ankawa
منتدى الهجرة واللجوء => الهجرة و واللاجئين => الموضوع حرر بواسطة: لاجئه في مصر في 23:38 17/09/2010
-
السلام عليكم
الى الساة الاعضاء والاخت انجي رح احجيلكم قصتي ورح اسالكم اسئله واترجاكم اتجاوبوني عليها باسرع وكت ممكن
اني لاجئة بمصر منذ عام 2006 بصراحة احنا جنا ناوين نبقى بمصر بس بسبب نفاذ اموالنا اضطرينا انقدم على لجوء طبعا اني اهنا وية والدي والدتي وعندي 3 اطفال قدمت على اليو ان وانرفضنا وبعدين قدمنا عهلى الاي او ام لان ابوية جان يشتغل وية اللامريكان وهم رفضونا لان ماعدنا ايميل وراها بفترة قدمنا على الكنيسة سانت اندروا ورا 3 اشهر تقريبا حولونا للاي او ام قبل رمضان 3 اسابيع وليهسة ماكو اي رد المشكله اني هسة مدااعرف اسجل جهالي بالمدرسه لو انتظر يعني ممكن انسافر بهاي السنة لو لازم ننتظر للسنة الجاية وتقريبا اشكد ايطولون يلا ايدزون علينا حتى ايسوون المقابلة الاولى والمشكله اللخ انه اختى بامريكا عايشة وامي اتريد اتسافرلها يعني اختى اتسويلها دعوة واتسافر تبقى يمها شهر وترجع لمصر لان اختى عدها ظروف كلش صعبه ولازم امي تبقى يمها سؤالى يعني اذا احنا قابلنه المحلفين ننرفض اذا شافوا امي مسافرة لامريكا لو عادي ؟
-
اختي العزيزة انت ليش ما تخلين جهالج بالمدرسة خليهم حبي وشوكت ما الله فرجها عليكم وتكمل المقابلات والسفر عادي يتسجلون بالمدارسة بامريكا ومن ناحية امك لا حبي ما ياثر هي رايحه زيارة شعليها بيج وبمعاملتج ليش هي بنفس المعاملة لو لا واحتى اذا كانت وياج هي يكون عدها كيس منفصل عادي ما ياثر على معاملتك وانشاءلله التوفيق والسفر والاستقرار
-
اني احب اشكر الاخت انجي والاخت العبير على اجابتكم واهتمامكم بس اني اريد اسال بالنسبة لامي اياثر سفرها على قبولها كلاجئة عن طريق الاي او ام اذا ايشوفون الختم بالجواز انه هيه مسافرة لامريكا من قبل كزيارة يم اختى وهية العام هم سافرتلها
-
الاخت العراقيه اولادج لازم تسجليهم لان هاي شغلة ال اي او ام شغلتها اولا طويله وثانيا متكدرين تتاكدين من نتيجتها وان شاء الله خير بس الواحد لازم ياخذ اسوء الاحتمالات والله يقدم الخير والله موقصدي احبطج بس احنه هم نفس الشي وخصوصا اني اولادي بجامعه وانتي تعرفين مصاريف الجامعه بس شنسوي صارلنا اكثر من 3 اشهر وكل مره يكولونا راح ندزلكم كيس نمبر وكلشي ماكو وبالنسبه لوالدتج مياثر بس مثل ماكالت اخت عبير ترجع باارادتها موقصرا وسؤالي للاخت عبير اني سمعت ان اليو ان تدفع المصاريف اقصد مو عن طريق الكاريتاس الي بالمطريه وبعدين انتقلت للمعادي سمعت هيه اليو ان نفسها بس شنو الطريقه ممكن اذا تعرفيها تكوليلي اذا ماكو زحمه لان مع الاسف مو الكل يحب الخير ويكول الي يعرفه والله اني استغرب ليش العراقي هيج كدامنا يسون الكتب بالمدارس ومن تحاولين تساليهم يتهربون من الجواب تكولين دتدفع من جيبها حسبي الله ونعم الوكيل والموفقيه والتسهيل لكل العراقيين يارب تسهيل امور الهجره اختك ام ريم
-
اني اشكر كل الاخوات على اجاباتكم ونصائحكم وتعاونكم وان شاء الله التوفيق للكل والله يسهل امورنا وامور الجميع