ankawa
منتدى الهجرة واللجوء => الهجرة و واللاجئين => الموضوع حرر بواسطة: ryan dani في 21:19 22/10/2010
-
أخوان صار ويا صديقي شي غريب وردت انقله الكم \
أكو النه صديق امريكي كام يسوي سيرة ذاتيه بمبلغ 600$ ويكلك على هذا خلال 60 يوم ممكن تحصل شغل والله خابرني وكلي حولي وكتله كلاوات واني ممكن راح اقابل بعد مدة كالي حولي والله كريم
حولتله وسواله السيرة الذاتيه وبالفعل لكاله شغل 110000$ الف دولار بالسنه وهسه ديشتغل
اني ممصدك ورجعلي صديقي 1000 دولار بدل 600 كتله هذا صدك كذب كالي من ضمن الشروط مالته شهاده خبرة.خبرة عمل .اعمال مشابهه للشهاده او اعمال اخرى سواه اله ويا كفر لتر بس رهيبه دز نسخه الي ..
على كل حال الي يريد ان يتكلم ويا هذا الامريكي ويشوفه ويسويلياه اني بالخدمة
اخوكم رايان داني
-
قرفصةةةةةةةةةةةةةةةةةةةةةةةةةةةةةةةةة
كلة سولي ومن احصل شغل انطية 2000 دولار
-
اوكي داني دزلي رقم تلفونة
اني بتكساس
وخلي احجي وياة واشوف
واشكرك مقدما
-
اخي احمد هذا ايميله
<mrdrevill@yahoo.com>
خابرة وشوف والله يسهل عليك مثل ماسهل على صديقي والله فتحهه بوجهه .....يارب امين
-
السلام عليكم
اخي والله صحيح اذا هذا هيج موجود خويه الله وايدك دلينه بيه ونشوف على العموم شكرا للنقل
وديـــــ حبيبي عراق
-
أخوان اني كل الي عندي كلته ....
اني مثل كل واحد باهذا المنتدى الموضوع غريب جدا" واني كلت قبلكم الى صديقي هذا الموضوع ممكن كلاوات وتقفيص بس من رجعلي الفلوس وفوكاها 400$ هذ الي عجبني وخلاني الى الان متعجب ؟
فيا اخوان الي يحب يراسله ويتاكد والي يحب يمر مرور الكرام كلهه اهلا" وسهلا" ...كثرة قرائتي للرسائل والموضع مال امريكا كلت ممكن هذا الموضوع يخدم الناس وممكن لاء اني الي صار ويايه من هذا الموضوع ذكرته وانتوا عليكم تبحثون والله يسهل على الكل
اخوكم رايان داني
-
مرحبه بالله هذا الي يوضف هووو قريب الرئيس اوباما ولا يصير الى نوري المالكي
يابه مو قلنه ننطي 10000 دولار بس خل يشغلني
-
راتب 110000 بالسنة.....يعني راتب شهري فوك ال 9000 دولار ؟؟؟؟؟؟؟؟؟؟؟؟ شنو وين عينه بالبيت الابيض؟ ;D
وهذا ال 400 دولار الزيادة الي رجعه الك فوك فلوسك المنطي. شنو هذا مبلغ مال شنو؟ زكاة لو ديعاقب نفسه؟
والله اخويه اذا صدك اكو هيجي شي ولو استبعد انو هو شي حقيقي فهو نصب...وهذا ال 400 هو طعم وجر رجل للبقيه.
نصيحة لاخواني: الي يريد خلي يسويله ال CV و من يتعين بدل ال 600 خلي يتكاتبون و يتفقون انو اذا اتعين من خلاله فاول راتب كله اله. يعني اذا اتعين مثلا اب 9000 دولار مثل صاحبه للاخ صاحب الموضوع فخلي ياخذهن كله هني و مري على كلبه بدل ال 600 ياخذ 9000.
تحياتي
-
اخي واذا ملكة شغل الشخص الاخذ السيفي ...راح يرجع هذا الامريكي ال600 دولار لو بــــــــــــــــــح
نصيحة اخوية لاتتورط مع هذا الشخص ولاتدفع على شي وهمي والارزاق بيد الله
ممكن الواحد ان يبحث عن شخص صديق او اقارب لكتابة سي في محترم ومجاني ... ومن الله التوفيق
تحياتي
-
ـخي willpower
بعد التحيه والراي مالتك . اني مثلك شفت الموضوع و لو تقرة الموضوع من البدايه اني كلت الى صديقي بس هوه جان يريد .
ولانه بيناتنا علاقه عمل بغداد وعلاقه عائليه نصحته وكتله مثل ماتفضلت .بس هوه مشه بهذا الموضوع .وثاني شي هوه مو قليل خبرة 20 سنه هندسه ومشتغل من قديم وامكانيته عاليه علميه وماديه واذا ردت تشوف السيفي مالته مو قليل ممكن كم صفحه ومدرس بجامعه التكنولوجيا ومدير مشروع بشركة عراقيه امريكيه من 2004 مدير موقع امكانيه عاليه لا تتصل بيه ولا تفكر بيه أبحث ودور وانشاء الله تكون بمكان مرموق ويفتحه الله بوجهك واحسن من هذا
ملاحظة نسيت اكلك انه جان مدير مصنع تمور الامارات بعجمان مدة 18 شهر وتخيل شكد راتبه بذلك الوقت
مع تحياتي للجميع
-
أخي مهاجرين
مو اني صاحب الفكرة .مثل ماكلت قبل صديقي أهناك .وعلى كل حال هوه سواها وكمل واشتغل والله يساعد الجميع
ويارب الكل يشتغل ويحصل احسن مكان وكل العراقيين يستاهلون احسن مكان من الضيم الي شافوه
تحياتي للجميع
-
اخويه Ryan. ادري قريت الي كاتبه حضرتك زين. وادري انت نيتك خير . بس قصدي تدري كتابة ال CV مو فد معضلة بحيث ياخذ 600 دولار. الي يريد يكتب CV مضبوط اني انصحه يفتح ال P11 الي هي استمارة الرسميه المعتمدة للتقديم لكل الموظفين مال ال UN والى طالبين التعيين. ويستفاد من فقراته و ترتيب المعلومات و على استناده يسوي احسن CV وفد شي بروفيشنال. لان كل المعلومات المهمه الخاصه بالتقديم الي اي شغل راح يلكاه مدون.وترتيب الحقول همينه يستفاد منه و هوايه امور...والي ما عنده اني مستعد ادزلباه.
بس اذا التعيين يصير من خلاله هو و بواسطة معارفه يكدر يشغل ناس محتاجين شغل هذا بحث اخر. يعني مو يسوي ال CV وينطيه بيدك و يكلك روح قدم و الهوء بضهرك.
المهم تحياتي الك و للكل.
-
نقاط الضعف في القضية
لا يعتمد الراتب الوظيفي على قوة الcv بل على كفاءة الموظف وشهادته
لايمكن ضمان راتب محدود ( مثلا 9000)بمبلغ معين على اثر تقديم على وظيفة (الا ان يكون من يكتب السي في هو صاحب العمل ,ليضمن النتيجة!)
ولنا عودة اخرى
-
سلام الي جميع اخوه محترمين
ارجو من اخوه عدم ذخول امور غير قانونية في امريكا مثل هذا امر مطروح الان او غيره خلي اموركم في امريكا صح وانا لااقصد ان صاحب موضوع يريد شر لكم او نصب واحتيال كل مافي امر هو يريد يخدمكم ولكن انا لااتقرب علي اي شي مثل هذه امور لو حتي كان صحيح وامر اول واخر لكم وشكر لجميع والي صاحب موضوع وشكرا ==النور==
-
اذا تذكرون سامكو بالعراق بالبدايه نطه خوش فوائد وبعدين كام بيهم خوش كومه للناس المشو وراه وتعرفون كلش زين هو منين جان مسنود فيرجع المبلغ وفوكا 400$ مو فد مشكله
-
???????? اممممممممم
-
عمي الله يساعدهم
السي في المرتب اذا مو صاحب السي في مرتب ماترهم
يعني مثل البولش
اذا سيارة مظبوطة بولش بسيط يطلعها تبرج وتلمع
بس السيارة العاوية
الف بولش ما يرهم وياها
والله كريم
ابو الحسن
-
اخي الكرجولي
مع احترامي لك اني مو ماخذ زكاة لو اي شي بس اكو شي بيناتنا اني وصديقي من قبل واعتقد هذا شي خاص بس اكلك الك هوه انه من واحد يريد شي والثاني ميقبل من يسويه وينجح بيه ويكون واحد بينا الي يدفع اول شي اذا خسر يرجعله اياه بس اذا نجح يدز فوكاه هاي كل القصه ....
فيا اخوان هيه مو مسأله 400$ او 600$
هوه كل مافي الموضوع انه صار هيجي حادث وكلت اكوله الكم ...ف الي عنده نصيحه يكولهه واذا عنده تعليق بناء يطرحهه بس خلي شويه نبطل العراقية المتزمته الي دترجعنه يوم ورى يوم ليوره .
مع جزيل الشكر لكل الذين علقوا على الموضوع بشكل بناء
مع تحياتي
واتمنه من الاخت انجي او المسؤلين على الموقع اذا شافوا بيه اي شيء خلط خلي يغلقوه
-
صدق جذب هاي شنووو طلع هاي كل العراقيين الي في امريكا مولاقين شغل ويقولون بمريكا فيها شغل وبيها فلوس اشوف اخونه بس حط موضوع الشغل ودفع فلوس الكل حب الموضوع وصار يريد يشتغل
والله شغلاا صعبه هاي يعني ماكوو شغل بمريكا الوضع مايشجع
بس انه اعتقد الي يدور يلاقي شغل بس انك تدفع فلوس الواحد لا عنده مكتب ولاا اهووااا مخول من جه فاعتقد وبدون زعل هاب بيهاااا بطناششششششش شفط
والله اني الموضوع اشك بي لانه شنووو هذا الاهتمام يريد يشغل كل هل عالم وبلاش لعد هذا ماعنده شغل ويعني لله بالله يشغل العالم ومايستفاد
يا انه يقول اني مستعد الاقيلك شغل واذا شتغلت تنطيني الف دولار هاي مابيها شي بس تنطي 600 وهوا يدورلك يعني لوووووو يدزونه 50 واحد طلبات توضيف راح يطلعلا تقريبا فوق ال 100 اف دولار وهاي ضربه قويه وبعدين ايصير البطناشششششششششششش
-
ارجوا اغلاق هذا الموضوع اخت انجي او حذفه ان امكن لان هناك شبهه ولايجب ان يكون هذا المنتدى الراقي مروج لها.
-
اني ما قصدتك انته بس اقصد اني اذكر العالم بشي صار بالعراق
واسف اذا جرحت مشاعرك جدا اسف
-
ارجوا اغلاق هذا الموضوع اخت انجي او حذفه ان امكن لان هناك شبهه ولايجب ان يكون هذا المنتدى الراقي مروج لها.
خويتي الغاليه
تره مرات اكو اشياء بالصدفه تصير حقيقيه
ومرات الواحد يشك بيهه بس ترهم
خويتي خليت بو دواس يتصل بالولد والله كريم
-
ان صاحب موضوع عندما كتب موضوع يريد = يخدمكم +يفتهم منكم اكثر + يتناقش هل صح او غلط +هل يوجد مثل هذا امر + قانوني او غير قانوني + يحب مشاركة في منتدي اكثر معكم +وهو لم يجبر احد علي قبول او رفض = كل مافي امر استشاره واقتراح وتعاون وتفاهم ونتيجة مرضيه للجميع وشكرا وانشاء الله توفيق ونجاح كل طيبين اخوكم النور --- ملاحظة اما من ناحيتي لااعمل مثل هذا عمل هذا رأي في موضوع وانتم لكم رأئيكم وكل واحد يحترم اخر في جواب وانتم خير وبركة
-
اعتقد هذا الموضوع مايخص الهجره واللاجئين