ankawa
منتدى الهجرة واللجوء => الهجرة و واللاجئين => الموضوع حرر بواسطة: Aouss في 15:35 09/10/2010
-
اخواني الاعزاء
ممكن احد يكلي اشلون احصل ارخص تكت طيارة حتى لو احجز اون لاين من اربيل لامريكا اني قبل شهرين لكيت ب 350 من تركيا ومنا احجز فد ب 250 من اربيل لتركيا بس شو هسه حتى من تركيا غاليه وهسه اكلكم ليش داقطعها منا لتركيا وتكت الخ من تركيا لان داشوف غاليه من اربيل مباشرة
شتكولون
-
هذا خوش سؤال اني مثلك منتظر الجواب
-
من اربيل تطلع اغلى مما من بغداد اني مجيكتها اونلاين هواية.
-
السلام عليكم
اخي العزيز انته تكول ( لو احجز اون لاين من اربيل لامريكا اني قبل شهرين لكيت ب 350 )
شنو تقصد بال 350 ؟ سعر التذكرة من اربيل لامريكا مباشر لو اشلون ؟
بنيتي الغالية سرى صدك موضوع لطيف ويفيد واجا على بالي سؤال بيه :
- اذا الواح الله قسم له صدك واستلم الفيزا وراد يسافر على حسابه SIV لشكد تكلف عليه فلوس التذاكر لعائلة 9 نفرات بيهم اعمار 2 و 3 و9و13و16و17و19 وعدد 2 اكثر من 21 بلكي تحسبين لي اياها شكد تكلف الله يبارك بيكم وايضا الاخوان يشاركونا بالحسبة ؟؟؟؟؟؟؟
-
عمي الغالي ايكو احنا سافرنا عالملكية الاردنية من بغداد الى امريكا ترانزيت عمان مبيت ليلة بالفندق على حسابهم وية الاكل والشرب والتوصيل بين الفندق والمطار (وطبعا الوزن راح يكون حقيبتين كبيرة كل وحدة 23 كيلو لكل شخص فوق السنتين) وكان النفر ب1333 دولار البالغ والطفل فوق السنتين اقل وبالشتا. وطبعا بالصيف تصعد الاسعار وبمواسم الاعياد.
-
السلام عليكم
اخي العزيز انته تكول ( لو احجز اون لاين من اربيل لامريكا اني قبل شهرين لكيت ب 350 )
شنو تقصد بال 350 ؟ سعر التذكرة من اربيل لامريكا مباشر لو اشلون ؟
بنيتي الغالية سرى صدك موضوع لطيف ويفيد واجا على بالي سؤال بيه :
- اذا الواح الله قسم له صدك واستلم الفيزا وراد يسافر على حسابه SIV لشكد تكلف عليه فلوس التذاكر لعائلة 9 نفرات بيهم اعمار 2 و 3 و9و13و16و17و19 وعدد 2 اكثر من 21 بلكي تحسبين لي اياها شكد تكلف الله يبارك بيكم وايضا الاخوان يشاركونا بالحسبة ؟؟؟؟؟؟؟
عمي ايكو صدقه لعينك حتى االحاسبه هم كامت اتعلس هههههه
ادري عمي شلون جنت تطلع بيهم تعدااااااد ???
هسه نجي على الحساب
طبعا اكو اسعار ايسموها فاملي فير بس هاي تستعمل بامريكا واعتقد هنا من بغداد متشتغل
بقه تعتمد على الخطوط الي راح تقطع منها لان اكو احيانا تنشيط يحسبولك باسعار مخفضه لان ماشاء الله انت وحدك يطلعولك طياره كيا 15 راكب
هسه عمي عندك ام السنتين الى ان اتسافر راح تعبر السنتين
فيصير عندك 2 و3 و9 هذوله سعر child نص بطاقه
و13و16و17و19و21و21 هذوله ياخذون الyouthfair يشملهم تخفيض 33%
وانتوا الشياب تاخذون بطاقه كامله
فاذا عرفنا شكد راح يحسبولك الsecter بغداد امريكا الى الولايه الي اتريد تروحلها نكدر نحسبلك التخفيض شكد عليهم
وهاي مثل مكتلك تعتمد على الطيران الي تطلع عليه
واذا تحب حدد الخطوط ونتصلك بيهم على التلفون ناخذ اول سعر بس هذا لازم من يقرب موعد سفرك
-
عمي صدقه لعيون البنات
والله منورات وتجي منهن الاجابات بسرعة البرق
- بنيتي سرى ربي يحفظج من كل عين يا رب يوخللي لج ابنج بجاه محمد وال محمد هسه عمي من ورا ال 1333 بطلت وراح اخلليها ان شاء الله عالمنظمة لو اظل سنة بعد هههههههههه بس والله صاحب الموضوع فرحني شوية وكلت بلكي صدك ب 350 واشلع بيهم بطيارة خصوصي مو نفرات .
- بنيتي الغالية ريم ما شاء الله عمي والعين باردة وعمت عين الما يصللي عالنبي حسبتيها حساب عرب عمي بس الشياب بلكي يطلع واحد من جماعة عنطاوا الشباب اللي يصعدون بالصدر ويكول حساب هالشياب واصل ....
بارك الله بيكم عمي
-
عمي الغالي الله يوصلكم بالسلامة ان شاء الله صاحب الموضوع اعتقد كان يتكلم عن السعر من اربيل الى اسطنبول.
-
اخي العزيز
ترة كلام الاخت سرى صحيح (الله شافو بالعين لو عرفو بالعقل)
وخلي بالك هذا السعر يصعد الى 1800 دولار ايام اعياد راس السنة
منو كلك السعر 350 دولار حتى لو تروح بتاتا متحصل هذا السعر اعتقد ديقصدون من اربيل الى اسطنبول
-
عمنا ايكو9 توصلون بالسلامة بس كولي اتريد اتنافس الحي الصيني بامريكا وتسوي الحي العراقي هناك؟؟؟