ankawa
منتدى الهجرة واللجوء => الهجرة و واللاجئين => الموضوع حرر بواسطة: التورنتي الجديد في 03:46 04/10/2010
-
اخواني الاعزاء جبيت انقل الكم تجربتي من اليو ان الى السفاره الكنديه في القاهره حيث ان المعامله تاخذ وقت ليس بل قليل اول شي يتصلون عليك السفاره بعد تحويل ملفك اليهم من اليوان حوالي بعد شهر من لتحويل بعدها يتصلون عليك السفاره ويقلون لك تعال استلم الفورمات لملاء الاءستمارات الخاصه بك وهو يوم الثلاثاء فقط بعد الساعه الثانيه ظهرا فقط ويكون اسمك موجود في باب السفاره لاءنه ممنوع اي شخص ياءتي من غير موعد
وتذهب الى الشباك وتستلم الاوراق ولا تنسى تاخذ ورقه الخدمه العسكريه لاءنها مهمه واحتمال تتاءخر اكثر من شهر بسبب هذه الورقه وتركز جيدا في ملاء الاءوراق لاءن الغلط مرجوع اليك وتتاخر بسببه واجو الذهاب الى ناس معرفه في هذه الاءمور بل اضافه الى جلب عدم محكوميه من ميدان التحرير او اي مكان تقدر تجلب له لكل افراد العائله الي همه اعمارهم اكثر من 18 عام وخلال 3 ايام تستلمهه بمبلغ رمزي 7 الى 10 جنيه فقط ومن ثم الاءسبوع القادم تذهب وتسلم الاوراق لك ولعائلتك الى السفاره وتنتظر اتصال من لسفاره لاءجراء مقابله ويجوز يطوا شهرين اكثر الله اعلم لاءن السفاره هيه الي تحددبعدها يتصلون عليك علمود ينطوك رقم لملف واوراق حمايه من لسفاره لحين سفرك فقط
نجي الى مو عد المقابله تذهب بل موعد المحدد وقبل ذالك لاءن تعرف مصر ازدحام طول عمرهه وتحاول ا ذ ا عندك احد في كندا تجلب عنوانه وتلفونه واميله لاءن احتمال يتصلون عليه ويودوك يمه بعدها بل مقابله حتقابل ي اما محلفه كنديه وياها مترجمه اما محلفه مصريه كلش طبيعي ماكو اي خوف وحاول متغير كلامك نفس لكلام مال يو ان وبعدها دكلك نتظر تلفون من عدنه علمود لفحص لطبي يجوز شهر يجوز اكثر همه براحتهم واريد ا ذكر انو انته من تستلم فحص طبي انته مقبول 100-100 وهمه تروح يوم لثلاثاء تلكا اسمك موجود باب لسفاره طبعا بل 2 لظهر مو تروح لصبح يرجعوك تره بعدها تروح للمعادي لل اي او ام تنطيهم لفحص مالتك علمود يحددولك موعد ويه لمستشفى لاءنجلو الي هيه يم برج لقاهره ويتصلون عليك خلال اسبوع من تنطيهم لفحص بعدها من يتصلون عليك مو لسفاره ل اي او ام وتروح للمستشفى لصبح والي يدخن خلي يبطل لجكاير لاءن فحص لصدر كلش مهم عدهم واحتمال تتاخر اذا لكو شي يعيدون فحص عليك اكثر من مره وبعدها هاي لمرحله لصعبه الي هو الاءنتظار تلفون لسفاره علمود لسفر وحسب جدول خاص بل سفاره اذا عندك احد اسهل ليش لاءن يتصلون على لشخص لموجود ويكولوله خلال فتره فلان يوصل علمود مو يصير كفيله انما يصير دليل اله هو الي يشوفله بيت لو شقه للاءيجار واجراءاته تصير اسهل وارجو ان تعذرني نكمل باجر لاءن لوقت تاءخر وباجر اكمل ان شاء الله
-
مشكور اخي على الجهد والمعلومات التي تبعثها الى اخوانك واخواتك في المنتدى
-
شكرا لجهودك الطيبة وماذا تقصد بورقة الخدمة العسكرية.
-
يعني موضوع لكفيل شغله سهله مو بشكل امريكا توقع اوراق مجرد تاءكيد معرفه بل شخص فقط بعد الموافقهعليك من لولايه يتصلون عليك ويكلولك حظر نفسك يعني مو اقل من 3 اسابيع علمود ترتب امورك وبعدها ينطوك مو عد قبل اسبو او اسبوعين تروح همات يوم الثلاثاء الساعه 2 ظهرا لتسليم لجوازات وهم تلكا اسمك موجود وبعدها يتصلون عليك ال اي او ام علمود لدوره لتثقيفيه وهيه عنوانهه في الزمالك فندق فلامنكو الطابق العاشر ولمسؤال على لدوراه واحد اسمه الاءستاد ياسر عراقي يحمل الجنسيه الاءمريكيه
وراح يساعدكم ويشرحلكم بتفصيل علمود لوصول ولسفر ولشغلات لمهمه ولدورههيه تقريبا 3 ساعات يوميا مده 3 ايام ويوجد غده ايضا لفات دجاج وزلاطه واخير يوم ينطوكم لكل شخص 45 جنيه مال كروه وينطيك شهاده مال لدوره
نجي على اجراءت السفر فيتصلون عليكم ل اي او ام ويكولك تعال نفس ليوم لصبح اله علمود الاءجرات الاءخيره لاءن اني بنسبه الي لاءقامه مالتي مكانت على الكارت الاءصفر كانت على الجواز فرحت سلمت لكارتات وكلتلي بل 1 بليل انتو بل مطار لجديد وبفضل الله رتبت اموري وطلعنه الى المطاروتقريبا بعد انتظار حوالي ساعه ونص اجه موظف ل اي او ام واسمه محمد سلمنه لجنط ولتكتات مالتنه وهيه عباره عن تكتات اثنين لكل شخص من مصر الى فرانكفورت وبعدها من فرانكفورت الى تورنتو ما اكلكم لاءنتظار شون يكتل بل مطارات يعني اني بمطار لقاهره طرنه لساعه بل 5 لفجر وصلنه تقريبا بل 9 ونص الى المانيا وجان واحد مو ظف ينتظرنه لاءن ويانه صومالين وسودانين ومعروفين احنه من علا كتنه مال ل اي او ام لاءن اسا مينه واوراقنه بيهن ومن 9 ونص لل 3 ي الله ندهو على الرحله مالتنه طرنه تقريبا بل 5 لعصر الى تورنتو وصلنه لساعه 2 ظهرا بتو قيت تورنتو لاءن تعرفون فرق لوقت ولرحله طويله كانت حوالي 8 ونص الى 9 وبعدها هم لكينه ناس تنتظرنه اخذونه كملو اوراقنه وتالي سياره اخذتنه الى فندق الحكومه ويسمى الكوستي وبعد مسلمنه اوراقنه الهم انطوني غرفه اني وعائلتي ما صدكنه نوصل للغرفه لاءن كلش تعببنه بل درب والله لساعه بل اربعه لصبح كعدنه لشوارع صنطه كلش صارت تقريبا بل 6ونص لصبح نزلت جوه دشوف شكو ماكو لكيت معلكين ورقه لريوك بل 7 لصبح ولغده بل 12 لظهر ولعشاء بل 6 لعصر لمهم لاءكل كوه ينجرع تحملناهه شون ما كان فتالي اجاني لموظف كلي هذا جدول الك علمود الاءجراءت التي راح نمشي وياك عليهه لمهم ثاني يوم اجه لموظه واخذنه الى دائره الصحه لعمل كارت لصحه الي هو اسمه ل هلث كارت وثاني يوم سونه كارت ثاني اسمه لرقم لتاءمين بنسبه للبنك اما لاءجراء الاءخير هو فتح حساب بل بنك ويدعى بنك تي دي وهذا الي راح يوصلك راتب لدوله اما للراتب لدوله تكعد لجنه وتقرر لراتب انته وعائلتك شكد يصرفولك بعدها اذا عندك احد يشوفلك شقه لو بيت يكون احسن اما اذا ما عندك احد فهمه الجنه لموجوده الي تشوفلك مكان علىكد فلوسك للشقه او لبيت وراهه من تلكا لسكن يصرفولك هديه لدوله واول شهر لراتب مالتك بعد مجيبلهم عقد الاءيجار وراهه بكم يوم يدزولك اثاث يخرب ضحك الي هو كل واحد سرير انته وتخخم ققنفات على كدالاءسره وعائلتك وميز مال طعام وكراسي هم على كد الاءسره وتيبلمات لكل غرفه وبل صاله وميز ابو تواليت فقط وانته تحير بل باقي يعني هيه فلوس لهديه تشتري بيهن اثاث اما لاءطفال ف الهم رواتب كل طفل راتبه من 300الى 350 دولار كندي واذا عندك طفل اقل من 6 سنوات ف اله 100دولار زياده فوك راتبه علمود حفظات وهاي لشغلات علما روتب لجهال متنصرف اله بعد 3شهور من دخول كندا الى 5 بس ينطو راتب من اول يوم بس هيه هاي اجراءتهم هنا نجي بعد متتركد وتكعد دكوم دور على دكتور لعائله لاءن كلش مهم هنا بكندا واكو دكتور عربي علمود تفتهم منا ويفتهمك شتريد لاءن هو الي يحجزلك عند دكتور الاءختصاص ويخابروك على موعد علمود لدكتور تالي لازم تلكا مدرسه مال لغه علمود تتعلم لغه اول شي تروح تمتحن ويحددولك ليفل يعني صف وتالي يخابروك علمود تجي لدوام ولازم من تكعد بل شقه لازم تلفون لاءن هنا كوله بريد وتلفون ولشركات هنا هيه تجيك للبيت وخدمتهم هيه تلفيون وانتر نت وتلفون ارضي وموبايل بس لموبايل شويه شغلته صعبه لاءن هم عقد الاءيجار لازم تاخاذه ويامك واحد يعرف يحجي انكليزي وتدفع بشكل لضمان وانته بكيفك تريد بي انتر نت تريد غير شغلات بعد انته براحتك وكلشي بسعره اما لتلفون ولتلفزيون والاءنترنت ينطوك 3 هور مجانا يعني فري
اما بنسبه للعملفلعمل في لوقت لحاظر صعب لاءنك تاخذ راتب من لدوله والي هو مده سنه تكون انته عرفت تمشي نفسك بل لغه واني حاليا كعد ادوم مدرسه وصارلي تقريبا شهرين والحمد الله وتقبلو مني كل الاءحترام والتقدير
اما سؤال الاءخ حول ورقه لجيش بسفاره فهاي علمود يشوفك انته خادم جيش لو لالا حسب قصتك الي ذاكرهه الهم
-
اخونا التورنتي الجديد المحترم اولا اهل وسهلا بيك في المنتدى واعتبر نفسك في بيتك
اخونا بارك الله بيك على معلومات مصر هوايه ناس محتاجه هذه المعلومات
اخويه بس حاب افيدك اول اني من سكان مسساغا تبعد عن تورنتو نصف ساعه واني صارلي قادم 6 اشهر من عمان بس حبيت اطيك هذه المعلومه حول الهواتف الموبايل والانترنت
اكو شركه اسمها وند wind وكذاللك موبايل سيتي mobil cyte وكذاللك اكو شركه جديده اسمها جات chait
اخويه بالنسبه للشركه الاولى والثانيه هذوله بدون عقد بس المشكله لازم تشتري الهاتف منهم طبعن خدمتهم الممتازه هو تكدر تحجي وتستلم بدون لمت معين مثل باقي الشركات يعني اونلمتت وبالشهر تكلفك ويا التاكس 40 دولار بس هذا بس تحجي ويا gta يعني كريت اونتاريو طول الشهر واذا تريد كل كندا مع امريكا بس تدفع 55 دولار بالشهر وهسه حاليا شركت وند مسويا عرض للطلاب بس 25 دولار بالشهر ولمدت سنه بعد سنه ترجع الى اسعار اعلاه واخويه انته طالب ماطول تدرس بلنك يعني بس اخذ ورقت التقيم وبس
بالنسبه الى الانترنت شركتين حاليا مسوين عرض ممتاز هو بالشهر حدود 28 دولار مع التاكس وان لمتدد ولمدت سنه بس تشتري شريحه منهم سهرها 150 دولار واخويه ماكو بكل كندا هيج عرض ترى وبالمناسبه شركت جات الاخيره
تكدر بس تاخذ منهم شريحه ب 10 دولار وعلى تلفونك وممتازه وهي هاي الشركه تابعه الى روجر وتغطيتها ممتازه
اخويه دير بالك تسوي عقد مع روجر او فايدو او اي شركه خلوي السبب
السنه القادمه بنهايه 2010 شركه روجر ينتهي عقدها الاحتكاري وكان لمده 50 سنه السابقه وحتدخل الى كندا شركات جديده والاتصالات عدهم حصير رخيصه
طبعن الاخوان المواصلين الى كندا ويقرون هذا الحجي هسه يكولون شنو هاي اسعار التلفونات يكلك 40 بالشهر ويكول رخيصه
نعم في كندا للعلم الاتصالات اذا احد رن عليك ويحجي وياك انته تدفع وال المتصل يدفع يعني اذا هنا تلزم التلفون وتحجي بدون حساب وانته مع الشركات هذول ممكن تدفع بالشهر فد 1000 او 2000 وهذا عادي جدا طبعن ماكو احد يحجي هوايه بس حاليا هذه الشركات الكلت عليها عادي احجي شد متريد
اخويه شتحتاج اني حاضر واحسلك دخلت للمدرسه لان المدرسه الغه بصراحه هيه مو بس لغه تفيد هوايه معلومات بالحيات اليوميه مثل اخبار الهواتف الاجارات وكثير من امور الحيات اليوميه
اخوك اريد وطن من مسساغا
-
اخي العزيز العبير بنسبه لمصر لمعاملات مال لجوء مفتوحه وهواي ناس اعرفهم تحولو على كندا واي سؤال اني حاظر
-
عاشت ايدك اخويه العزيز على هاي المعلومات التفيد اخوانه المتحولين على كندا في مصر
الف حمد لله على سلامتك وانشاء لله تستقر بحياتك
-
:-* :-* :-*[السلام عليكم عاشت ايدك عيوني من زمان جنه انريد تنحل الجبسه وواحد من مصري غيري هههههههههههه يحجي اي شيء اريد اسالك اخويه بين فتره الستكرات هاي والمقابله اشكد والى السفر اشكد بالتقريب والف شكر الى كل واحد يساهد اخوه size=26pt][/size]
-
الرجاء لكل من قابل او سيقابل الوفد الكندي ان يخبرنة على كل شيء في المقابلة من الا سئلة او اي طلبات اخرى ممكن ان تفيد الاخرين مع التوفيق للجميع.
-
بارك الله بيك اخي
الله يوفقك ويسهل امورك مثل مدة اتفيدنا بهذي المعلومات
اني سلمت كلشي ودانتظر تلفون من السفارة علمود موعد المقابلة
والله كريم الله يسهل امورنا جميعا ويفرج عنا اللهم اميين
-
اخي العزيز بنسبه لسؤالك فهو تبقى على ترتيبك بسفاره يعني ماطول عندك رقم بسفاره يعني انتظر لسره مالتك وهمه يتصلون بيك ولك مني كل الاءحترام والتقدير........
اما بنسبه للاءخت مغتربه في مصر ان شاء الله يتصلون عليكم وتقابلون باءقرب وقت واني حاظر لاءي سؤال وتقبلي مني
تحياتي
-
شكرا للمرة الثانية اخ تورنتي والعبير بالنسبة للسفر من مصر الى كندا موجود والدلاله على ذلك عندي صديق مقرب جدا موعد سفرهم بهذا الشهر الى كندا وربي يوفقه ويوفق الجميع
-
تعيش اخي العزيز تورنتي الورد على مشاركتك المهمة
-
تسلم التوريني الجديد
الله يسهلها عليك وتوصلون بالسلامة
ويفرجها علينا ويتصلون بينا
والاخوة الي ديسالون على اللجوء من مصر الى كندا
فهوة مفتوح وخصوصا بالفترة الحالية كلش هواية ناس ديخابروها
واني سمعت البارحة بالتحديد انو استراليا هم فتحت اللجوء هسة بالجديد بعد الله اعلم
اذا كانت هاي المعلومة الي سمعتها صحيحة او خطا
شكرا الكم جميعا والله يفرجها علينا وعليكم ويسهل امورنا جميعا اللهم اميين
-
ا خواني الاءعزاء شكرا على المشاعر الصادقه وان شاء الله مواعد السفر باءقرب وقت اليكم والاءستقرار
وحبيت اكتب تواريخ المقابله وتسليم الفورمات والفايل نمر والفحص الطبي وتسليم الجوازات وموعد سفر
في 27-9-2009 استلام فورمات من السفاره
يوم 4-10-2009 تسليم الفورمات للسفاره الكنديه في القاهره
بتاريخ18-10-2009 تسليمي الفايل نمبر وورقه الحمايه الخاص بسفاره
يوم29-10-2009 المقابله في السفاره الساعه التاسعه صباحا
يوم15-11-2009 موعد الفحص الطبي
يوم3-5-2010 الاءتصال من السفاره وتحديد موعد سفر واعلامي بل ولايه تورنتو
يوم 10-5-2010 تسليم الجوازت في السفاره
يوم13-14-15 الدوره التثقيفيه في فندق فلامنكو في الزمالك
اليوم المنتظر يوم السفر 25-5-2010 الى تورنتو
والحمد الله وصلنا بسلامه وتقبلو تحياتي