ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو حسون في 23:09 27/09/2010
-
السلام عليكم
اخواني الاعزاء تحيه طيبه .
اني مسجل في اليو ان في الشهر ال4 سنة 2007 في سوريا وبعدها بفتره ذهبت الى العراق في الشهر ال 2سنة 2009 انا وعائلتي وذلك بسبب ضيق الحاله الماديه وعدم وجود شغل في سوريا واستقرار الوضع الامني نوعا ما في العراق وفي هذه الفتره اغلب العوائل العراقيه عادت الى العراق والان انا في سوريا اتيت الى هنا .
سؤالي هل لي امل في التوطين وهل هذا السفر يؤثر على قضيتي بعد بقائي طول هذه الفتره في العراق ؟علما انه اتصلو عليه اليو ان مرتين بعد ذهابي الى العراق ,
اخواني انجدوني باجوبتكم رحم الله والديكم واكون منون منكم ,واخيرا اتمنى من الباري عز وجل ان يوفق الكل ويسهل امورهم بالسفر العاجل اميييييييييييييييييييين , اسف على الاطاله
-
والله اخي ان شاء الله الامل موجود ويعتمد على القصة مالتك واقتناع المحلف بس ممكن تكله الحقيقة انو انت خلصت فلوس وحالتك تعبت ورجعت وتبقى يم الله وشوف رائي الاخوان وان شاء الله خير
-
السلام عليكم
اخويه العزيز ان شاءالله تتحولون على التوطين واتقابلون المحلفين واسافرون ويوم للجميع ياربي
ان مع العسر يسرا
robin - cairo
-
مرحبا اخي ابو حسون .. كول يالله وربك يسهلهه .
بس اريداسألك بالله عليك اكو واحد يطلع من العراق الى اي دولة من دول الجوار ويروح يسجل بل (un )
ويطلب لجوء وبعدين يرجع للعراق ويبقى ( سنة ونص ) تقريبا وبعدين يرجع مرة ثانية لسوريا ويكلهم اريد توطين
يا أخي والله اكو عوائل هنا بعمان من دخلوا صار سنين ولحد الأن بعد ما وصلوا للحدود العراقية وليهسه ما
تحولوا توطين . اخي رجوعك للعراق يسموا ( العودة الطوعية ) واتصور وره فترة من رجوعك للعراق شافوك
تأخرت بالعودة الى سوريا وبهذه الحالة المفوضية تقوم بغلق الملف ومن ترجع وتقدم من جديد بالمقابلة
رح يطلبون منك تفسير واسباب رجوعك للعراق وهنا يجي دورك لازم تحضرلهم عذر قوي ومقنع لرجوعك للعراق
وانشاء الله .. رب العالمين يسهل اموركم ويرجعون يفتحون ملفكم من جديد وتمشي الأمور بصالحك
وامنياتي لكم بالموفقية . اختك كوكي .
-
السلام عليكم..
اخي الكريم كول يالله وارجع وقدم ومن يقابلك المحلف اشرح اله الوضعيه بل التفصيل واكيد راح يعذرك.
لان همه كلش زين يدرون المصاريف خارج الوطن صعبه جدا خصوصا ان ليس هناك مورد ثابت :)
اخي الكريم لا تخاف وكولهم الحقيقه وان شاء الله تطلع بأقرب وقت ..
وخلي اطمنك جيراني طلع الهم توطين كندا وكل شهرين يجون للعراق يبقون فتره ويرجعون لسوريا وكلش عادي ما شاء الله
وهسه يسمعون حسك بتورنتوا :D
كول يالله وان شاء الله خير ...
تحياتي
-
اخي الكريم
الوثيقة القديمة انساها لان انغلقت .....لان رجوعك للعراق كان طوعي وبقيت فترة طويلة معناها انت غير مهدد والقصة الاولى تم الغائها الان من قبل اليو ان ......
افتح ملف من جديد مع ذكر اسباب جديدة لترك العراق مع اثباتات اقوى من السابق لكي يتم تحويل ملفك للتوطين ان شاء الله
تحياتي لك
-
أخواني الأعزاء
اشكركم من كل قلبي على هذه ألاجوبه الرائعه والله بصراحه طمنتوني ورجعتوا الأمل فيه ياربي يبارك فيكم ويسهل امركم كولو أمين ، بالنسبه لأختي كوكي والله العظيم يا أختي وصلت الحاله بيه انو لقمة العيش ما اكدر اوفره لجهالي هذا السبب إلي خلاني اغادر سوريا ثقي بالله يا أختي تمنياتي لكم بالموفقيه
-
اخي مهاجرين بلا حدود السلام عليكم
ورقة الحمايه مالتي مامنتهيه من اجيت انتهت وره كم يوم من اجيت وعلى اثره رحت لدوما ونطوني موعد تجديد بداية شهر ال11 وختموها بعدها رحت الى كفر سوسه لتفعيل الملف وتثبيت رقم الجوال الجديد قالو لي روح ونحن نتصل بك وراها باسبوعين اتصلو بيه قالو خلال شهر ونص اذا ما اتصلنا بيك راجعنا في كفر سوسه وبعدها اتصلو قبل يومين قالو ملفك مسكر روح فعله بدوما اخي العزيز ما معنى هذا ارجو الاجابه بارك الله فيك
اخوك ابو حسون
-
اخي الكريم ملفك مسكر ........... معناها محتاج تفعيل ....معناها لازم تروح بالموعد في شهر ال11 وتجدد الوثيقة
ولابد من اضافة مستجدات حدثت اثناء وجودك بالعراق العظيم ...وكتابة احداث وقصة جديدة تدعم فيها ملفك القديم
للتوضيح اكثر ... اذا كنت مهتم بالتوطين وعدم الرجعة نهائي للعراق ...ارجوا منك كتابة اسباب قوية جدا مع توضيح لماذا رجعت في 2009 ...ولماذا عدت الان في 2010 مع توضيح كل هذه الاسباب وذلك لانك سوف تتعرض لكل هذه الاسئلة ولابد من وجود اجابات لها اثناءالمقابلة مع موظف الUN , قل لهم انت تريد سرد احداث جديدة حدثت لي اثناء وجودي بالعراق ... ولاتنسى عدم ذكر رجوعك لنفس مكان سكنك ..لانك تعرف معناها انت غير مهدد في منطقتك او محافظتك ..بنظرهم ..
واي شي تحتاج انا حاضر
اخوك ابو محمد
عمان ....وسابقا سوريا
-
اخي ابو محمد{مهاجرين بلا حدود}
طبعا اني اشكرك على هذا التوضيح وبارك الله فيك .
ولكن لدي بعض الأسئله لحضرتك ممكن جاوبني عليها على الخاص وأكون ممنون منك تحياتي.
اخوك ابو حسن