ankawa
منتدى الهجرة واللجوء => الهجرة و واللاجئين => الموضوع حرر بواسطة: asood canada2000 في 09:26 26/10/2010
-
بتحيه الاسلام احييكم ويارب الجميع بخير السلام عليكم
حبيت انقل لكم بعض من المعلومات والوقائع الي مرينا بيها من وصولنا لحد الان واحنا على مشارف السنتين من وصولنا كندا
اولا احنا من وصولنا كانت مقاطعه البرتا ومدينه ادمنتون هيا وجهتنا وبالفعل استقرينا بيها ومن اول الوصول طبعا بعد نزولنا بتورونتو ومبيت ليله واحده وبصراحه شفنا ادمنتون هادئه ونظيفه طبعا كبقيه الولايات والحمد لله اخواني ما لاقينا صعوبه بمساله الدراسه للغه ولا حتى الشغل صح بالبدايه تدور وتكون محتار بس بصراحه الشغل موجود للي يدخل على موقع سبق ذكرته الكم اسمه kjiji وحتى شراء السياره من خلاله وبالنسبه لايجارات الشقق والمنازل معقوله نوعا ما وكم مره كلمنا اصدقاء النا قليلين جدا بتورونتو مثلا يشكون من الغلاء هناك لان تعرفون تورونتو هيا مركز كندا يعني اكبر تجمع جاليه عربيه هناك ويمكن حركتها الاقتصاديه تكون سبب غلاءها وقبل كم يوم لاقينا عراقيين واصلين كيبك وسالناهم خير كالو تعذبنا بكيبك لان كيبك بس فرنسي وجدا متعصبين يعني ولا حرف انكليزي والشغل هناك شبه معدوم ضالين ست اشهر ومتحولين على ادمنتون وحاليا يبحثون على شغل طبعا ساعدناهم بمعلوماتنا الي نعرفها عن ادمنتونوما قصرنا وياهم وبالنسبه لحركه الاطباء هنا ايضا حلوة غير متعبه بصراحه اتمنى فعلا كل كبيره وصغيره انقلها الكم وتعرفون ادمنتون بيها اكبر مول بالعالم يجون من غير مقاطعات حتى يشوفون المول فد شي غير معقول من الجمال والرقي حتى بحيره بيه كانه انت باسكندريه وانشالله اتواصل وياكم وياربي الجميع يوصل ويستقر ويرتاح ..
-
خويتي الغاليه اسود
اتمنى اعرف الاعمال الموجوده والمتوفره في مدينتج هاي اولا
الرواتب الينطوهه لهاي الاعمال
ثانيا الجو بيها شلون يعني صدك مثلجه دائما
ثالثا الايجارات شكد اسعارها
وان شاء الله بالموفقيه دائما وابدا
خويتج
مظلومه سوادي
-
من قلبي مظلومه اجاوبك اختي الكبيره الغاليه
الاعمال الي بدون شهاده وطبعا اللاجئ اول ما يوصل ما يقدر يشتغل الوظائف الي تكون مثلا بشركات هندسيه او كهربائيه او الي صيدلي او فيزياوي يعني الا قبلها يعادل شهادته ويمارس اختصاصه وطبعا الاجور هنا تكون هاي نسبه لاختصاصه تبدي من 18 الى مثلا 45 دولار او هكذا بالساعه اما بالنسبه للاعمال الي متوفره اول وصول اللاجئ انتي تعرفين الاعمال تكون تقريبا مو مستوى الشخص بطموحه يعني المولات والستورات والكاشير يعني هذي الاعمال الي تكون ما تتطلب شهاده كبدايه بس طبعا الشخص يحاول يلاقي الانسب اله ويختار وهاي الاجور تكون من 9 ونص الى 12 دولار بالساعه وبالنسبه للطقس بصراحه ادمنتون جدا بارده وثلوج يعني السنه الفاتت ثلوج مو طبيعيه وهاي السنه ايضا بدت بثلوج ودرجه الحراره اليوم مثلا 3 ماينص والايجارات ايضا تختلف حسب المكان اقصد المنطقه بس هيا عموما الي عرفناه وشفناه ماكو اقل من 700دولار الشقه الي تكون غرفه وصاله بس بس نظيفه جدا وطبعا اكو بنايات مو جدا نضيفه من حيث تكون قديمه البناء مو حديثه وبالنسبه للبيوت غاليه اول وصول اللاجئ بصراحه الافضل الشقق بالبدايه لحين ما الاستقرار بامور العمل والتحويل لبيت لو تحب لان مصاريف البيت كثيره خاصه بالشتاء التدفئه وباب البيت وحواليه لازم كل يوم الصبح تنظفوه انتو من الثلج والا البلديه تغرمكم والعفو المجاري عليكم والتزامات عجيبه غريبه زائد ايجارت البيوت فوق 1500 دولار هذا لو صاله بس ومطبخ يعني جدا صغير واي سؤال ثاني اؤؤمريني ..
-
زين اختي بلا زحمة ممكن تعرفينا بالمساعدات الي ينطوها يعني الرواتب والفود استامب علما انا عندي 4 اطفال جوى 18
وياريت بعد تحجيلنا عن قصتج انتي جايه لجوء لو هجرة واذا لجوء بلكي تشرحينا شنو صار وياج
انا اسف على الطلبات المطوله بس اجوبتج توظح كثير امور عدنا
وتقبلي تحياتي
-
اشكرج جدا اخت اسود على التفاصيل
تصدقين الواحد من عدنا صار يريد مية جواب
لسؤالة يمكن احنا ندور على الاجابة الي تريح بال الواحد
والله هاي موخوش شغلة اذا هيج الواحد لازم يركز زين بالشرح
حتى ما تلاص علية بالامتحان
تحياتي ......
-
عمي ريمة بارك الله بيج
وخير االناس من نفع الناس
عمي ريمة الله يخليج نزلنيا الصورة مال المول خلي نشوفها ؟
من رخصتج
بوية مظلومة ؟شني راح تطلعين تهريب لكندا؟
ابو الحسن