ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو دينا العراقي في 23:01 09/10/2010
-
تحيه طيبه وبعد
اعزائي اليوم اجريت دورة تثقيفيه ولكن هناك بعض التفاصيل طرحها موضف الiomتختلف عن ما سمعناه وعرفناه من الاخوة الذين سبقونا الى اميركا
1-بطاقه الفود ستامب اللي حسب ماعرفناه يستمر للاطفال دون سن 18 سنه اذا كان دخل الفرد قليل اقل من 2000دولارهوة الموضف قال انو الفود ستامب ينقطع بعد 8اشهر
2-الويلكم اللي حسب ما سمعناه مبلغ 900دولار او 1100 دولا لكل فرد موضف يكول ماكو شي اسمه ويل كم يكول احنه كثرة ماسمعنه من الناس بهذا الشي اتصلنه بالمنضمات باميركا وسئالنه كالو ماكو هيج شي في بعض منضمات عدهم بعض مساعدات مادية وزعوهة على بعض العوائل وبشكل محدود جدا
3-المساعدات المالية لمدة شهر واحد كال لاتحلمو يعطوكم اكثر من هذة المدة
4-الروضات بالنسبه للاطفال بعمر 5سنوات بفلوس لاتوجد روضات مجانيه
فهل هذه المعلومات صحيحه او حسب محسينه احنه انو الموضف كان يبالغ ااو يعطينه اسوء ممكن نمر فيها او قد تحصل لنا الشي الذي اكد عليه في الدورة العمل والاجتهاد لتحقيق النجاح وهذا صحيح لكن واحد عندمل يذهب الايام الاولى على مجتمع جديد وحياه مختلفه ولغه جديده يحتاج الى من يمد له يد العون وويعطيه لمحه امل وتفائل فارجو منكم توضيح هذه النقاط التي ذكرتها وما صحتها
شكرا جزيلا مقدما
-
--بطاقه الفود ستامب اللي حسب ماعرفناه يستمر للاطفال دون سن 18 سنه اذا كان دخل الفرد قليل اقل من 2000دولارهوة الموضف قال انو الفود ستامب ينقطع بعد 8اشهر
هو مو الا اقل من 200 دولار اخي العزيز لانه تعتمد على عدد افراد العائلة وايضا عالولاية لانه كل ولاية الها خط الفقر يسموه مثلا بفرجينيا لازم ال3 نفرات دخلهم ما يتجاوز ال1950 دولار بالشهر يالله يستحقون الفودستامب.نجي على قطع الفودستامب كلامه صحيح ولكن هو من يريد يصير 8 اشهر راح يخابروكم من دائرة الفاملي سيرفسز وينطوكم موعد تروحون بيه وبناء عالمعطيات الموجودة عادة يجددون الفودستامب لمدة سنة كاملة وطبعا كلها قابلة للتجديد وحسب اي تغيير يصير بدخلكم الشهري.
2-الويلكم اللي حسب ما سمعناه مبلغ 900دولار او 1100 دولا لكل فرد موضف يكول ماكو شي اسمه ويل كم يكول احنه كثرة ماسمعنه من الناس بهذا الشي اتصلنه بالمنضمات باميركا وسئالنه كالو ماكو هيج شي في بعض منضمات عدهم بعض مساعدات مادية وزعوهة على بعض العوائل وبشكل محدود جدا
اخوية هو الويلكوم ترة مو فد شي رسمي فعلا وانما هو جزء من مخصصات اللاجئ من الحكومة الامريكية وهي اجمالا 1800 دولار للنفر يستقطعون منها 900 او 1100 وينطوها للشخص ومرات بمكان ما ينطوها يشترون بيها اثاث.
3-المساعدات المالية لمدة شهر واحد كال لاتحلمو يعطوكم اكثر من هذة المدة
حسب البرنامج اللي راح يخلوكم عليه بس عادة الايجار يندفع لمدة شهرين الى 3 اشهر.
4-الروضات بالنسبه للاطفال بعمر 5سنوات بفلوس لاتوجد روضات مجانيه
عادة اي صحيح بس اكو برنامج الهيدستارت موجود بكل الولايات واني عندي موضوع مفصل بيه يتسجل الطفل بيه واللي عمره اقل من 5 سنوات وينقبل عادة على اساس الدخل المحدود والتوصيل والاكل عالمدرسة كله منهم وهسه ابني بهذا البرنامج.
-
اخي العزيز الضاهر الموضف هذا كل معلومات ما عنده
مع الاسف ما عندي وكت كافي اشرحلك بالتفصيل لاني استخدم حاسوب صديقتي
انا في اميريكا وكلي الي كالك عليه الموضف هذا انا شفت العكس تماما.. سجلت ولادي بالمدرسة الحكوميه في نفس المدرسه اكو pre school لاطفال من 4 الي 6 سنين و الاكل لذوي الدخل المحدود ببلاش
توكل ع الله ولا تهتم
-
اشكرج اختي سرى وبارك الله بيج بس علمود شغله الويلكم كال ماكو هيج شي ابدا نفا نفي قاطع ونطيناه دلائل كال لتصدكون بكل شي ينحكي
-
تسلم خوية hanarمالنه غير الله نتوكل عليه بس فدوة اروحلك انته بيا ولايه وبلكت تحجيلي بالتفصيل لمن يصير عندك وكت لان هذا الموضف دمرنه بشرفي والف الف شكر ورحمه الله والديك
-
1-بطاقه الفود ستامب اللي حسب ماعرفناه يستمر للاطفال دون سن 18 سنه اذا كان دخل الفرد قليل اقل من 2000دولارهوة الموضف قال انو الفود ستامب ينقطع بعد 8اشهر
2-الويلكم اللي حسب ما سمعناه مبلغ 900دولار او 1100 دولا لكل فرد موضف يكول ماكو شي اسمه ويل كم يكول احنه كثرة ماسمعنه من الناس بهذا الشي اتصلنه بالمنضمات باميركا وسئالنه كالو ماكو هيج شي في بعض منضمات عدهم بعض مساعدات مادية وزعوهة على بعض العوائل وبشكل محدود جدا
3-المساعدات المالية لمدة شهر واحد كال لاتحلمو يعطوكم اكثر من هذة المدة
4-الروضات بالنسبه للاطفال بعمر 5سنوات بفلوس لاتوجد روضات مجانيه :o :o :o :o :o :o :o :o :o :o :o :o :o :o :o :o :o :o :o
-
اخي ابو دينا العزيز الموظف بالحقيقة لازم يكول هذا الكلام حتى يخليكم بقناعة تامه انه ماكو اي مساعدات ويحبطكم والسبب الرئيسي حتى لاتعتمدون على اي مساعدات مثل ماسوو جماعتنا ومو الجميع راحو وكعدوا على حساب الدوله ولا شغل ولا شي بالعكس هو ديحجي هيج حتى يحفزكم من هسه تعتمدون على نفسكم وادورون شغل لان باميركا الي مايشتغل مايعيش وانشالله ماتحتاجون اي مساعدات
اتمنى الخير للجميع وانشالله الاخبار الحلوة
-
السلام عليكم
اخوية العزيز ابو ديانا من الطبيعي انه الموظف يكول هذا الكلام وهذا الكلام اصبح مودة قديمة والسبب انه ايكولون هذا الكلام لان همه يريدوك مقدما اتحط ببالك الاعتماد على نفسك و يشدون من عزيمتك انه اول ماتوصل لازم اتفكر بالعمل وهذا هو الامر الطبيعي في بلد مثل امريكا ااعمل حتى اتعيش .. لانه هوايه اكو ناس يفكرون ايكلك اروح او همه ايصرفون عليه مثل نظام اللجوء في اوربا .. لكن هي المساعدات موجودة .. بس المفروض انه الشخص لايبقى معتمد على هاي المساعادت لانه في يوم من الايام تتوقف عاجلا ام اجلا .. اتمنى ان يكون الامر واضح ... تحياتي لك
-
1-بطاقه الفود ستامب اللي حسب ماعرفناه يستمر للاطفال دون سن 18 سنه اذا كان دخل الفرد قليل اقل من 2000 دولارهوة الموضف قال انو الفود ستامب ينقطع بعد 8اشهر
- صحيح لكن دخل الفرد يختلف من ولايه الى ولايه اخرى مثلا ولايه كاليفورنيا العائله المتكونة من 4 اشخاص اذا قل دخل العائله عن 1800 $ يبقه الفود ستامب و الميدك ايد للاطفال دون سن 18 سنه
2-الويلكم اللي حسب ما سمعناه مبلغ 900دولار او 1100 دولا لكل فرد موضف يكول ماكو شي اسمه ويل كم يكول احنه كثرة ماسمعنه من الناس بهذا الشي اتصلنه بالمنضمات باميركا وسئالنه كالو ماكو هيج شي في بعض منضمات عدهم بعض مساعدات مادية وزعوهة على بعض العوائل وبشكل محدود جدا
- ماكو اي منظمة استقبال لاجئين يقدم فلوس اطلاقا ماكو ... المنضمة يشتغل كوصيت او كفيل عنك لانك جديد وماعندك هستري باميركا اما مبلغ 900 او 1200 فهاي من الحكومة الامريكية لتدبر بيه الاغراض الاسياسية من بداية وصولك مثل تاثيث البيت و دفع الاجار و الديبوسيت مال الشقه و شراء الاكل لمدة اسبوع اسبوعين الا ان يجيك موافقة فود ستامب [/
الاخ المتميز العراقي نزل موضوع بهذا الخصوص تكدر تدور عليه في صفحات المنتدى و المبلغ هذا موجود في الويبسايت مالة الخارجية الامريكية
color]
3-المساعدات المالية لمدة شهر واحد كال لاتحلمو يعطوكم اكثر من هذة المدة
وهذا يثبت كلامي عن ويلكم مني تدبر باي امورك لمدة شهر الى ان تقابل ويلفر و تجيك موافقة فود ستامب بعدها الويلفر ينطيك راتب لمدة 8 اشهر مع الفود ستامب
4-الروضات بالنسبه للاطفال بعمر 5سنوات بفلوس لاتوجد روضات مجانيه
ااكو بابلك سكول و برايفت سكول.. احنه اول ما اجينه ودينه الاطفال ع اقرب مدرسة طبعا بابلك(حكومي) طلبوا منه تلقيحات رحنه سوينه التلقيحات بمستشفى هم بابلك public كل طفل 10$ واذا اول مرة مثل حالنه احنه كلاجئين يسوها ببلاش بعدين تاخذ اطفالك ع المدرسة او روضة و دراسه ببلاش لحد ما يكملون هاي سكول
اكو برنامج خاص في كاليفورنيا ما اعرف اذا اكو نفس الشي في ولايات اخرى والي يسمة جايلد نوتريشن (child nutrition) في المدرسة لمن يعرفون انك جديد او لاجئ او دخلك قليل او ما عندك عمل ينطوك هذا الفورم تعبيها .. هاي لوجبة الغداء في المدرسة بدل ما تدفع يومية 2.50 تدفع 40 سينت او تكدر تدز وياهم الاكل من البيت اذا ما تريد تشترك بهذا البرنامج
فهل هذه المعلومات صحيحه او حسب محسينه احنه انو الموضف كان يبالغ ااو يعطينه اسوء ممكن نمر فيها او قد تحصل لنا الشي الذي اكد عليه في الدورة العمل والاجتهاد لتحقيق النجاح وهذا صحيح لكن واحد عندمل يذهب الايام الاولى على مجتمع جديد وحياه مختلفه ولغه جديده يحتاج الى من يمد له يد العون وويعطيه لمحه امل وتفائل فارجو منكم توضيح هذه النقاط التي ذكرتها وما صحتها
- هل هذه المعلومات صحيحه؟ اكولك لا مو صحيحه وما اعرف شنو هدف الموضف اللي هيجي كالك ولو فعلا مثل ما كالوا الاخوان اذا قصده من هسه تفكرون ما تعتمدون ع المساعدات و تشدوا حيلكم.. فاعذروني هاي النظرية غلط لان مو من حقه يشوش الحقائق شغلته يوصل المعلومات الصحيحه للناس مو يشوه عليهم .. ع كل حال اي لاجئ او عائله جديدة حته لو يعرفون لغه و ما اعرف شنو يحتاجون مساعده الا انا يوكفون ع رجيليهم و يتعرفون ع السستم الجديد و الحياة الجديدة و اعتقد ماكوحد جاي اهنا يمد ايده كلنه نريد نشتغل و نعيش احسن عيشه ...
الله يفرجه ع الكل يارب ومحد يحتاج حد بهذا الزمن والكل يلكاله شغل و يعيش حياته راضي و متهني
-
اكو شغلة ثانية بالنسبة للمسلمين ومسألة الاكل الحلال للاطفال مثلا يمنا بالهيدستارت ما يقبلون اي اكل او شرب من البيت مهما يكون السبب فالطفل يخلوه على جدو النباتيين يعني كل شي ينطوه عدا اللحم الاحمر والدجاج.
-
حبيبتي سري يمكن كلامك صحيح بالنسبه لولايتكم او بخصوص الهيدستارت بس اني هيجي كالولي و ترجمت لاكثر من عائلة جدد جاين نفس التعليمات فهسه اني غير اكل المدرسه ادز وياهم ساندويشات و فواكه لان مرات ما يحبون طعم اكل المدرسة يكون الاكل سبايسي او بيه بصل او ثوم ...
-
الله كريم
-
لا حبي هنار اني اتكلم عن الهيدستارت بولاية فرجينيا مقاطعة فيرفاكس اكيد الولايات تختلف عزيزتي.تحياتي الج.