ankawa
منتدى الهجرة واللجوء => الهجرة و واللاجئين => الموضوع حرر بواسطة: امير البابلي في 09:52 28/10/2010
-
اخوان السلام عليكم ردت اعرف بالضبط ماهيه الكمية المسموح بيها من الدواء الي اكدر اخذها معي علما لدي اطفال اثنين والولاية الي راح اروحلهة كلش باردة يعني اكيد راح يتمرضون تغيير جو فاذا امكن اخوتي من اهل الخبرة يجاوبوني بالتفصيل وشلون اجاوز هاي الفقرة بالمطار وبدون مشكلة وشاسوي بالضبط مع الشكر
اخوكم امير البابلي
-
وعليكم السلام ورحمة الله وبركاته.
اخي العزيز انصحك انه تجيب انتبايتك للكبار واذا عندك صغار هم جيب وياك انتبايتك حسب عمرهم اهم شي وجيب وياك بندول لانه هنا الانتبايتك الا بوصفه طبيه يصرف
والبندول من يمك احسن وجيب تحاميل للاطفال خافضة الحراره لانه هنا مشفنه منها واي دوه انتو متعودين عليه ودائما تستخدموه جيبوه وياكم وانصحك تحط الادويه بالجنط الكبار حتى يدخلوهن لتحط الادويه بالحقائب الصغيره الهاند باك واتمنالك الموفقيه ان شاء الله.
-
اخي امير اخذ وياك كل ادوية الاطفال الي تعتقد يحتاجوها والافضل اتكون مغلفه وداخل علبها وخصوصا الحبوب
ومراح يدققون كلش وياك بالادويه خليها بين الاغراض
واهم شي ادوية النشله وخافض الحراره والانتي بايتك وحبوب للمغص والاسهال والقئ والسعال والرمين
ومراهم انتيبايتك وللحساسيه
وللكبار ايضا مسكنات للاوجاع افضل تاخذها اتفيدك باول فتره
-
اهلا بيك اخ امير البابلي
بالنسبة للادوية اخذ الأنتي بايتكات بكل انواعها حتى الدهن الانتي بايتك الموضعي هم الا بوصفة طبيب ايضاً انتي بايتكات مال التهابات بشكل عام مال انفلونزا او اعراض برد واذا احد من العائلة ياخذ ادوية مال امراض مزمنة ايضا اخذو مال اول كم شهر بين ميسولكم التامين الصحي وتنحط الادوية بمكان واحد وتكون بالباكيتات مالتها يعني م تفرطوها من الباكيت لان محيعرفون هاي مال شنو الحبوب
تحياتي
-
اشكركم اخواني على ردودكم الطيبة وماقصرتو بس الي اريد اعرفة بالضبط هو لازم اسوي تقارير طبية من طبيب واحضر وصفات بكل الدواء الي راح اخذه واريد اعرف بالضبط الكمية براحتي لو اكو حد فاصل يعني مثل شكد اكدر اخذ حب باندول يعني كم شيت واشكركم مرة اخرى
-
للرفع
-
اخي من التجربه ميحتاج وصفات طبيه لكل دواء
لكن اذا عندك وصفه لاحد الانواع خليها وياهم للاحتياط
ومحد راح يقره ولا احد راح يكتب خصوصا اذا ضيعتها بين الاغراض
والكميات هم شكد اتريد تاخذ اكثر من10 شيتات مااصور تستهلك كل هاي الكميه خلال السنه الاولى
واهم شي اتشوف الاكسباير ديت مالاتها خلي ايكون بيها سنتين ليكدام
وان شاء الله متحتاجها
-
اخوية امير المسكنات وخافض الحرارة كمية قليلة بس اول فترة لانه راح تحتاجها بالبداية وانتو على وجه تغيير جو بس هاي راح تلكاها بالصيدليات والمحلات كلها يعني مراح تحير فجيب وياك بس كمية قليلة.
بس الانتيبايوتك مهم والا وصفة بس الكريمات اللي بيها مضاد حيوي للطفيليات موجود بدون وصفة واذا عدكم احد عنده مرض مزمن جيبوله ادوية وياكم لانه مهمة بينما يثبت التأمين الصحي مالتكم.
-
عاشت ايدكم الموضوع جدا مهم
-
أخوان الأنتي بيوتك الأبر ضروووووري جدا ....... لأن آني من جنت بالسويد ماحد يكدر يشتري انتي بيوتك من الصيدليه بدون مايشوف دكتور , والدكتور قصة عنتر ياله تشوفه , مع العلم انو العلاج مجانا في السويد ...... فكيف إذا كان بأمريكا ؟ خاصة احنه يوميه اللوزتين معرسه علينه وحته كبسول مايفيد.
زين الأبر لازم واحد ياخذ سرنجات وياهن , فياريت الي مجرب هيج شغلات .. اقصد واحد ماخذ وياه انتي بيوتك وسرنجات .... بالتفتيش الجنط الكبار يفتشوهن يدوي ؟ لو بس بالأشعة.
-
مشكورين على ردودكم الطيبة انشاء الله منحتاج اي علاج وعدكم العافية
-
اخوية بغدادي من تجي هنا اخذ لقاح الانفلونزا وان شاء الله تقل عندك الامراض وما تحتاج ابر.
-
والله يا أخت سرى هيه اللوزتين ما أعتقد الهه لقاح
أصلا مرة قريت انو ٣٠ بالمية من الأمريكان شايلين اللوزيتن من المشاكل>
-
اخي العزيز الدواء شيء ضروري هنا وخصوصا في الايام الاولى وبعد انتهاء المديكيت
اي كميه من الادويه تستطيع ان تاخذها معك ماكو مشكله وحتى وان كانت بدون وصفه طبيه ولكن من الافضل تخليها
بالجنط الكبيره والابر ايضا محد يحاسب عليها ومن خلال التجارب ولا مره احد تحاسب على الادويه والجنط الكبيره في
امريكا محد يفتحها مجرد تمر بجهاز السونار
ادويه الصداع وبعض من ادويه خافض الحراره وادويه السعال والانفلونزا متوفره بالصيدليات
ولكن الانتي بايتك لا يعطى الا بوصفه طبيه .. وممكن ان تاخذ ادويه الانتي بايتك بوجود المديكيت
بعد اخذ وصفه من الطبيب
اثناء اخذك للاقاحات يعطوك لقاح ضد الانفلونزا (للكبار وللصغار)
تمنياتي لك بالصحه والعافيه
-
مشكور حبيبي عكعك على ردك الحلو اني ممنون منك ياطيب
-
للرفع