف الاردنيين يطلع من عدهم هذا الشي نسو اش قدم العراق الهم من كان العراقي ميت امن الجوع بالتسعينات المرحوم جان ينطيهم نفط بدون مقابل والطلاب مالتهم يجون يدرسون بالجامعات العراقية مجانا ويلبسون احسن اللبس وياكلون اب احسن المطاعم والعراقي خطية ما يقدر ياكل لفة فلافل والله هذولا مشكلة