ankawa
منتدى الهجرة واللجوء => الهجرة و واللاجئين => الموضوع حرر بواسطة: علاء علاء في 17:55 12/09/2010
-
احوان اهل الخبره موضوع التردد الى العراق قبل التحويل للتوطين اله تاثير الرجاء من اصحاب الخبره ابداء الاي خاصه الاخت انجي ولو ما رحبت بينه احنه نعتب عليه من المعزه مع احترامي وتقديري للاخت الفاضله انجي وللجميع
-
اخوان ونكم شنو الموضوع ماكو ولا رد شنو القضيه امعيدين الله يجعل كل ايامكم اعياد انشاء الله
-
أخوية طبعا راح اتأثر على قضيتك وهواية ناس انرفضوا بسبب رجوعهم الى العراق, الرجوع المتكرر الى العراق راح يثبت انت انسان غير مهدد
-
السلام عليكم اخوان
اعتقد الاخ علاء قصده في حالة المغادرة المستمرة للعراق (للسياحة او العمل) وذلك قبل التوطين الى الولايات وهذا موضوع اخر غير الرجوع الى العراق بعد التوطين في الولايات المتحدة كما اشار الاخ علي وهو محق, وانا اشدد على سؤال الاخ علاء علنا نجد جواب لهذا السؤال, اني قبل فترة اثرت نفس الموضوع ولم اجد الجواب الشافي, اعني في حالة السفر خارج العراق (الدول المجاورة, اوربا او دول الخليج) اثناء انتضار الامنية او اجراءات السفر من قبل ال IOM , والسؤال الثاني هو هل هناك ربط بين التجيك الامني والمطارات, اعني كيف يعلمون بمغادورة صاحب الكيس المطار الفلاني والنزول في مطار اخر او دخول حدود وخروج من حدود, واذا كان كذلك (يؤثر على الكيس) فهذا يعني ان صاحب الكيس يبقى في البلد الى ان تفرج عليه. رجاءا افيدونا
وشكرا
-
مرحبا اخواني ( علاء والمقاتل ) اعزائي السفر الى العراق قبل التوطين وبعد التوطين وبعد مقابلات ال iom يعني بكل المراحل رح يأثر كثيرا وربما بالأخير رح يكون الرفض من قبل المحلف لأن معظم العراقيين رح ينسألون بمقابلات ال un عن سبب مغادرة العراق واكيد رح تكون الأجابة غادرنه بسبب التهديد او عدم استقرار الضع الأمني وهذا السؤل رح ينطرح من قيبل المحلف ايضا ليش غادرت العراق وايضا الجواب رح يكون نفس الشي وطبعا انت تتكلم وملفك امام المحلف يقرأبي ورح يشوف كل تواريخ دخولك للعراق وخروجك منه ورح يطابق ويه كلامك وهنا اكيد رح ايصير عدم المصداقية بالكلام وبالأخير رح تجي النتيجة رفض بسبب عدم المصداقية . وصدكوني اخواني الي دا اكوله عن تجربة ( بنت اخويه وزوجها قابلوا محلفين بشهر شباط سنة 2009 ) وكانوا يرحون للعراق كل ثلاثة شهور علمود يجددون الأقامة ومن شاف المحلف جوازاتهم والتواريخ ماحجه كلشي بس بيوم استلام الظرف اجاهم رفض ومكتوب السبب هو عدم المصداقية والسبب الثاني هي عودتك للعراق لا تشكل خطر على حياتك . وتقبلوا تحياتي ودعائي لكم بالتوفيق . اختكم كوكي .
-
السلام عليكم ورحمة الله وبركاته اخي صاحب الموضوع يعني اعتقد الزيارة الهواية تأثر بس الزيارة الوحدة وبسبب مقنع مااتأثر لان حتى الزيارات الهواية باجر عكبة ان شاءالله اذا حولوكم لقسم التوطين فيسألوك ليش انت هلكد مسافر ولازم كل زيارة زرتها للعراق تنطيهم سبب مقنع حتى يكدرون يحولوك بس مال تروح زيارات عائلية وونسة وشغل فأكيد يأثر مااريد اسويلك احباط بس هذا الاعرفة وممكن الاخوة ينطون اجابات شافية اكثر وان شاءالله اتمنالك التوفيق ارجوا ان تتقبل مروري اخوك حسين السالم.
-
لا اخي علاء ما يأثر مادام بعدك ما كنت متحول للتوطين عادي هواية ناس اعرف سافروا كذا مرة ورجعوا بعدها تم تحويلهم للتوطين وقابلوا واخذوا القبول ووصلوا للولايات المتحدة بحالة وحدة ما يصير بعد مقابلة المحلف او بعد مقابلة الاولى غير هاي مايأثر
-
اخواني الاعزاء ارجو التركيز عله هذه الموضوع لاهميته خاصه للناس الي راح يقدمون او مقدمين ومامتحولين للتوطين ومن خلال الردوداجد نفس الحيره الي اني بيه وامثالي علما الاراء كله انجمعة على انه اتاثر باستثناء الاخت انجي فارجو زياده في الاراء والتجارب للاخوه الي كانو يعودون للعراق ولمرات متعدده وحولت ملفاتهم للتوطين وهل رفضو ام قبلو مع وافر الاحترام لكل التجارب ولاهتمامكم
-
اخي علاء اني دائما اكتب تجارب الي صارت وي اخواني والناس المقربين الي اكون اني كفيلتهم واعرف كل مقابلاتهم اختي قدمت لليوان ورجعت للعراق وخابروها مقابلة اولى هم سوت مقابلة ورجعت للعراق يعني كانت رايحة جايه من سورية للعراق هي ام الكيس سحبت اسمها وبطلت تسافر بقت بنتها نفس الكيس اخذت الموافقة وسافرت لكلفونيا والي كتبته الك عن تجربة مو هذا كال وذاك يكول بعد ظلت بكيفك
-
اشكرج اختي العزيزه انجي واعذريني اذا ازعجتج بس اني موضوعي اشويه معقد ومركب وصاير لوصه ولاحقا نتناقش بي اني وياج وباقي الاخوه بالمنتدى ارجو قبول اعتذاري معه ثقتي المطلقه بكي وبالاخوه الذين ابدو الراي
-
شكرا للاخوان كوكي 2004 و حسين السالم وانجي وعلاء علاء
بس كما قال الاخ علاء الموضوع معقد كما في حالتي, اني مقدم IOM من بغداد وليس من مكان اخر, واكملت كل المقابلات, وبانتضار الامنية والسفر, عملي الحالي الزم علي السفر الى اوربا وتركيا ودولة من دول الخليج, وليس العكس كما ذكر الاخوان وهو الرجوع من الخارج الى العراق, فهل يؤثر هذا؟ واعيد ان الكيس مالتي من بغداد واستقراري فيها واني اكملت مقابلة المحلف قبل 18 شهر.
وشكرا
-
اني كذلك مقابل بس اولى من بغداد ولازم اروح للاردن حتى اجدد اقامتي
هل هذا الشي يأثر على الكيس علما انو بالمقابلة الاولى كلولي لازم تعيش بالعراق بس مكلولي ميصير تسافر ابدا؟
-
اخوان اهل التجربه رحمه الوالدكم تره الموضوع مهم ارجو من اصحاب التجربه بهذه الموضوع اغنائنا بتجاربهم ولهم منا فائق الاحترام والتقدير
-
اخي المقاتل اذا حضرتك مسافر وبشغل وبعلم اصحاب الشغل بعد ليش هذا القلق والخوف وانشاء الله ربي يسهله على الجميع وتمشي الأمور .
-
اخوان انى راح احجى الكم عن تجربتى انا الان بامريكا ولكن قبل لا يطلع ملفنا توطين انى سافرت للعراق وبعد ماتحول الملف للتوطين سالونى عن ذهابى للعراق لماذا وبينت لهم السبب وتاكدو من دخولى وخروجى من اى منفذ وتاكدو من المصداقيه ولهذا مااثر على سفرنا بس ابنى الى كان مسافر للعراق تقريبا 3 مرات بس اثناء المقابلات وكان السبب لذهابه قوى جدا ولم يعيرو السبب اهميه وانرفض سفره وللان ينتضر السفر من رفض لرفض ويقدم استئناف لكى يقنعهم بسبب دخوله العراق والحمد لله اعطوه قبول بعد سنه واربع اشهر ولساه ينتضر السفر...........يعنى السفر قبل تحويل الملف قد لايؤثر بس اثناء المقابلات يؤثر جدا............وهذا الحجى عن تجربتى انا
-
الاخ مشلوع كلبي جزاك الله كل خير همه يتاكدون مثلا من الهجره والحدود ومن المنافذ الحدوديه لو بس سؤال من صاحب القضيه يعني عدهم لنك بهل الموضوع ويه الحدود وكذلك ارجو توضيح شنو المبررات الي ممكن تقنعهم عن سبب سفرك وممكن ان تعلمني انته واصحاب الخبره بهل الموضوع كم مره العوده للعراق تعتبر معقوله لان اسمع انهبعض الحالات يتصلون بناس اساسا امغادرين سوريه او الاردن ويطالبهم يجون يقابلون ومرات اسمع ناس رايحه مره يرفضون واخرين كل شهر يرحون ويرجعون وانقبلو فهاي شغله ادوخ يرادله بعض التفصيل مع فائق الاحترام والشكر لكل من شارك اوسيشارك
-
اخوان هذه الموضوع مهم للكثير ارجو رايكم وتجاربكم مع وافر الاحترام والتقدير
-
شكرا للاخ كوكي 2004
اني مو قصدي القلق والخوف من الرفض, اني قصدي هل تتأخر الامنية لكثرة التجيكات؟
وكما ذكر الاخ علاء, هل هناك لنك او اي Net work بين كل البلدان والمنافذ الحدودية؟ بين قوسين هل من الممكن ان يعلمو بالسفر لاي عضو؟ واكرر في حالة كل المقابلات منتهية والباقي (انتضار الامنية وموعد السفر).
,شكرا
-
والله اخوان انى ما اعرف عدهم لنك لهذا الشى بس يتاكدون من تاشيرات الجوازات ويقارنون بين الجواز والحجى وهذا الى شفته بس هى شغله حظ مرات تلكى شخص بالعائله رايح جاى للعراق وهم يسافر ماينرفض بس مرات تلكى شخص راح مره وحده ورفضوه وماتعرف شنو الفرق.........وانت حسب مخيلتك اشلون تكدر تقنع المحلف بسبب مهم للسفر انى مثلا كتله انى عندى اخت من عمرى بالعراق وعدها عمليه بالقلب وماعدها احد وانى من رحت مادخلت منطقتى بس رحت عليها لمشفى اربيل من القامشلى ورجعت من نفس المكان وهو بيده الجواز ويتاكد من تاشير الدخول والخروج .................وانى كتلك انو ابنى عنده سبب قوى جدا ما اقتنع بيه وللان ينتضر
-
مرحبا اخي . والله العظيم بنت اخويه قابلوا محلف هي وزوجها وراها اجاهم رفض ومن ترجمنه سبب الرفض طلع انه ( بسبب زياراتك المتكررة الى العراق اثبت انه العودة لا تشكل خطر على حياتك ) والسبب الثاني هو ( عدم المصداقية لأنكاتبيلهم انتوا ذكرتوا بأن انتوا مهددين بالعراق ولهذا غادرتوا وبعد فترة صرتوا تروحون وترجعون اذن انتوا ما مهددين وادعائكم كان كذب ) هذا كان نص الرفض مال المحلف وانتوا بعد بكيفكم . وثق اخي عدنه مرة عجوز هي وزوجهه حلفوا بشهر الثامن وبالمقابلة سألت المرة المحلف وكالتله يصير اروح للعراق كم يوم والشغلة ضرورية وصدك جاوبهه المحلف وكالهه ممنوع تروحين واذا حبيتي تروحين احنه منمنعكم بس بهاي الحالة نلغي المقابلة ونغلق الملف لأن معناها اني غير مهدده. وللعلم بنت اخويه قابلوا المحلف بشهر 2\2009 وليهسه يسمعون حسك كاعدين ينتظرون يحولوهم على دولة ثانية . تحياتي للجميع .
-
اخي المقاتل اني اختك مو اخوك ههههههههههه . سلامي لحضرتك .
-
اخويه المقاتل انى حسب تجربتى من تسافر وانت مكمل كل شى يعنى الوفد والفحص وتنتضر الفيزا اصور ما ياثر لان انى رحت بوكتها للعمره للسعوديه وما اثر على سفرنا وشفت هواى عوائل من يكملون كل شى يكولون انروح انشوف اهلنا بالعراق ومن يرجعون يسافرون عادى وما اثر عليهم
-
شكرا اخت كوكي 2004 اني هم اتوقعت!
شكرا للاخ مشلوع كلبي
-
اخي العزيز مشلوع كلبي والله لا يشلع كلبك ويسهل امرك وكول يا الله . عزيزي مع احترامي لرأيك صحيح تكدر تسافر لأي مكان ويكدر اي لاجئ ايضا ولكن مو للعراق لأن حضرتك من سافرت للسعودية او اي بلد ثاني انت متهددت بهاي الدول ومومثل العراق لأن كلنه من طلعنه كان بسبب التهديد وطبعا الروحه والرجعه رح تناقض كلام وادعاء الشخص . ورح يكلك اذا انت متهدد وهربت من العراق خوفا على حياتك شلون هسه تكدر تروح وتجي . وتقبل تحياتي .
-
اخي علاء تحياتي
اخي العزيز يعني المحلف من راح يشوف الجواز مختوم من العراق ذهاب واياب بلوقت الي مقدم لجوء ؟؟
طبعا راح يستبعد بانه انته مهدد وحياتك في خطر ؟؟؟ اتمنى ان يكون شرح الاخوان الي قبلي ومع تقديري الهم كانو جدا واضحين بلجواب ومخلوا الي غير ان احييهم على جوابهم
تحياتي الك
-
اسال الله بحرمة محمد واله الاطهار ان يسهل الله امور الاخوة الاعضاء لانه بس الله اليعلم شنو من ظروف دنمر بيهة وبعد منتحمل الانتظار اتمنى ان تتقبلون مروري المتواضع
-
للرفــــــــــــــــــــــــــــــــــــــــــــع
كل من لديه تجربه او سامع او حاله مرت عليه لايبخل بها لان كثير من الاخوان يحتاجون الاطلاع والفائده.
وما الاجراء المتخذ أو الطريقه للتخلص من هذا السبب لاعادة التوطين مره اخرى.........................
-
السلام عليكم
الشباب كفو وفو كل الكلام الي كالوه بس اني حكلك تجربه شخصيه صارت بينا بعد ان قدمنا الى منظمه الهجره وقابلنا اول مره وراها الحجيه سافرت الى العراق ورجعت على خير وسلامه وشاف المحلف الختم كلله شنو سبب سفرج كلتله لان والدي مريض وحبيت رحت اشوفه الرجل معلق شي وبعد موافقه المحلف الحجيه واختي هم سافرو الى العراق ورجعو على خير وسلامه وحاليا همه بامريكا وصلو على خير وسلامه ويوم الي اللنا جميعا ان شاءالله
وشغله لخ اذا كنت وما زلت تشتغل ويه الجيش الامريكي او احدى الشركات الامريكيه تكدر اتورح وتجي جدا طبيعي للعراق هم عن تجريه
ان مع العسر يسرا
-
اخويةعلاء ماكو شي يمهم يصير اوميصير الحالات متفاوته يعني ممكن تأثر وممكن لا حسب انته شرح تألف يعني بين قوسين سوي اكشن بالموضوع عندك سبب قوي للرجوع حتى من يسألك المحلف تجاوبه طبيعي حتى لو مهدد كان لازم ترجع ورحت بيت كرايبنه ومجنت اطلع وحدي ويعني من هالافلام ;D
-
شكرا اخويه او اختي حديقه وارغب التعرف هل مررتم بتجربه مماثله واذا مابيه زحمه ممكن نقله النه للاستفاده من مثل هكذا تجارب خاصه الاخوه الي طلعلهم توطين رغم ترددهم للعراق المستمر وكذلك الاخوه الي ارفضو بسبب الزيارات المتكرره للعراق الموضوع يستحق النقاش باسهاب لان كثير من العراقين اليوم اصبحو اكثر حاجه للتوجه للعراق والعوده لاغراض متابعة املاكهم او الشغل بالعراق لتوفير لقمة العيش الكريم ولفتره معينه لابناءهم في دول الجوار لادامت تواجدهم في تلك البلدان وبنفس الوقت لايضيعو فرصت التوطين
-
السلام عليكم
من رخصة الاخوان الاعزاء
اكثر من مرة طرحت سؤالي بالمنتدى بس لحد الان ما حصلت على الجواب
هل صحيح في حال الرجوع الى العراق عن طريق مطار اربيل لن يؤثر على سير المعاملة
اسئل عن مطار اربيل ارجوا من الاشخاص اصحاب الخبرة لا يبخلون بالاجابة
وسؤالي الثاني
العودة للعراق من اجل بيع غقار او الحصول على المال هل يعتبر سبب مقنع
يعني التخلص فلوسه شلون يعيش و شكرا
-
اخوية علاء اني اخوك مو اختك ;D
شوف بين قوسين لازم تقنع المحلف وتنطيه سبب قوي لرجعتك حتى يقتنع لو رح يرفضى وحاول تقنعه واكو دليل حتى لو شي صغير حتى ميصير بس حجي