ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس العراق في 10:43 27/09/2010
-
السلام عليكم اعضائنا وضيوفنا ومشرفينا الكرام ... اني صار فترة دا اتابع موضوع ال 200 دولار بعمان وشفنا الي صار بالعراقيين يم البنك وشنو حجم الذل والاهانة على 200 دولار واني اعرف من دا اكتب اكو ناس عايشة بالظيم و المأساة وال 2-- دولار مبلغ بالنسبة الهم ونسال الله ان يرزقهم والجميع ان شاء الله بس اخوان احنة انريد نخاطب الحكومة العراقية الي صار من 2003 الى هسة او خلي نكول عمي الاربع سنوات الاخيرة وهسة يلة اتذكرت تنطيهم وشكد بعد هذا كلة 200 دولار يعني ( تمخض الجبل وولد فأرا ) هاي اولا وراها من رادوا ينطون طبعا على عادتهم المعروفة لازم تشكلة من كذا عضو ورئيس والله يعلم كم كم مساعد وكم عضو وطيارة وفندق درجة اولى واكل وشرب والله واعلم بالباقي مو صحيح ؟؟؟ وجان الاجدر بيهم ان يرجعون لليو ان الي جهة دولية لا عراقية ولا عربية ولا تابعة الى اي بلد او طائفة ويتم التوزيع عن طريقهم بدون ما تعرض شعبها الي هي المفروض حريصة على كرامتة بس مع الاسف اخوان العالم صارلها شنة وسنتين وثلاثة يستلمون من يو ان عن طريق البنك وقبلها جانوا يدزوهم على صرافة القصراوي بالدوار الثالث وما فد يوم احد كال انهانيت او تعبوني او اي شي من هذا القبيل بس من صارت يم العراق والعراقيين مع الاسف الموضوع صار جدا صعب وصدكوني ترى اهانته واذيتة للعالم الي اغلبهم مرضى وتعبانين ونفسيتهم ما تتحمل وصايمين ولكن محد يديرلهم ما اعرف يممكن يتعبرون نفسهم هم العراقيين واحنة دنطلب معونة ميعرفون انه احنة ايضا عراقيين وهذا هو جزء من حق العراقيين لو هاي هم حصة تموينية واكثر من نصها ماكو ومرات كلها المهم احنة مو هذا موضوعنا بس احنة مثل ما سوينة ودزينة ايميلات الى بربارة سترايك او الى الرئيس اوباما نسوي حملة وندز ايميلات لوزارة الهجرة والمهجرين عسى ولعلى انه يحسون او يستجيبون للنداء ولو صعب بس ان شاء الله خير ... واني اسف اذا طولت واذا زعجت البعض او ضايقت احد بس صدكوني لانه شفت حالات تقهر وتألم لناس ما تستاهل كل ذنبهم انه عراقيين نتمنى ان نتساعد كلنا والباقي على الله وشكرا ... اخر شي اذا الادارة اتضايقت من المقال او سببلها اي احراج اني ما عندي مانع ينرفع الموضوع ولو اتمنى يبقى حتى كلمن عندة رأي ممكن يطرحه ونستفاد منه لانه هو الغاية الاسسية هو المساعدة مو اي شي ثاني .. وشكرا
-
مرحبا
اخونه شنرد انت حجيت ووفيت وحسبي الله ونعم الوكيل على هيج حكومه من يوم الي اجوي وهمه نازلين بهالشعب المسكين مذله وبوك ونهب
-
:( :( :( :( :(
اول حضار ه بالارض:-[
واخر المتحضرين بلعالم :( :(
-
والله ي لورنس كلام صحيح
لكن
لاحياة لمن تنادي
تحياتي
-
اشكرك اخ لورنس على المشاركة وبارك الله بك على هذا الاحساس الرائع ...
لكن ..لو كتبنا الف ايميل الى الحكومة العراقية فلن نحصل على شيء لانه ببساطة الحكومة العراقية لاتملك (أذان)!!!
تحياتي الغالية لك ولجميع العينكاويين
ابو سارة
-
السلام عليكم ورحمة الله وبركاته حقيقة اخي احب اشجعك على روح التعاووالمحبة اللي عندك وحقيقة كل الاخوان والاخوات اللي بالمنتدى دون استثناء مايخلون من هالروح الطيبة اخي مثل ماكالوا الاخوان صدكني هاي مو حكومة هذولة حشاكم مجموعة حرامية وحثلكية ديديرون البلد فأنت تطلب من الحرامي فلوس لو تريدة يساعدك منكول غير انا لله وانا اليه راجعون والفقراء من اهلنا وشعبنا الطيب لهم الله سبحانه وتعالى اسف عالاطالة وارجوا ان تتقبل مروري ولك مني اجمل التحيات اخوك حسين السالم.
-
حبيبي لورانس العراق انت من ضمن الناس الي عنده غيره وحميه على على ابناء جلدته وانا اوافقك على كل كلمه لاني اعرف انها نابعه من حيائك وخجلك مما يحصل للعراقيين في بلاد الغربه وخصوصا من بلادالعرب ولذلك تجد الغالبيه العضمى يبحثون عن اوطان جديده اجنبيه يجدون فيها الحياة الكريمه ولا يريقون فيها ماء وجوههم ويضمنون فيها حياتهم وحياة اطفالهم وثق يا اخي ان كل من يفكر بالهجره ويصارع من اجلها ليس غير الذين يريدون ان يعيشو بسلام مع كل البشر غير عابئين الى اين ينتمون والا اي طائفه او دين او عرق بل يبحثون عن الانسان بما هو انسان .واسمح لي ان اضرب لك مثلا ان رجلا راى كلب عطشانا واقفا على البئر ولا يستطيع ان يشرب لبعد الماء ولم يكن لدى الرجل اناءاّ فخلع ملابسه وانزلها في الماء وعصرها في فم الكلب مرتين او ثلاث حتى ارتوى الكلب .فاوحى الله الى نبي ذلك الزمان ان اذهب الى تشييعه ودفنه لانه كان قد مات في اليوم الثاني فقال النبي يا رب ان هذا الرجل مليئ بالمعاصي فكيف انا ادفنه فقال الله عز وجل انه رحم مخلوق من خلقي فكيف لا ارحمه وادخله الجنه .. فيا اخي نحن نرى ومع الاسف ان اخلاق الغرب اصبحو هم الاسلام بل هم يجسدون السلام في اخلاقه ونحن اصبحنا الغرباء عن ديننا وعن كل ما انزل الله من اخلاق يجب ان نقتدي بها . ولماذا نذهب بعيدا فعلى مستوى منتدانا الرائع فكم هبو اخوتنا الى مساعده من يحتاج المساعده وان اغلبهم من المسيحيين لا يفرقون بل لايعرفون من هوية السائل وخير مثال الاخت العزيزه (انجي )المبادره الرئيسيه في ايجاد الحلول للناس وكم كانت رائعه عندما قرات لها وهي تقول لها واعتقد اسمها مها لا تخافي ان لم يكن لديك اقرباء فانا اقربائك واعطتها عنوانها لتقوم بخدمتها في امريكا واقسم بالله لقد دمعت عيني وكم تمنيت ان يكون الناس كهذه الملاك يحرسها الله من كل شر ..واقول لو ان الناس مثل هذه المشاعر النبيله لعم الخير علينا بل كل الخير . ... اخوك ابو زينب الشحماني....................
-
يا حكومة هي حكومتنه لو بيها خير جان خلتنه نعوف بلدنا ونتبهذل بالغربة.......بس ما اكول شي غير حسبي الله ونعم الوكيل
(http://www2.0zz0.com/2010/09/14/13/693459679.jpg)
-
طبعا اني اشكر كلمن رد على الموضوع هاي الردود اذا تعكس شي فتعكس مدى تفاعلكم واهتمامكم بقضية طالما كانت مصدر الم وازعاج لغيرة كل عراقي شريف .... بس ايضا لازم نفكر بحل ونحاول قدر الامكان نسوي حلول بسيطة وكلمن من موقعه وهذا اضعف الايمان خلي ندز ايميل للمفوضية السامية لشؤون الاجئين وهم تابعين للامم المتحدة واكيد عدهم سلطة وممكن يتخذون اجراء وان شاء الله يلكون حل لانه اكو شغلة مهمة احنة نريد الكل تستلم منريد تروح هاي الفلوس لجيوب الفاسدين هم الي يسوون هيج حتى محد يستلم وتروح الفلوس الهم ويصرفوها على اعمالهم الدنيئة والخبيثة بحق الشعب العراقي .. الرجاء ممن عندة ايضا اي حل خلي يكتبة ونشوف شلون ان شاء الله نكدر الناس الي ما الها اي ذنب غير بس انه هم عراقيين والله سبحانه وتعالى ابتلاهم بهذولة الله يفرج عن العراق وعن اهله ان شاء الله ...
-
مشكور اخونا بس مثل مكال الاخ لاحياة لمن تنادي
لو عندنا حكومةمثل الاوادم جان هذا حالنا
اسمحولي
مهجولين داخل بلددنا جنا واتهجولنا اكثر من طلعنا
ما اسميك كهرباء يقطعونك
ما اسميك حصه يأخرونك
اسميك مفخخه بكل مكان يخلونك
-
مرحبه اخواني واخواتي الاعزاء
راح اتكلم عن حكومتنا الرشيده
الشريفه الخدومه
المو محترمه قصدي المحترمه
المعفنه قصدي الي ريحتها حلووو وفايحه
يا جماعه من الاخر يعني مايريدلهااا حجي الي يحكم العراق هماااا الفرس المجوس وليس العراقيين
كل حكام العراق ووزرائها وعلمائهاااا همااا من اتباع الفرس المجوسسسسسسسسسسسسسسسسسسسسسسسس
فا الي تترجونا من الفرس شنووووو ولكم انه صارلي 8 سنين مقدم علا جواز ال ج وكل ماقدم علي يقولون لي جنسيتك مزوراااا ولا شهاده الجنسيه قديمه لازم تغيرهااا وكل مادزها للعراق يغييرونهاا يبوقون فلوسي ويدزولي اوراق مزورااااااا
وعندي اخي الله يحما مات وهواا ينتضر رحمت السفاره العراقيه حتاا ينطوونا الجواز حرف الجي حتا يروح يعالج برااااا في احد الدول لانه كانوو يرفضون الجواز العراقي حرف ال س
هاي حكومتنا يا اخوان العراق انتهاااا بيد الحراميه الفرس والتابعيه الايرانيه
فا لاتترجا من العراق يفيد احد
الا في شغلا وحده ممكن يفيدك اذا تلايد اتموت ونت متعذب تقدر اتروح للعراق وتتعذب بطرق فنيه اووووتوماتيييكيه ايرانيه
عندي اخي صار بي فشل كلوي فا رحنا للسفاره علا تغيير الجواز
-
والله جواب الاخوان صحيح الحكومه ما الها اذان واني من جنت بالعراق رسلت شكوى لاحد المسؤولين العظماء على ايميله الي فاتحه للشكاوى , بس ما حل مشكلتي بالعكس لكيت الايميل مغلق ومضروب وكلت احتمال صدفه فاحدى صديقاتي هم رسلته من ايميلها ونفس الشي هم انغلق ايميلها من قبل جماعته .. فصدكوني اي نداء للحكومه مايفيد ... وشعبنا العراقي الصابر اله الله
-
حسبي الله ونعم الوكيل :( :( :(الله على الظالم.........يمهل ولايهمل