ankawa
منتدى الهجرة واللجوء => الهجرة و واللاجئين => الموضوع حرر بواسطة: كوكي 2004 في 15:09 26/10/2010
-
السلام عليكم جميعآ ..
الخبر الحلو هو ( أنشاء الله بشهر 11 \ القادم من تنزل المساعدات المالية \ يعني رواتب المفوضية رح تستلمون مع الراتب زيادة 100 دينار فوق الراتب ) وطبعآ هذا المبلغ مقطوع يعني 100 دينار لكل فيزا كارت بغض النظر عن عدد الأفراد يعني أذا كانت الفيزا كارت لشخص واحد أو الفيز كارت لعشر أشخاص و أنشاء الله رح ينزلون ( الراتب قبل العيد ) وايضآ بشهر 12 \ القادم رح تنزل 100 دينار أضافة على الراتب ورح أفسرلكم شنو هذه 200 .
قبل جنه نستلم 50 دينار لمدة أربعة شهور والي يسموهه بدل محروقات لشتاء .. هسة شافوا أنه ينطوهه 100 على شهرين بدل 50 على أربعة شهور والمهم رح تنزل مع المساعدات \ الراتب قبل العيد ..
وأأأأأأأأأأأأأأأأأأألف تاااااااااااااالاف عافية مقدمآ .. ومن تستلمون أتذكروني بالدعاء ( الله يسهل أمر أولادي )
وشكرآ جزيلآ للمفوضية السامية .
أختكم كوكي .
-
اختي كوكي انت اصيلة وطيبة والله ايفرحج ويحفظ الاولاد اني البارحه سمعت بالخبر بس ماحبيت اتكلم بيه لانه ممتأكد من المصدر ومشكوره مقدما ويارب الفرج للجميع ولكل واحد ميبخل بادخال الفرحه لقلوب العراقيين
-
عاشت ايدك اختي كوكي على هذا الخبر ... وربي يبارك بيك ويسهلك امورك ... ولو الخبر ما يخصني لان اني بسوريا بس فرحت لان هو يخص العراقين الطييبين الموجودين بعمان وربي يبشرهم بكل خير ...
تحياتي
ابو مريم سوريا
-
أشكرك أخي كاتلوني ألى الأبد على هذه الدعوة الحلوة ويارب يفرح كلبك ويسهل أمرك .
وكل العراقيين خير وبركة ويارب تعم الفرحة كلوب كل العراقيين .
-
تسلم أخويه أبو مريومه والله يبارك بيك وتسهل كل أمورك وربي يجبر بخاطرك أنشاء الله ..
ها أخويه أبو مريم هسه أستحق \ مدير علاقات خارجية لو لا ؟ هههههههههههههههههههههه .
-
تسلمين يابه على هذا الخبر الحلو .
وجزاكي الله الف خير .
ويارب بالف عافية على الجميع
عمو أموري . عمان
-
مشكوره اختى
-
- والله اخت كوكى خوش خبر هذا وتستاهلين نعزمك على باجه بس مو اتكولين مااحبه
اشكرك عل الخبر تحياتي
-
السلام عليكم جميعآ ..
ألف شكر لحضرتك عمو أموري على هل دعوة الحلوة والله يبارك بيك يارب .
ألله يوفقك أخي الرسام 1973 وعاشت أيدك على هل الرسوم الحلوة .. وأستمر .
أخي مالك ألأحزان شكرآ على الدعوة والعزيمة بس أريدها عد ( جيكور بالرابية وير بالك ترة بس الجمعة يسوون باجة ) ههههه
ها أخ مؤيد طلعت كدهه لو لا يعني يعني جبتلكم خبر حلو مو لو مو مو .
-
الله يبشرك بالخير اختي كوكي وتبقين سباقة دوما على نقل الاخبار المفرحة وبالتوفيق للجميع
-
ثانكس كوكي
الله يبشرك بالف خير
-
شكرا لك اختي كوكي على هذا الخبر الذي افرحنا حقيقة. سائلا المولى القدير ان يرعاك ويحفظك وان يسهل امرك دائما.
-
عاشت ايدك أختي كوكي على هالخبر الحلو بس ياترى اني مشمول بيها لو بس عمان ترى والله هم عدنا شتا هنا ههههه تقبلي تحياتي أخوكي حمادة عزو@
-
شكرآ جزيلآ للجميع على الدعوات الحلوة وبارك الله بيكم ويجازيكم على كد نياتكم
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأألف شكررررررررررررررررررررررررررررررررررررررررررررررر.
-
أخي حماده عزو .. طبعآ أنت مشمول وكل اللاجئين العراقيين ألي ( يستلمون مساعدات مالية \ راتب من ال UN ) مشمولين بهذه الزيادة وأنشاء الله الكل يستلم قبل العيد .
عيني أخ حمادة الله ليكول حتى لو أنت مستلمت والله مو مجاملة ( ألي آني رح أستلمة أعتبره عيدية مني للأولاد يعني عيدية من عمتهم ) وماكو فرق كلنه أخوان أنشاء الله .
-
بارك الله بك أختي كوكي والله عمتهم والنعم منك تسلمين هيجي اعتبريها وصلت واكثر والله يوفقك يارب ويرزقكم من اوسع ابوابه ويسهل امركم بالسفر القريب بجاه السميع العليم
-
شكرا للاخت العزيزة كوكي ام الاخبار الحلوه وربي ان شاء الله يحقق كل امانيكم
اخوكم
-
شكرآ أخي myS وربي يحقق أمانييك وللجميع بجاه السميع العليم .