ankawa
منتدى الهجرة واللجوء => الهجرة و واللاجئين => الموضوع حرر بواسطة: مروة القيسي في 17:34 02/10/2010
-
السلام عليكم
شلونكم اخواني واخواتي الاعزاء انا جدا اعتذر على هذا الانقطاع بس كان عندي ظروف خاصة طبعا انتو تعرفون انا عندي سفر لبنسلفانيا وهذا الكلام من عدة اشهر وطبعااا لحد الان ماكو جديد انا اخذت الموافقه بتاريخ 8-7-2009 وكنت متأمله اسافر بسرعه بس للاسف تاخرت كلش هوااااااااااايه ومليت من الانتظار المهم قبل فتره اتصلو بينه المفوضيه وكالو لازم تسوون اعادة الفحص الطبي هذا الحجي بشهر السابع 2010 وراها ضلينا ننتظر وماكو شي اتصلت بيهم قبل 5 ايام كالو لازم تسوون اعادة بصمات واكو اجراءات انتهت مدتها واحنه دنشتغل عليها وبس يجون الوفد يتصلون بيكم ويحددون موعد مال بصمات وبعد ما اعرف شكد راح ننتظر وصراحة ملينا من الانتظار مع العلم عندي صديقتي سوت ويايه اعادة فحص طبي وهم صارلها هواي تنتظر بس قبل اعادة الفحص بشهر راحت انطتهم اسم كفيل وطلعت ورة الفحص مباشرة بس اني ما اعرف احد بولاية بنسلفانيا يكفلني حتى يسرعون شغلتي اذا اكو احد يكدر يساعدني بهذي المسأله اكون ممنووووونه جداااا جداااا
اختكم مروة القيسي
سوريا
-
الله يكون بعونج اختي ويعينج على الانتضار بس اني قبلج ردت كفيل وصارلي 3اايام انتضر محد رد علية ولا عبرني بالمنتدى مااعرف شنو القصه لان حالتي مثل حالتج بالانتضار اذا مو اكثر والله يعين الجميع ويفرجهة علينه يارب
-
الله يعين الجميع يا رب
-
الاخت مروة ,,,,
انتوا لاي مدينه بالولاية رايحين بالضبط ؟ فلادلفيا لو غيرها ,,,,, اذا كان لفلادلفيا بس دزيلي على الخاص او بايميل اسمائكم الكاملة مثل ما بالجواز و الكيس نمبر مالتكم و اسم المنظمة الي المفروض تتكفل باعادة توطينكم هاي اذا تعرفونهه ,,,,
واني ان شاء الله اقوملكم باللازم وزيادة
-
اهلا وسهلا ومليون مرحبة برجوعك بيننا اختي مروة انشاءلله ربي يسهل كل الامور والسفر والاستقرار
اخي الغالي شبح بغداد بارك الله بك ربي يوفقك ويرزقك بحياتك دائما
-
بارك الله بيك اخي شبح بغداد والله يكثر من امثالك ( وارحموا من في الأرض يرحمكم من في السماء )
ويارب يكتبلك بكل خطوة سلامة ويسهل أمرك مثل ما دتسهل أمر اخوانك واخواتك المحتاجين
للمساعدة .
-
هلة بيج اختي مروة
و الله كنت اتمنى لو اكدر اساعد اذا اتريددين اني اكفلج في لويزيانا بس هذه الولاية تقع في جنوب الولايات المتحدة شلون موقع البصرة بس ولاية حلوة كلش و بقت يمج اختي
-
اشكركم على الردرو يا غالين وعلى اهتمامكم تحياتي الج انجي الوردة واخوية العزيز شبح بغداد اني جدا اشكرك وبالنسبة للولاية اني كالولي في بنسلفانيا-هاريسبورغ انت شنو رأيك فيلادلفيا افضل ولا العاصمة ويصير انطيهم كفيل بفيلادلفيا لو لا؟