ankawa
منتدى الهجرة واللجوء => الهجرة و واللاجئين => الموضوع حرر بواسطة: asood canada2000 في 22:35 23/10/2010
-
بسم الله الرحمن الرحيم
ومع استكان الجاي وتلبيه لرغبه العم ابو علي هذه نبذه من رحلتنا ......احنا كنا بمصر وتحولنا من اليو ان بعد ما رفضتنا امريكا تحولنا الى السفاره الكنديه وهذا كان في سنه 2008 وراجعنا السفاره بعد معاناه سنه من المحاوله مع امريكا لكن الله ما اراد لنا غير الافضل الحمد لله فعلا كندا افضل حسب ما راينا. وباشرنا بالمراجعات ويا سفاره الصبر الي هيا كندا لانها فعلا بطيئه جدا بالحركه والحمد لله كان مقابلتنا برمضان 2008 وتمت المقابله وكانت جدا سهله ومتيسره وبنفس اليوم اخذنا اوراق الفحص الطبي ولله الحمد اجرينا الفحص وما ادراك ما الفحص 3 مرات اعاده اني بس المهم كل فتره ما بين الاعاده والثانيه تقريبا شهر او اقل بشويه وبشهر الواحد من 2009 على ما اذكر نهايته او نصفه خابرونه على الدوره التثقيفيه ورحنا بالفندق وكانت اكثر من ممتعه بس طبعا احنا نجهل موعد السفر وبشهر الثالث نصفه خابرونه السفاره لموعد السفر والحمد لله سافرنه فعلا والله العظيم عشنا ايام سنه كامله على امريكا وانشلعت قلوبنا وتالي رفض وبلا سبب هذا اليقتل واقل من سنه مراجعات لكندا وحرب اعصاب ووجع قلب وفكر والله كنا مناكل ونشرب من القلق يا اخواني وحبايبي اصبروا والله كلها تنجلي وتصير سوالف وتره لا تتخيلون بعد السفر راح تعيشون براحه بال وملوك لالالالالالالالالالالا تره بعد السفر يجيكم تعب البحث عن الاستقرار والامان والتكيف مع البلد الغريب المهم وصلنا تورونتو وكنا ترانزيت بالمانيا وطبعا قضينا ليله بتورونتو من التعب وثاني يوم طرنا على مقاطعه البرتا الي استقرينا بيها وتحديدا بولايه ادمنتون حقيقه جدا حلوه ادمنتون وهادئه والاهتمام رائع بيها وفرص العمل لا باس بيها ودخلنا مدارس اللغه وطبعا كلما قضيت فتره اطول باللنك كلما زادت قوه اللغه معك وطبعا راح اتواصل وياكم بموضوع اللنك والدخول لبرنامج بالجامعه بس شويه شويه لان والله الوقت هنا اكثر من صعب بس استحاله انساكم يا عنكاوا وانتو ياريت تسالوني واني اجاوبكم لان ما اعرف شنو يدور بقلوبكم من حيره الله لا يحيركم يا قلبي اوك؟ يلا باي الان ...
-
حياج الله خيتي عالموضوع ياريت تفهمونة مسالة تعلم لغة والدراسة بالجامعة شلون وعلة حساب منو لان احنة جدد بكندا
-
اوك عراقي نورتو كندا
تعلم اللغه اولا بمدارس اللنك الخاصه بالمهاجرين اول الوصول لكندا تدخلوها وكلما تعيدون اللنك يكون مفيد اكثر وطبعا قبل ما تدخلوها يجرولكم اختبار للانجلش بالكاثوليك سوشيل سيرفس ويتحدد مستواكم اما لنك 1 او2 او3 او4 وبعد ما تكملون 4 تحب تقدم على الاي اس ال يكون بالجامعه وطبعا هذا ايضا خاص باللغه بس درجه اهم وافيد وتقدر تاخد فند من الحكومه يعني تدرس على حساب الحكومه وتدفعلك المصاريف هيا تقدر تطلع ايجارك منه وتشتغل بارت تايم حتى تقوي دخلك الشهري وبنفس الوقت تقوي لغتك وبعد ما تكمله تقدر تقدم على اي بروجرام يخص شهادتك وتاخذ سيرتفكيت يكون اجرك بالساعه بهذا المجال جيد واي سؤال اخر اني اوك اجاوب بكل سرور ...
ريم
-
نوٌرتي المنتدى اختي ريم يا ربي كل الخير و الموفقية و ان شا الله كل الصحة و العافية
اسيل-سوريا
-
مشكورة حبي اسود على المعلومات وربي يوفقج ونسمع دائما اخبارك الحلوة.
-
اختي اسود شلونج ان شاء الله بالف خير شلون صحتج اذكر جانت صحتج شويه تعبانه حسب ماذكر قبل سفري
اختي اني صارلي في تورنتو مسساكا واصل تقريبا سبعه اشهر اختي كلامج كله صح مو يعني الوصول يعني الراحه اكيد بعدها اكو تعب وتفكير بالمستقبل
اختي اني حاليا ادرس بالنك اللغه وبنفس الوقت مساء وعلى حسابي الخاص ادرس بال اي اس ال لتقويه اللغه بشكل اضافي اختي اريد نصيحتج مثل مسائلج اخونا الفريدو شلون وضع الوليفير بصراحه هنا عدنا صعوبه بالتحويل خاصه اذا العمر اقل من اربعين سنه ولغتك فوق الصف الخامس زين الواحد اذا محولو شيسوي والشغل وينه يعني كاعد اسائل اذا تريد شغل مصانع وشغل يهد الحيل تحميل وتنزيل ومتعب زين الواحد شلون يكدر بعد يدرس ويكمل انا محتار جدا وبحالت كئابه لاتوصف من الخوف من الايام القادمه باقيلي 4-5 اشهر وبعدها شلون يعني اذا الوليفير مقبلنا مين ادفع الاجار والواحد ماعنده فلوس تكول يصرف منها
اختي سؤالي في ادمنتون يحولون بسهوله الى الولفير يعني اذا هنا محولوني الواحد ممكن يجي يمكم وشنو مجال العمل اليمكم
وعندج خبره شلون المعادله اني شهاتي مختبرات طبيه من عمان متخرج شنو التكدرين تنصحيني بيه اسويه
اعرف كاعد اضايقج بسئلتي بس تحمليني ماكو احد هنا يمي يشاركني بهذا الهم اخ ياعراق سويبت بينى والله ذليتنلى ياعراق واليكلي العراق معلي خلي يحتفض برائيه لنفسه افضل
اريد وطن
-
اريد وطن اول شي الحمد الله على سلامتكم على ارض كندا واعتقد هذا كرم من الله الوصول لكندا بالذات وانت اكيد عندك المام انه مميزات كندا افضل نوعا ما من غير بلد ثانيا لا تكول العراقي انذل بالعكس العراقي راقي صدكني ولولا هذا ما توطننا هذي البلاد وبالعكس انت مهما سالتني ما اتضايق وافرح لما افيد اخويا او اختي العراقيين
نجي على حيرتك والله لا يحيرك بالنسبه لموضوع دراستك على حسابك الخاص ببرنامج ال اي اس ال ليش على حسابك ممكن اعرف لان هنا احنا يكون بالفند اي المساعده من قبل الحكومه ولكن الصباحي وليس المسائي وبالنسبه للولفير احنا قدمنا عليه بعد ما انتهت السنه وكانت المقابله جدا حساسه ودقيقه وقبلونا صح لكن لمده شهرين بس لان قدمت على برنامج ال اي اس ال وانقطع عنا باعتباري مقبوله ببرنامج الفند وانتهى موضوع الولفير انت لا تحتار بالعمل لان كل مدينه بيها ميزات ما موجوده عن الثانيه بس البرتا معروف عنها انه حركتها الاقتصاديه جيده بس اني ما اكدر اقررلك ان تتحول اخاف اورطك وهذي ارزاق بس موضوع الولفير هنا لمسناه دقيق جدا حتى الي قابلتنا يومها كانت نحسه جدا وكلمه تنطق والثانيه تبلعها حاول تدخل على موقع اسمه kjiji احيانا تكون عليه كثير من المعلومات وفرص للعمل وصدكني اسال كيف ما تحب اني ما اتضايق بس انت حاول ما تتكئب وكل شي ينحل ويترتب بالهداوه والله معاك ,,,
-
يسلمو اسيل وسرى اني مسروره جدا للقائكم من جديد
وبالنسبه لصحتي اني الحمد لله بخير واحسن بكثير من ماكنت ببلد عربي نسيت اشكرك اريد وطن ..........
-
[color=maroonاختنه العزيزه اسود الله يحفظج موضوع معادله الشهاده اشلون احنه عيقين من 1991 بغداد تمشي الشهادات لو شنو بشري اشلون ][/color]
-
هلو قواعد
موضوع معادله الشهاده يختلف من شهاده لاخرى بس الاهم انه تجلب معك الشهاده الموثقه من جامعتك وكل اوراقك الرسميه الي تخص دراستك وتدرس برنامج باختصاص شهادتك وتاخذ شهاده وتمارس عمل بهذا الاختصاص اني هذا الي اعلم بيه لان لحد الان ما خطينا خطوه المعادله لان لحد الان ندرس برامج اللغه الي لازم تكون مؤهل لدخولك الجامعه بلغه متميزه حتى تكون من ضمن الطلبه بالكفاءه باللغه ويكون اختبار الك قبل تقديمك لاي برنامج ويشوفون مستواك كيف صار بعد برامج اللغه الي دخلتها الي هي تكون اول وصولك للبلد
:)
-
الله يبارك فيكي اخت ريم وبالتوفيق دائما يارب ويوم الي نسمع دخولك الى الجامعه وتخرجك منها اختك ام ريم
-
تسلميلي حبيبه قلبي ام ريم ;D
-
مشكوره حبي اسود الك وحشه منوره حبي ربي يجازيج لعمل الخير قلبي
-
انجي حبيبي مبروك على هذا التالق بس الله عليكم رجعولي نجومي هنا :'(
اني افرح بخدمه اخواتي واخواتي بس بالدولار الكندي ;D
-
اخونا شايفين الف خير وبالتوقيق انشالله بالعلم والعمل ...
بس عندي ملاحظة عزيزي ان كندا نظامها الضريبي جدا باهض ويستنزف الدخل وهي ليست افضل من اميركا اقتصاديا لانها تعتمد على امريكا في تسويق اقتصادها وخصوصا النفط ...
تحياتي
ابوبشير
-
اختي العزيزه اسود نورتينا برجعتك
احب اضيف معلومه عن الولفير
في البرتا / كالكري الولفير ليس بهذ الصعوبه ولكن يوجد تدقيق عن الدخل ولماذا لاتعمل والمضايقات من قبل الولفير ليست صعبه عكس باقي الولايات مثل فانكوفر فيها مضايقات جدا صعبه لذلك عندي اصحاب كثيرين سافرو الى غير ولايه لانهم لايستطيعون تحمل الولفير ومضايقاتهم
انا حاليا انتهت عندي السنه وهذا اخر راتب من المنظمه وانشالله اخر الشهر اذهب لاخذ موعد مقابله وسوف اوافيكم بمعلومات المقابله تفصيليا وحسب معلوماتي الولفير في البرتا للزوج والزوجه يتراوح مابين 1000$الى 1200$ وانشالله سوف ابلغكم بالجديد في موعد المقابله
اما عن موقع ال kijiji.com فهذا موقع جدا مفيد في كندا حيث تجدون كل شي فيه من اغراض مجانا او باسعار رخيصه او عمل او بيوت للايجا .... الخ وكل مايخطر في البال
شكرا لك اخت اسود وانشالله بالسلامه وربي يبعد عنك كل مكروه
اخوك : الفريدو / البرتا / كالكري
-
اولا شكرا للاداره الموقره لجعلي عضو فعال مره اخرى
اما بالنسبه لكلامك الفريدو عن الوليفر واختلافه من مقاطعه لاخرى هذا صح بدليل كم شخص نقل لنا مقابلاتهم بغير ولايات بس الحقيقه انه لمسنا حساسيه التدقيق هذا من مقابلتنا وفعلا المبلغ الي ذكرته هو الي حصل ويانا انما اني ذكرت انه شهرين بس وانقطعت عنا لان قدمنا على برنامج ال اس اي ال الجامعي اتمنالك التوفيق بمقابلتك