ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو علي العراقي في 10:17 03/10/2010
-
عمي الله يصبحكم ويمسكيم بالخير كلكم
انا عمكم ابو علي هم وياكم على امريكا بس انتظر الامنيه الكشره هاي اليوم صار سنه تقريبا وانا الصراحه كل يوم اطب هنا بس ما اكتب شي لان ما اعرف بالحاسبه زين ومعتمد بعد الله على ابنيتي اخر العنكود هيه تكتبلي ونوبات تزعل عليه ولو ردت اراضيهه اظل انا وجيبي وجعان اسبوعين لو ثلاث .المهم اخوتي وخواتي انا طبيت على الموضوع مال اخوكم الفريدو مال عودة المقبولين على كندا وشفت الرجال ايصيح على ربع مصر حتى يكتبون على معاملات سفرهم لكندا من اول يوم لاخر يوم شنو اللي سووه حتى البقيه من اخوانكم يستفادون . والرجال هذا ما عنده مصلحه غير ايساعد اخوانه .
واريد اكولن عمي ربع مصر وينكم ؟ ليش ما تنخون وتفزعون لاخوكم هذا ؟ يعني لو انتو بعدكم مو مسافرين اكيد هم تدورون على معلومات منا ومنا مو صحيح ؟ عمي سولفو واكتبو حتى الناس اللي بعدهه وراكم تعرف راسهه من رجليهه وتندل الدرب عدل . وينكم عمي ليش غاطين؟؟ سولفو واكتبو عمي على معاملاتكم مال كندا بالموضوع مال الرجال الفريدو وهاي كلها اتصير بعون الله حسنات الكم عند الله سبحانه وتعالى واخوانكم اللي يستفادون منكم هم بعد راح يدعولكم بالخير وماكو احلى من الخير لا والله ..
عمي ربع مصر لا تزعلوني عليكم وتخلوني اشيل ( البرنو) والبس حزام الفشك سراوين صدر وظهر عمي ;D ;D
توكلوا بالله وسولفو لاخوانكم حتى يستفادون والله يبارك بيكم كلكم ..
عمكم ابو علي
-
السلام عليكم
عمي ابو علي هلا بيك وميه هله بالمنتدى بين اهلك وناسك وواولادك
عمي ابو علي لاتلوم احد يعني ماتوقع احد من اهلنا العراقين بمصر يعرف اي معلومه عن معاملات كندا ويبخل بيها بس اتوقع المقدمين على كندا من مصر قليلين جدا يعني معبرون عدد اصابع الايد حسب توقعي لان اغلب العوائل كلها تقديم امريكا بس اتمنى من الشباب المتواجدين بالمنتدى بان يخبرون اصدقائهم الي يعرفوهم مقدمين على كندا ويدخلون اهنا ويكتبون على تجاربهم بالتقديم او بالسفر او الاجرائات الاخرى الي تخص كندا .
واحنه انريد انشوف البرنو تصدح فشكاتها بالافراح ;) والتوفيق من عند الله العزيز الحكيم
ان مع العسر يسرا
robin - cairo
-
مرحبه و100 هله بالعم ابو علي ,,عمي قابل نكتب معلومات خاطئه تضر بالاخ اكيد لو نعرف نتمنى الباقيين يستفادون منها احنه نسمع عن الهجره ال كندا بس منعرف بالضبط شلون لان الناس متحجي الصدك عل اساس عن طريق كنيسة سانت اندرو الي هيه بمنطقة الاسعاف والله اعلم وهله بيك مره ثانيه والمنتد ىنور بيك :) :)
-
عمي ابوعلى اني اخوك في كندا حاليا تورنتو وصلت قبل اربع اشهر وكنت في مصر لمده 8 سنوات علما اني مقدم بل يو ان من سنه 2002 لمهم شغله كندا شويه يرادلهه خلك وطول بال لاءن لناس الي توصل من مصر وخصوص لعراقين عددهم كلش قليل قياس الى باقي لدول واني حاظر لاءي سؤال وراسلني على لخاص اذا عندك اي سؤال او استفسار وتقبل مني كل الاءحترام والتقدير
-
شلونك اخويه ابو علي انته صدك تحجي صار سنه على الامنيه شنو كنت قائد فيلق لو عضو شعبه وفوك ههههههههههههه
اني دخلت بالشهر الرابع وما ظلت شعره سوده براسي اذا سنه ولا شعره تظل لا سوده ولا بيضه
-
عمي روبن هود
عمي انا ما لمت ولا الوم احد بس دائما انمون على ولدنه واخوانه الطيبين واكيد اكو من ربع مصر اللي راحو لكندا حتى لو عددهم قليل يعني المساعده حلوه بين الناس عاد شلون اتصير احلى بينه احنه كلنه هنا عراقيين مو صحيح؟؟؟
والبرنو مالتي انشاء الله تسمعه اول ما تسمعه بعرسك اذا بعدك ما امعرس . ولو ما انصحك اتعرس ;D ;D
عمي ام ريم
ابو المثل ايكول سوي زين ولا تسال عليه وين راح ... وانتي تدرين الناس اشكال بيهم تحجي وبيهم ما تحجي وبيهم اتحب اتساعد وبيهم لا ما اتحب ولا اتريد .. بس احنه مثل ما كلت لاخوي روبن هود انمون على الطيبين ..
عمي التورنتي الجديد
الحمد لله على سلامتك وصلت سالم والله يوفقك انشاء الله ويكتبلك الخير .ز عمي انا على امريكا مو كندا بس اكولن طالما انته جنت بمصر وهسه بكندا يعني اكيد تعرف كلشي عن السالفه .. وانا اشوف اذا تكتب كل التفاصيل اللي اتعرفها من اول يوم التقديم الى يوم السفر واشلون التقديم والمقابلات وغيرها وغيرها يعني كل التفاصيل تكتبها لاخوانك بموضوع الاخ الفريدو مال عودة الامل للمقبولين على كندا اعتقد راح اتفيد الناس هواي بهاي الحاله وانا متاكد ميه بالمليون هاي الناس اللي راح تستفيد من معلوماتك راح تندعيلك بالخير دائما وربك ما ايضيع اجرك وكل معلومه تكتبها يمكن الله سبحانه وتعالى يفتحلك بيها باب وانته كاعد بكندا .. عمي همتك ويا اخوتك وسولفلهم واكنبلهم كل التفاصيل حتى يستفادون .. وبارك الله بيك وكثر الله من امثالك الطيبين ..
عمي العزاوي 55
هلا بيك وبالعزه كلها ونتشرف عمي بس وداعتك صالي سنه انتظر والعشا خباز ...وعيونك انا لا قائد فيلق ولا قائد نمله ولا عضو شعبه ولا عضو غرفه .. عمي انا رجال بسيط وعلى كد حالي عندي محل مال ادوات احتياطيه سيارات بالبياع ..ومره اجوني قبل السقوط كالو لازم تدخل بالجيش الشعبي كلتلهم عمي اني الجيش النظامي ما دخلوني بيه لان معوق النوبه تردون ادخل الجيش الشعبي ؟؟ روحو بويه الله واجفوني شركم وانا فعلا معوق بالساق اليسرى ومن يومها ما وصلوني بعد .. وان جان اتسولف على الشعر تره هوا ابيض من زمان وداعتك من ورا الامنيه حتى الشعر الابيض راح يوكع وتطلع الكرعه وخليهه سكته عمي لا تفضحنه رحمه لوالديك ;D...
عمكم ابو علي
-
عمي ابو علي ربي يبارك بيك وانشاءلله يوم تبشرنا بموعد سفرك مبادرة رائعه منك انشاءلله كل الاخوة ما يقصرون وي اخوانه والتوفيق للجميع
-
هلا وكل الهلا بابنيتي انجي واعز من بناتي والله .وافتخر بيج مثلهن . والله يا عمي خجلتيني بكلامج وادعي من ربي يكتبلج الخير وين ما تروحين وانشاء الله الخير وياج مثل الظل دائما وابدا ...
عمج ابو علي
-
عاشت ايدك عمي ابو علي على هاي المبادره وبصراحه اني تفاجئت من مبادرتك الطيبه
اني ممنون منك عمي ابو علي على هاي الخطوه واهنيك على فعل الخير وربي ييسر امر امنيتك وتظرب جيلات بالبرنو بهاي المناسبه انشالله
احب اضيف الى كلام عمي ابو علي بصراحه اني كاعد تجيني اسئله كثيره عن المعاملات وتفاصيلها من مصر الى كندا وطلبت من اخوانه ان يشرحونه الخطوات وذلك للفائده العامه والكل يعرف اني في كندا البرتا كالكري واحب اساعد كل الاخوان منتظري السفر لذلك اتمنى ان توضوحلنه الطريقه حتى الكل يستفاد منها
مثلا في الاردن : القبول على كندا وبعدها من شهر الى 4 شهور تعبئة الفورمات وبعدها من تقريبا من 4 شهور الى 6 شهور المقابله وبيوم المقابله تستلم الفحص الطبي وتوقيع القرض الكندي واستلام الفايل نمبر وبعدها تقريبا 6 شهور تسليم الجوازات والاتصال بالكفيل ودخول الدوره التثقيفيه وبعدها السفر انشالله يعني كل المده مالا تقل عن سنه و3 شهور
ارجو من الاخوه توضيح هذه الخطوات على موضوعي الذي يشمل معلومات عن كندا ( من مصر الى كندا ) هل هي نفس الاجراءات او لا ؟؟ حسب علمي الاجراءات بيها اختلاف بس ياريت واحد من مصر يوضح للاخوه واكون شاكرا لكم تعاونكم
اخوكم : الفريدو
-
السلام عليكم عمي ابو علي اني هم مثل ابنك وانت مثل والدي ولو اني ماشفت والدي غير بس ايام قليلة بس على راسي انت اني اسمي ذوالفقار بس اسمي لانه صعب يصيحولي علي المهم بالنسبة لمووع كندا اني يوم 4/10/2010 الساعة التاسعة صباحاً رحت للسفارة لكيت ثنين واحد صاير عصبي على الحماية مال السافرة الي بالباب يكولهم والله اني طلعتلي موافقة لكندا وجاي انتظر منكم سنتين حتى تطلعولي جواز عراقي فا اجيته اني بكل برود وكتله ندري راح تصير كندي بس تعال شنو القصة اني طبعاً اختي تشتغل بالسفارة فكتله شنو تريد كلي اني عندي جواز ويريد صحة صور ما اعرف شنو فا امخريه سنتين وهو طالعه اله موافقة لكندا وصارله 3 اشهر مقدم من اكتوبر على الامم المتحدة المهم فحجيت وياه شلون طلعت مال كندا انت شنو مشتغل ويا الامريكان لو ويا صدام لو شنو كال اني اني لا مشتغل ويا صدام ولا ويا المالكي ولا امريكان اني انسان بسيط يحب الحياة اخذوني ناس وامريكان وعذبوني فشوفني بطنه وايديه ورجليه متاذي فكال اني قدمت من اليو ان كلولي تنتظر فكال الموعد بيعد يلا نسلمك الكارت الاصفر كال اني رحت للكنسية فا الولد مساعدينه وشايفين حالته ومخابرين على اليو ان ومخلصيله شغلته بسرعة وب3 اشهر وطالعة وهسه هو راح يروح فا اني بس هيج اكدر افيدك واذا اجتني معلومات جديدة اساعدك بيه لانه مثل ما ساعدوني هنا الاخوان اني اتعلمتن منهم اساعد الي يحتاج مساعدة وانت اذا تحتاج شي بمصر اني حاضر الك وبالنسبة اكو شغلة اني صارلي 5سنوات بمصر ساكن واصدقائي وجيرانه كولهم سافروا برة لامريكا والله شكد ما اني صديقهم وجيرانهم والله ما كلولي شنو سوو وسافروا هنا اكو ناس بالغربة متعلم حشى الناس الزينة كلمن ياعمي يدني النار لخبزته ومنصير قلب على قلب وهذا السبب الي يخلينه نرجع لي ورة تحياتي للناس الطيبن الي بهذا المنتدى اخوكم بالمهجر.
-
مية هلا بيك عمو بس للاسف اني من جماعة عمان جنت اتمنى اكون من جماعة مصر حتى افيدك
موفقين كلكم ان شاء الله
-
السلام عليكم
اني من جماعة مصر
اني سويت مقابلة باللامم المتحدة شهر الخامس
وبعد شهرين اتصلوا عليه كلولي اوراقكم اتحولت للمكتب بيروت
ومكتب بيروت ايحولها للسفارة الكندية
والله بعد اسبوعين اتصلت بيه السفارة الكندية كالوا تعالي يوم الثلاثاء
رحت يوم الثلاثاء انطوني فورمات مليتها ورا اسبوع وديتها ووياها كل الاوراق مالتنا وفيش وتشبيه من اي مركز شرطة قريب على البيت
وراها بااسبوع اتصلوا عليه كلولي تعالي اخذي اوراق الحماية والفايل نمبر وانتظري يتصلون عليكم حتى ينطوكم موعد المقابلة
وهسة دننتظر رحمة الله ماكو احسن منه هوة الحنين على عباده
الله يسهل امورك ويوفقك
حاول اتراجع كنيسة سانت اندروز الي بالاسعاف
ترى كلش هواية ديتعاونون
لان هية الامم المتحدة كلش متساهلة هاي الفترة
يعني مو مثل قبل جانت مسدوده هسة هواية ناس ديحولون اوراقها وهواية ناس دتسافر
الله يسهل امورنا واموركم جميعا ويفرج عنا وعنكم اللهم اميين
اي معلومات اني حاضرة عمو وتدلل
-
الاخت مغترية من مصر السلام عليكم
ممكن تحددين مواعيد المقابلات من اليو ان من التحويل الى لاجئ الى موعد مفابلات التوطين الى الاتصال من السفارة الكندية للافادة العامة مع وافر الشكر
-
الاخت مغترية من مصر السلام عليكم
ممكن تحددين مواعيد المقابلات من اليو ان من التحويل الى لاجئ الى موعد مفابلات التوطين الى الاتصال من السفارة الكندية للافادة العامة مع وافر الشكر
وعليكم السلام والرحمة
اخي الكريم اني عندي الكارت الاصفر من سنة 2007
وقدمت على كنيسة سانت اندروز وماكو شئ وبعدين رحت للامم المتحدة ب 6 اكتوبر وحطيت رسائل كومة
وجان ماكو فائدة بعدين ربك ارحم الراحمين اتصلوا عليه نهاية شهر الخامس 2009
كلولي تعالي ناخذ من عندج معلومات تحديد وضع او هيجي شئ
رحنا قابلونا بالطابق الاول مو جوه
بعدين كتلها اني مقدمة على كندا من الكنيسة
كالت اني راح اشوف الموضوع واتصل بيج وسالتني بعض الاسئلة يعني مطولت ويانا نص ساعة وطلعنا
ورا شهرين اتصلت عليه كالتلي ملفج اتحول لمكتب بيروت ومكتب بيروت ايحوله للسفارة الكندية بمصر انتظري تلفون من السفارة
ورا اسبوعين اجاني تلفون من السفارة ورحت مليت فورمات
يعني اني مسوية مقابلة وحدة بالامم المتحدة على اعادة التوطين
الله يسهل امورك ويفرجها عليك وعلينا اللهم اميين
اي شئ تحتاجه ومتريد تذكره هنانة تكدر ترسلي على الخاص
والي اكدر عليه اساعدك بيه ان شاء الله
-
الاخت مغتربة من مصر المحترمة
تقبلي مني كل الشكر والتقدير على ردك الكريم وأدعوالله ان يوفقك ويسهل امرك ويسرع عليك الرزق ويسهل سفرك عن قريب انشاء الله
مع فائق تقديري
-
السلام عليكم
اني كتبت موضوع منتظرين السفر الى كندا من مصر
وكتبت بي كل ما حصل معي وساكتب كل جديد من اول مخابرة من السفارة الى السفر ان شاء الله
وان شاء الله لا ابخل باي معلومات على جميع الاخو والاخوات المستفسرين عن جماعة مصر
التوفيق للجميع بالخير امين
اني من 2005 في مصر
ما خلية مكان ما رحت عليه من الكنيسة الى اميرة الى UN وكتب بهل ظروف وخليه بالصندوق
وبعدين رب العالمين من عنده سهل امري وخابرو عليه مقابله ب UN يوم 4/5/2010
11/6/2010 كلولي تحول ملفك الى السفارة الكندية
26/9/2010 خابروني السفارة الكندية واخذت الفورمات
4/10/2010 استلمت كتاب الحماية والرقم (نمبر)
هذا كل شئ لحد الان
واني بنتظار المقابلة
واني ممنون عمي ابو علي اي شئ تريد اني حاضر
-
اخوية msamoh
الله يسهل امورك ويفرجها علينا وعليك ماكو شئ بعيد على رب العالمين هوة ارحم الراحمين
وشكرا على دعواتك الحلوة ربي يحفظك ويسهل امورك
اخوية زيزون انت وياية بنفس الوقت
بتقديم الفورمات واستلام كتاب الحماية يمكن حتى اصلا متشاوفين بالسفارة هههه
الله يسهل امورك ويفرجها علينا وعليك اللهم اميين
-
با حبايب يا غاليين
عراقي بالمهجر – بنت العراق 84 – مغتربه في مصر – msamoh – ريرون
عمي اني اشكركم هوايه على سوالفكم وكلامكم الطيب واني ادري انتم كلكم طيبين وناس اهل شيمه وطيبه واخلاق عاليه وادري كلكم اتريدون اتساعدون وهاي اخلاق العراقي الاصيل ابن الاصيل وكلكم انشاء الله من اصل طيب وصدكوني عمي الاصل الطيب مثلكم ما يجي منه الا الطيب ..
عمي بس ردت اكول انا اعتب على الاخوان والاخوات اللي سافرو من مصر لكندا وهما هسه حاليا موجودين بكندا لان ما دخلو ولا شاركو ويا اخوانهم هنا بينما ممكن ايفيدون اخوانهم واخواتهم بالمعلومات .. واخوكم واخوي الفريدو كتب وكال انريد منهم يسولفولنا ويكتبولنا على كل الخطوات اللي مشوا بيها من اول ما تحولوا على السفاره الكنديه بمصر لحد ما سافروا ووصلوا لكندا حتى الناس اللي بعدهه بمصر تستفاد منهم وتعرف راسهه من رجليهه وايصير عدهم الامل اقوى لان اصعب شي علينه كولنه ولو انا على امريكا مو كندا وصارلي سنه انتظر الكشره الامنيه واني بعدني بالعراق بس عمي وحياتكم وعيونكم تره اصعب شي هو الامل من يضعف ابنفسنا..
فيا اخواني الكاعدين بكندا اللي سافروا من مصر سولفو واكتبو لاخوانكم عن اللي مريتو بيه بالتفصيل حتى يستفيدون منكم مثل ما انتم استفاديتم من اللي قبلكم عمي .. وهاي كولها بيها حسنات بميزانكم عند الله سبحانه وتعالى وبكلوب الطيبين هنا من اخوتكم وخواتكم واولهم اخوكم واخوي الفريدو لان الرجال ذابح نفسه علمود يساعدكم جزاه الله كل الخير ..
وارجع واكول اشكركم كلكم يا طيبين يا اهل النخوه والشيمه العراقيه والله وتبقون اهل نخوه وشيمه عراقيه حتى لو تاخذون الف جنسيه ..
اشكركم عمي كلكم واتمنالكم الخير والتوفيق من الله سبحانه وتعالى ...
عمكم ابو علي
-
عمي ابو علي اني اتشرف بيك وبكلامك الطيب يا اصيل
والله كلامك واسلوبك ونصائحك تخلي الحجر ينطق وانشالله ربي ييسر امر سفرك وتسافر وترتاح
اتمنى من الله ان تجي لكندا لانك طيب وابن خير وصدكني اتمنى من الله ان اتعرف عليك واكعد واسمع سوالفك لان بصراحه البشر ينعرف اصيل وطيب من لسانه وانته مبين ذهب وانشالله تشوف كل الخير بحياتك
اني اشكرك واشكر مشاعرك الطيبه وكلامك الذهب
الله يوفقك عمي وتشوف كل الخير بعونه تعالى
اخوك : الفريدو
-
تسلم عمو ابو علي
الله يسهل امورك وامورنا جميعا
ويفرجها علينا وعليك فرجا عاجلا غير اجل بفضلك ورحمتك ياارحم الراحمين
-
عمي الفريدو
الله ايساعدك وايكويك وينطيك الصحه والعافيه والحيل والقوه والبركه .. عمي الله يبارك بيك والله انا هم اتمنى اشوفك لان مثل ما ايكول ابو المثل ( القلوب سواجي ) وانشاء الله تجمعنا سواجي الخير النا ولكل الناس ..
عمي اريد اخذ رايك وراي الاخوان والاخوات بسالفة اهل مصر اللي بكندا .. طبعا من رخصتك اولا يا الفريدو الغالي ...هسى اني قررت اخلي اهل مصر اذا يعجبهم يسولفون ويكتبون هنا هم ماكو مانع يعني اذا يعجبهم يكتبون هنا اهلا وسهلا بيهم واذا يعجبهم يكتبون بالموضوع مال اخونا واخوي الكاعد ابكلبي الفريدو هم ماكو مانع .. هسى صارت الفرصه جدامهم فرصتين اذا عجبهم يكتبون هنا اهلا وسهلا واذا عجبهم يكتبون ين الفريدو هم مليون اهلا وسهلا بس انريدكم اتفيدون الناس عمي رحمه لوالديكم ... وغداكم وعشاكم على حساب عمكم ابو علي والله اسويلكم حاتميه ودليميه عمركم ما شفتو مثلها وتددلون على عمكم دلال .. بس الجايات والباردات على غالينا الفريدو والفواكه على اعزيزنه ابو عمار ;D ;D شتكول عمي الفريدو؟؟ شنهو رايك يالغالي ؟؟؟
عمكم ابو علي
-
عمي ابو علي السلام وعليكم
وينك أشو لابرنو ولاجيلات افتقدنا سوالفك الحلوة أنشاء ان تكون بخير وتسهيل امورك بالسفر انشاء الله
-
عمي masmoh
انا موجود دوم عمي بس انا ما اعرف اكتب بالحاسبه وبنتي الزغيرونه اخر العنكود هيه اللي تكتبلي ونوبات تزعل عليه وظل حاير ما اعرف شلون اسولف وياكم عمي لا والمشكله لو اريد اراضيهه تطلب مني طلبات تخليني اسبوعين وجعان بقلبي وبجيبي ..
عمي الله يبارك بيك تسال عليه والله ينطيك الصحه والخير والبركه وان جان على البرنو والجيلات والفشك حاضره وبخدمتك بس كول وتدلل .بس عمي اني انتظر اخونه وغالينه الفريدو لان ماكو بس يمكن مشغول لان احتمال البرنسيسه الجديده وصلت وانتظر بس يكول وصلت حتى اخلي البرنو تهلهل جيلات وفشك ;D ;D
ممنون منك عمي ورحمة الله على والديك ..
عمك ابو علي
-
عمي ابو علي انت بس كول اي شي تريد تكتبه اني انطيك ايملي واكتبه الك انت بس نزله باسمك وتدلل وخلي بنتك ترتاح شويه من الكتابة اني هم بنتك وتدلل اي شي تريده اساعدك بيه
-
عمي العزيز ابوعلي الورد
عمي انت أصيل وأبن أصل أما بنتك الزغيرونة الله يخليها ويحفضك اله خلي تدلل بعز أبوها أنشاء الله وأهم شي لاتلعب بجيب أبوها لأن زعل أبو علي يزعلنا :) :) :) الله يحفضك لعائلتك وتبقى ذخر الهم وتحقيق أمانيك وأنت من ألان راح أسميك شيخ المنتدى ماشي شيخنا وأحنا تحت أمرك
-
ابنيتي انجي
والله انتي عندي ابنيتي الغاليه الغاليه الغاليه حيل عليه مثل غلاوة بناتي وازود يا اصيله يا بنت الاصول يا طيبه يا بنت الطيبين ..
والله هاي ابنيتي اخر العنكود اتكولي اذا انجي صارت اغلى من عدنه بعد ما اكتبلك شي وزعلت .. كلتلها هيه اكبر منج شويه يعني اختج الجبيره هاي وبالشافعات والصاعدات والنازلات قنعتهه لا والنوب تكولي كلما اكتبلك لازم تنطيني عشر دولارات مع العلم انا ما اشوف الدولار الا بايد الناس ... هاي شلون طركاعه ..دمرتني هاي الزغيرونه اخر العنكود بس والله اموت عليها . ;D..
المهم انا اشكرج هواي يا ابنيتي الغاليه وبارك الله بيج وربي يكتبلج الخير وين ما تروحين واشناء الله ربي اخدمج بالافراح وافرح لو خدمتج بالافراح يا ابنيتي ...
عمي مؤيد العبيدي
والنعم منك يا نشمي والله انا فرحان بيك لانك من الطيبين والله يكثرهم ويديمك وياهم طول العمر يا طيب وادعيلك بالبركه والخير واشكرك هواي بس عمي تره بعدين تتورط بيه وما تخلص من اسئلتي ;D ;D وانته يا عمي كلهن كل اللي حجيتهن انته الابن والصديق والعم وكلهن ...
عمي MSAMOH
يا بعد عمك انته على راس الشيخ من فوك الله يبارك بيك ويحفظك ويرعاك ويخليك سالم دوم بعون الله...
عمكم ابو علي
-
عمي ابو علي يا طيب وينك شو كطعت بينه ؟؟ ??? ??? ??? ???
والله مشتاقلك نريد نسمع سوالف الحلوه
بس لا البرنو خلصت الجيلات مالته ;D ;D ;D ;D عمي انته بس كول احنه بخدمتك
مشتاقيلك وانشالله نسمع اخبارك بالخير دائما ياطيب
اخوك : الفريدو
-
عمي مؤيد العبيدي
الله يبارك بيك وانا اشكرك كل الشكر على سؤالك عني وانا بخير والحمد للله لكن شوي ظروف شغلتني عنكم كم يوم والله يحفظك ويرعاك ..
عمي الفريدو
وربي وربك السوالف وياك ما ينشبع منها يا طيب يا غالي وما يكطع بيك الا العدو الظالم وانا ممنون منك لانك تسال عنيوهاذي فرحتي بيك وبالاخ مؤيد وبكل الاخوان الطيبين ... عمي البرنو مالتي جاهزه بس بشرني قمر الزمان وصلت لو بعدهي ؟؟؟؟ عمي بس اسمع قمر الزمان وصلت احرك الجو والبر والبحر جيلات ;D ;D ;D
عمي الله يبارك بيك ويرعاك ويحفظك لعائلتك ولاخوانك وخواتك هنا وانا اتشرف بيك وياهم واتعيش سالم دوم
عمكم ابو علي
-
اخي العزيز ابو علي الله يسعد ايامك
على مبادرتك بمساعدة اخوانك
هذا يدل على مدى نقائك
وان شاء الله كل من يحتاج للمعلومات يلاقي من يعطيه الطيبين في صرحنا كثيرين
تحياتي واحترامي لحضرتك
اختك الامبراطورة_مريلاند