السلام عليكم
اخوتي اعضاء منتدانا الراقي
محتاجه نصيحتكم ومساعدتكم لاني في مشكله عويصه اللي هيه (دفتر الخدمه وموضوع العسكريه اللي يبقه يلحك الشباب وين ميروحون)
خلي اشرحلكم السالفه بالتفصيل حته تفيدوني بالمضبوط:
زوجي خدم العسكريه الالزاميه بتاريخ 1/10/2001 والمفروض انو يتسرح بتاريخ 30/3/2003 ...
ولكونه يتمتع بخدمه حسنه يعني لاغايب يوم ولا مسوي مشاكل بالجيش فقلصو خدمته العسكريه شهر,,,
وعلى ضوء ذلك قدم كل اوراقه ومستمسكاته المطلوبه بالاضافه لدفتر الخدمه للوحده العسكريه مالته بيوم 1/3/2003 وراهه نزل للبيت,,
بعدين صارت الحرب بيوم 20/3/2003 وضاع كلشي ..
وهسه هوه ماعنده اي شي يثبت انو خدم عسكريه لادفتر خدمه ولا اي شي ,,,بصراحه الحجيه حاركه شكو اوراق قديمه تخص العسكريه لولدهه ( الله يساعدهه شافت الضيم من وره تجنيد اولادهه)
من قدمت اوراقي للـ NVC سويت الاتي :
1- بتاريخ 8/9/2010 قدمت كل الاوراق والمستمسكات المطلوبه.
2_ بتاريخ 14/9/2010 وصلني اول ايميل منهم وبيه جك لست ,,,يكلولي انريد الملتري ريكورد .
3_جاوبتهم بنفس اليوم ..بالنسبه لخدمة العسكريه لزوجي وحسب نصيحة الاخ الغالي ابو عبدالله التكساسي فتحت وورد دكيومنت وكتبت انو الدفتر ضاع وهيجي وهيجي السالفه ..
4_اشو بتاريخ 19/9/2010 رجعوو دزولي رساله بيهه جك لست يريدون الملتري ريكورد ...عبالك مشافوو الرساله اللي دزيتهه الهم !!!
5_ اني هماتينه عدلت عله الحجي اللي كاتبته بالدكيومنت ورجعت دزيتهه نفسهه ...
وهسه اني كلش خايفه وحايره ليش ظلو يلحون عله هالدفتر الخدمه ؟؟؟
هاي لانهه ماعنده الدفتر والحظ يريد يعرقلهه ؟
لو لانه هوه خادم بوقت الحرب وي الامريكان وكالو هذا هوه اللي كان يدزلنه الصواريخ ؟؟؟ للعلم الله شاهد هوه كضاهه كلهه خدمته ببغداد وكلهه ينطي فلوس وينزل !!
هسه اخواني شسوي بهيجي حاله وهاي الرساله اللي كتبتهه هم اعرضهه عليكم ايجوز تعبيري شويه مخربط بالانكليزي من هاي الناحيه ؟؟
عنوان الدكيومنت باول رساله كتبته MILITARY RECORDS بس بعدين بالرساله الثانيه سويته Clarification Regarding the Military Record
والنص هوه :
Dear Sir,
Good Day,
I served in the military at the 1st of October 2001;
I started to process the demobilization petition by submitting all my
documents and official military records to the militarism division at the 1st of
March 2003.
At the 20th of March 2003 the liberation War was happened and all the
documents are being missing.
So, I as many of Iraqis guys don’t hold my record or any military ID because
it was missing because of the war.
Thank you for your consideration,
Regards,
اخوان اتمنى اتساعدوني اني اسفه لان طولتهه عليكم ودا الاحظ انو حجيت هوايه بس شسوي ماعندي احد استشيره بهذا الموضوع غيركم
مع تحيات اختكم اماني [/color] [/color]