ankawa
منتدى الهجرة واللجوء => الهجرة و واللاجئين => الموضوع حرر بواسطة: kunda في 18:03 21/09/2010
-
مرحبا شباب واعتذر بداية عن انقطاعي عنكم بسبب مشاغل الحياة الكثيرة بس حبيت أسأل الاخوان والاخوات الذين قابلوا مقابلة اولى على IOM وراها بفترة اشكد حددولكم مقابلة ثانية او فحص طبي ؟؟؟؟؟؟ وهل يحتاج تراسلوهم او تخابروهم احتمال ناسين وراكنين الملف على الرف؟؟؟
أشو اني من قابلت ولحد الان صار اكثر من شهر وسكتة ماكو اي شي لاايميل لامخابرة؟؟
مع خالص الشكر لكم
أخوكمخ كوندا العنكاوي
-
والله اخوية اني حسب الناس اللي اعرفهم واللي همه هواية فبين المقابلة الاولى والثانية بين ال60 الى 70 يوم وبعد المقابلة الثانية بشهر او اقل يخابروهم علمود الفحص الطبي
-
حبي كوندا والله اني صارلي اكثر من 3 اشهر وراح اطب لل4 من المقابلة الاولى وكالوا جماعة المقابلة ع اساس المفروض المقابلة الثانية بعد شهرين وتكتل روحها 3 اشهر...وشو كلشي ماكو وراسلتهم ع الايميل وكلشي ماكو...
-
اخى بين المقابله الاولى الثانيه والثالثه اسبوعين بالضبط بس مقابله الوفد انت وحظك اذا موجود ماطول واذا ماموجود اطول اشهر واذا قبلك الوفد يتصل عليك الدكتور المخول بالفحص واذا ما قبلك تنتضر فتره لما يدزون عليك الهجرة وبعد الفحص شهر ونص تسافر .............هاى اذا معاملتك ماشيه وماعندك تاخير بس اذا لا يمكن تنتضر اشهر اوسنه............... ارجو ان اكون اعطيتك المختصر وكل ملف عن الثانى يفرق يعنى مااحد يكدر الوقت ............... وبالتوفيق
-
اخويه كوندا انت الضاهر قلق من وره هاي الشغله مال صاحبك الي دعبل قضيه منتدى عين كاوه و انت بوكته نزلت نزله اخت الجذب على القابلك هههههههههههههههههه لا تهتم اخويه طول بالك و انتضرنه بين ما انقابل احنه همينه وين اتروح و اتعوفنه.
اخويه Blood brothers بس لا ساكن بالشمال انت همينه؟
-
حبي مشلوع الكلب لا تشلع كلبي هم ياثالثة دا تحجي انت وين مقدم اني الي اعرفه اهنا ابغداد بس مقابلة اولى والثانية مالت المحلفين شنو الوفد ومنين هذا الحجي الجديد...اي والله دولار...
-
ماكو مدة ثابتة ,,,,, بكيفهم وع مزاجهم
او حسب الية بس همه يفتهموها بحيث لو يطلع
الخوارزمي من قبره هم مايكدر يفهمها
يمعود اكو ناس تقريبا سنة ياله قابلوا الثانية
واكو ناس بنفس اليوم قابلوا المقابلتين
دز ايميلات والله كريم
-
رفيق النضال كوندا حبيبي شلونك
اني من قابلت الاخ الاردني كال النقابله الثانيه من شهرين الى 3 اشهر ويمكن شويه اكثر
من كال شويه اكثر اني كلت بكلبي هاي شويه اكثر شكد يعني ???
هيه تره مو سوه كلمن وحظه
كوندا اخويه لادوخ ولا تعب نفسك هيه بقت على iom شوsiv نام عليها دبل طابوك مو طابوكه وحده ;D ;D
اخويه blood_brothers8 ذكرتني بل ربت ;D ;D ;D فد قوطيه من يمك ;D ;D ;D ;D
-
حبي ارمي سترونج ابعيني بس خلي يصير وكت الجاو واجيبلك قوطية... ;D ;) ....وبالنسبة لiom فاانت وحظك شو شكو واحد مناضل بهذا المنتدى شغلتة معصمصة ومتمشي مو صرنا اساتذة بال iom و الsiv وعاصرنا هواية ناس المخضرمين والجدد وهواية طلعت واحنا مثل مو احنا.....
-
تحية طيبة والله احنة تقريبا شهرين ودزو علينة
والله يوفقك انشاء الله ويخابروك باقرب وقت يارب ويفرجهة على كل المنتظرين
-
انى حجيت على iom سوريا مو siv
-
اسفه اقصد un سوريا وبعد التوطين iom
-
اخي العزيز بالنسبه الي والجماعتي الستندر صار هوه من شهرين الى ثلاثة
يعني اني مقابل الاولى يوم 6/4/2010 والمقابلة الثانية يوم 10/7/2010 بالرغم انه بلغونه من قابلنه الاولى انه وره شهرين رح يقابلونه على الثانيه.
وطبعا اكو اقل او اكثر
-
الأخ العزيز
بالضبط بالنسبة لي وعائلتي المحلفين عن المقابله الأولى شهرين الا 11 يوم يعني 49 يوم والآن بانتظار الفحص واخبرونا بان الموافقة الأمنية اتطول 45 يوم قبل ان ندخل الى المحلفين وفي مقابلة المحلفين يتم الوزن والطول وطبعات ا/لأصابع واخذ الصور برفع جزء من الحجاب بالنسبة للنساء ومصورة امرأة تقوم بأخذ الصور الحجاب اقصد الربطة فقط لتوضيح صورة للوجه.
-
يمعودين دااحجي على iom بغداد حصرا
-
حبي اني سولفتلك على بغداد
-
عزيزي كوندا الفترة مابين مقابلتين الاولى والثانية محد ميدري اني الفترة مالتي كانت خمس اشهر واثنين والعشرين يوم متقدر تخمن واكوناس كانت اقل احتمال كل من حسب حالة الامنية او اكو معاير بس لاتضل بالك رح تجي يوم وتاقابل الثانية . وارجو الخير كلك العراقين ترة كلهم يستاهلون الخير
-
مااعرف ليش جماعة iomبغداد مديشاركونا ؟؟؟هو صح اكو اختلافات بالملفات يعني الفترة مو ثابتة بس الرينج نقدر تكول يتراوح بين اشكد واشكد؟؟؟
-
شلونك حبي كوندا
اني من بغداد والمدة بين مقابلتي الأولى عن الثانية هي 13 يوم يعني كتابتآ ثلاثة عشر يومآ
والفحص الطبي ورة اقل من اسبوعين وبعد الفحص الطبي بأسبوع نتيجة المحلف تأجيل لحين التجييك الأمني وصارلي 14 يوم انتظر من اجتني نتيجة المحلف .... وحاليآ اني ضايج من انتظار التجييك الأمني. ههههههههههههههه.. الله يساعد الي صارلهم سنين. انشاء الله تطلعون قبلي والله امنيتي من كل قلبي على الرغم من ضروفي المادية التعيسة ولكن اتمنى تسافرون قبلي. ومااخذ مكان ناس واخوان اقدم واحق مني بالسفر.
اخوكم
ساحر بغداد
-
أخي كوندا
احجيلك عن تجربتي الشخصيه :
بين المقابلة الاولى و الفحص الطبي 3 أشهر
بين المقالبله الأولى و الثانيه 3 أشهر ونص
وهم دزوا علي بدون ما أخابرهم يعني من يمهم ... انت جاي تكول صار لك شهر وهي مده تعتبر قصيره نسبياً أصبرلك بعد 15 يوم وبعدين استفسر منهم عالفحص و المقابله الثانيه
تحياتي
-
آني ايضا من بغداد الفترة كما ذكرت اعلاه فقط 49 يوم بين المقابله الأولى ومقابلة المحلفين
-
إي تستاهل كوندا... ;) هذا التأخير كله من ورة صديقك اللي فلتها للسالفة كلها... تتذكره مو؟؟؟ ;) ;) ;)
-
واني شغلتي شغله ، حددولي مقابله اولى ، وبعدني ممقابل دزولي اميل تحديد القابله الثانيه ( مال محلفين ) الفرق بين الاثنين أسبوع واحد ، بس وره مرحت للمقابله الثانيه (مال محلفين ) بشهر ونص ، دزولي رساله حددولي بيها موعد للمقابله الثانيه مال محلفين ألي اني قابلته ، عاد دزيتلهم رساله كلتلهم اني مستعد أجي للمقابله بس تره اني قابلت بتاريخ كذا ، رجعوا هم دزولي رساله اعتذروا بيه وكالو لتجي لان انت فعلا مقابل محلفين
فأخوي هي مو سوه وصاير لود عليهم بحيث هم اصلا داخين
-
إي تستاهل كوندا... ;) هذا التأخير كله من ورة صديقك اللي فلتها للسالفة كلها... تتذكره مو؟؟؟ ;) ;) ;)
اي والله عزيزتي ام ابراهيم محد دمرني وكسر معنوياتني غير هذا الافندي
شنسوي الله كريم
-
كوندا عيني راح انطيك احداثياتي ومنها استنتج ;D ;D
مقتبله اولى 20_4_2010
مقابله ثانيه 1_7_2010
فحص طبي طبعا اني خابرتهم وانطوني موعد ;D
فحص اول 25_7_2010
فحص ثاني 27_7_2010
وهاهي ;D ;D
جورجيا
-
ها اخويه كوندا ??? بدا القلق و الوهواس
ادري منين نتلكاها من siv لو من iom :'( :'( :'(
-
ها اخويه كوندا ??? بدا القلق و الوهواس
ادري منين نتلكاها من siv لو من iom :'( :'( :'(
ههههههههه والله ياارمي ياصديقي همزين عدنا منتدى عنكاوا ((واللي اتضح بانه الجماعة الله متابعيه ويانا)) نسولف بيه وننفس عن قهرنا وغضبنا وطول صبرنا تحياتي لاحلا iom :D وعالراس
-
حبي كوندا
مقابلة اولى 21-4-2010
مقابلة ثانية 27-5-2010
وتدلل
-
مرحبا شباب واعتذر بداية عن انقطاعي عنكم بسبب مشاغل الحياة الكثيرة بس حبيت أسأل الاخوان والاخوات الذين قابلوا مقابلة اولى على IOM وراها بفترة اشكد حددولكم مقابلة ثانية او فحص طبي ؟؟؟؟؟؟ وهل يحتاج تراسلوهم او تخابروهم احتمال ناسين وراكنين الملف على الرف؟؟؟
أشو اني من قابلت ولحد الان صار اكثر من شهر وسكتة ماكو اي شي لاايميل لامخابرة؟؟
مع خالص الشكر لكم
أخوكمخ كوندا العنكاوي
الســـــــــــلام عليكم كوندا اخوية اني نفس الشي خلوهة سكتة واني قررت احدق ورقم سيارتي والتهي ابشـــــــــــــغلي اني امقدم على iom ونتضرت سنة كاماة يالة اذكروني وبعدبن دزولي موعد مقابلة اولا يوم 30\8\2010 وقابلت والي كالو العالم والناس الهناك ورة يومين ايحددون مقابلة ثانية على الايميل..................اليحير كان اكو واحد امقابل اولى ودزو علية مقابلة ثانية وفحص بعد ست ايام من المقابلة الاولى واليضحك الولد يقول انه كان في لبنان وهسة هل الفترة استعدل شغلة ابشركتة من اجة للعراق وما يريد يطلع للعلم زوجتة واطفالة بمريكة هاي مو عجيبـــــــــــــــــــــــــة ف نصيحة اخوية التهي ابشغلك وهية تجي وحدهة حتة لا تفكر بيهة والله اني خال في حساباتي بعد فد سنة او اكثر ما كو مشكلة ايجوز بقاءنا الله يشوف بي خير النة والى عواءلنا تقبل مروري ولا تنقطع عنة واني راح اتواصل معك اذا اكو شي جديد اخوك ابو علاوي
-
عيني اني هم رحت قابلت يوم ]/ مقابلة اولى بغداد
وكالو خلال شهرين نخابركم ويمكن اقل
ويمكن
اكثر
يعني باختصار مهديء
انت انتظر ويجيك الفرج وان شاء الله
عن
قريب