ankawa
منتدى الهجرة واللجوء => الهجرة و واللاجئين => الموضوع حرر بواسطة: كيوت في 21:38 08/10/2010
-
مرحبه أصدقائي ....
أني ممنون على هذا الأستقبال الرائع لدخولي الجديد وليس بمستغرب كرم الضيافه للأخوان الأعضاء في عينكاوا , أصدقائي أني من جماعة ال أس أي في وقد أتممت المقابله في يوم 20-09 الفائت ومازلت بأنتظار التأشيره , حاضر للأجابه عن أي سؤال يتعلق بهذي المعامله الشاقه والطويله بقدر ماأستطيع وبأمانه , وأسف علأطاله . 8) 8) 8) 8) 8)
-
اهلا بيك اخوية اني وراك بيوم قابلت والى هسه كلشي ماكو اني لا متزوج ولا عسكرية بس مسافر كم دوله وتقديمي عن طريق شركه ويه الجيش مو الجيش
تحياتي
-
اهلا بيكم اخوان اعزاء
ونرجو سرد تفاصيل مقابلاتكم والفحص الطبي وين صارت المقابله بالسفارة لو بالمكان الجديد نرجو التوضيح
تحياتي الكم وربي يسهل عليكم
-
هاي شنو شعجب اصدار الفيزا كاعد يتاخر هلكد ؟؟؟ عندكم معلومة عن هذا الشي ؟؟
-
هاي شنو شعجب اصدار الفيزا كاعد يتاخر هلكد ؟؟؟ عندكم معلومة عن هذا الشي ؟؟
سيوفي يعني انته من زمان بل منتدى يعني المفروض متابع و تعرف اكو مرجله مراجعه اداريه بعد المقابله و هاي انته وحظك
اكو من عبرها ب 3 اكو ب اسبوعين و اكو من انتظر 4 اشهر و اكثر
فهاي شغله عاديه ;)
-
السلام عليكم زين اخوان اني صارت عندي مراجعة ادراية قبل المقابلة شهرين ونص وهسة منتظر المقابلة حددولي موعد يعني خلصت من المراجعة الادرية تحياتي للجميع بالموفقية
-
مرحبه أصدقائي ....
أني ممنون على هذا الأستقبال الرائع لدخولي الجديد وليس بمستغرب كرم الضيافه للأخوان الأعضاء في عينكاوا , أصدقائي أني من جماعة ال أس أي في وقد أتممت المقابله في يوم 20-09 الفائت ومازلت بأنتظار التأشيره , حاضر للأجابه عن أي سؤال يتعلق بهذي المعامله الشاقه والطويله بقدر ماأستطيع وبأمانه , وأسف علأطاله . 8) 8) 8) 8) 8)
السلام عليكم ...
أخوان بالنسبه لمقابلتي كانت في يوم 20-09 الفائت مثل ماأشرت أعلاه , كانت المقابله أيجابيه وفي المكان الجديد والدخول عبر بوابه معسكر الأزدهار , أولا قابلت الموضف المختص كان يحمل ورقه بأيده ويطلب مني النسخ الأصليه الكنت مقدمه خلال المعامله وطبعا يطلب الظاهر حسب أجتهاده يعني ماكو ورقه محدده فعليكم جلب كل الأوراق بدون أستثناء ثم أخذوا بصماتي لعشر أصابع ومسحة العين بعد ذلك قابلتني أمرأه قنصل كانت تسئل من خلال فايل أمامها 10 دقائق أنتهت المقابله والقنصل قال لي من 3-6 أسابيع مدة أنتظار التأشيره , بالنسبه للفحص الطبي كان في عيادة أبن البيطار وكان حيل مزعج وطولت النتيجه حتى بعد المقابله بيومين أضطريت أن أرسل النتيجه بال دي أج أل لأنه يخسروك 210$ بصك وما معدهم أحد يوصل بريدهم للسفاره , أسف عالأطاله
-
زين شتتوقعون اللي خلصت مراجعتة الادارية بمرحلة بحر الظلمات (NVC) بفترة قصيرة جدا --- ممكن ان تخلص مراجعتة الادارية ورة المقابلة ايضا بفترة قصيرة لو مو سوة ؟؟ اعتقد المراجعة مابعد الادارة راح تدخل بيها شغلة البصمات وهاي ممكن اللي اتاخر شوية
-
السلام عليكم
اخي العزيز اولا عالخير والبركة وان شاء الله ما تطول الفيزا وتستلمها وتسافر بالسلامة
ونريد من حضرتك وصف لما جرى بالمقابلة وايضا الفحص الطبي اين اجريته وكم يوم كان الفحص ؟
بارك الله بيك وبالتوفيق
Echo 9
-
اوكي اخوية علاوي بس شلون اكو ناس تستلم الاشعار بصدور الفيزا بعد 3 ايام من تاريخ المقابلة ؟؟
-
اخوية علاوي --- انت ورة شكد بالضبط من المقابلة وصلك هذا الايميل مال الاجراءات الادارية الاضافية ؟؟
-
اخواني الاعزاء لاتدوخون نفسكم بشغلات المراجعات الادارية اخونا كرادي الله يذكره بالخير انتظر الكوم اكثر من 8 اشهر ووراها دخل بحر الظلمات هم 9 اشهر الى ان اجاه موعد المقابلة وورة المقابلة دخل مراجعة ادارية وورة شهرين يمكن يالله استلم الفيزا فمو قياس اخواني الاعزاء.
-
اخي كيوت ,,, عندي سوال
اذا مقدم الطلب مكمل كل شي و بقة فقط ورقة الامبلويمنت فرفكيشن مديكدر يحصلهه ,,,,, شيسوي ؟؟
-
بس هسه اكو اختلاف بسيط عن جماعة قبل وهو انه قبل استلام الكوم ابروفال جاي تجينا رسالة تكول راح يتم الجواب عليك بخصوص الكوم ابروفال خلال اربعة اشهر !!!! قبل ماجانت تنكتب هالعبارة مااعرف اذا اكو ناس استلمت هالعبارة وانتظروا اكثر من اربعة اشهر؟؟؟؟ شتكولون اكو هيجي شي؟
-
اخي سيوفي :
الايميل وصلني بعد خمسة ايام من انتهاء المقابلة . وعندما وضح لي احد اصدقائي السبب لم اقتنع فجائني بالرابط وهاي 60 يوم راح تخلص صدك والله كريم للجميع التوفيق والقبول والنجاح .
اخوية علاوي ---- همة دزوا هذا الايميل الك من كيفهم لو انت اتحارشت بيهم ؟
-
يابه مبروك ويوم الي تستلم بيه الفيزه واتطير بخير وسلامه اكولك حبي اني قدمت قبل اسبوع معاملتي على SIV والسفاره ارسلتلي هذا الرقم شنو معناه كيس نمبر لو غير شي فرحني الله يخليك NVCSIV2010273003 واشكرك مقدما
-
يابه مبروك ويوم الي تستلم بيه الفيزه واتطير بخير وسلامه اكولك حبي اني قدمت قبل اسبوع معاملتي على SIV والسفاره ارسلتلي هذا الرقم شنو معناه كيس نمبر لو غير شي فرحني الله يخليك NVCSIV2010273003 واشكرك مقدما
حجي مهاجر في وطني هذا رقم المعاملة مالتك علمود من تراسالهم مستقبلا حول اي استفسار في معاملتك لازم تكتب بالادريس هذا الرقم علمود يعرفون معاملتك مبا ;Dشرة
-
اخونا اللي خال الكيس نمبر شيله اخوية لا تبقيه وبلكي الادارة تحذفه