ankawa
منتدى الهجرة واللجوء => الهجرة و واللاجئين => الموضوع حرر بواسطة: الفريدو في 07:23 18/09/2010
-
اخواني اخواتي السلام عليكم
وصلني خبر اكيد من مصر بالنسبه الى طلاب الجامعات هذه السنه مجانا وعلى حساب جامعة الدول العربيه
وهذا كلام شخص عراقي شريف يحب الخير لاخوانه وبلغني به وهذا نص كلامه :
حبيت اكلوك اذا تكدر تنزل موضوع عالعام انه هالسنة الجامعات في مصر للطلبة العراقيين المصاريف تدفع من قبل جامعة الدول العربية واني رحت للجامعة ولكيت هواي عراقيين ديسووها وهالشغلات مو كلاوات فارجوك اكتب الموضوع وانشره للخير
واني هم قدمت وبجامعتي هم لكيت عؤائل عراقية دتقدم
والمطلوب منهم هو شهادة بيها مصاريف الطالب وبتاريخ هالشهر علمود يكون اثبات انه هو طالب لا يزال
وجوازه العراقي
والايدي تبع الجامعة id
ورقم حساب البنك حتى يحولون المصاريف عليها
والمكان التحرير وين مجمع التحرير مالجوازات والاقامة مقابيلها مكتب جامعة الدول العربية
اخواني اتمنى ان اكون قد نقلتلكم الخبر مثل ما وصلني والدعاء للشخص الذي بلغني الخبر ان تتيسر اموره بالسفر بعون الله
اخوكم : الفريدو
-
بارك الله بيك اخي الكريم على هذا الخبر
هاي اول مبادرة نسمعها من الجامعة العربية لمساعدة العراقيين
تحياتي
اخوك خالد
-
مشكور اخوية دومك سباق للخير يارب يسهل امرك وامر الي نقلك الخبر ان شاء الله اخوانه بمصر يستفادون
-
السلام عليكم ورحمة الله وبركتنه اخي العزيز الفريدو هذا الشي ينطبق على كل العراقيين لو بس اللي عدهم كارتات صفراء يعني الماعندة كارت هم يشملة النظام؟ارجوا ان تتقبل مروري اخوك حسين السالم.
-
السلام عليكم
اخوي حسين اني الي اعرفة ينطبق على الجميع حتى الي ما عنده لان المطلوب الجواز والايدي مالجامعة وما طالبين كارت اصفر اذا ماله علاقة
اني لي اقارب راحو وسووها وما طلبو منهم كارت اصفر
وهذا رقم الجامعة العربية للي يحب يتاكد
لتليفونات :
5752966 - 5750511
شكرا لك اخوي الفريدو على ما تقدمه للعراقيين وجزيل الشكر لهالموقع العراقي المشرف
-
السلام عليكموالله يبارك بيك وبصاحبك اخ فريدو هذا الخبر سمعنا بيه قبل يومين صحيح ومشكوره الجامعه العربيه عل هاللفته هم نكول احسن من السفاره العراقيه الي مشغوله بكل شي عدا مساعده العراقيين الي بمصر وبعيده عن هموم شعبها الله يعينهم مديلحكون وهيه ماالها دخل بالكارت المهم انت عراقي وملزمه بشخص واحد فقط من العائله يعني اذا عندك اكثر من طالب لازم تقدم ل واحد فقط لا العدد الي مقدم والي بعد هوايه ممقدمين واني من ضمنهم هوايه والمبلغ المقرر لايكفي والامين العام اصدر قرار بعمل ضوابط معينه بحيث تشمل كافة الطلاب ولحين ماتصر اللجنه قرارها ياخذون بتنفيذ القرار هاي المعلومات احنه اخذناها من جامعة الدول نفسها اتصلنا بيهم وخبرونا وبعد مندري شوكت تكمل ان شاء الله تسهل لان الجامعات الها وقت معين وراها تسد الدفع وبهالحاله الطالب يكعد ميداوم هالسنه وحسب توقعي ح يدفعون جزء من الاقساط احتمال تشمل التيرم الثاني والله المستعان :) 8)
-
الاخ الفاضل فريدو
الف شكر لك وللاخ الشريف الذي نقل الخبر وبارك الله بيكم تحبون الخير والله انتم احسن وأفضل من كثير من العراقيين هنا في مصر يعرفون الخبر ولايبلغون احد أقصد لايحبون الخير الا لانفسهم فقط أكرر بارك الله بيك اخ فريدو وسهل الله امرك وأمر صديقك بالسفر والي يزرع خير يلكاه انشاء الله .
-
اشكركم اخواني وربي ييسر امر الجميع بعونه تعالى
اخواني الحمدلله لحد الان اكو عراقيين اشراف يحبون الخير لاخوانهم واذا خليت قلبت
اخويه msamoh لا تستغرب من بعض العراقيين في مصر ما يحب ينفع غيره ....
هنا بكندا عندي اغلب العراقيين مع الاسف بس يريد ياكلك وينصب عليك ولكن الطيبين بهذا الزمن جدا قليلين
ادعو الى العراقي الشريف الي بلغني الخبر لانه حب ينفع اخوانه وانا فقط ناقل للخبر
ربي ييسر امركم جميعا ويفتحها بوجهكم بعون الله
نورتونا اخواني : خالد القيسي ...... اخويه العزيز ضاع الوطن ..... حسين السالم ...... اخويه الورده عراكي انا .....
ام ريم .... msamoh
اخوكم : الفريدو
-
السلام عليكم
بارك الله بيك اخويه ووفقك الله لعمل الخير ونقل كل الاخبار الحلوه بس فد سؤال
اني هسه على الامم المتحده وعندي اقامه عليها وشغله لخ اني ماعتدي شي يثبت بان مخلص كليه من بغداد غير الوصل مال استلام النتيجه النهائيه الي هوه عباره عن اسماء المواد ونتائحها فهل استطيع التقديم بهج حاله وشغله ثالثه على اي جامعه بمصر لو فقط الجامعات الخاصه او الحكوميه واعذرني على الاطاله
ان مع العسر يسرا
robin - cairo
-
تسلم حبيبي ابو مريومه دومك تركض على الخير للناس . تحياتي الك
-
منورين اخواني وربي يدوم روح المساعده بين اخوانه واخواتنه
اشكر مروركم اخواني : Robin Hood ..... ha90 ..... ابو مريومه ..... الطائي 61
اخوكم : الفريدو