-
صباح الخير ... ان كان صباحا
مساء الخير ... ان كان مساءا
شلونكم اخواني واخواتي
اليوم وصلني ايميل يردون بيه معلومات بواسطة استمارة 157
بس المشكلة انه الاستمارة محمية ... مينطبع عليه
يعني شلون انتظر لباجر واطبع الاستمارة وبعدين اكتب عليه؟؟؟
علما اني استخدمت كل اصدارات PDF المقروءة والمسموعة
نعمل لخدمتكم ... نشكر تعاونكم معنا ;D
-
اني اكلك شلون
Print it Then Make scan to the print sheet use Adobe Acrobat Pro and use type writer to type on it
سهله
-
أخي الكريم ممكن تستخدم برنامج
Foxit PDF Editor
تفتح البرنامج وتحمل الفايل الي تريده وممكن تملي المعلومات بسهوله مع تحياتي
-
اخي العزيز
افتحه باي برنامج بي دي اف بروفشنال تروح على قائمه تولز ومنه تختار رايتر تيب وبعدين تطلعلك قائمه من اختيارين تختار الثاني كلك وتكتب اللي تريده
بالنسبه للاسم بالعربي اني طبعتهه وكتبت الاسم باليد وبعدين اخذتهه اسكان
واني الممنون
-
خويي strom مكشور على النصيحة ( وفسر الماء بعد الجهد بال H2O )
عيني Msamoh والله استخدمته بس من تكله save يكلك شوفلك غير درب
خويي عراقي هواي اني هسه منصب PDF التاسع وماكو هيج اختيار بيه
هل من شيء ... لا ليس بعد ???
-
الشلام عليكم
اخي العزيز كلام الاخ عراقي هواي مضبوط مليون بالمية بس ينرادلك تنصب اكروبات الثامن مو التاسع بارك الله بيك وتكدر تملي بيه كل الحقول ما عدا الاسم بالعربي من تملي الحقول كلها تطبع الفورم وتكتب اسمك بالعربي بخط اليد بقلم اسود بعدها تسوي سكان للفورم وترسله بالف عافية
-
افضل طريقة انك تستعمل استمارة جديدة 157 وتمليها من جديد
-
مشكورين مشكورين مشكورين
Echo 9 اتوقع هذا الاختيار بس يمكم شو يمي ما يطلع ؟
ما ادري مشغلين حاسباتكم على الوطني واني مولد ومجاي يطلع
وتكدر تشوف الاختيارات اللي يمي بالصورة المرفقة جوه
(http://www2.0zz0.com/2010/10/07/22/409089115.jpg)
ابو حاتم رد اتوقع راح الجئ اله ... نخدمك بالافراح والليالي الملاح
-
حبيبي انته اخاف حاسبتك بيها فايروس ضد ال 157 يا معود صدك جذب انا هسه فتحت ال 157 واشتغلتها عالاصدار الثامن وايضا عالنيترو بي دي اف
عمي بس تاكد لي من الاكسباير مال الاستمارة فوك عاليمنى
انته منين جبتها لهاي الاستمارة اخاف اكسباير عمي تاكد رحمات على والديك واذا تريد ارسل لك استمارة تشتغل وبيها شرح انا حاضر ارسل لي ايميلك وهسه توصلك وتشتغل عليها على ذمتي ومسؤوليتي
-
الاخ echo 9
شنو صاير تشتعل عرضحالجي واتوزع استمارات؟؟؟ بدربك شوفلي استماره 199 مال البطاقه التموينيه .. ;D
شمعة
-
اسف بالشغل ماكو عربي حبي لا تعب نفسك لان حاولت هواي اني
الملف محمي وماتكدر تغيرة الخطوه الاولى اطبع الاستمارة
سويلها سكان افتحها على اي ادوبي بس يدعم خاصية type writer
اذا متعرف هاي شنو كلي واني اشرحلكياها
-
الأخ العزيز احنا استلمنا الكوم ابروفل وهذا طبعا" قبلها ارسلنا الأستمارة D157 .احنا استخدمنا برنامج ادوب اكروبات برفيشينال الأصدار الثامن وهذا يختلف عن الأكروبات ريدر لأن بيه هواية ميزات لتكوين وعالجة ملفات الpdf .وبالنسبة للأسم بالعربي في الحقل الثالث احنا ما كتبناه بالعربي وصدك كتبناه بالأنكليزي وعادي مشت وأستلمنا الكوم ابروفال يعني ماكو حاجة تكتب اسمك بالعربي لأن أعتقد همة ماراح يحتاجوة يعني شيسوون بيه بالعربي.
وشكرا"
-
مينا مو هو السؤال يكول اكتب اسمك بالغة الام او المحليه او الوطنيه
اخويه شمعه موتتني ضحك على شغله العرضه حجي وين لكيته استمارة 99 تحياتي الك انت وابو خالد
اخوي صاحب السؤال بشرنه اسويت انحلت لو بعد؟؟؟؟؟؟؟
-
الأخ عراقي هواي:
سلام عليكم..
احنا بالبداية هواية ناس كالو مثل ماكلت انتة. بس زوجي كتبة بالأنكليزي ماكتبة بالعربي والسؤال يكول 0 in native alphabet مو in your native alphabet لذلك زوجي اصر ان يكتبة بالأنكليزي وعادي مشت وأجانة الكوم ابروفل ومثل ماكتلكم همة شيسون بالأسم بالأنكليزي
تحياتي الى الجميع
-
السلام عليكم
اخي العزيز حاول قدر الامكان ان تنزل الاصدار الاتي
Adobe Acrobat 9 Pro Extended
هذا افضل شي
تحياتي
-
حبي مينا الnative هو يقصد بيها لغتك انتي بدون ما يكول your لانه الnative بالنسبة النا مو الانكليزي مو صحيح؟ وعالعموم حبي انتو اجاكم الابروفال بس هاي مو قاعدة.تحياتي
-
اخوان و اخوات من الالف الى الياء
شكرا ومشكورين وانا شاكر لكم واتوقع انه اصبحت بعد هذه الرسالة شكّار لجهودكم
سويت الطريقة التي بواسطتها طلب طرزان لجوء وطلع من الغابة ...
كتبت + طبعت + دققت + طبعت مرة لخ ( اكو خطا جان ) + سويت سكان + دزيت = منتظر رحمة الله
وان شاء الله نشوفكم في منهاتن واعزمكم على جاي وكعك ... لان ان شاء الله مخلي نيويورك ببالي
-
يعني انت مسويها هوسة علمود طبع الاسم بالعربي صدك جذب هاي ماكو اسهل منها وايضا ملئ الاستمارة سهل ايضا اني افضل لو تملي وحدة جديدة افضل الك والاسم بالعربي اكتبة بخط اليد كما سووا اغلب الاعضاء بالمنتدى وتمشي مثل الورد عادي
-
اخي استخدم هذا الربط بي برنامج اسمه pdf to word واني بخدمتك
http://www.jsoftj.com/Software/217/pdf-