ankawa
منتدى الهجرة واللجوء => الهجرة و واللاجئين => الموضوع حرر بواسطة: jasmin hussam في 07:29 12/10/2010
-
السلام عليكم
انى صارلى شهر بامريكا وحبيت اسال الى عنده معلومات عن معادلة شهادة الهندسة المعماريه سمعت من قسم اكو امتحان وعلى اساسه اخذ رخصه والبعض كال لازم معاملة طويله عريضة وانى احس نفسى مثل التايهه مااعرف منين ابدى خصوصا لغتى مو هالكد اتمنى الى هو بامريكا وعنده معلومات يفيدنى والله يفتحها عليه دنيا واخره
-
و عليكم السلام اختي
طبعا معادلة شهادة الهندسه المعماريه تعتبر من اسهل المعادلات للعراقيين لكون لا تتطلب سوى مراجعة اقرب مركز جامعي في منطقتك او منظمه لمعادلة الشهادات و سيتم مقارنة الكورسات الي ماخذتها مع ما هو موجود في النظام الامريكي و على اساسها تقرر المعادله اني انصح لغتج الانكليزيه تضبطيها اولا لان المعماري يعتمد في اغلبه على الكلام من الزبون و تخيلات الزبون و الحاله النفسيه اله
تحياتي انا كنت هندسه معماريه ايضا
-
الف شكر الك واهلا بيك كمهندس معمارى انى هم مهندسة معماريه ودااحب اعادل شهادتى بس هوايه ناس صعبوها عليه فحبيبت اسال يعنى حضرتك سويت هايه الاجراءات وشكد تاخذ وقت اكون شاكرة اذا وضحتلى بالتفصيل
وشكرا مرة ثانيه لحضرتك
تحياتى لك
-
في اي ولاية انتي هاي نقطة النقطة الثانية والاهم لازم تاخذين كورسات لغة انكليزية لان حتى وبمعادلة الشهادة راح يكون صعب لان الاسئلة كلها انكليزي
تروحين لاقرب جامعة او معهد وتطلبين مقابلة مستشار ويا مترجم وراح يفهمج كلشي من الالف الى الياء
-
شكرا الك اخ ستورم انى بولايه يوتا وحبيت اسال اذا اخذت كورسات مثل ميكول الاخ prado1 تكون على حسابى او مجانيه
-
على مستوى المدينة الي عايش بيها اني وهي هيوستن تكساس
هناك معاهد مهنية حكومية ناجحة تقدمين من خلالها على كورسات للغة
طبعا التقديم مقابل مبلغ رسوم رمزي قدره $25 دولار وبعدها الدراسة تكون مجانيه
بعد متخلصين كورسات اللغة تشوفين الكلية المناسبة الج وتروحين تسالين هناك عن
اختصاصج وعن كيفية معادلة شهادتك وطبعا بنفس المعهد ايضا ممكن يجاوبون على هيج سؤال
الدراسة ليست مجانية ميه بالميه هناك منحه دراسية قدرها 5000 دولار غير قابلة للرد بس ما عندي فكرة اذا
كانت تغطي تكاليف الدراسة كلها لان بعدني ماوصلت لهاي المرحلة بصراحة لذلك كلت ليست 100% مجانية
وايضا هناك قروض دراسية تمنح للطلبة وحسب الرغبة وتسدد بشكل اقصاط وما انصح بيها لان مكلفة ومعناها الواحد
يتخرج بس يسدد ديون للدولة
هذا على مستوى هيوستن والمفروض باقي الولايات والمدن نفس الشي
-
اخي برادو
شلون متحتاج تدرس كورسات جديدة؟
انتوا مو اخذتوا بس تصميم كونكريت وحديد بالعراق مثل المدني ؟
بس خشب ما درسنا ؟
شتكووول؟؟
-
شكرا لاهتمامك اخ ستورم انى مسجلة بمعهد لغة سوولى اختبار وخلونى بصف الخامس المشكلة حولت دوامى عالمسائى لان ماكو احد يبقى ويه ابنى الصبح لهذا المسائى مقبط هسه لازم انتظر شهر او اكثر بس دااحاول اطور نفسى بالبيت او عالنت اتعلم لغة الى ان يجى دورى بالمعهد
شكرا جزيلا على المعلومات المفيدة
-
اخي لورنس مو اني كلت بالبدايه مقارنة الكورسات الي ماخذتها مع الكورسات الموجوده بالنظام الامريكي و النقص تعوضه الى ان تمتحن الكفائه و اني اتذكر لما كنت ادرس بالمعماري قبل ما اتركه بسبب محاولة الاغتيال انو اخذنا تصميم خشب هم ويا الكونكرت و الحديد
تحياتي الك
-
رفع للنقل