ankawa
منتدى الهجرة واللجوء => الهجرة و واللاجئين => الموضوع حرر بواسطة: Arsenal81 في 01:57 12/09/2010
-
اشتكي عراقيون رفضت بريطانيا منحهم اللجوء السياسي ورحّلتهم قسراً إلي بغداد هذا الأسبوع من أنهم تعرضوا للضرب وأُجبروا علي مغادرة الطائرة من قبل موظفي الأمن البريطانيين والشرطة العراقية.
وقالت صحيفة الغارديان الصادرة امس إن أعمال عنف اندلعت داخل الطائرة حين رفض اللاجئون العراقيون مغادرتها بعد هبوطها في مطار بغداد الثلاثاء الماضي.
واضافت أن الفدرالية الدولية للاجئين العراقيين ومقرها لندن ستقدّم احتجاجاً رسمياً إلي المفوضية العليا لشؤون اللاجئين التابعة للأمم المتحدة، والتي كانت انتقدت الأسبوع الماضي المملكة المتحدة وعدداً من الدول الاسكندنافية لترحيلها قسراً طالبي لجوء عراقيين مرفوضين إلي خمس محافظات وسط العراق اعتبرتها غير آمنة بسبب الهجمات التي يشنها أنصار تنظيم القاعدة.
واشارت الصحيفة إلي أن أكثر من 60 عراقياً من طالبي اللجوء المرفوضين تم ترحيلهم من بريطانيا هذا الأسبوع علي متن طائرة مستأجرة برفقة عدد أكبر من حراس الأمن.
وقال صابر سعيد صالح، أحد طالبي اللجوء العراقيين المبعدين في بيان صدر عن الفدرالية الدولية للاجئين العراقيين "هددنا شرطي عراقي باخراجنا بالقوة حين رفضنا النزول من الطائرة بعد وصولنا إلي بغداد، وقام رجال الأمن بتقييدنا بالاغلال وبدأوا بضربنا وكيل السباب لنا وهم يسحبوننا خارج الطائرة، حيث كان يقف الكثير من رجال الشرطة العراقية وهم يحملون العصي وانهالوا علينا بالضرب".
واعلنت وكالة حدود المملكة المتحدة أن موظفيها الذين رافقوا العراقيين المبعدين إلي بغداد "لم يشهدوا أي اساءة معاملة من جانب حراس الأمن البريطانيين ".
وابلغ متحدث باسم الوكالة الصحيفة "تم استخدام الحد الأدني من القوة عند الصعود إلي الطائرة واثناء الرحلة وخلال مغادرة الطائرة، من أجل منع المبعدين من الهرب أو التسبب في ضرر لأنفسهم وللاخرين..
-
اخوية ارسينال شكرا عالخبر بس هو قديم صارله هواية وانت يمكن نزلته اليوم 3 مرات بالمنتدى وشكرا مرة ثانية.
-
اخوية ارسينال شكرا عالخبر بس هو قديم صارله هواية وانت يمكن نزلته اليوم 3 مرات بالمنتدى وشكرا مرة ثانية.
مو قديم اختي الخبر هذه الحادثة جرت يوم امس السبت
-
لاتعليق بس اكول الله عالظالم اتمنى ان تتقبل مروري اخوك حسين السالم.
-
طبعا قريت تايتل على الحره بخصوص هاي القضيه طلعوا الجماعه اكراد من الشمال وراح يرفعون دعوه ضد السلطات البريطانيه لسوء المعامله الى تلقوها
-
لاحول ولا قوة الا بالله
-
صدك لو كال ابو المثل فوك حكة دكة
-
السلام عليكم
شباب انتو ليش متعحبين بهل الموضوع مع احترامي لصاحبه همه الشرطه بهل البلد من يزلمون واحد يكضون بيه التوبه عاد يشوفون عراقيين وراجعين من دل اوربيه اشراح يسوون بيهم اكيد الشرطه بينهم وبين نفسهم ديكووولون ولك اشرجعكم للضيم الا انراويكم الضيم مال العراق وشغله لخ هوه بالوقت الحالي منو بالشرطه لو بالجيش مع احترامي للزينين غير المطيرجي وابو العتيك والمكبسل والي جان يلم من الزبل رحمه على والديكم دخلونا ساكتين خصلنا من حرامي اجانا مليون الف حرامي
ان مع العسر يسرا
robin - cairo
-
حسبي الله ونعم الوكيل
-
زين همة ليش ما نزلوا من الطيارة!!يعني اذا جانوا يريدون ياخذون موقف ويخلقون مازق ويجيبون منظمات اللجوء فهاي الخطوة متاخرة لان همة اصلا غادروا دولة اللجوء ووصلوا بغداد اللي بيهة الطاسة ضايعة وبعد كل جارة ماكو فكان الافضل الواحد يحترم نفسه وينزل وعود يدورله فد منفذ ثاني للطلعة افضل من الوكعة بيد الشرطة..بس الظاهر همة نسوا شنو يعني شرطة الوطن وعبالهم صاروا مثل شرطة بريطانية..
-
اخويه الورده ....
لو على ايام القياده القطنيه جان الشغله حار بحار بس ربك حميد انتهت دفرات وراشديات والاهم وصلو سالمين للوطن ويبقى عزمنا من عزم اوباما وخلافج امريكا صفينا يتامى هههههههههههههههههههههههههه
هاستا لا بيستا
اخوك من المحطه الارضيه
-
اخ بغدادي لو اخوك او ابنك منكول جان بنص المضروبين خلي نكول انبصط بالشارع هم جان ردك هيجي وابو بشير اكو مقوله تكول عذر اقبح من ذنب
-
طائر الخليج
اني كاعد احجي ويه بغدادي وردي للاخ بغدادي فقط !
شكؤا
-
شرا لناقل الخبر-- ولكن الاخوان الي رجعوهم حقهم يسون هيجي لانه وحسب القوانيين الدولية --واعيدها القوانيين الدولية-انه اذا رفض الشخص النزول من الطائرة فمومن حق اي واحد ينزله بالقوة والمفروض الي يرفض يصعد الطائرة هم مو من حقهم يصعدوه بالقوة هاي القوانيين الدولية ولكون احنة عراقيين فلاتطبق علينا القوانيين الدولية لانه واسف علهذه العبارة وللاسف الشديد تطبق علينا قوانيين الحيوانات مو قوانيين البشر--( واذكر حادثة للتاكيد على كلامي حين رفض طلب لجوئي في اسبانيا وبالاخص في مدريد وتم ارجاعنا بالقوة من هناك انا وشخص ثاني كان معي وللمرة الثالثة لانه كانت مرتين قبلها رفضنا بها الصعود الى الطائرة وكان القانون اذا رفضت الصعود لثلاث مرات فسيلغى الحجز ويلغى التسفير فالمرة الثالثة صعدونا بالقوة ونحن مكبلين اليدين والارجل وحتة الفم ووصلنا الى مطار القاهرة الدولي حيث تم تريحلنا الى مصر وهية الدولة التي خرجنا منها بجوازات مضروبة الى السويد وكان ترانزيت اسبانيا -- المهم فحين نزولنا في مطار القاهرة الدولي وبعد تسليمنا الى الشرطة المصرية وحجزنا في المطار لمدة 27 يوم قبل تسفيرنا الى الاردن ومنها الى العراق العضيم وهذا الكلام كان في سنة 2001 فقال لنا الضباط المصريين لماذا نزلتو من الطائرة لانكم لو كنتو رفضتو النزول من الطائرة لكنا رجعناكم الى اسبانيا ولم نكن انزلناكم بالقوة وهذا هوة القانون الدولي ولكننا لم نكن نعرف هذا القانون ) وهذا اكبر دليل على كلامي -- والموفقية للجميع
اخوووكم ابو محمود
-
اني قريت الخبر ويكول الشرطة البريطانية هي اللي اعتدت عليهم مو العراقية.
-
الشرطه البريطانيه استلمتهم دفرات ز كتل من بريطانيا يعني اكلو كتله انكليزيه ومن وصلو بغداد استلموهم الربع هنا كتل و ماادراك ما الكتل و الدفر العراقي ;D ;D ;D ;D ;D
-
طائر الخليج..الشغلة مو مكاون اخي ولو احنة متعودين عالمكاون ومتصيرلنا جارة..واحد شوية يفكر بعقله ..الجماعة مرفوضين وجان المفروض ايدبرون نفسهم من بريطانية وميخلون الشرطة تعرف مكانهم لان عليهم تسفير من زمان مو هسة وورة ما طاح الفاس بالراس ويوصلون للمطار يكومون يدورون قوانين دولية في بلد ما بيه قانون اصلا..
بالنسبة لمداخلة الاخ ابو محمود فمع احترامي للاخ المصري بس ما اكلك كلشي ميفتهم بس راد يجاملكم لان مجرد ان تركب الطائرة راح تصير ضمن مسؤولية الطيار في تسليمك الى السلطات في بلد المقصد سواء كان هذا بلد اللاجيء نفسه او اي بلد ثاني عبر من عنده طالب اللجوء والطيار اصلا قبل ان يصعد اي شخص للطائرة يستلم قائمة الاسماء مع وضعهم ويكدر الطيار ميوقع على طلب استلامه وتسليه للسلطات ويرفض السفر وهاي صارت مع شخص ايراني اخذته الشرطة مكبل بنص الليل من شتوتغارت المدينة الى المطار ورفض الطيار ان يستقبله على متن الطائرة وكان تبريره بالاوراق الرسمية ان هناك خطر على حياته في حال سلمه للسلطات الايرانية وهذا الحجي بال 2002 ولكن في حال توقيعه وقبوله فانه ملزم بتسليمه الى تلك السلطات بالمطار واصلا تكون سفارة ذاك البلد عدهة علم باسماء وملفات هالاشخاص من قبل فترة ومنطيهم فيزة او عبور او اي نوع اخر من انواع الموافقة على استلامهم ولهذا ماكو اي فائدة من العنتريات بعد اقلاع الطائرة "كلامي الى طائر الخليج" لان الشغلة مو شغل بسطات هذا شغل سفارات ودول وانته دتحجي مع شخص جان بنص هالسوالف والتفاصيل بالمانيا بس شر البلية ما يضحك..هسة جاي تكلي ابني اذا انبسط ههههههه ليش هية الشغلة شغلة كهاوي..اصلا وضع العراقي الطالب للجوء في اوروبا واللي عنده رفض حاليا صار مثل وضع اللبناني والسوري والتونسي وغيره من الجنسيات اللي مجرد ان يعرفون مكانهم يشيلوهم لو من الشارع ويسفروهم ويا ما سوريين بالمانيا جنه اني وبعض الشباب العراقي نختلهم يمنا حتى الشرطة متعرف مكانهم لان مجرد انلزموا فنهايتهم بمطار دمشق الا في حالة وحيدة انو قبل تسفيرهم راح تتحول اوراقهم للسفارة السورية وينعرضون شخصيا عليهة واذا كالوا احنة مو سوريين وماكو اي دليل يثبت انو همة سوريين فمراح السفارة تعترف بيهم كمواطنين والسلطات متكدر ترجعهم لان اصلا البلد ما معترف بيهم..
اخي ابو بشير كلامك صحيح جدا وعلى هالاساس كانت الدول مترجع طالبي اللجوء المرفوضين للعراق لان تعرف حياتهم راح تكون مهددة من قبل الحكومة العراقية نفسهة مو من خطراو تهديد عام..
بغدادي
-
بغدادي والله توكع عالجرح خويه الشغله مو مال بوزات مال واحد يحسبها زين لان صارت شيل وشمر بالشارع .... تذكر الهوسه مال جماعتنه الشيوعيين كبل : راس الشهر ماكو مهر والقاضي نذبه بالنهر شيل وبطح بالشارعه ههههههههههههههههه
وفي الختام احييك تحيه كنتاكيه حاره وكريسبي يا ورد
ابوبشير
-
انا فهمت الموضوع بصيغة اخرى وهو انه الاخوة المعادين الى العراق هم اكراد كردستان العراق وطلبوا مرارا ان تتم اعادتهم الى مطار اربيل وليس بغداد وهذا هو سبب رفضهم النزول من الطائرة وليس لسبب اخر
-
بغدادي والله توكع عالجرح خويه الشغله مو مال بوزات مال واحد يحسبها زين لان صارت شيل وشمر بالشارع .... تذكر الهوسه مال جماعتنه الشيوعيين كبل : راس الشهر ماكو مهر والقاضي نذبه بالنهر شيل وبطح بالشارعه ههههههههههههههههه
وفي الختام احييك تحيه كنتاكيه حاره وكريسبي يا ورد
ابوبشير
كلهة صدكت بيهة بس مال تحية حارة من كنتاكي زحمة ;D مو تنساني بشكم طابوكة ثلج وياهة جمه من بادية كنتاكي ;D