ankawa
منتدى الهجرة واللجوء => الهجرة و واللاجئين => الموضوع حرر بواسطة: اريد اطلع في 18:30 19/10/2010
-
السلام عليكم اخواني واخواتي
عندي صديق في وزارة النفط وراتبه شهريا مليونين وخمسمائة الف دينار وهومقدم على اي او ام بغداد علما انه مقابل محلفين واجرى الفحص الطبي مع عائلته _السؤال هو انه محتار بين البقاء في الوظيفه اوالسفر مع عائلته في حال حصول السفر ارجو بيان رائيكم مع جزيل الشكر
-
أخي الكريم هذا القرار بيد صديقك فقط ولكن اللي اعرفه انه اللي أريد يطلع من العراق اما يكون مهدد او خايف على حياته فأتصور الشخص اللي عنده هاي الظروف من خوف على حياته و أطفاله ما أفكر براتب حتى لو كان مليون دولار أفكر شلون يخلص و يبدا حياة جديده أرجو ان تكون وصلت الفكرة
-
اخى اذا صاحبك مكمل كل شى وضامن السفر يكدر يمشى اجازة سنه بدون راتب ويسافر ومن ياخذ الكرين كارد يكدر يدبر اموره يسافر ويرجع كل فترة .............. لان السفر قد يكون فرصه ماتتعوض ابد .................. تقبل مرورى وتمنياتى لك ولصاحبك بالتوفيق..
-
شوفلنه فكره شلونه؟؟ اذا مرتاح
ويا ال21 ورقة مالته تسوى يبقى
لا والله اذا فكره ما مرتاح يسافر احسنله
-
خوش راتب اني لو منة ما اطلع
-
و الله لو راتبي ضعف الي ياخذه صاحبك مرتين ماابقه دقيقه وحده بل عراق اذا عندي فرصه
عمي شنو فايده الفلوس اذا انته من تحط راسك على المخده ما تنام نومه مال اوادم
شنو فايده السياره الي راكبه و هو كل مايكعد الصبح يباوع جواها خاف حاطيله لاصقه
اهم شي راحه البال فلوس الدنيا كلها ماتسوه راحه البال
-
والله لو مال العالم كلة ما يساوي اظفر مني او من عائلتي عمي هو وين الامان الي تكدر تتمتع بالفلوس بالعراق
وثاني شي ترة الهجرة مو لعبة يعني اذا كلبة يلعب من البداية خلي لا يطلع ترة يسويهة سم على عائلته
كلساع يكللهم لو باقي وراتبي كذا وكذا
تقبلوا مروري
الناسك
-
2100 دولار تسوى حياة انسان ؟
اذا فعلا مهدد فلا كل فلوس العالم تكدر ان ترجع الحياة اذا فقدت؟فالافضل انه يبدي حياة جديدة وأمنة.
اما اذا حشاه غير مهدد تهديد حقيقي؟ فيمكن القول انه اخذ فرصة غيره والمهدد بصورة حقيقة.
وما اعتقد اكو انسان يرضى على نفسه ان يكون سببا في جريمة بحق انسان اخر حياة في خطر
والاحسن ان يبلغ المنظمة بزوال التهديد او سبب التهديد لكي يفسح الفرصة للمهددين الحقيقين باخذ فرصتهم بحياة أمنة مع عوائلهم او من يرجون
القرار قراره وراجع له شخصيا وليس لاحد
بانتظار ان نسمع قراره
ومن الله التوفيق
-
اخي العزيز
اذا كان صاحبك حاير ومتردد لعد ليش قدم وقابل وخلص كلشي؟؟؟ معناها نيته من الاساس هي السفر لو هيه صارت موده؟؟ ايقدمون ويقابلون ويخلصون تالي ايصيحون محتارين الحكولنه وشنو رايكم ... وبعدين صاحبك شنو عنده الاهم الفلوس لو حياته ومستقبله ومستقبل عائلته؟؟؟؟؟؟
اخي هوا صاحب الفرار النهائي وحسب ظروفه
شمعة
-
استاذ اول شي انت رئيس مهندسين يعني راتبك نعمة من الله وخدمتك طويلة يعني ممكن تصبر وتقاعد مو 80 بالمية وهذا التقاعد ايفيد عيالك وهسة راح تجي هواي شركات اجنبية اذا اتقاعدت ارح تلقى شغل بهاي الشركات وتكون ايضا مرتاح وراتبك زين على خبرتك اما ان كنت ما مرتاح او مهدد او ظروفك بالدائرة مزعجة فبكيفك لكن اعتقد امريكا مو بالسهولة الي تتوقعها ونسال الله ان يهديك الله للقرار السليه الي ينفعك وينفع اهلك وعائلتك بحق محمد وال محمد صلوات الله عليهم
ملاحظة اكو تعينن هسة لو ماكو بالنفط اني عندي واسطة قوية هي الدعاء وان شاء الله ما ايخيب ضنا
شكرا
-
زين هو عندة كفيل ؟
اخي الكريم
ناس بالحكومة ورواتبهم فوك النخل وديفكرون ينهزمون من العراق .... وصديقك رئيس مهندسين وخايف ؟؟؟؟
خل يقدم على اجازة بدون راتب مثل مكال اخونا مشلوع كلبي وبلكت الله يسهلة ويسافر ويشوف رزقه وحياته الجديدة
-
انى اختكم مشلوع كلبى .................بس للتصحيح... بس الاخ وينه كتب الموضوع ومارد بعد ابد
-
ياأخي اني كدامك مستشار فني في وزارة مشتقات الالبان وراتبي مليونين واربعمية وخمسة وسبعين الف فقط (خل اكتبها) 2475000 هسه لو راتبي مليونين وخمسمية صدقني مااسافر واتبهدل واغسل مواعين يم الامريكان .
عمي دعوفنا هو ليش عندك بلد مثل الخلك والناس لاتطلع حسنا بهالليل >:(
-
السلام عليكم ورحمة الله وبركاته اخي العزيز مثل ماكالوا الاخوة والاخوات خل ياخذ اجازة سنة مثلا سنة من دون راتب مادامة مكمل كل شي والكمال لله سبحانه وتعالى والله كريم والقرار يرجع له تقبل مروري اخوك حسين السالم.
-
ماعرفنا اشسوا صاحبك ابو النفط ؟ راح يسافر لو يبقى
-
ماعرفنا اشسوا صاحبك ابو النفط ؟ راح يسافر لو يبقى
هههههههه و الله ياكوندا اني اعرف شنو بالك ;D ;D تخاف لا يطلع مثل صاحبنا مو ;D ;D ;D ;D
-
اى والله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-
بس اكولة الرئيس المهندسين ترة هناكة ماكو شي اسمة ميز وكرسي .. شيلهة من بالك . اكو ناس كومة محتاجة هاي الفرصة اتهجرت وانقتلت اولادهم واخوانهم وعوائلهم واتبهذلوا وسكنوا الخيم واكو ناس الله متفضل عليها و اتفكر تطلع سفرة لأمريكا على حساب هاي الناس .
اخي اذا انت الله موفقك, شوفلك نفس الشغلة بلأمارات بُعمان بقطر, هذولة دول بيها سوالف النفط مو بأمريكا .
لتزعل وتحياتي
-
اخي العزيز هي ببساطة معادلة
ماذا في العراق طبعا اني دا احجي على حالة صديقك
1- العراق بلد مع الاسف متخلف قياسا بالدول الاخرى بالاضافة انه بلد يعاني من حمى الارهاب و سوء الخدمات
2- راتب صديقك بالنسبة للمعيشة بالعراق فهو راتب توب بالاضافة الى المركز اللذي يشغله
ماذا في امريكا
1- بلد متقدم متطور يحترم الانسان واذا ما اصبحت امريكيا فانت محترم ومهاب من قبل العالم
2- مافي شي بامريكا مستحيل يعني ممكن صديقك يعادل الشهادة ويصير بمنصب احسن من اللي جان بيه كبل، بس هاي الشغلة ينرادلها صبر وتحمل
يعني اني كلتها باكثر من مكان خلي يتوقع صديقك حتى لو جان عنده شهادات من اوربا انه يشتغل عامل او منظف (الشغل مو عيب) بس اكيد ماراح يبقى عامل طول عمره لان هيه فترة مؤقتة
الشغلة اللي اريد اؤكد عليها حاليا امريكا بلد عظيم لكن بيه بعض الامور التعبانة كالنظام الصحي فهو نظام فاشل هذا الحجي مو من عندي هذا الحجي من الامريكان نفسهم
يعني عملية زائدة دودية لاحد اقاربي في ناشفل كلفته 30 الف دولار التأمين غطى 15 الف دولار فقط، و لاتكول الاطباء الامريكان عباقرة ترى اكو كثير بيهم اغبياء و صدكني العراقيين يسوون راسهم، هذا رأيي لحد يزعل
وهذا لنك اتمنى تتفرج عليه http://www.youtube.com/watch?v=FOCpOZ4txvs&feature=related
مع هذه المعادلة اخوية اكلك امريكا بالنسبة لي قطعا افضل من العراق وانا فخور جدا باني قد وصلت لهذا البلد على الرغم من بعض المساوئ التي تحدثت بها
اخوك
كوسوفي - ناشفل
-
السلام عليكم اخوان موضوعكم استهواني جدا وفتح قريحتي للكلام لان كنت متكأب والله , عندي سؤال وارجو الرد من حضراتكم لطفا. انا حاليا في العراق بغداد وموظف في الدوله وامنيتي السفر مثل الاخ رئيس المهندسين المحترم ولم يسبق لي العمل مع الامريكان سوالي هل من الممكن التقديم على (اي او ام )من العراق؟؟؟ وأين موقع المنظمة هذه ؟ او عن طريق السفاره الاميكيه في بغداد؟؟ ولكم جزيل الشكر والامتنان اخوكم المتعوب
-
السلام عليكم اخوان موضوعكم استهواني جدا وفتح قريحتي للكلام لان كنت متكأب والله , عندي سؤال وارجو الرد من حضراتكم لطفا. انا حاليا في العراق بغداد وموظف في الدوله وامنيتي السفر مثل الاخ رئيس المهندسين المحترم ولم يسبق لي العمل مع الامريكان سوالي هل من الممكن التقديم على (اي او ام )من العراق؟؟؟ وأين موقع المنظمة هذه ؟ او عن طريق السفاره الاميكيه في بغداد؟؟ ولكم جزيل الشكر والامتنان اخوكم المتعوب
أخوية المتعوب اولا انصحك تراجع وريقات المنتدى القديمة
ثانيا بحسب قصتك لايحق لك التقديم على الاي او ام .. ممكن ان تقدم على لجوء وهذا التقديم يكوم من دول الجوار
-
السلام عليكم اخوان ................. شو صار كم يوم من دخل هذا الموضوع المنتدى واحنا نجاوب ونسال ونجاوب ونسال وصاحب الموضوع ضرب له طرقه بالمنتدى وفلت ولا مر حتى يرد على اى واحد
-
اخاف اجاه ايفاد لتركيا ;D ;D ;D
اختنا مشلوع كلبي .. اسف لم انتبه بانك عضوة ولست عضو ::)
-
بعد اذن الاخوان صاحب الموضوع واللي شاركو ب الردود احب اوجه كلامي مباشرة الى الاخ رئيس المهندسين
اخي الغالي
كونك رئيس مهندسين وبراتب زين يعني انه حضرتك متمكن من عملك والك خبرة لا يستهان بيه بمجال الهندسة ايا كان اختصاصك اضافة الى كونك على المام جيد بمجال الادارة وحسن التصرف وهذي المجالين اله دور كبير بالحصول على وظيفة محترمة بامريكا حتى بدون معادلة شهادتك ممكن تحصل على شغل محترم ضمن اختصاصك خلال فترة قصيرة باذن الله لان الشركات الهندسية كومة ويفضلون اللي يقدم على طلب وظيفة بشكل منفصل عن المنظمات واهم شي تسويلك سيرة ذاتية مضبوطة واني متاكدة سيرتك الذاتية تعادل وزنه ذهب نظرا لخبرتك ومجال اختصاصك لان الاميركان يردون خبرة عشر مهندسين بمهندس واحد واعتقد حضرتك يتوفر هذا الشي بيك وانشالله تشوف شون تهل عليك الطلبات من الشركات الهندسية وانت تكوم تتدلل عليهم واقل راتب اتوقعه الك بلبدايه اكثر من راتبك اللي تاخذه من بغداد وية التامين الصحي واحيانا امتيازات اخرى حسب الشركة الي ح تشتغل بيه ويبقى التوفيق اولا واخيرا من رب العالمين ويبقى القرار النهائي اولا واخيرا الك ولظروفك دعواتي الصادقة بالموفقية امين ربي
-
صحيح اخى مهاجرين بلا حدود يمكن اجاه ايفاد ..................كل شى ممكن ولما لا
ماكو اشكال كلنا اخوه
-
السلام عليكم
اكيد اجاه ايفاد لو الله وفقه وراح لامريكا وهسة مو بحال ان يفتح المنتدى او يرد على النقاش.
اخواني, ولاكثر من مرة تحصل حالات مماثلة والغرض منها معروف, والجهات اللي وراه ايضا معروفة والهدف منها ايضا واضح
على سبيل المثال(علما انه قد نبهت الادراة وخاصة الاخت الفاضلة انجي !!) قبل مدة قصيرة كان موضوع لاحد الاعضاء واللي اسمه بالتحديد (عاشق آل محمد) وكيف انه طرح موضوعه وتفاعلوا معه تقريبا كل الاعضاء لكون المنتدى يزخر بالطيبين وكيف في لحظة قرر انه يترك عائلته ويرجع الوطن ويكمل دراسته وكانه ليس ذاك الشخص الذي اصيبت امه برصاصة واخوه خطف وعائلة اخوه قتلت؟ واذا به يقرر العودة واكمال الدراسة والوضع الامني المستقر وما الى ذلك.
اخواني الاعزاء صاحب الطلب او الموضوع كما في حالة اخونا رئيس المهندسين ينتظر الردود باسرع وقت(لو كان حقيقية !!!) ويناقش ويسال لو كان موجودا ؟ لذلك علينا ان ننتبه للردود والمشاركات لمثل هولاء الطارئين والذين يستغلون طيبة وكرم جنابكم بالردود والنصح ويجب ان لاتطول هكذا نقاشات لارجاء فيها والسبب واضح انه هذا الموضوع ليس حقيقيا او ان صاحبه له غرض ثاني غير معلن ! وما اكثرهم وخاصة بعد ان عرف جميع الناس ما هو المنتدى وماذا يقدم للعراقيين من نصائح وخدمات وبكل الميادين التي تخص اللجوء والاجئين.
اسف على الاطالة
رجائي عدم الرد على موضوع يتركه صاحبه مستقبلا؟
ولكم مني الشكر الجزيل
تقبلوا مروري
اخوكم
-
اي ذبها و فلت >:( >:( >:( >:( >:( >:(
-
يعني من 408 زائر للموضوع ... التفاعل وياه فقط 28 عضو
يعني 5% ... مو فد مشكلة ولا ذاك الاهتمام اخ UASF
المهم النية الصافية ومنقصر مع احد بالاجابة بغض النظر عن مصداقية الموضوع والغرض الظاهر او المبطن للموضوع
شكر لك وتحياتي
اخوك ابو محمد
عمانــــــــــــــ-ـ-ــ--ـــ
-
السلام عليكم اخي اريد اطلع
اني هم مثلك بس راتبي اكثر شوية الي سويتة اتفقت وية المدير مالتي ياخذ الراتب
ويسجلي على اجازة مرضية عملية فدشي يطول اشهر ومن تروح اهناك تكدر تقيم
وضعك لان محد يعرفة غيرك وتشوف ياه الاحسن اذابرة تبقى برى واذا موزين ترجع
ويادار مادخلك شر واحتمال اهناك تكدر تشوف شركة بترول تشرحلهم وضعك احتمال
يرتبولكة رجعة حتى يستفادون من منصبك والله اعلم مع الشكر
اخوك
البلدوزر
-
اخواني الاعزاء على كيفكم وية صاحب الموضوع هو سأل سؤال توكلوا على الله احنا العراقيين بطبيعتنا اعصاب بس لاتنسون المساعدة للناس شكد تحجب البلاء عنكم واخونا منزل موضوع اخر يمكن ما يعرف يستخدم ادوات المنتدى فاستهدوا بالرحمن اخوتي واخواتي وخلونا متصافية قلوبنا وتقبلوا تحياتي جميعا.