ankawa
منتدى الهجرة واللجوء => الهجرة و واللاجئين => الموضوع حرر بواسطة: مجرب الغربة في 08:22 15/09/2010
-
اخواني الاعزاء امتنعت المدارس الحكومية بعمان من تسليم اولادي الكتب الا اذا دفعنه قيمتها علما ان احد اولادي بمرحلة التوجيهي واتصلت باانقاذ الطفل لكن الرد كان انتظر ارجو مساعدتي وهل احد صار ويا مثل الي صار وي اولادي اخوكم/ مجرب الغربة
-
تحيه طيبه مجرب الغربه
راجع وزاره التربيه وبلغهم بانه هيجي ديتعاملون ويانه بلمدارس الحكوميه
واساسا موظفين التربيه ناس جدا خلوقين ومتفاهمين ويا العراقيين وانشالله توصل صوتك الهم وهمه ياخذون الاجرائات
تحياتي
-
السلام عليكم والله يأخي مو بس فلوس الكتب اني المدرسة الحكومية بالعقبة طالبة مني عى كل ولاد 20دينار غير فلوس الكتب يعني كل ولاد ينرادلة 30دينار والماعنده من يجيب طلعنا من رمضان للعيد للمدارس وهاي كلها مصاريف والاولاد ما يعرف تكول ما عندي يعني بالعيد لازم يلبس جديد وللمدرسة جنط وسداري يعني الله يعلم بالحال نحتار بالايجار لو بالعيشة لو بالمدرس وجنه معتمدين على راتب الامم المتحدة كلنا يخفف علينا شوية وما نزل قبل العيد اكيد كالو دياخذون 200دولار وخلي نأخر الراتب شويه ولا اخذنا ال200 ولا نزل الراتب يعني اني بالعقبة وياريت واحد من الاخوان بعمان يراجع الامم المتحدة الخدمة الاجتماعية ويشرحلهم الوظع السنة الي فاتت دفعنا فلوس الكتب وكالو اجا اعفاء والمدرسة ما رجعتلنا الي دفعنا ورحنا للتربية بالعقبة وكالو لسة ما اجتنا اي تعليمات وتقبل تحياتي اخوكم حمادةعزو@
-
مرحبا اخوان ترى هيه كتب صف العاشر واول ثانوي وتوجيهي بفلوس هذا الشي المتعارف عليه
اني درست المرحلة الاعدادية هنا ودفعت فلوس هيه ازعاج بس احسن من المدارس الخاصة
-
إخوان آني بعمان وأولادي البارحة داوموا بالمدرسة ومحد طلب مني لا فلوس كتب ولا قسط دراسة ولاأحد طلب مني ورقة اليو أن أصلا... والبارحة استلموا كتب عادي حالهم حال باقي الأطفال
-
السلام عليكم اخواني جميعا .... انا ايضا مثل متفضلت الاخت ام ابراهيم راح ابني البارحة للمدرسة وحالة حال بقية الطلاب وكتلهم ورقة اليو ان تريدوهة كالو ملازم معروفة عدنا انت لاجئ عراقي وبدون اي رسوم ....
-
كلام الأخت ام ابراهيم والأخ مروان صحيح من العام الدراسي الماضي اليو ان غطت نفقات الكتب ورسوم التسجيل بالمدارس الحكومية والموسم الحالي ايضا ولكن الي ديصير هي اجتهادات من بعض المدارس والمفروض الشخص يروح لليو ان ويعطيهم اسم المدرسة الي دتطالب بالمبلغ وشوفوا رد المفوضية . وتقبلوا مروري وكل عام وطلابنه الحلوين بألف خير. اختكم كوكي
-
الاسلام عليكم خواتي واخواتي اليوم رحت للمفوضيه ودخلت على الباحثه الاجتماعيه وكلمته بخصوص الطلاب لانه اني عندي واحد بلتوجيهي وارايدين منه60 دينار رسوم دراسيه او حجز مقعد كتله احنه منوين انجيب كل واحد عنده 3اطفال 4من انجيب حتى قرطاسيه مانكدر نوفرلهم حولوني على المسوئله على التربيه
اخذت اسم المدرسه وكالت الان كلشي ما ادفعون لانه غطينها واحتمال ما واصل الكتاب للمدرسه تقبلو مروري,.................
-
السلام عليكم اخويه العزيز اني اليوم سجلت ابني بالصف الاول ابتدائي كلشي مياخذون ولاقرش بس رادو مني ورقه الامم المتحده مصوره والجنسيه والجواز مصور وبس او كالت المديره القرطاسيه كله علينه وشكرا
-
السلام عليكم اخواني الاعزاء
اشكر الجميع على المساعده لكن اني ارسالت ايميلالى اليوان واليوم اتصلوا بي وكالوا ان التربية الى الان لم تعمم كتاب وزارة التربية بخصوص العراقيين واكدت لي ان الكتاب سوف يعمم يوم الاحد واكدت الباحثة لي انكم لاتتعجلوا بشراء الكتب وانشاء الله خير
اخوكم /مجرب الغربة
-
السلام عليكم اخوية اني عندي بنت توجيهي والثانية اول ثانوي واليوم سلموهم كتب مجاناً لان اجى كتاب من التربية بالاعفاء للعراقين بس انت ما عليك لا تدفع 20 دينار رسوم التوجيهي لان هاي حتى الطالب الاردني لازم يدفعها
اطمئن وريح راسك
الله يفرجها علينا وعليك
اخوكم ابو نور
-
اخواني الافاضل السلام عليكم
طبعا اني عندي ثلاثة اطفال وسجلتهم بلمدرسه وكل مدرسه حجت شكل
بس الى اتضح اخيرا بان التعليمات لن تاتي بعد الى المدارس وطبعا اني مدفعت ولا فلس
بس كالو انتظر اشوي وبعدين انشوف حتدفع لو لا وانشاء الله خير
اخوكم قيد الدراسه الى الابد
-
اخواني الاعزاء ممكن تساعدوني اذا احد يكدر يدبرلي الكتاب اعفاء العراقيين من رسوم الكتب والتدريس بالمدارس الحكومية لان يكولون انو تعمم على مدارس عمان لكن موصل مدارس اولادي فارجوا ارساله على الايميل الشخصي
اخوكم مجرب /الغربة
-
والله يأخوان اني سلمو الكتب لولادي وجلدناهم وثاني يوم سحبوهن واليوم جنة ننتظر قالو الكتاب راح يتعمم ورجعو وماسلموهم والمعلمة ناطيتهم واجب وقالت لبنتي اذا ماحظرتي باجر اظربك وباجر اني رايح للتربية وارجع للمعلمة اشوف هي سايبة تظربها
-
والله ياجماعه اني نفس الشي عندي 3 اطفال وكل واحد بدرسه شكل او ولا واحد سلموا كتب والكل ايكول جيب افلوس لكن احنا اتعودنه لانه كل سنه هاي الاسطوانه واول اسبوع بالخسائر
الشي الحلو بنتي الزغيره شجلتها بالاول وكل ماتجي كل يوم من المدرسه اسألها ها مريم انطوج كتب ادكلي لا اكلها ليش؟اتكلي مو لانه عراقيه بس بطريقه اظحك