ankawa
منتدى الهجرة واللجوء => الهجرة و واللاجئين => الموضوع حرر بواسطة: ساحر بغداد في 20:17 13/10/2010
-
شلونكم حبايبي جميعآ
اليوم وصلني ايميل من الIOM بغداد وهو كسابقه رد على مجموعة استفسارات بأيميل واحد.
الأستفسار الأول كان عن مستمسكاتي الجديده التي قمت بتحديثها وارسالها لهم وكنت اسألهم هل قامو بأضافتها الى ملفي ام لا.؟ ومستمسكاتي كالتالي:-
جنسيتي وجنسية زوجتي
وشهادة جنسية زوجتي
وجوازات جديدة فئةA لي ولزوجتي.
والأستفسار الثاني كان عن الولاية علمآ اني اعرف ولايتي منذ فترة بس كنت بعدني مامستلم منهم رد على ايميل سابق كنت اسأل به عن ولايتي. فأتاني رد بهذه الرسالة ايضآ عن مكان ولايتي.
والأستفسار الأخير
كان عن ماهي اخر تطورات ملفي والى اين وصلت مراحله.
ملاحظة مهمة جدآآآ.
عندما استلمت ايميل من الIOM عن مكان ولايتي قبل تقريبآ اسبوع كان عنوان الأيميل يحمل الرمزSAS
ولكن اليوم أتاني الأيميل يحمل الرمزRKH
فهل يعني هذا الرمز بأن ملفي قد حصل معه تقدم جديد في الأجراءات.؟
اضع بين ايديكم الأيميل الكامل مع عنوان الرسالة وابدئه بالعنوان
IZ-113XXX/Docs rcvd/RKH/IZ
Please note that we have received you document and it has been added to you case ....
kindly note that we have checked you will be resettled in knoxvill. Tn ....
you will be contacted in the near future for any progress.
ارجو من اخواني اصحاب الخبرت المساعدة وترجمة وتفسير هذا الأيميل.
وخصوصآ مسألة الرموز لأنها تحمل سر في طبيعة اجراءات عمل الIOM
ولكم فائق الشكر والتقدير.
ساحر بغداد
-
اخويه ساحر بغداد الله يساعدك احنا اجانا هذا الرمز باميل جدول السفر
بعد مدزينا الهم اميل نسأل بيه عن المدينه (نعرف الولايه هي كاليفورنيا)وعن موعد السفر
وكان جوابهم انتو على جدول السفر وانتضروا بالمستقبل يتصل بيكم موظف الاي او ام
ومثل مكتلك بيه هذا المز RKH
-
اهلآ اختي مينا
اي يالله يعني هذا الرمز يعتبر تطور بقضيتي واحتمال اني قريب من جدولة السفر.
شكرآ لردج السريع وبشارتج الحلوه.
ساحر بغداد
-
ان شاء الله اخويه يجيك اميل جدول السفر عن قريب
وتسافر بخير
تحياتي
-
شكرآ اختي مينا وانشاء الله يأتيك اتصال موعد السفر بأقرب وقت وتسافرون امنين سالمين..
تحياتي
وين فطاحلة الترجمة شنو بس الأخت مينا بالساحة....؟؟
يعني شنو انتو ماتشاركون اله اكتلي اثنين اتلاثة من اعضاء المنتدى يلاتشاركون....؟؟ ههههههههههههههههه
ادخلو ترجمولي النص والمايعرف التفسير خلي لايفسر.
بس صدكو الي راح يدخل يقرء الموضوع ويطلع راح ياكل كتل خرااااااااااااااااافي. افتهمتو لو لا. هههههههه
يمعودين اتشاقة وياكم دخيلكم اني بحاجتكم واذا طلع الأيميل ايجابي انطي لكل مشارك جكليته ام الكاكاو طيبه ونستلايه شرين عسل. هههههه
انتظركم ياحبايبي واخواني الطيبين.
اخوكم
ساحر بغداد
-
اخوية ساحر بغداد
بالنسبة للايميل الواصلك يكولوك المستمسكات او الوثائق اللي دزيتها النا تم اضافتها
الى الكيس مالتك ,, ويكولون انه تم تحديد ولاية knoxvill لك .
وبالاخير يكولولك راح نتصل بيك بالمستقبل القريب اذا صار أي تطور بالكيس مالتك
نجي لشغلة الحروف
اذا المفروض أي رسالة تحمل نفس الحروف لازم تكون نفس المضمون ,, فكان لازم يكولولك
بهذا الايميل انك ع جدول السفر مثل ما وصل للاخت العزيزة مينا لان هي وصلتها نفس الحروف
وبيها جدول سفر,, وبما انه ماكو تشابه بين محتوى الايميل اللي وصلك مع محتوى الايميل اللي
وصل للاخت مينا .
اذن معنى هذا انه شغلة الحروف لايمكن الاعتماد عليها و اني اؤيد كلام الاخ عكعك
اللي كال انه ممكن تكون هذه الاحرف الثلاثة هي الاحرف الاولى من الاسم الثلاثي لاسم
الموظف اللي ارسل هذا الايميل ,, وهذا الشيء كان معمول بيه بالدوائر و بالجيش اذا خادم عسكرية
كان اللي يطبع او يكتب كتاب معين يكتب اول حرف من اسمه واسم ابوه ,, حتى من يحفضون
نسخة من الكتاب ينعرف من هو اللي كتب هذا الكتاب
تحياتي
-
شكرآ لتوضيحك اخي العزيز لورنس العرب2
بس اكو كلمة جيك او تجييك بالأيميل مكتوب بس ماأعرف الكلام الي قبل وبعد هذي الكلمة.
هل تعني اني قيد التجييك الأمني.؟
اما بخصوص الحروف او الرموز. فأقولك صحيح ممكن يكون هذا تفسيرها لأن بالعسكرية كانت اني من الناس اكتب حروف اسمي الثلاثي.
بس بالنسبة لرموز الIOM مو من المنطقي ان تكون حروف الموضف الي كاتب الرد بهذ الأيميل.
تعرف ليش....؟
لأن مامعقولة منظمة متكونة من الاف الموضفين مابيهة غير ثلاثة او اربعة موضفين يردون على الأيميلات.
طبعآ انا قمت بالبحث بين مواضيع قديمة وجديدة بخصوص هذه الرموز فأكتشفت ان الكل يأتيهم نفس الحروف او الرموز.
يعني مثلآ...
المتقدم جديد ويأتيه رد من المنظمة فتكون رموز الجدد جميعهم نفس الحروف او الرموز بالظبط.
وعند المقابلة الأولى ايضآ جميع المتقدمين تحمل ايميلاتهم نفس الحروف.
وعند تقدم ملفاتهم فتجد الكثير منهم تأتيهم نفس الحروف.
يعني خلي ناخذ مثل اخر.
هسة اذا تبحث عن كل الأشخاص الي اجاهم جدول سفر راح تجدهم يحملون نفس الحروف بالظبط.
معقولة هذا موضف واحد يشتغل على الاف الملفات....!! هذا مايستبعده عقلي..
اما بالنسبة لي صحيح انا لم اندرج على جدول السفر ولكن اقول قد اكون دخلت في اجراءات الجدولة ولكن لم تنجز بعد ولهذ راح اكون بعدني ماداخل في الجدولة.
ولكن انا اقول قد تكون هذه الحروف توضع عندما يدخل الشخص في مرحلة معينة مو شرط تكون هذه المرحلة قد انجزت. احتمال بمجرد ان يدخل الشخص في اجراءات هذه المرحلة يعطى له رمز معين.....
طبعآ ادري بيك هسة تكول هذا يريد يقنع روحة كوه... ههههههههههههههههه.
بس والله هذا استنتاج وكنت في الأيام القليلة الماضية اقوم ببحث فيه مع اصدقائي يعني قبل ان استلم هذا الأيميل اني ضال اسجل الحروف او الرموز من مشاركات اعضاء المنتدى واسوي مقارنات بمراحل كل رمز.
الله يسهل علينا جميعآ والله هذي المنظمة راح تسوينا محللين من الدرجة الأولى بسبب ملاعيبهم وحركاتهم ويانه.
تسلم اخي لورنس وانشاء الله تفرج عليك وتسافر وتخلص من الأنتظار مع الأي او ام
تحياتي
ساحر بغداد
-
والله واني اقرا الرد مالتك فعلا اجا ببالي وكلت هذا يريد يقنع نفسه ومن وصلت للجملة اللي كاتبها انت فعلا
خربت ضحك هههههههههههههههههههههههههههههههههههههههههههه
ماشي راح اجي وياك بخصوص عدد الموظفين ,, بس بنفس الوقت راح انطيك اسبوعين اذا وصلك
ايميل الجدولة فانت صح ,, اما اذا لاسامح الله ما اجا فمعنى هذا فعلا انه الحروف ماتكدر تقيس
عليها ,,,,,,,,,,,,,,, تحياتي
-
مرحبة ساحر اشلونك اخوية؟ والله ماعرف عن الموضوع بس حبيت اسلم عليك ياابن ولايتي ومدينتي العزيز. بالمناسبة فقرة الشورتات لازم نلغيهة لان ان شاء الله راح نوصل بالشتة وثلج والامة كابه. فيرادنة كل واحد قبوط من هاي الزينات هههههههههههههههه
-
مرحبا اخي ساحر بغداد ان شاء الله تكون هاي الحروف خير ولو ماعندي اي خبره بيها ولكني حبيت اسلم واطمئن عليك ان شاء الله تكون بخير ويضعوك على جدول السفر عن قريب تقبل مروري
-
اخوية العزيز لورنس ثق بالله يمكن اني وياك قلوبنه تسولف نفس السوالف. ههههههههههههههههه.
اني ردت اقترح نفس الأقتراح انه اكلك اذا بعد فد اسبوع او اسبوعين ماأجاني جدول سفر راح اعتبر هذي الحروف اختصار لأسم الموضف. واذا اجاني جدول سفر راح نثبت ان هذي الحروف تخص مرحلة الملف.
وبكلا الحالتين احنه مستفادين. يعني لو راح نثبت صحة علاقة الحروف بالملف او راح نبعد الشبهات والشك بهذه الحروف ونعتبرهة أختصار لأسماء الموضفين في الIOM
تحياتي الك ياغالي.
-----------------------
هلا بأخوية ورفيق دربي وابن ولايتي اليكس. الك وحشة ياغالي.
والله ضحكتني على سالفة الشورتات والشتة. ههههههههههههههههههه
يعني صدك حجيك صحيح اذا سافرنة راح يكون الجو شته والدنية كابه وصايرة زركة من البرد..... يعني حتى جريمة الواحد يطلع سالم من المفخخات والعلس بالعراق ويروح لأمريكا وهناك يموت من البرد.. ههههههههههههه.
اذآ اريدك تروح لفلاح الأكرع عنده عربانة بسوك هرج بباب الشرجي يبيع بالات عندة بالات واصلة جديد.
تلكة عندة قبوطين مقفلات موديل اربعينات واذا تريد تعرفهن اصليات لو لا بس باوع عليهن يصير بيهن من جوة دكمتين احتياط وحدة جبيره ووحده صغيرة
اذا اصليات أخذهن من عندة شلع. ولو شوية غاليات سعر القبوط الواحد بألفين وربع. بس شنسوي محتاجيهن. هههههههههههههههه.
عيبهن الوحيد يرادلهن سبعة اشهر بس تكوي بيهن. ههههههههههههه
تحياتي الك ياوردة.
-----------------------
هلا وغلا بأخي العزيز يدكو
تسلم حبي على السؤال هذا من طيب اصلك.
انشاء الله تنال مرادك وتسافر وتلتم جميع هذه اللمة الطيبه من الأخوان في اميركا.
وتصير من الماضي.
انشاء الله انشاء الله.
الله مع الصابرين.
تحياتي لحظرتك يااخي الطيب.
اخوكم
ساحر بغداد
-
يـــــــــا أخـــــــوان يــــــــــــــا حبـــــــــايبي يا احلـــــــــــة اعضاء منتدى بالدنية ... اريد اكلكم انه الحروووووووووووف اللي بالسبجكت مال رسالة الي تنكتب بالنهاية مال سبجكت ( الموضوع ) هاي حروف الشخص الي رد على رسالتكم مو مختصرات لمراحل يا أخوان ملة علاقة انه انتة حطوك على جدول السفر او حددولك ولاية ينطوك 3 احرف ومو كل مرحلة ينطون بيهة احرف جديدة مو شرط اخوان كل موظف الة رمز حتة يعرفون منو الي جاوب الرسالة يمهم .... اني اخوكم مثلا دا انتظر الامنية صار سنة ونص تقريباً كل ما ادزلهم ايميل يجيني نفس الجواب قضيتك بعدهة بالتدقيق الامني واول ميجينة شي راح نبلغك ونحددلك موعد السفر ومو كل الايميلات الي تحمل هاي الجواب بيهة نفس الاحرف اني هم جنت مثلكم عبالي بس من صارت وياية الحالة انه نفس الجواب بس الاحرف دتتغير سالت جماعة وگلولي هاي الاحرف للموظف كل موظف الة احرف ملهة علاقة مرحلة قضيتك .. واني اشكركم ويارب الخير للجميع وان شاء الله الكل تطلع هالسنة يارب
-
اخي العزيز اليوم اجاني اميل من المنظمة واني اصلا ما مقابل لحد الآن من 11 شهر بس الايزي
ويحمل الحروف RKH وهل يعني ان موعد المقابل قريب
الناسك
-
اخوان مثل ما كلتلكم قبل ما الهة علاقة شغلة الاحرف الـ 3 بمرحلتك بالقضية ... اخوية وعزيزي الناسل واختي مينا واخوية ساحر بغداد ما الهة علاقة الاحرف الـ 3 بقضيتكم وين وصلت هاي الاحرف مال الشخص الي ديجاوب والي يثبت هذا انه كل واحد بيكم عندة شغلة شكل وجاكم نفس الاحرف RKH والي يثبت اكثر مثل مكلتلكم قبل اني صار سنة ونص تقريبا كلما ادزلهم نفس الحجاية قضيتك بالتدقيق الامني واي شي جديد يصير راح نبلغك وكل مرة يدزون تجي حروف جديدة والجواب نفسة يعني مثلا مرة جاني حروف HMJ ومرة HTH ومرة ANN والجواب نفسة والمرحلة بالقضية نفسهة مع العلم اني مخلص فحص طبي ثاني ومكمل كل المقابلات قبل سنة ونص ... فما اتصور الهة علاقة بمسيرتنة بالقضية و وين وصلت واللــــــه أعلـــــــم ..
اشكركم اخوكم ملت روحي
-
اخي العزيز اليوم اجاني اميل من المنظمة واني اصلا ما مقابل لحد الآن من 11 شهر بس الايزي
ويحمل الحروف RKH وهل يعني ان موعد المقابل قريب
الناسك
ها اخوية ساحر بغداد ,,,,,, هاي شنو رايك بيها؟؟ ;D ;D
اخوية الناسك
لاتعتمد ع الحروف ,, اعتمد ع محتوى الايميل ,, شكالولك بيه؟؟ ???
-
هلا بالغالي لورنس العرب2 وحياالله اخي ملت روحي.
اخواني واحبائي انتو ماكاعد تعرفون قصدي الأساسي.
راح أتفصل شوية بالسالفة واريدكم تركزون وياي حتى تعرفون اني الى شنو اشير بالظبط.
اولآ
اذا قلنا هذي احرف اسماء موضفين فأنا استبعد هذا الشي.
لأن ماممكن تكون هذه المنظمة بكبرها وموضفيها قائمة بموضفين معدودين على الأصابع. فأذا جمعتو جميع الحروف من كل المقابلين راح تجدوها نفسها مع الجميع. وأذا اردنا ان نحسب الحروف الثلاثة جميعها سوف نجدها لاتتجاوز السبعة حروف او بالزايد عشرة حروف ثلاثية.
فهل تعتقدون ان المنظمة تعتمد هذولة الموضفين فقط...!!؟
زين ماكو احد اتمرض او عندة اجازة او انتهى عقد عمله من سنة 2008 لغاية 2010 وراح ندخل بل 2011 وهمة باقين نفسهم....!!؟
علمآ ان المنظمة قد ارسلو لها كوادر مؤلفة من 3000 عنصر لسنة 2010 لتسريع اجراءات طلبات اللجوء. وهذا حسب ماقالته وزيرة الخارجية الأمريكية. هليري كلنتون
فهل هذولة ال3000 مابيهم واحد اخذ مكان شخص ثاني من جماعة المراسلات.
لأن مثل ماذكرت سابقآ ان الحروف لم تجدد بحروف اخرى وباقيات نفسهن من سنة 2008 لحد هذي اللحظة...!!
هسة نجي تحديدآ لأخونة ملت روحي.
اخي انا كنت اقصد بهذه الحروف بأنها تتغير مع طبيعة تغيير اجراءات الكيس. على سبيل المثال.
انته ماتعرف ماهي ابواب ومراحل التجييك الأمني ولا انا اعرفها ولكن لنخمنها بهذا المثال.
مثلآ اخذو كيسك لفلان وزارة للتجييك فأذا راسلتهم راح يجيك رد وبه حروف مثلآKNR وبعدها اخذوها للحاسبات وراسلتهم راح يجيك الرد SNS وبعدها ادخلو معلومات افراد عائلتك بالتجييك وراسلتهم راح يجيك الرد MOP من ثم اعادوها الى الحاسبات راح يجيك نفس الحروف الي اجتي سابقآ وهنه SNS وهنا راح يصير عندك الألتباس وتتوقع انه الحروف لأسماء موضفين.. هسة اعتقد صارت واضحة فكرتي.
مختصر مفيد انه من المستحيل ملفك طيله هذه المدة محطوط على رف ولكن يتجول في ابواب ومداخل التجييك الأمني وانت وانا لاندرك حجم وكثرة ودقة هذا التجييك...
هسة نجي على ملاحظة اخرى وهي.
اريدك تجيبلي شخص واحد مقدم جديد او مقابل مقابلة اولى وأجته هذه الحروف. RKH
مستحيل تجد شخص في هكذا مرحله يحمل نفس هذه الحروف ولكنك سوف تجد هذه الحروف عند من هو تجاوز المقابلات والفحوصات.
وتجد ان البعض او أغلب الأشخاص تصلهم حروف SAS في متوسط مراحلهم وبعدها تأتي مراحل مابعد المقابلات والفحص الطبي ومن ثم تتغير هذه الحروف بأخرى جديدة.
وهذا بتصوري انه دليل على ان الكيس في احد مراحله يرجع لشيئ معين الى الوراء ومن ثم يتقدم وهو بكل حال يتقدم لأنهم لم يرجعو ليعيدو التجييك ولكن يرجعوه لأضافة مستجدات الى الكيس من ثم يستمرون بعدها بالتقدم الى الأجراءات الأخرى....
بالنهاية احب ان اعطي تصوري الشخصي.
اذا اذا اذا الحروف لم ترمز لمراحل الكيس فأنها لن ترمز لأسماء الموضفين ابدآ يحتمل انها ترمز لشيئ اخر.
ملاحظة
ان الحروف التي وضعتها غير واقعية فأنها للمثال فقط....
اخوية لورنس راح ابقه مقنع روحي لحد ان يعبرن الاسبوعين الي اتفقنة عليهن وبعدها اذا مابين شي من الIOM راح افش وانسحب من هذا الأستنتاج لهذي الحروف الكشرة. ههههههههههههههههه.
بس والله اذا انطوني جدول سفر بخلال الأسبوعين القادمات.. تدري شسوي.......
اضرب تحية لكل حروف اللغة الأنكليزية. هههههه
تمنياتي لك اخي لورنس بالموفقية وانشاء الله تفرج عليك خلال هذي السنة.
اني احس انته راح تتواصل ويانة سنة 2011 من امريكا. انشاء الله.
واشكر اخي ملت روحي وأتمنة ان تطمأن روحك وتسافر وتخلص بأذن الله
الله يوفق الجميع يارب.
أخوكم دائمآ وابدآ
ساحر بغداد
-
والله شگولك اخوية ساحر بغداد تحليلك بي وجهة نظر بس خلي نشوف تاليهة وياهم شون وهل راح نشوف احرف جديدة لو لا .
تحياتي الك اخوية العزيز ساحر بغداد وان شاء الله يفرجهة عليك وعلينا اجمعين
اخوك ملت روحي
-
هههههههههههههههههه
تسلم حبيبي ربي يبارك بيك
لعد احنا شنريد ,,,,,,ياريت يطلع الاستنتاج صحيح
ع الاقل الواحد يفهم راسه من رجليه بشغلة الامنية
الله كريم ,,,,,, هههههههههههههه ياله خلينا ع الاسبوعين
مع امنياتي ان تطلع انت الصح
تحياتي
-
أخواني الأعزاء ....
أتمنى للجميع الموفقيه والسفر الى أرض الأحلام , عندي سؤال مهم وملح جدا أرجو من صاحب الموضوع أجابتي عليه , أني عندي نفس الكيس نمبر مالتك بس معاملتي نايمه عليه الطابوكه صارله سنه أخر أيميل وصلني يبلغوني بأنه مازال عندي أوراق ناقصه ومداأفتهم أي نوع من الأوراق يريدون والأدريس مال أخر أيميل كالتالي :
IZ-113>>>/Missing POC/AAL
شكرا مقدما عالأجابه .
-
ساحر العزيز لاتدوخ نفسك اخوية حضر القبوط اللي اتفقنة عليه والسنارات علمود الصيد واللازيمنو. انت مسافر مسافر اني من هسة دة ادرب علصيد لان صارلي هواي تارك هههههههههههههههههههه.
ان شاء الله انكون هناك مع جميع الاخوة الاعضاء قبل الكرسمس بداعت سانتة كلوز زين؟ هههههههههههههههههههههههه
-
والله ياأخي لورنس صدك اتمنى ان يطلع تحليلي صحيح اقلها نعرف ولو بس من هذي الأحرف اتجاه ملفاتنه ومراحل تقدمهن.
انشاء الله مايخيب ضننا بهذا التحليل والله احنه كلنا نريد اي طريق حتى لو ضييق نعرف من خلاله مراحل الأجراءات مع كيساتنا.
الله ارحم الراحمين.
انشاء هذي السنة تفرج عليك وعلينا جميعآ.
اخي ملت روحي
ان الله مع الصابرين. والله احسن طريقة ان تنسى سالفة السفر وتشيلهة من بالك يعني تهملهة وتمارس حياتك الطبيعية واذا بيك تشوف الأيام ركضت وفجأتآ يجيك اتصال من المنضمة يحددولك بي موعد سفر.
الله يصبرك وفرجهة عليك.
اخي كيوت
انت قلت ان ملفك نامت عليه طابوكة وبنفس الوقت تقول ان ملفك فيه اوراق نقص حسب مابلغوك..
بس انت غير تسألهم شنو النقص...؟
وأي شي نقص ترسله لهم بالأيميل وينتهي كلشي..
انت ماذكرت هل اجريت مقابلات وبعدها نامت الطابوكه لوبعدك كلشي مامسوي..؟
اذا بعدك كلشي مامسوي فهذا يدل ان ملفك بخطر ولازم تتلاحك تستفسر عن النقص وترسله. واذا اجريت مقابلات فهذا يدل على ان النقص بسيط بس لازم تعالجة لأن اذا ماعالجت النقص راح تنام موطابوكة دبل طابوك على ملفك.
واحسن شي انصحك ان تقوم بترجمة كل مستمسكاتك ترجمة قانوني من باب المعظم وترجع ترسلهن الهم وتذكر لهم بالأيميل ان يأخذو مايحتاجونه من اوراق نقص من هذه المستمسكات.. حتى ترتاح.
طبعآ انا اتمنى ان ينجز ملفك بسرعة بس ماكو وجه مقارنة لملفي وملفات اقراني. فأنا اسرع ملف لتسلسل 113 وهذا قاله لي الأردني الذي قابلني مقابلة اولى ولم يقل لي هذا في المقابله الأولى ولكن رأيته وسلمت عليه عندما ذهبت للمقابلة الثانية. وقال لي بأنهم بعثو ايميل رسمي للمنظمة الرئيسية في عمان لتسريع اجراءات ملفي والسبب يعرفه اكثر الأعضاء القداما لأني امتلك فيديو لتعذيبي من قبل المجرمين الذين اختطفوني وقمت بوضع صور من هذا الفيديو في المنتدى لمدة اسبوع ثم حذفتهن لغرض السلامة...
لهذا قد تكون اجراءاتي سريعة ولكن لايمنع هذا من كون ملفك متأخر ويجب عليك الأستفسار عن النقوصات وسدها بأسرع وقت ولا تفوت على نفسك الأيام بدون فائدة.
الله يوفقك ويسهل امرك.
اخوية اليكس والله اليوم جنت بباب الشرجي وتذكرتك. هههههههههه جنت افتر بسوك الجمعه واشتريت مسلسل وادي الذئاب جزء الخامس وشفت ابو القبابيط وكال سلملي على اليكس وكال هذني القبابيط الكم وابد مايصيرن لغيركم...
وشفت سنارات مال سمج ردت اشتري وحدة بس كلت اخاف اعم على روحي وماتصير سفرتي واكعد اصيد بالسنار سمج زوري من دجله. هههههههههههههه
خلي تصير وتطلع طيارتنة وحدة يعني نفس ألموعد... والله اخابرك ونطلع اني وياك نروح لباب الشرجي وبورقتين نشيل نص غراض باب الشرجي من ضمنهن القبوطين اهم شي ذني القبوطين. ههههههههههه
الله يفرجهة على الجميع ونسافر جميعآ
ياااااااااااااارب.
اخوكم
ساحر بغداد
-
اخي ساحر بغداد تخمينك مو صحيح عن نفسي انا على جدول السفر ومن شفت موضوعك جيكت اميلي ولكيت الاحرف تختلف ولا حرف يشبه الاحرف الي انت ذكرته
تحياتي للجميع
-
اخي ساحر بغداد تخمينك مو صحيح عن نفسي انا على جدول السفر ومن شفت موضوعك جيكت اميلي ولكيت الاحرف تختلف ولا حرف يشبه الاحرف الي انت ذكرته
تحياتي للجميع
ههههههههههههههههههههههههههههههههههه
صدك تحجي اخوية مامعقولة ولاحرف موجود.. لا لا لا لا ماأصدك ههههههههههههههههه
ياأخي الطيب والغالي
يبدو انك لم تقرء كل كلامي في الموضوع.
اني كتبت ملاحظة ان الحروف التي كتبتها ليست صحيحة ولكنها للمثااااااااال فففففففقط
انا اتفق معك.. ولاحرف صحيح وكلهن ماموجودات وهن من اختراعي لضرب المثل لااكثر ولاأقل
اما الحروف الأصلية فأنا الأن اقوم بتسجيلها لأقوم بمقارنتها وتخمينها بالشكل الصحيح او القريب.
وحاليآ انا اتظر شيئ معيين اذا صار فراح يتم التأكد من علاقة هذه الحروف بأجراءات الكيس. وحينها انزل موضوع يفسر كل حرف والمرحلة التي ينتسب لها هذا الحرف.
ياريت تكتبلنا حروف اخر ايميل وصلك او الحروف على ايميل جدول السفر لنستفاد من هذه الحروف ونضع تخمينات اكثر دقة....
ارجو ان تتقبل مزاحي وان لاتتعجل بالرد قبل القراءة بتمعن.
تقبل فائق تحياتي وتقديري ياغالي
اخوك
ساحر بغداد
-
هههههههههههههههه حبيبي ساحر ليش لا . انروح ونكف نص الغراض . وبالمناسبة يرادلنة جزم ايضا لان الثلج راح ايكون للركب هههههههههههه.
-
والله ياأخي هو ضروري ناخذلنة فد جزمتين ساخت ايران. لون برتقالي وفوكاهن قبوطين اصيلات من باب الشرجي.. نصير نشبه المفتش كرمبو... هههههههههههههههه
بس خلي يجينه السفر ونطلع لأن راح يصير بيه زهايمر من ورة الأنتضار.
الله كريم الله مع الصابرين.
تحياتي
ساحر بغداد
-
اخي العزيز ساحر بغداد انت كتبت الرموز RKH واكو كثير من المجاوبين على موضوعك اماكدين هذه الاحرف
وهذا المقصود عندما جيكت املي وخاصتا رسالة جدولة السفر كانت الاحرف مختلفة
واعتقد هذه الاحرف تعني اسم الموظف
-
حبيت اضيف معلومة عن عدد الموضفين مال IOM انه اني كنت موظف وياهم بس على غير مشاريع واللي اكتشفته من خلال خبرتي وياهم انه يخلولك 5 او 6 موظفين يقومون بمهام مال 30 موظف يعني هذوله ال5 مايلحكون يحكون شعر راسهم
-
اخويه العزيز يكلولك استلمنا مستمسكاتك الي دزيتلناياها وانتم راح تستوطنون بمدينه نوكسفيل ولايه تينيسي الففففففففففففففف مبروكككككككككككككككككك