ankawa
منتدى الهجرة واللجوء => الهجرة و واللاجئين => الموضوع حرر بواسطة: iraqidau في 09:44 07/10/2010
-
اخواني واخواتي الاعزاء
من الاشياء المهمه التي تستفادون منها وليست متوفره في امريكا وان توفرت فهو غالي
هو المترجم الناطق ويفضل ان يكون نوعيه جيده
-
ياريت توضح اكثر اخويه
-
اخت مينا اليقصده الاخ صاحب الموضوع بالمترجم الناطق
هوة جهاز الكتروني صغير يحمل بالجيب وتستطيعين ان تترجمي من خلاله لاكثر من لغه لمساعدة الشخص لفهم اللغه والترجمه في حالات السفر
لكن يا اخي الكريم صاحب الموضوع مكتلنه كم يكون سعره بامريكا يعني الاعرفه هوة غالي باي مكان فمثلا في الامارات سعر النوعيه الجيده يتراوح بين 200 الى 250 دولار
وشكرا
-
ولفائدة بقية الاعضاء
هنا في سورية اسعاره من 11 الف ليره الى 19 الف ليره سوريه
علما ان كل 4630 ليرة تقريبا تعادل 100 دولار حسب سعر السوق الحالي
لمن يحب اقتنائها فهي موجودة في منطقة البحصة وهناك انواع ومواصفات عديده
اخوكم ابن بغداد في سورية
-
والله خوش موضوع وفعلا جهاز مهم ويحتاجه الواحد
اخوان اذا واحد يعرف وين متوفر بالعراق واشكد سعره يسوي فضل
-
أخواني الاعزاء سعر الجهاز المترجم اللي شاشته ابيض واسود مو ملون تقريبا مئة الف دينار عراقي قبل اسبوعين اخويه اشترى واحد من عمارة الدامرجي بالمنصور فقط للعلم والاطلاع وتحياتي
-
زين اخواني صراحه اني مشايفته الجهاز
مااعرف شلون نستخدمه
يعني مثل الي انشوفهم بالامم المتحده من يجتمعون ههههههه
او المؤتمرات الصحفيه مع الاجانب
اكو سماعه بوحده من اذنهم هو هذا ؟ من خلاله نسمع الترجمه مباشرتا
-
والله خوش موضوع
اخوان هو عبارة عن جهاز ناطق بحجم كف اليد يشبه اللابتوب اكو نوعيه ناطق اللي سعرة تقريبا 60 الى 65 الف عراقي وبيه اهواي شغلات منه طبعا اضافه الى الترجمه من العربي بيه قواعد انكليزي وبيه مفكرة وحاسبه طبعا النطق بالانكليزي فقط وبيه قاموس انكليزي انكليزي والثاني اللي هو يترجم الى اكثر من لغه وهي الانكليزيه والفرنسيه وبعد اكو لغتين ما اذكرهن لان بوكتهه عاملت عليه كالو 250$ فعفته واشريت الثاني اللي اسمه اطلس .
عراقي هواي
-
اتفق
-
اخت مينا ماشايفته الجهاز...............................جهاز صغير بحجم الكف يوضع فى الجيب انتى تكدرين تستعمليه اترجمين اى كلمه انكلش ماتعرفيها تكتبيها بيه يطلع كبالها تفسير بالعربى ...................... يعنى نفس القاموس قبل بس الكترونى.................والله مو مهم النوعيه بس ايفيدكم كلش
-
أخواني الاعزاء سعر الجهاز المترجم اللي شاشته ابيض واسود مو ملون تقريبا مئة الف دينار عراقي قبل اسبوعين اخويه اشترى واحد من عمارة الدامرجي بالمنصور فقط للعلم والاطلاع وتحياتي
تصحيح عمارة الجادرجي مو الدامرجي
-
السلام عليكم اتفق مع الاخ نعم كلش مفيد وضرورى واحد يجيبة وياها وخصوصا للى عدهم طلاب بمرحلة الثانوية كلش مفيد915-219-0535
-
ياريت اذا احد بعمان يعرف سعر الاطلس الناطق بكم يذكرلي سعره لانه اولادي محتاجيه
للعلم اخوكم بعمان حتى اطلع السبت اشتريه اذا سعره نفس بغداد
-
السلام عليكم بصراحة اخوان اني اول مرة اسمع بهكذا جهاز الي عند معلومات عنه زيادة بالايضاح ان امكن واين اجده في مصر وسعره كم مع الشكر اخوان
-
اخوان طبعا الجهاز صيني
بالنسبه لاسعاره هنا بالعراق حوالي 50الى 60$واكو نوعيه اخرى بس موناطق اعتقد سعرة 40$ طبعا تلكونه هاي الا سعار بمدخل شارع المتنبي من جهة شارع الرشيد اقصد ساحه الرصافي وبغير مكانات ترة اغلى مثل المنصور او شارع الصناعه مقابل الجامعه التكنلوجيه.واحتمال هسه ارخص من هذه الاسعار لان هواي تجار استوردوا .اعتذر من الاخوة اللي بعمان او مصر لان ما عندي معلومات عنه .
-
اخويه عراقي اهواي اشكرك جدا وماقصرت
-
السلام عليكم بصراحة اخوان اني اول مرة اسمع بهكذا جهاز الي عند معلومات عنه زيادة بالايضاح ان امكن واين اجده في مصر وسعره كم مع الشكر اخوان
اخي العزيز السلام عليكم ورحمة الله وبركاته انت اولا وين ساكن؟ واذا بالقاهرة فأما من سفنكس مول كومبيوتر او البستان واذا باكتوبر فأما من هايبر وان او كارفور عالعموم حاول تاخذة من مكان جملة وبي ضمان ارجوا ان تتقبل مروري اخوك حسين السالم.
-
السلام عليكم اخوان هذا الجهاز اسمه اطلس المترجم الناطق لعشر لغات تقريبا واعتقد يوجد اكثر من 10 لغات وطبعا لبه نوعيات واشكال واعاره تبداء من 3500 ليره سوريه الى 25000 ليره وال100 دولار الان تساوي 4600 ليره وطلعا هذا الجهاز حسب ماسمعت من بعض الاخوان الي سافرو انه مفيد جدا خاصه الي لغتهم ضعيفه مثل اخوكم وعلى العموم يمشي شغل واني ناوي اخذ واحد ان شاء الله وهناك نوع اخر اسمه المجتبى لكن صراحه لاادري ايهما افضل
ابوحارث
-
هاذا الرابط يفيدكم
http://www.atlassite.com/sd333_ar.stm
-
الى الاخوان الذين يسألون عن سعر ومكان الجهاز في الاردن
سعر الجهاز هو 200 دينار اردني نويعية جيدة
180 دينار اردني نوعية ثانية
المكان
Smart System Store
الجاردنز - بداية شارع الجاردنز بجانب معرض سيبال للالبسة
تحياتي
-
اشكرك اخوية حسين السالم على المداخلة بس ممكن اعرف اسم الجهاز بمصر مع الشكر
-
عمي احمد السلطاني اشكرك جدا لانه عرفت المكان زين رغم مفاجئتي للسعر لانه غالي بس مع ذلك ماخسران شي اروح واشوف
-
اني حاضر وبالخدمـــــــــــــــــــــــــــــــــــــــــــــــــــــة
والدكم
احمــــــــــــــــــــــد السلطانــــــــــــــــــــــــــــــــــي
-
اخوانى الاعزاء
السلام عليكم اولا
ثانيا انى اشتريت هذا الجهاز اللي هو اسمة اطلس بس تسمع النطق من السماعة اللي بالاذن واكو بي سماعة خارجية بس مو هو اللي عندى
المهم انى اشتريتة وبى جمل محادثة جيدة جدا ومفردات جيدة عن كل شى بالحياة وانى الان احاول اقوى لغتى الانكليزية بى دااحاول كل يوم احفظ بعض الجمل بالمحادثة
لكن عندى صديق باامريكا وكال مو كلش يفيد لان يكول القاموس النطق موجود بالكوكل المترجم يعنى تكتب بالكوكل ترجمة فورية او ترجمة نصوص ويطلعلك وهم ناطق
وحسب ميكول صديقى الي هو بولاية تكساس انه اشترى موبايل اي فون وبى انترنت وكل شي اكو بى بس انى لحد الان دااشوفة مفيد وهو موجود بكارفور واني اشتريتة ب 100$
-
السلام عليكم اخواني الاعزاء ... بس حبيت اعرف شنو النوع الجيد للجهاز اقصد شنو الموديل الزين واللي يكون سعره مناسب ؟؟
تحياتي
-
اطلس النوع الجيد وتلكى اسعاره مناسبه
-
السلام عليكم اخواني واخواتي فعلا هوة جهاز مفيد وليس فقط للي انكليزيتهم غير جيدة وحتة للانكليزيتة جيدة ايضا يعتبر جهاز مفيد حيث اللغة هية بحر ومهما تكون انكليزيتك ولغتك جيدة ممعقولة انت تعرف كل الكلمات حيث وصيت علواحد من بغداد وراح يشترولياه من شارع المتنبي حيث اسعارة تتراوح وهذا في بغداد شارع المتنبي يتراوح من 140 دولار الى 450 دولار وبه عدة انواع الابيض والاسود والملون والي يترجم فقط انكليزي والي يترجم عدة لغات --- الموفقية للجميع
اخووكم ابو محمود