ankawa
منتدى الهجرة واللجوء => الهجرة و واللاجئين => الموضوع حرر بواسطة: whitelion في 22:16 26/09/2010
-
السلام عليكم شلونكم شباب ان شاء الله زينين
عندي مشكلة واتمنى تساعدوني بحلها اني كاعد اقدم على الاي او ام وكاعد ادز على هذا العنوان ic@iom.int
وقبلها دزيت على هذا العنوان baghdadinfocenter@iom.int والمفروض اني اللي اعرفه يجيني جواب اني اللي اجاني اميل المحتوى مالته
هذا عنوان المرسل "MAILER-DAEMON@yahoo.com
وهذا بدايه الرسالة
failure notice
Hi. This is the qmail-send program at yahoo.com.
I'm afraid I wasn't able to deliver your message to the following addresses.
This is a permanent error; I've given up. Sorry it didn't work out.
وطبعا الاميل يكول ما اكدر اوصل رسالتك لهذا العنوان ليش اريدكم انتوا تجاوبوني
وطبعا هاي الحالة صارت من دزيت على العنوانين اللي كتبتهم فوك
واني دزيت من اكثر من حاسبة واميل يعني مو صوج الاميل او حاسبة ودزيت الاميل حوالي 10 مرات ونفس الرد
وللعلم اوراقي كلها صحيحة من وثائق خاص بيه الى الشغلات الي تثبت عملي مع الحكومة الامريكية
الله يخليكم اللي يعرف شي يساعدني وشكرا مقدما
-
ادخل على موقع السفاره الامريكيه في بغداد وسوي بحث وانته راح تلكه الايميل الي تدز عليه مستمسكاتك شغله كلش بسيطه embassy of u.s.a. in iraq
-
والله أخوية آني مو كلش خبرة بهيجي شغلات بس العنوان اللي كاتبه صحيح 100% بس أخاف حاط سبيس وانت ما ممنتببه؟؟ وإحتمال الأخوان من يقرون ردي راح يضحكون بس جرب تكتب ال IC بحروف جبيرة مو صغيرة وجرب... مو هو حتى الأيميل أفندي كام يتحجج علينا حتى ما يوصل... جرب ما خسران شي وشوف... وبالتوفيق
-
شكرا اخوية العزيز بس العنوان الاول اللي اني كاتبه صديقي يشتغل بالسفارة وجابليا وصديقي قبل شهر وصل امريكا وجان يراسل على نفس العنوان
-
شكرا اختي بس والله مكتبت مشكلتي هنا الا ما بعد جربت هواي شغلات تسلمين
-
احتمال ولو ضعيف ان الياهو لا يقبلون رسالة اكثر من ميكا حجم
واعتقد انك تعمل بريد آخر ، والافضل يكون مع شركة gmail.com ، لان بالنسبة لبريد المنظمة صحيح
طبعا ترسل لهم من بريد واحد فقط ، انا ارسلت لهم من بريدين فاعترضوا وقالوا يجب ان ترسل من بريد واحد لكي يكون هو الذي يراسلوني عليه.
اذا اردت تغير في بريدك الحالي في تنظيماته انك تسكن في امريكا لان ساكني امريكا ليس لهم محدودية مع شركة الياهو ، فمثلا تكتب انك ساكن فرجينيا VA وكود المنطقة 22152
-
اخوية مليون بالمية دك غلط بالايميل الي دا ادز علية رحمة لوالديك اني كل اسبوع ادز ايميل و ابد ما صارت عدي هيج حالة
تاكد اخوية من لايميل
-
والله يا اخوية اني ادز على هذا الاميل اذا غلط كلولي ic@iom.int
-
أخي العزيز آني اليوم دزيت علي نفس هذا الإيميل ووصلت رسالتي ورجع لي أوتوربلي . يعني ماكو إشكال . عجيب . حاول مجدداً لأكثر من مرة بلكي توصل رسالتك . المشكلة : ماكو مشكلة بالعنوان ! .
-
اخوية قلل حجم الملحق وشوف بلكي تضبط وياك.
-
احوية الايميل صحيح بس مثل ما كالت الاخت سرى حجم الملفات الي كاعد ترسلها كبير فما كاعد توصل لانه همة كاتبين با الشروط انه حجم الملفات ما اتذكر شكد المهم صغر الحجم وان شاء الله راح توصل
-
حسب ما اعرف ان الاي ميل الي يرسل لهم يجب ان يكون مو ياهو ولا ماسنجر يعني ايميل خاص مثل جي ميل وبعدين الوثائق ارسلهه بي دي اف وتقبل مروري
-
بس حبيت اشكر كل اللي ردوا وساعدوني ومثل ما كلتوا الحجم هو المشكلة لان جان حجم الملفات 12 ميغا وصغرته الى 1 ميغا وراها اجاني الاوتو ربلاي اتمنى محد يوكع بهذا بنفس الخطا مالتي وتعم الفائدة للجميع