ankawa
منتدى الهجرة واللجوء => الهجرة و واللاجئين => الموضوع حرر بواسطة: BASHARONA في 12:57 30/09/2010
-
السلام عليكم اخواني.في البداايه اعذرووني على التأخير لانزال الموضوع لان كان عندي شغل او وقتي ضيق المهم نبدي بيوووم المقاابله
في البدايه جان الموعد مالتي ساعه 7ونص يم قصر الازدهار في المنضقه الخضر بساحه النسور طبعا طلعت ساعه بلسبعه اله ربع وصلت هناك ساعه بسبعه ونص اله خمسه اول موصلت اتفجأت لانن لكيييت العععالم كتتتل عوائل بنات شباب جهال اطفاال رضع كلشي الي يجي اباالك حته ناس مقعده على الكرسي المتحرك المهم اشتغلو جماعتنه العراقيين بضرب السره والهوسه والرعبله مالتهم يعني باب الشرجي احسن المهم صاارت ب9 وربع يله فتنه جوه اتفتشنه واخذنهه غراضنهه ورحنه بمكان الانتضار انتضرنه كم دقيقه جان يجي علينهه واحد مصري كاال منو iom كاالو احنه هوه شايل ورقه وبيهه اسماء كلي شنو اسمك كتله كذا دور بلورقه جان يلكهه اسمي والحمد الله كلي انتضر ابين ميفوتون بقيه العالم المهم كمل عددنه وكال يله تعالو وورايه المهم مشينه شويه جاان ييوكف يم بنايه مكونه من طابق واحد ومحصنه جان يكلنه بلنسبه لليوم هيه المقابله الاولى الي راح ناخذ من عدكم معلومات عنكم وهاي المقابله مجرد جمع معلومات عنك واحنه منكدر نسوي شي غير جمع المعلومات او وراها المقابله الثاانيه الي هيه راح يقابلوكم هيئه المحلفين الي هيه تابعه الى الخارجيه الامريكيه المهم فكال وره متخلصون المقاابله ناخذ صور الكم يله اطلعوون هااااي كل الي صاار بلبدايه نجي الى المقااااابله.
كعدنه بمكان الانتضاار المخصص النه ومكيف وبارد جدا المهم ستونه كعدنه جان تنفتح الباب واول ناس صاح اسمائهم اني وخويه سلمنهه عليه واول مشفتهه حسيت بشي يبشر بخير لان شكله يساعد كلش وأردني الجنسيه ولضحكه على وجهه المهم اخذنه بلبنايه جوه كعدنه بغرفهه صغيره جدا وبيهه حاسبه هوه كعد وره الحاسبه وحنه كدامه وبده يسأل عن المواليد وما شبهه ذلك المدرسه وتواريخهه وين سافرت وليش. عندك كفيل لو لا. متهدد لو لا وشلون تهددت وتاريخ التهديد وشعرت بلتهديد وسويت يععني هناا كلش لح بأسئلته وشعندك تزكياات او ركمنديشنات من امريكان باجات مباجات طبعا اني كلشي عندي واخذههن رااح استنسخهن ورجعلي طبعا بهذا الوقت اني اخويهه ويايه ونفس الاسئله يسأله الممهم اخووان يعععني المقااابله سهههله جدا لو شكد متتخيلون بس انت الي تسويهه سهله بصدقك وطريقه كلامك والله ينطيك بخت ويحطلك وااحد شريف يقاابلك المهم وره مخلصت انطاني اوراق كوومه كلي وقع عليهن الي هيه الكمبياله مال الطياره وشغلات مال السريه التامه او ورقه انو يحطووك جندي طاارء اذا حدث ايشيء بأمريكا طبعا اكيد تعرفون انتو مال شنو. وكملت وطكينه الصور وكلنهه حسبت شهرين هيجي المقابله مالتك مال محلفين او لو قبلهه لو بعدهه الفحص الطبي وانشاء الله خير وخلصنه ساعه ب1 تقريبا .يعني اتمنى وصلتكم الصوره بكااملهه وانشاء الله وضحت الصوره وطولتتهه عليكم بس انشاء الله تستفادون .تحياااتي الكم وانشاء الله السفر للكل .basharona
-
الحمد لله الله سهلها عليك الله يسهلها علينا وعلى الكل
ضرار
-
مبروك اخويه BASHLONA .
بس سوال اخويه اذا امكن, كلي المقابلة انت و اخوك سوه لنهايه المقابلة؟ يعني كاعدين سوه بالمقابلة و يسالكم لو كلمن وحد؟ لو بالبدايه سوء و بعدين كلمن وحد؟
و اثناء قصة التهديد هم جنتو سوء؟ يعني بس يسالك الك ابو الانه على شغلة التهديد لو يسال اخوك همينه.
مع الشكر
-
ان شاء الله تتسهل بقية الاجراءات وتسافرون باسرع وقت
-
بالتوفيق اخي الك والاخوك والى جميع الاخوه وان شاء الله السفر السريع والحياة السعيدة
-
الحمد لله ربك سهلها عليك
وان شاء الله تكون كلها سهلا
اخي دزيتلك على الخاص ياريت تجاوبني مع الشكر
-
الف الف الف مبروك اخونا الغالي بشرونا والحمد لله خلصت من اول خطوة وانشالله الخطوات الجاية تمشي بسرعة وسهولة والتيسير من رب العالمين تستاهل كل الخير وبالتوفيق :)
-
اشكركم جزيل الشكر اخوااني وانشاء الله كلكم تقابلون والله يسهللكم اموركم والسفر للجميع
-
مبروك اخويه BASHLONA .
بس سوال اخويه اذا امكن, كلي المقابلة انت و اخوك سوه لنهايه المقابلة؟ يعني كاعدين سوه بالمقابلة و يسالكم لو كلمن وحد؟ لو بالبدايه سوء و بعدين كلمن وحد؟
و اثناء قصة التهديد هم جنتو سوء؟ يعني بس يسالك الك ابو الانه على شغلة التهديد لو يسال اخوك همينه.
مع الشكر
الله يبارك بيك اخويه العزيز.المقابله صارت جزئين يعني مقابلتين بمقابله وحده المره الالى كعدنهه اني واخويه سويهه ويسألنه وبعدين طلعنه او وره شويه اجه عليه وقابلني ابحدي وهنا كاام يسسألني على التهديد وليش تريد تسافر الى امريكا المهم خلصت اني المقابله طلعت وجاان يصيح اخويه يقابله هم ابحدهه والله ستر والحمد الله مصار تخبطات بلحجي وهنا الخطورره اتمنى انو جاوبتك على سؤالك واي استفسار ثااني اني حاضر
-
الف الف الف مبروك اخونا الغالي بشرونا والحمد لله خلصت من اول خطوة وانشالله الخطوات الجاية تمشي بسرعة وسهولة والتيسير من رب العالمين تستاهل كل الخير وبالتوفيق :)
الله يبارك بيج ياسماوي الورده انشاء الله يوم لالج وتقابلين وتسافرين ونفرح بيج هناااك تحيااتي اللج
-
الهي ربي يفرحك ويسعدك على هاي الدعوة الحلوة وانشالله الكل يفرحون طولما اكو ناس بشرى خير مثلك بالمنتدى :)
-
الهي ربي يفرحك ويسعدك على هاي الدعوة الحلوة وانشالله الكل يفرحون طولما اكو ناس بشرى خير مثلك بالمنتدى :)
الله يسمع منج ويصفي بالنه مثل سماااج الصافيه يارب
-
الله يسهلهة انشاء الله بعد وبعد عليكم وتسافرون وتوصلون بالسلامة انشاء الله موفقين
-
اول شيء الف الف مبروك وانشاء الله اتم على خير
واوصيك اليوم اشحجيت اتسجلا ابورقه تواريخ عناوين قصه التهديد\
لان صدكني تنسى واتكوم تختلط عندك الامور فللسلامه من الاختلاط اكتبهن ابورقه وضمها ومن ينطوك موعد المقابله الثانيه راجعها حتى اتكون بلامان
جورجيا
-
انشاءلله التوفيق والقبول والسفر القريب ربي يوفقك اخي BASHARONA
-
ع الخير اخوي العزيز ان شاءالله موعد قريب ويه المحلف
ذكرتنا بالذي مضى ;) ;) ;)
مشكور حبيبي
-
السلام عليكم
مبروك اخي عليك وعلينا احنا هم اليوم جنا وياك اني واخويه واختي وكل الي حجيته صحيح بس احنا الي قابلتنه بنيه وهم كلش حبابه ورتبت حجينا كله وجانت مقابله حلوه وسهله
-
الف مبروك اخونا العزيز وانشاءالله يوم الي نسمع بيوم سفرك
واحنا هم وياك وكل الاخوة والاخوات الي مقدمين . بالتوفيق انشاءالله
mike67
-
انشاء الله.الله ينطي الراحه الكم وانشاء الله الكل يساافر وكلنه نكوم انرد على المواضيع واحنه في أمريكا او غير دول وانشاء الله الله يسهللكم المقابلات.تحياااتي الكم شلللع
-
أولا" ألف مبروك المقابلة وأنشاء ألله القبول للجميع ... كلامك كلش حلو وأني أهواي أرتاحيت من هذاالكلام أتمنا لك الخير .... أخوك ضاري
-
اخويه BASHLONA
اعتقد احنا كنا سوا بيوم المقابله كانت يوم 29/9 مو.احنا كنا عائله وعدنا طفلين.
بلتوفيق وخلينا نتابع اخبارك.
-
اخويه BASHLONA
اعتقد احنا كنا سوا بيوم المقابله كانت يوم 29/9 مو.احنا كنا عائله وعدنا طفلين.
بلتوفيق وخلينا نتابع اخبارك.
ياأهلن وسهلا ياام زين اي نعم جانت يوم 29 واكيد شفتكم لان مجان اكو غير مكان.ممم يمكن الطفلين يتشابهون نكدر نكول توئم.والله يوفق الجميع وكيد لازم انضل انتابع وتحيااتي الكم وبوسيلي الطفلين
-
السلام عليكم
مبروك اخويه العزيز وان شاءالله السفر القريب ويوم للجميع
ان مع العسر يسرا
robin - cairo
-
ان شاء الله كل التوفيق للكل.
انته اخويه شكد الIZ نمبر مالتك؟؟؟؟ احنا نعتبر متاخيرن ما اعرف ليش رقمنا 113. شنو سبب هذا التاخير ما اعرف.
الله كريم ان شاء الله تفرج على الكل
-
هاي شباب طبعا بالبداية عبالي اسمك برشلونة (فرحتني ) بس بعدين انتبهت طلع غير شي لو بشارونا لو بشرونا مااعرف شلون تلفظه على اي حال اني ملاحظ ردودك وكتاباتك .. الله يوفقك ومبروك على المقابلة الاولى ولو ماذكرتلنا التواريخ مالتك بالضبط
وعندي سؤال اخر مهم أخي اشكد تقريبا العدد مال الناس اللي ديقابلون وهل اكو بيهم محلفين لو كلهم مقابلة اولى لان اني سمعت انه المحلفين واصلين وديسوون مقابلات ؟؟شتكول ؟
-
بالتوفيق اخوية و بارك الله بيك
-
اختي ام زين احنا رقمنا iz 112 والي حد الان ولا مقابلة بس اريد اسال BASHARONA اخوية مبروك عليك بس عندي سوال اصير هيجي شي احنا من شهر الثامن العام 2009 والى حد الان ولا ومقابلة انريد نعرف شنو السبب اشلون نتاكد
-
بالتوفيق اخي الك والاخوك والى جميع الاخوه
تحياتي
ابو مريم سوريا
-
اخي agmgeorge
انتو مو كلش فرق رقمكم عن رقمنا احنا113 ومقدمين من الشهر العاشر 2009 وطلعلنا الرقم ب 12 2009 وقابلنا اول مقابله بل 9 2010 فاحنا هم نعتبر متاخرين جدا لان الكل ارقامهم 115 و116 الي دا يقابلون وليش التاخير ما عندي اي علم.
انت اكيد مراسلهم اكثر من مره ونفس الجواب الكل مره يجابوك مو بله؟؟؟؟ اني اخر شي مليت الي ان خابروني.لا تيأس هس يخابروك بس انت هم لا تكطع لان حتى لو الجواب دائما نفسه بس على الاقل ضغط عليهم وهما دايقروه.
بلتوفيق ان شاء الله وان شاء الله نسمع اخبار حلوه منك
-
الاخ بشرونا حضرتك متزوج؟
اذا لاء فهل وقعت ورقة تنص على تعهد بكونك اعزب واثبات للعزوبية لكونك ممتزوج؟
د.كوكس