ankawa
منتدى الهجرة واللجوء => الهجرة و واللاجئين => الموضوع حرر بواسطة: slimmy10 في 19:28 09/09/2010
-
هاي الشغلة شاغلة كل تفكيري
اذا كانت الزوجة موظفة... فايهما افضل تركها في العراق مع الاطفال لحين ترتيب الاوضاع و الاستقرار في اميركا .. أم الذهاب معا
و في اي مرحلة من SIV يكون تحديد المسافرين.
و كيف و متى يمكن ان تتبع الزوجة و الاطفال الوالد الى اميركا؟
علما بأنني حاليا في مرحلة انتظار الCOM Approval
و شكرا للجهود مقدما
-
اذا انت مكمل اوراقك ومرتك بعدها
فه اني اشوف انو اطلع بحدك وبعدين مرتك وجهالك يجون
لان خلي نكون صريحين شكد ميكون الاب حريص على ولده ميكدرون يعوفون امهم ويجون وياك راح تقهرهم
ثاني شي انت تروح تضبط وضعك الشقه الشغل يالله اجيبهم افضل
-
الجزء الاول من السؤال تسافرون سوية لان مراح تكدر ترتب وضعك اذا العائلة ما كاملة واذ زوجتك موظفة حاول تاخذ اجازة
-
شكرا للاخوة احمد عباس و زيوس للمرور.
يعني هسه ايهما اسهل؟
ترتيب الوضع مع العائلة لو بدونها؟
و اذا تركت العائلة ... شلون اكدر بعدين اسحبهم...بسهولة لو صعوبة؟؟... و شنو الاجراءات؟
-
احنه لصناها عليك اني كلت شي والي بعدي كال شي وخليناك ادوخ
بس هيه كل واحد وجهة نضره ورايه
-
واحنه شعدنه بركه غيرهم
انت تأمن تعوفهم وشوكت ترتب وضعك وبالك كله يمهم والله تره مو حجي لسان
-
اخي سحب الزوجه والاولاد بعد وصولك صعب وراح يطول
ولازم اتقدملهم من جديد على ال اي او ام وهاي اقل تقدير الها اتطول سنه
واحتمال ميحصلون موافقه لان ممتعرضين للتهديد
يعني بيها مجازفه
بعدين شنو الي اترتبه بدونهم هيه المنظمه راح اتاجرلكم شقه والاطفال اتدخلهم بالمدارس وتنطيهم فود ستامب
بينما انت وحدك حتى الدخل راح يكون قليل بالنسبه الك
وحياتك وحدك اصعب مما اتكون مع عائلتك
وهمه حياتهم اصعب بالعراق بدونك
وبعد انت اوزنها وشوف شنو الاصلح
الا اذا ناوي تاخذ كرين كارت وترجع هذا بعد يرجع الك
-
اخويه العزيز
اني راي انه تاخذهم وياك احسن لان انته اول وتالي راح تجيبهم يمك فمن هسع اخذهم
وياك وفضها وبعدين انته تأمن تعوفهم هنا وهم بعيدين عليك .
فالقرار الاخير هو قرارك فكر زين وبعدين قرر والي كاتبة الله يصير
تحياتي
-
بالنسبه الي اني راح اخذهم(بربطة المعلم) انشاء الله وأتوكل على رب العالمين اما فيما يخص الشطر الثاني اعتقد بال اس اي في التحاق الزوجه والاطفال بالزوج ميتأخر لانه راح يكون الكيس نمبر مالتك نفسه عندهم لان من تملي ال i-360 خلي اسمائهم بيهه بعدين يدزولك استماره بيهه خيارين عن الزوجه والاطفال follow لو with تختار اللي تريده وما اعتقد يتأخرون مدام عدهم كيس نمبر. والله يهديك لافضل اختيار
-
ماينرادلهه حجي , تاخذهم وياك , لأن معاملة لم الشمل مزعجة وحيتحججون عليك , المدخول ماتلك يكفي لو لا ؟ الشقة تكفي لو لا ؟ جيب وصولات كذا .... حبالهه ماتخلص.
وإذا وجودهم كان ضروري ابغداد فيا أخي مو مشكلة , اول ماتطيرون وره جم يوم خلي يرجعون , وخل ما يتأخرون بالعراق اكثر من 6 اشهر حتى ماتسقط إقامتهم.
-
اريد ادخل شوية زايد بالموضوع
اني مقدم على IOM ومعي زوجتي وتحدد الي معها يوم الفحص ولكن جدت ضروف تمنعها من السفر فهل بالامكان
عدم ذهاب زوجتي معي الى الفحص الطبي وعدم سفرها معي في حالة قبول المحلف لقصتي
علما اني قابلت المحلف الشهر الثامن ولم استلم الموافقة لحد الان
اخي وسام انت وزوجتك قضيه وحده ميصير واحد منكم يتخلف عن السفر
لان اذا احد امنكم اتخلف راح اثنينكم تتوقف قضيتكم
اما اذا هي اتريد تنسحب من الكيس لازم اتوقع تعهد بالانسحاب وانت تعيد مقابة المحلفين من جديد
وعلى ليش مراح اتسافر وياك ومعناها انتوا ممهددين واحتمال الرفض جدااا وارد
وبعد متكدر تلتحق بيك لان انسحبت بارادتها ونطت اسباب للانسحاب
فلتحاول اتاخرها لان مصيركم واحد بالكيس
-
شكرا اخوان على كل كلمة كتبتوها بهذا الموضوع.... كفيتو و وفيتو
-
انتة صدك دا تحجي تعيف الزوجة و الاطفال ....,,,؟؟؟؟ غير تتبهذل انتة وياهم و اني اكولك شلون تتبهذل :
اولا من تريد تسحبهم راح اقل شي ينتضرون من سنة الى 3 سنوات و ما مضمونة هم للعلم
ثانيا و الاهم انتة من راح تطلع وحدك راح تخسر المساعدات الي هية تقريبا 1100 الى 900 دولار حسب الولاية شهريا و ترا هذا المبلغ مو هين راح يساعدك ببناء حياتك بامريكا
انتة لو قاري ردود بعض الاخوان العزابية جان شفت الفرق بين الي عندة عائلة و الي رايح وحدة
-
اخي سحب الزوجه والاولاد بعد وصولك صعب وراح يطول
ولازم اتقدملهم من جديد على ال اي او ام وهاي اقل تقدير الها اتطول سنه
واحتمال ميحصلون موافقه لان ممتعرضين للتهديد
يعني بيها مجازفه
بعدين شنو الي اترتبه بدونهم هيه المنظمه راح اتاجرلكم شقه والاطفال اتدخلهم بالمدارس وتنطيهم فود ستامب
بينما انت وحدك حتى الدخل راح يكون قليل بالنسبه الك
وحياتك وحدك اصعب مما اتكون مع عائلتك
وهمه حياتهم اصعب بالعراق بدونك
وبعد انت اوزنها وشوف شنو الاصلح
الا اذا ناوي تاخذ كرين كارت وترجع هذا بعد يرجع الك
هذا الحجي المضبوط
-
والله يااخي خذهم وياك ااحسن وانا احجيلك تجربتي زوجي تركنا وراح لليمن وبعدها صارت الحرب الاخيرة لو اتشوفنا انا ائيست من التعب والتفكير والطرق المغلقة واولادي صغار ويريدون ابوهم ومااعرف اش اسوي لاكو طلعة ولاطبة والرجال لازم التلفزيون والراديو وماكو اتصال بيننا ويفكر بينا اي اش هل الحياة وماان جينا الا بشق النفس وانت تعرف الوضع بالعراق لازال هش فبعدين الندم مايفيد
اختك ام زيد
-
شكراً جزيلاً
-
و الله يابة عاشت اديكم
تعدد الأجوبة يوفر فكرة كاملة عن الموضوع
-
اخي العزيز..لكل واحد منه وجه نضر واني اكول اخذهم وياك لان راح يضل بالك يمهم والزوجه والاطفال يخففون عليك الغربه اكيد ..واللله يسهل امر الجميع
-
تحياتي،
زميلي العزيز الحل الأمثل أن تأخذ زوجتك اجازة بدون راتب وتذهبون كلكم ، أذا الامور مسيطر علها تستمرون اذا اختلفت النيات لا تكون ضيعت الوظيفة (طموح الشعب العراقي حاليا!)، اما موضوع تركهم فشيء لا يوصى به.
-
السلام عليكم ورحمة الله وبركاته
اخي العزيز:- انا من راي انه ما دام انت مقرر السفر الى امريكا ومقتنع ففي هذه الحالة يجب عليك ان تاخذ عائلتك معك لان امريكا مو بلد قريب ولا الفيزة سهلة حتى تضمن جيتهم بالوقت الي انت تريده والاهم من هذا وذاك انه العراق بلد غير امن وكما تعرف ميدري الشخص شيصير بيه بعد ساعة اشو التفجيرات والعبوات والقتل مستمرة وما الها وقت محدد . فشلون تأمن على عائلتك وتتركها وتسافر . لا اخي ارجو ان يكون قرارك حاسم بهذا الموضوع . اما موضوع انه زوجتك موظفة فكما قلت لك مادام انتم قررتم على السفر فلا بد من ان تكون هناك تضحيات ( الي يريد شي يعوف شي ) .
والسلام عليكم
-
صدك حبرةةةةةةة الحمدلله بعدني سنكل
-
عمي لا حيره ولا رايدله سؤال,, هي الناس ممامنه على حاله و جهاله لمستقبل جهاله,, تكوم تعوفهم وحدهم فد سنه لخ اشوفه كلش صعبه,, بعدين اخويه التوفيق من رب العالمين متعرف شنوا وضعك راح يكون بامريكا فمتعرف شنو تري.ترتيباتك راح تكون وشكد تتاخر,, فنصيحه اخويه لا تفلت الا تاخذهم وياك ,, و داعتك العزابيه هنا كله تتمنى تكون متزوجه وجايه هنا ,,
-
ممنون ممنون ممنون
لكل من مر و لكل من ابدى رأيه ...
و شكرا لكل من مر مرور الكرام و عنده فد رأي .. يا ريت لو مرة الثانية يذكر رأيه حتى تستفاد الأعضاء
و شكرا مرة ثانية
-
اخوان اذا الواحد قدم على UN وزوجته واطفاله قررو ميسافرون يرجعون للعراق شنو تأثير هذا الشي اذا كانو بنفس بكيس هل تنصحون ان اعمل كيس لي وكيس ثاني لاسرتي اريد نصيحة اخاف اقدملهم وياي وبعدين يكلبون علية
-
??? ???اخوان اذا الواحد قدم على UN وزوجته واطفاله قررو ميسافرون يرجعون للعراق شنو تأثير هذا الشي اذا كانو بنفس الكيس هل تنصحون ان اعمل كيس لي وكيس ثاني لاسرتي اريد نصيحة اخاف اقدملهم وياي وبعدين يكلبون علية
-
السلام عليكم
بدون مقدمات ونقاش عقيم ولف ودوران
اجلب زوجتك واطفالك معاك وهذه نصيحتي لك واذا كنت تتكلم الانكليزيه بطلاقه فانا لا انصحك بل اقول يجب عليك ان تجلبهم
مع تمنياتي لك بالتوفيق
-
السلام عليكم
بدون مقدمات ونقاش عقيم ولف ودوران
اجلب زوجتك واطفالك معاك وهذه نصيحتي لك واذا كنت تتكلم الانكليزيه بطلاقه فانا لا انصحك بل اقول يجب عليك ان تجلبهم
مع تمنياتي لك بالتوفيق
اشكرك اخي siv2007 على النصيحة زين اذا ضربوني بوري قبل السفر قرر ميسافرون شلون شتحطلهة وطيب مو هذي زوجتي كل ساع ابراي وادري بيهة راح تخذلني بعدين شسوي بس كولولي شنو تبعات هاي المسألة رحمة الله والديكم اخاف اتندم بعدين يصير افصل الكيس من البداية لو احتمال يطلعون وابقة اني او العكس والله دخت عائلتي ثولتني ثول
-
مرحبا أخي شوفرليت .. الله يعينك وليخليك بحيرة .
عزيزي ميصير فصل ملف الزوج والزوجة عن بعضهم ألا في حالة ( الطلاق ) لا سامح الله يعني طول ما زوجتك على ذمتك ميصير الفصل.والسبب هو لا يجوز ( تجزئة العائلة )
الله يوفقك ويسهل أمرك \ أختك كوكي
-
عزيزي صاحب الموضوع
نصيحة لله شكدت ماتكدر كون وية عائلتك لسبب انو انت بالاخص راح ترتاح.
وتقبل مروري
-
??? ???شكرا للاخت كوكي 2004 وللاخ emigrant2 على النصيحة اني بالحقيقة ما اكدر اعوفهم لان اكيد ماراح اكون سعيد بدونهم بس حبيت استفسر زين اذا افترضنا قررو عدم السفر في النهاية ماهي العواقب اريد افتهم وضحولي الله يخليكم