ankawa
منتدى الهجرة واللجوء => الهجرة و واللاجئين => الموضوع حرر بواسطة: Nosha7978 في 16:30 03/10/2010
-
السلام عليكم اخواني و اخواتي
ارجو ممن حصل على الكرين كارد عن طريق اللجوء المساعده , الحقيقه حاولت ادور بالمنتدى عن موضوع مشابه ملكيت
اني سويت بصمه و اخذت صوره صار تقريبا قبل 3 اسابيع شكد بعد تطول الشغله الى يوصل الكرين كارد بعد البصمه؟ كلشي مستلمت لحد الان بعد مسويت البصمه و اخذت الصوره و داجيك بالموقع مال USCIS بعد النقطه الزركه على ثاني دائره و اني خايفه هلكد مسمعت عن ناس ضايعه معاملاتهم و صايرلهم مشاكل . اتمنى احد واصله الكرين كارد و يعرف بالضبط التواريخ و شكد دتطول العمليه؟
اكون ممنونه و مع جزيل الشكر
-
اختي الكريمة اكو العديد من المواضيع اللي تتكلم عن التقديم للكرين كارد واجراءاته وعالعموم عدنا اخونا غسان الاشقر (المدرس) تقريبا اخر واحد قدم وعدنا اخونا حسين بولاية تنيسي عنده تجربة بالموضوع اقترح عليج تبعثيلهم عالخاص.
وبالمناسبة انتي ماصارلج هواية حبي 3 اسابيع عند الuscis ترة مو فترة طويلة فلاتقلقين.
-
تسلمي اخت سرى ممنونه على الاقل شويه اتطمنت لان الحقيقه ما اعرف احد و هم من الناس الي اعرفهم كلهم جدد اني اول وحده قدمت يعني اني تجربه بس عندي واحد من اصدقائي بغير ولايه قبلي قدم و ضاعت معاملته ووره 4 اشهر يله لكوها وهسه هوه معاملته صارت ورايه اذا تكدرين تنطيني نك نيم مل الاستاذ حسين حتى ادزله على الخاص, اني دزيت للاستاذ المدرس قبل تقريبا اسبوع بس مرد عليه اتوقع هوه مشغول. اعرف الحياه هنا مو سهله ان شاء الله هم احصل جواب منج بالنسبه للاستاذ حسين لان انت هم نفسج جاوبتيني على موضوع البصمه بوكتها من سالت و استفاديت هوايه من جواب المدرس و اني ممنونه كلش لحضرتج
-
اخي هذا توضيح من عمنا العزيز سلاماللعراق
ادين بالفضل بهذا الموضوع اولا لابن بغداد الذي كتب موضوعا نقلا عن بعض معارفة حول التقديم للكرين كارت عبر البريد وكذلك للاخ العزيز hussein5582
الذي ساعدني كثيرا في بعض التقاط في املاء الاستمارات
واكيد طبعا مداخلات الاخوه في نفس الموضوع
اليكم الطريقة في الحصول على الكرين كارت بدون محامي الكنيسه
اولا اجراء التلقيحات
وهذا الموضوع فيه اجتهاد لواته مع احترامي للاطباء المطلوب باختصار طبيب يحدد هل اخذت كل اللقاحات ام لا ويعمل لك ظرف مغلق بعد ان تكمل اللقاحات
اخوتي هذه كلاوات اطباء غير الرسميين اقولها عن تجربه
اللقاحات تذهب الى الفاملي هيلب سنتر وهي موجوده في كل الولايات ويتم تحويلك الى اماكن تابعه لهم وتلقح مجاني ثم تدفع عشرة دولارات قيمة فتح مظروف لك باكمال التلقيحات
يعني لا مية دولار للفرد او اقل على اساس امسوين فضل اذا وافقوا بالثلاثين دولار للشخص
القضية الثانيه في التقديم تملا استمارات تسحبها من الانترنيت مجانا ولكل شخص اربع استمارات تمليها ثم ترسلها مع الفحص الطبي بدلا من محامي الكنيسه الذي ياخذ عن كل فرد 75 دولار واذا يعمل 125 دولار
طبعا من الطبيعي ان ياخذوا هكذا مبالغ على اعتبار ان من يقوم لك بملا الاستمارات محامي..ولكن الامر اسهل مما تتوقعون فانا قدمت عبر البريد وقد اكملت المعامله وبعد اسابيع احصل على الكرين كارت
الان بعد ان تاكدت من صحة اجراءاتي وعملت طبع الاصابع واخذو مني الصور اكملت المعامله ولحد الان ثلاثة عوائل سحبت لهم الاستمارات وقدموا...والغريب اننا حصلنا على موعد فحص الاصابع قبل غيرنا من الذين قدموا من خلال محامي الكنيسه...طبعا راح اكطع رزق المحامين في الكنيسه لاني بلغت الجميع اني حاضر لاعطائهم الاستمارات والمساعده في ملئها مجانا مقال الدعاء لاخونا ابن بغداد و hussein5582
حصل لدي فقط خطا واحد انني ارسلت المعامله خطا فاعادوها لي واخبروني بالعنوان الصحيح
غدا ان شاء الله ساكتب لكم العنوان كاملا وفي نفس الوقت الموقع لسحب استمارات الكرين كارت
وكل عام وانتم مواطنيين وليس مهاجرين
ووووسلاما للعراق
وهسه اشوفلك الرد مالت اخونا حسين
-
حبي هاي اجتي النجدة من ريومة الوردة واسم اخونا حسين بالمنتدى هو hussein5582 مثل ما مكتوب برد اختي ريم اعلاه وموفقة عزيزتي.
-
وهذا ايضا توضيح للاخ حسين
اختي هي بس الفورمات تنسحب من الانترنيت وماكوا اي عملية تقديم تكون اونلاين ’’ اسحبي الفورمات من موقعهم و ابعثيه الى العنوان حسب الولايه لان حاليا كل مجموعة ولايات عدهم عنوان منفصل مو مثل قبل كانت كلها ترسل الى نبراسكا
-
http://www.ankawa.com/forum/index.php/topic,413400.msg4603464.html#msg4603464
وهذا الرابط ايضا استفسار عن الكرين كارت
واتبع توضيحات الاخ حسين بالموضوع
-
وهذا رابط اخر لتوضيح طريقة الحصول على الكرين كارت
http://www.ankawa.com/forum/index.php/topic,411257.msg4589647.html#msg4589647
-
مشكورين حبايبي مقصرتو ابد اني دزيت ايميل هسه للاستاذ حسين
-
الاخت الكريمة مثل ما كالوا الاخوات فترة 3 اسابيع جدا طبيعية ماكو اي تاخير وعملية البصمة يعني مثل ما يكولون معاملتك ماشية بالسلية وتاخذ فترة بعد التبصيم حسب موقع دائرة الهجرة من يوم واحد الى تسعين يوم ولا تنسين مو بس العراقيين عدهم معاملات بدائرة الهجرة الرئيسية فالزخم والضغط عليهك كلش قوي همه بس المكسيكان وصل تعدادهم الي عدهم شغل مع دوائر الهجرة حوالي 11 مليون حسب تصريحاتهم
-
ممنونه استاذ حبزبوز
بس عندي سوؤال محد من الي جاوبوني عنده كرين كارد؟لو كلكم جديدين :)
ان شاء الله التوفيق يارب للكل
-
والله ماشاءالله عليكم الاخوات سرى وريم
الله يجازيكم كل خير ياربي
-
اختي مبيها فتره محدده اكو ناس طولو شهرين واكو ناس سنه واكثر
بس انشاء الله وباذن الله تحصلين عليه عن قريب
تحياتي