ankawa
منتدى الهجرة واللجوء => الهجرة و واللاجئين => الموضوع حرر بواسطة: اسعد العراقي في 19:59 27/09/2010
-
اعزائي اعضاء ومشرفين واهل التجربة والخبرة تحياتي لكم جميعا
بالحقيقة عندي استفسار حول التقديم للجوء على un بمعنى كيف يكون التقديم واذا كان الشخص لديه عائلة ويريد طلب اللجوء مع عائلته فهل يجب ان يحضروا جميع افراد العائلة ام يستطيع رب العائلة ان يقدم بالنيابة عنهم وماهي اسهل الدول في مثل هذا الطلب
وياريت لواكو احد الاخوان والاخوات من لديه معلومات يتفضل بها علينا مع الشكر الجزيل.
-
اخي اسعد
يجب حضور جميع افراد العائلة للبلد المضيف سواء عمان او سوريا او تركيا او مصر او الامارت
لتثبيت جوازاتهم وحصولهم على ورقة اللجوء ومثبت بها كل المعلومات ومنها صورة اللاجئ على الوثيقة
وهل ياترى يصح اللجوء داخل الوطن يا عزيزي ؟؟؟
-
السلام عليكم ..
اخي الحبيب ...مثلا هنا في عمان الي شفته شنو؟
تجي وتجيب كل افراد عائلتك وتسجل راح ينطوك موعد.
تجي بل الموعد المحدد لازم كل افراد عائلتك يكونون موجودين راح تكعد بسره وتاخذ رقم من يصيحون رقمك تروح تاخذ ورقه تسجل بيه معلوماتك وعائلتك ايضا والقصه...
وراه راح تدخل على الموظف او الموظفه الي تاخذ معلوماتك على جهاز كومبيوتر وقصتك ايضا
تطلع بره تاخذ ورقه وتصبر شويه ويصيحوك ينطوك ورقه حمايه بيه حضرتك وايضا افراد الاسره وصورهم ....
ملاحظه لازم الجوازات كامله وشهاده الجنسيه + هويه الاحوال المدنيه لكل فرد من العائله..
راح تستلم ورقه الحمايه وتتوكل وان شاء الله الامور تسهل عليك ويخابروك بأسرع وقت للتوطين ...
تحياتي الك
-
اخي العزيز هاي المراحل في ما يخص موضوعك بقلم الاخ دايخ ابن دايخ وارجو منك الدعاء لصاحب الكلام
بالمناسبة هاي في مايخص الاردن
1 ـ تروح إلى مكتب مفوضية اللاجئين ( في الأردن بدير غيار) وشايل وياك ثبوتياتك ( جواز ، جنسية .. إلخ ) .
2 ـ توكف بره سره ، بعد ما يجيك الدور راح يدخلوك علمود موعد .
3 ـ بيوم الموعد تروح ( وياك ثبوتياتك) وتدخل وتكعد جوه وتاخذ رقم وتنتظر ويا الحشر .
4 ـ راح يقابلك واحد ( أو وحده ) وياخذون منك المعلومات الأولية عنك ويستنسخون ثبوتياتك بعد ما تملي إنت ورقة مطبوعة عليها فقرات تتضمن شرحك لأسباب خروجك من العراق .
5 ـ وراها راح تنتظر شوية قبل ما يصيحوك وينطوك وثيقة (( حماية)) عليها صورتك وبياناتك بصفتك طالب لجوء .وهاي الوثيقة مدتها 6 ـ أشهر قابلة للتجديد .
7 ـ هسه تجي دوخة الإنتظار ، وهاي تعتمد على حظك .
8 ـ بعد مدة ( في العادة تتجاوز الست شهور) راح يطلبوك لمقابلة ( أو مقابلات) مع أحد موظفي (( التوطين )) اللي راح تسرد قصتك عليهم .
9 ـ بعد مدة ( هاي هم إنت وحظك ووياها قوة قصتك) راح يتصلون بيك ويكلولك : تحول ملفك لفلان دولة (( هسه أمريكا أولاً ! ) .
10 ـ هم بعد مدة يخابروك جماعة (IOM ، اي منظمة الهجرة الدولية) إذا كان نصيبك أمريكا ، وراح ينطوك موعد و بيوم الموعد صباحاً وهناك راح تسرد قصتك ويأخذون منك بصماتك وطولك ووزنك ويكللولك روح الله وياك إحنا نخابرك على موعد المحلفين .
11 ـ إيضا بعد مدة( شهرين تلاثة أربعة ... ) راح يتصلون بيك وينطوك موعد على مقابلة ( المحلف)
12 ـ راح تقابل المحلف و هذا راح يقرر قبولك من عدمه ثم تنتظر فترة قصيرة حتى تستلم ( ظرف النتيجه مال المحلف) .
13 ـ إذا خابروك عالفحص قبل إستلامك للظرف فهذا خوش مؤشر على قبولك .
14 ـ تروح يوم الموعد وتستلم الظرف ( في الأردن عادة المقبولون يستلمون نتائجهم يوم السبت ) .
15 ـ بعد إستلام الظرف ( بالقبول إنشا الله) هم راح تنتظر ( كذلك إنت وحظك) حتى تجيك الموافقة الأمنية وتكتمل بقية الإجراءات الخاصة بسفرك .
16 ـ نستنتج مما تقدم أن موضوع اللجوء يتطلب صبراً ربما لسنة في الحدود الدنيا ( إنما الحظ يبقى لاعب أساسي في تقليص المدة إلى جانب قوة قصتك طبعاً)
17 ـ بالموفقية أخي
-
مرحبا اخي اسعد ..
اللاجئ هو ( الشخص الذي يواجه الأضطهاد او تهديد للحياة او الحرية بسبب العرق أو الدين أو القومية أو الرأي السياسي أو الأنتماء الى طائفة اجتماعية معينة )
وايضا اللاجئ هو (الشخص الذي يكون خارج وطنه الأصلي ولا يضمن الحماية في حال العودة لبلده الأصلي خوفآ من التعرض للأضطهاد ) .. يعني اني قصدي من هذا التعريف انه ميصير انت تقدم او تحضر بأي مقابلة بالنيابة عن عائلتك لازم الكل يحضر للمقابلة بل un حتى اذا رب العالمين كاتبلكم تتوطنون بهل حالة لازم un يتخذون القرار بكل العائلة وتتحولون على iom كلكم بنفس الملف . وامنالك التوفيق وتقبل مروري .
-
اتقدم بالشكر الجزيل الى الاخ
مهاجر بلاحدود
احمد نمير
مؤيد تيمو
كوكي2004
وحتى الاخ دايخ ابن دايخ
على هذا التفاعل الجميل من قبلكم وشكرا جزيلا لكم
-
مساء الخير اخويه اني بعمان و قبل كم يوم قدمت و انطوني موعد مقابله يوم 26 10 و العدد الي مسجلين جديد بيومها مكان يتجاوز 10
-
نصيحة للاخوان المقدمين الجدد :-
حاولوا ان لا تتوسعوا بالقصة واختصروها قدر الامكان
واهم شي عدم الكذب حتى لا تقع ضحية النسيان
والله يسهل عليكم