ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو اسينات في 14:24 01/11/2010
-
السلام عليكم
اخوان اني اليوم حبيت اسوي فد احصائية ولازم تكون عندي بيانات صحية حتى نطلع بنتيجة صحيحة
الي اريدة منكم كل واحد يكتب اشوكت قابل وشوكت استلم الظرف واشوكت اتصلو بالكفيل او خلوه يوقع وطبعا هو على يا ولاية رايح
اني قابلت وفد 2/6/2010 وبتاريخ 1/7/2010 استلمت الموافقة وبتاريخ 14/10 اتصلو (فقط) بالكفيل
واني على ولاية يوتا
تحياتي
-
تحية طيبة :
آني قابلت الوفد 29/7/2010 وأستلمت الظرف ( النتيجة ) مقبول يوم 15/9/2010 والى هذا اليوم لا جديد في ملفنا ... نحن بأنتظار الأجراءات اللاحقة .... نتمنى الموفقية للجميع .
أخوك ........... فاعل الخيــــر ............
-
عزيزى ابواسينات انى قابلت الوفد 15-8واستلمت الضرف نهايه التاسع ولحد الان لاجديد
-
السلام عليكم
اريد اضيف شغلة
الوفود الي اجتي سورية لحد الان هي 3 وفود
الوفد الاول جماعة الي قابلو بشهر الثاني والثالث
الوفد الثاني جماعة الي قابلو بشهر الرابع والخامس والسادس
الوفد الثالث جماعة الي قابلو بشهر السابع والثامن والتاسع
انريد من الاخوة ان يشتركون ويكتبون عن مواعيد الاحداث حتى نوصل الى نتيجة صحيحة
-
شلونك عيني ابو اسينات
مقابلة الوفد 10/6 استلام الظرف 4/7 توقيع الكفيل 17/8 الولايه كالفورنيا
وبعدني مكابلك وكاعد
-
شلونك اخي العزاوي نورت الجمعية
-
الله يحفظكم أخي ابو اسينات منوره بيكم
-
up
-
السلام عليكم
احنة محتاجين مشاركات الوفد الاول جماعة شهر الثاني والثالث معقولة كلهم طلعو ؟؟؟؟؟
-
سلام ومحبة للجميع
نحن ثمانية عوائل اصدقاء قابلنا الوفد بداية الشهر الخامس الموافقات نهاية الشهر السادس ولحد الان ننتضر قسم من عدنا خابرو كفلائهم والباقي بعد ممتصلين ابكفلائهم مثلي انا لحد الان سكتا خابرتهم قبل شهرين قالوا لتتوقع سفرك قريب سالتهم عالولاية قالوا امحدديلك الولاية الي هي نفس ولاية الكفيل والله كريم و سلام ومحبة للجميع
-
أعرف ناس بسوريا استلموا الظرف بالموافقه شهر 4 "2009" ولحد الان ماكو شي
-
السلام عليكم
اخوان كل الدراسات تكول ان الحد الطبيعي لتاريخ السفر هو ستة اشهر بعد استلام الظرف اما الحالات الاستثنائية مثل الحالة التي ذكرت الرابع 2009 اكيد اكو بعض الاشكالات و ياريت لو الواحد يتاكد من الموضوع قد يكونون مغيرين جوازاتهم او مسالة ربط الملفات القوية التي تجعلك تدور في حلقة مفرغة يني تجي موافقة وحدة من الملفات والثانية متجي وبعدين الثانية تجي والاولى اتصير اكسباير وهكذا
تحياتي وشكري لجميع المشاركات
-
اني سافرت ورجعت :D
;D ابو اسينات لتكلب المواجع وتكول منو بعده مسافر
ولايتي هي مشيكن
وكفيلي صارله تقريبا 3 شهور موقع
-
للرفع
-
السلام عليكم
اختي الله يكون بعونج بس ترة كليتنة مثل وضعج واكثر اني صارلي 3 سنوات اشتغل بشركة وهسة الشركة انقلت الى اربيل وخيروني بالانتقال الى اربيل بالاضافة انه زوجتي موضفة وانتهت اجازتها يوم 1/11 وبعد ميحق الها اجازة سنة ثالثة يعني راح تنفصل والكل رافض السفر بس اني مصر على هذا القرار وانتي اتصوري وضعي شنو بالبيت
بس الحمد لله خابروني الكنيسة جنت مقدم على معهد لغة السنة الماضية واليوم رحت للمعهد وانشاء الله الاسبوع القادم تبدي الدورة على الاقل الواحد يطلع من البيت ويخلص من المشاكل وهم الواحد يقوي نفسة بالانكليزي
-
اخواني
اريد اوضح تره شهر 4 2009 مو غريبة ابدا
اني موافقتي 5-7-2009 ولي هسة كاعد
الفحص الطبي كان 26-5-2009 والوفد كان 12-05-2009
وعدت الفحص يوم 13-6-2010 لأنه خلصت سنة ورة الموافقة
وعدت البصمات بعد مرور 15 شهر يعني بشهر 08-2010
وللعلم من تسال ليش تاخير يكولون لاتتضجور ولاتزعل مافي اشي
وماعندي اضافة ولا جنت قيد الدراسة ولا شي
بس للتوضيح
من سوريا ما حصلت معلومات بس عن طريق الاخت انجي الله يوفقها كدرت اتصل بالمنظمة اللي مفروض اتكون مسؤولة عني بكاليفورنيا
وبعد جهد جهيد حصلت رقم مسؤول التوطين في سان فرانسسكو
ودزلي خلف الله عليه رسالة عن طريق الايميل الخاص بيه وابدى اعتذاره من التأخير لمدة سنة و3 اشهر لأنه ما كدر يلقى بيت يناسب العائلة اللي متكونة من 6 اشخاص يعني آني وزوجتي و 4 اطفال
وقال حولت ملفك الى فر المنظمة في الينوي
وطبعا مانطاني الرقم بس موقع المنظمة فكدرت احصل رقم التلفون
واتصلت
وطلع المسؤول شخص عراقي الأصل وقال صحيح ملفك يمنا وانه خلصو الاجراءات صار اكثر من شهرين ودزوها لواشنطن ومناك لسوريا
اتصلت بسوريا فجاوبت الموظفة
ماكو سفر قريب ولابعيد عيني الاجراءات بعدها بامريكا
ولما سألتها عن تغيير الولاية جاوبت وكالت صح انت بالينوي هسة
ارجو ان يكون مروري مفيد الك
اخوكم همو - سوريا
-
السلام عليكم
والله اخي انت قصتك عجيبة يعني سنة 3 اشهر يدورولك بيت وملكو وحولك الى ولاية ثانية زين انت محاجي على الموافقة الامنية يعني الامنية مالتك جاية وديرتبون وية المنظمة والله شغلتك اتحير الله يكون بعونك تحياتي
-
للرفع
-
هم للرفع
-
اني قابلت الوفد 1_6_2010 واستلمت النتيجة1_7_2010 وكملت الفحوصات وبعد ثلاثة شهور اتصلوا بي علمود ارقام الجوازات علما اني ليس لدي كفيل وطلعتلي تكساس _بمدينة اوستن ود ا نتضر _يمتة الفرج ماندري
-
اخي العزيز طبيب الحب انت بوحدك لو عائلة وياريت لو تكتب التاريخ الي خابروك بية وانشاء الله مبقالك شي شغلتك خلصانة
تحياتي
-
انا وعائلتي لدي اطفال اثنان تاريخ الاتصال 19_10 كان يوم خميس انطوني موعد عا الاحد ورحت وقدمت الجوازات رجعوا اتصلوا بي يوم الخميس للتاكيد على ارقام جواز زوجتي وطفلتي واخذوها مرة ثانية ودا انتضر والله كريم ...با الموفقية للجميع ياربي وشكرا الك يارائع
-
السلام عليكم
اني قابلت الوفد الامريكي في سوريا يوم 20/5/2010 واستلمت الموافقة 30/6/2010
واتصلو ابكفيلي 10/9/2010 ولاية مشغان ولحد الان انتضر وماكو شي جديد
كل ما اتصل بلمنضمة ايكولون الامنيات مالاتكم قسم امخلصة وقسم بعده . الله كريم
اخوكم
ع . م
-
السلام عليكم اني من 11 4 2010 استلمت الظرف وياريت ممستلمه لاني شدولي مغذي والله ارحم الراحمين والبقية ما اتذكر عذروني
-
السلام عليكم
اخي ع م نصيحة اذا جانت عدكم ملفات مربوطة ربط قوي روح افصلهة وخلي الي جاية موافقتة يسافر لان اذا انتظرت فترة علما تجي الموافقة المجاية ورة فترة راح تسقط الموافقة الي جاية هسة لان اتصير اكسباير
والاخ ابو احمد الله يساعد بس انت اتصلو بكفيلك لو لا وانت
تحياتي الكم
-
... الله يساعد كل اللي دينتظرون بشائر الخير من اللي قابلوا الوفد الثالث ( الفترة من 20/7/2010 لغاية 8/9/2010 ) لأن بدأ القليل منهم تتوضح الأجراءات اللاحقة حول ملفاتهم من الأتصال بالكفيل والأستفسار عن أرقام الجوازات وصلاحيتها وتحديد موعد السفر اليهم وأنشاء الله تنفرج علينا و نتمنى ان تكون بشائر الخير هي سفرنا قبل نهاية السنة 2010 وعلينا أن لا ننسى اللي دينتظرون السفر من جماعة الوفد الأول اللي قابلوا (من 1/2/2010 لغاية 15/4/2010 ) وجماعة الوفد الثاني اللي قابلوا ( من 16/4/2010 لغاية 30/6/2010 ) واللي قبلهم واللي بعدهم قيد الدراسة وخلي نصلي لأن يفرجها الله عليهم ويسافرون بأسرع وقت ممكن والتوفيق للجميع ...... الرجاء لا تتركون الجمعية تتحول على الصفحة الثانية أو بعدها .....
أخوكـــم ........... فاعل الخير ..........
-
up
-
تحية طيبة
اني مقابل الوفد 12/5/2010
و النتيجة 30/6/2010 ( مقبول مبدئيا) ...
و دا ننتظرا لحد الان الاجراءات ع الملف ...
-
............ الصبــــــــــــــــــر مفتــــــــــــــــــــاح الفــــــــــــــــــــــرج ................
-
السلام عليكم .
أخــي الــكريــم ابو السينات اني اخووك مقاابل ومكمل كل شي بتاريخ 9\7\2009 استلمت ظرف الموافقة وعدت الفحص بتاريخ 9\7\2010 والي وراية والي ويااية والي قبلي سافروا واني بعدني واتصلت بيهم قبل اسبووع كالولي انتظر لان وفد ما اجة مع العلم اني اجاني طفل ثاني قبل شهرين وضفتة وكاعد انتظر الوفد علمودج يشوف الطفل ويبت بالامر . وشـــكـــرأأ الكم ( والشكوى لله الواحد الاحد)
-
الله يفرج على الجميع