ankawa
منتدى الهجرة واللجوء => الهجرة و واللاجئين => الموضوع حرر بواسطة: Dr.Ameen في 18:26 03/11/2010
-
السلام عليكم...
والرحمة لشهداء العراق من كل الاديان....
بالرغم من الليلة السابقة غير المشجعة والانباء عن وجود حظر تجوال في بغداد عقب تفجيرات اليوم الماضي وكوني اسكن منطقة تبعد كذا مئة كيلومتر عن بغداد قررت الذهاب الى موعد المقابلة اليوم وعدم تأجيلها وبدءنا من الثالثة صباحا ,الطرق كان مسدود ومشينا من جامع ام الطبول الى ساحة النسور الساعة السادسة صباحا والجو بارد على غير العادة والاطفال مصيفين ومرضى
وصلنا الى المكان للتفتيش في السابعة وكانت الاعداد كثيرة من الناس اليوم مقابلات أي او ام واس أي في وغيرها
اكملنا الاجراءات في التاسعة وكان باص السفارة قد غادر وانتضرنا الى الساعة الحادية عشرة ودخلنا السفارة فريب منتصف النهار
المستمسكات المطلوبة
استمارات DS 157 AND DS230
دس 234 و اعادة التوطين لم ياخذها الموضف
الجوازات وظروف الدي اج ال(صارت حالة قبل 3 ايام قابل صديقي اخذ الموضف الظرف ولم يعطي الوصل لصديقي فانتبهوا لاستلام الوصل)
الجنسية وترجمتها
شهادة الجنسية وترجمتها
عقد الزواج والترجمة
صور عدد2 5 افي 5
باجات العمل
كل رسائل التوصية
لحد هنا ماكو مشكلة
سالني الموضف " انطيني عدم المحكومية فقلت له اخبرتموني انها غير مطلوبة بالاميل كل من قابل قبلي لم تطلبوا منه ذلك واخرهم قبل 3 ايام(بالاضافة الى الاعتماد على مصادر المعلومات من منتدى عينكاوا)
فقال الموضف وهو امركي ابن امريكي ناسف بشدة لذلك ولكنها مطلوبة حيث بعد التفجير الذي حصل لمركز الشرطة الذي يصدرها توقفنا عن المطالبة بها ولكن جاء تحديث قبل يومان وهي مطلوبة الان..........
فقلت له اني لم احصل على واحدة فقال يا سيدي لقد اكمات المقابلو وسوف تصدر الفيزا ولكن لن تستلمها الا بعد ارسال عدم المحكومية الاصلية الى السفارة واعطاني العنوان
سؤالي كيف احصل على عدم المحكومية؟ماهو الوثائق المطلوبة؟ وهل هناك رسم لذلك؟
وكيف ارسلها الى السفارة؟ املوضف قال عن طريق الدي اج ال هل نفس مكاتبهم في بغداد؟
اخواني ردت افيدكم بهاي المعلومة
شغلة ثانية افيدكم بيهة ....يمكن ان تسأل لماذا تركت الوظيفة مع القوات الامريكية ؟والغرض من السؤال هو التاكد من عدم طردك فاياك والارتباك
-
اخي العزيز اشو الاخوان جزاكم اله خير كلهم ما قصروا بالمنتدى ايكولون يابة باعلى اصواتهم طلعوا العدم محكومية طلعوا بيان ولادة هسة المهم روح وتوكل على الله وطلعها
-
الف مبروك اخوية الدكتور امين على اتمامك للمقابلة --- عندي بعض الاستفسارات الصغيرة من حضرتك :
- ورة شكد كالك تصدر الفيزا المفروض لان بصراحة دنشوف تاخير مو طبيعي بالاستلام مال الفيزا بعد المقابلة ؟
- هم سالك عالاي او ام اذا جنت مقدم او لا ؟
- سالك على انتمائك لحزب البعث؟ اذا اي -- شنو كان جوابك ؟
- اي اسئلة غريبة مامتوقعها ؟
- شلون حسيت جو المقابلة بصورة عامة ايجابي او لا ؟
تحياتي الك مقدما ومبروك مرة اخرى
-
الف مبروك على المقابله و يوم استلامك للفيزه
اماعدم المحكوميه مو كلنا و حجينا طلعوها تره يردوها بل مقابله بس محد يسمع كلام
اما هاي مال يسئلك ليش بطلت هاي مو خوش سالفه >:( يعني اني شكله بلاك لست >:(
عدم المحكوميه تطلعها من مركز شرطه العلويه قرب مطعم كرسبي تاخذ وياك المستمسكات الاريعه الاصليه و الجواز مع صورتين
من تخلص يكلك تعال وره اسبوع تستلمها
اذا مزوج سويها انته و زوجتك
-
شكرا الاخ ربيبنت وشكرا اخوان على الردود
سيوفي الورد اكوفد 6 الى 8 موظفين وعدهم مجموعة اسئلة وكل واحد منهم يسال متقدم مجموعة الاسئلة بعضهم يسئل 3 اسئلة والبعض يسال فد 30 سؤال يعني انت وحظك سالني اذا منتمي لحزب معين فاجبت بالنفي
سالني اذا انفصلت من الشغل كتلة لا
اما الشخص الي كان بجانبي طاح بعينة ليش تركت الشغل وشنو يعني لكيت شغلة افضل وشكد دخلك الشهري؟
اذا شخص خادم عسكرية او مسافر خارج العراق تكثر الاسئلة وتتاخر الفيزا
كالي الفيزا ممكن تكمل خلال شهر الى شهرين بشرط جلب عدم المحكومية
الاخ ارمي سترونك دير بالك يدرون بهاي السالفة ترة هاي انتحار وعلى العموم الاجواء ايجابية
اخوان يمعودين العدم محكومية يردون الجواز الاصلي لو نسخة لان اخذو السفارة الاصلي؟؟
-
الجواز مستنسخ عادي بس كولها ملون وهم الله وكيلك ما احتاجو مني بس يم ابو المكتب الي خارج البناية على مود ايسجل رقم الجواز وهم هو مو مو موظف بس هم ياخذون نسخة مستنسخة حتى ايطابقون اسمك الي راح يسجل بالعدم محكومية وي اسمك الجواز وتوكل على الله وسويها بسرعة لا اتاخر نفسك
-
مبروك اخي المقابله وانشالله يوم السفر والوصول بسلامه
عادي كوبي من الجواز يكفي لغرض مطابقه الاسم حسب الجواز ومن تخلصه من مركز العلويه وثاني يوم الى تصديقات الخارجيه
بس سؤال شاغل بالي من دخلتوا للتفتيش باول بوابه يا هويه بقت بالبوابه يم التفتيش شكرا وبالتوفيق
-
ماازيد على جواب الاخrepentant
جواز اخذ مستنسخ حته يطابقون الاسم
اما باقي المستمسكات ف اصلي
اني ماصدكت اجاني الكوم ابروفال انوب المقابله طلعتلي صفح استفاد >:(
اخ امين كلشي يدرون وداعتك اهم شي تكون صادق وياهم و لاتكذب و الله يسهل
-
الف الف مبروك على المقابله و يوم استلام الفيزا ان شاء الله . بس شكد حظك حلو على عدم المحكوميه عمي اني من قابلت لا طلبوها و لا سال اصلا عليه هي و بيان الولاده بس الظاهر اجراءات جديده سويه و ان شاء الله تستلم الفيزا باقرب وقت دكتور.
-
السلام عليكم ...
أخواني فريق المنتظرين الفيسه أني أتذكرت شغله صارتلي بالمقابله أني الموظف المختص أخذ أوراقي وطبعا من ضمنها عدم المحكوميه ولمن طلب وصل ال دي أج أل أنطيته وي الظرف بس رجعلي الظرف كلي ماأحتاجه بس أخذ الوصل علما انه أني وحدي بالكيس فتصورت يمكن لأنه أني جواز واحد فماأخذه بس الأخ هسه صاحب الموضوع ذكرني تتصورون أكو أشكال لو عادي بدون ظرف وشكرا .
-
الف الف شكرا على التوضيح اخواني
اخي عراقي هواي دزيتلك على الخاص اولا وثانيا ما تبقى اي هوية يم الباب هذا الكلام موجود بس بالتعليمات بس ما يطبق فعليا والصراحة اني لو ما مقابل قبل اي او ام كان ما اندليت المكان لان قبل سيطرة عراقية موجودة يم فتحة التي وول هسة ماكو الصبح نضل تمشي بين التي وول وحدة مسافة حتى توصل...العلامة الموجودة حاليا يم الفتحة هية صورة رتيس الوزراء معلقة على عمود الكهرباء
خوية مضروب ليزر مشكور حبي
-
اني هم اخذ الوصل مال الدي اج ال وما رجعلي اياه وانطني ظرف بي الاشعة مالتي مال الفحص الطبي واخذ كل المستمسكات الاصلية يعني ريكومنديشن واج ار لتر والعدم محكومية وصورة قيد 57 بس رجعلي جنسية اصلي وشهادة جنسية اصلي ودفتر خدمة عسكرية هاي هي وكلي انتظر 6 اسابيع وهسة طارت 3 وماكو شي والله ارحم الراحمين
-
الاخ كيوت اليوم بالمقابلة كان اكو 8 سنكل واحنة كم عائلة كل الثمانية السنكل ما اخذو الظروف الدي اج ال بس العوائل اخذوهن وبما انه اني ما اكعد راحة سئلت احد الاخوان السنكلية وكتلة ليش ما اخذو الظرف كال أي عادي اخذو اللزكة الموجودة بي من برة وهمة من عدهم يدزون ظرف للدي اج ال
يعني عادية ماكو مشكلة
-
ممنون أخي عالأجابه أنشأ الله الفيسه توصلك بأسرع وقت أني منتظر من 20-09 والله كريم .
-
الف مبروك اخونا الغالي الدكتور امين وان شاء الله يوم استلام الفيزا يا رب بس استعجل بالعدم محكومية مثل ما بينوا لك الاخوان
-
عندي فد سؤال بلة زحمة عليكم
شنو ظرف ال DHL مفتهمت هذا شنو؟ لو تقصد الوصل الي ينطوكيا من دزيت اوراقك بمرحلة نبراسكا؟
لو اكو شي ثاني يندز بالDHL؟
مع التقدير
-
دكتور امين --- بما انه انت مقابل عالاي او ام مثل ماتفضلت ---- هل سالوك اذا كنت مقدم عالاي او ام لو لا ؟ وشنو كانت نتيجة الاي او ام ؟
-
سيوفي ماتكلي انته ليش خايف ???
وداعتك معليهم بل اي او ام
-
احويه العزيز اني كبل جم يوم قابلت وراح اكلك شلون تروح لمركز شرطه العلويه الي بساحه عقبه بن نافع وتكل للشرطي الي بالباب اريد اطلع عدم محكوميه راح يكلك طب انتبه التعليمات الجديده بدون فايل معاملتك وتستنسخ فقط بطاقه السكن والجنسيه فقط وتدخل وتكلهم عدم محكوميه اريد اسفر يعني دوليه بس ادري سحبو الجواز منك فاخذ وياك نسخه من الجواز وراح تكع عشر الاف دينار رسم وانت وحضك بالسره ينطوك ورقه ويكولولك جيك اسمك صح مضبوط على الجواز بعدينياحذون منك طبع اصابع وبنطوك ورقه استلام تروح ورا 8 ايام تستلم وكان الله يحب المحسنين وتدلل
-
من رخصة الاخ alaamuneer دزلي مجموعة اسئلة على الخاص ممتازة اذا تسمح اخي تنزلهن على الموضوع حتى الاخوان يستفادون من الاجابة واني راح اجوب الكل وتتدللون
المقابلة سهلة وروتينية لازم الموضف يشوف المتقدم ويتاكد من اهليتة وياخذون الاوراق الاصلية يطابقوهة وية الواصلهم...يعني شنو اهليتة الشخص يعني ان يكون متزن وكلامة مرتب ومبتسم ليش؟؟؟؟ اني اسولفلكم السالفة...
بالستينات من القرن الماضي امريكا كانت في مواجهة مع نظام فيدل كاسترو الشيوعي ورادت تحرج نظامة فاعلن الرئيس كنيدي في وقتهة استعداد امريكا لاستقبال أي شخص يجي لجوء بالقوارب الى امريكا حتى على اساس يفرغ المجتمع الكوبي من الطبقة النخبة............فكاسترو ما جذب خبر ودك الناقصة بامريكا حمل مئات القوارب بكل المجرمين المدانين في سجون كوبا وافرغ كل مستشفيات المجانين ودز كل حثالة المجتمع الى امريكا واستقبلهم خفر السواحل الامريكي بالورود عل اساس معارضة ولاجئين وكانت الكارثة.....الاف المجرمين والمجانين ابتلت امريكا بيهم
منذ ذلك الوقت اشترطت امريكا لكل شخص ان يقابل شخصيا للحصول على أي فيزا الى امريكا يعني المقابلة اساسية لاصدار الفيزا بس هية ما تخوف بسيطة وحلوة...ولكل الي يقابلون اذكروني من اتشوفون الصور المعلقة على الحائط من كل ولاية صورة جنة الله على الارض تسويلك واهس تطفر من هذا البلد..........
هسة اجاوب بعض الاسئلة الي وصلتني على الخاص لفائدة الجميع......
طبعا بالمقابلة يردون يشوفون رسالة الجي ال اس الاصلية مال التوظيف والكوم ابروفال ويرجعوهن اخذ كل شي حتى رسالة التوصية مال الكوم اخذهة افضل من عدم اخذهة
اني شخصيا سويت وكالة خاصة فقط بمراجعة دوائر الدولة لاحد معقبي المعاملات و هو سوالي صورة قيد 57 ويرادلهة فرة وكتلة سويلي عدم محكومية وكالي لازم انت تروح وتبصم فتعاجزت وهسة غصبا على شاربي اروح اسويهة ..........برنامج الاس أي في ما سئلو على التقديم على أي او ام برنامج منفصل تماما بس اخوان الي يحصل كوم ابروفال شبه يضمن الاس اي في خلي ينطي مجال لاخوانة ويتصل بال أي او ام وينسحب
الموضفين واغلبهم بنات كل واحد على شباك وكل شباك يستقبل متقدم البعض يسئل اسئلة قصيرة والبعض يسئل كل الاسئلة و ويطبعهة على الحاسوب يعني بس واحد يجي وياك وليس كل الموضفين
علي يو اس أي وايكو تاج راسي ممنون منكم
حبي رمادي
من يجي موعد المقابلة تاخذ نسخة وتركض تشتري ظرف من الدي اج ال ومن تطلع الفيزا تستلم الجواز وبي الفيزا من المكتب ما يحتاج ترجع للسفارة
سيوفي مال الهم أي علاقة باي او ام
ارمي يوم الفيزا ان شاء الله
لمبر جاك ذهب انت والله الف شكرا نورتني وصار معلوم
بامناسبة المحكومية مطلوبة لكل الاشخاص البالغين وليس للمتقدم الرئيسي فقط
-
ممنون حبي دكتور امين
يعني قبل المقابلة اشتري ظرف فارغ من ال DHL واسلمة بالسفارة بالمقابلة وية الجوازات.
ومن تصدر الفيزا انشاء الله يبعثون الجوازات بهذا الظرف.
مشكور اخوية
-
سيوفي ماتكلي انته ليش خايف ???
وداعتك معليهم بل اي او ام
خايف من رفض الاي او ام !!!
-
i am rejected also from IOM because I am not in direct threated case
-
الاخ رمادي لا تنسة ظرف لكل شخص
-
بس ملاحظة مهمة للاخوان اللي راح يسوون عدم محكومية بالجديد وهي طريقة البصمة بالاصابع العشرة لازم تكون صحيحة مية بالمية والا راح تنتظر الى ان تطلع النتيجة ووراها راح يكولك الضابط بكل برود ((اعادة بصمات)) وراح ترجع تعيدها >:( >:( اني اعرف شخص عادها مرتين
-
بس ملاحظة مهمة للاخوان اللي راح يسوون عدم محكومية بالجديد وهي طريقة البصمة بالاصابع العشرة لازم تكون صحيحة مية بالمية والا راح تنتظر الى ان تطلع النتيجة ووراها راح يكولك الضابط بكل برود ((اعادة بصمات)) وراح ترجع تعيدها >:( >:( اني اعرف شخص عادها مرتين
واني اعرف شخص عادها 3 مرات
-
اخر خبر يكولك العدم محكومية تروح للامريكان اول شي بعدين ترجع يم الجانب العراقي ؟؟ اقصد البصمات وهذا هو سبب تأخير صدورها
-
و اني اعرف همه يبصموك بيدهم ويتأكد من ان الحبر مله اصابع و هو يبصمك بل طريقه الصحيحه ;D
كوندا مشتاقون هاي وينك ???
هاي شنو صايره بل جديد تروح للاامريكان ???
الي اعرفه انه اختصروا بل وقت ف بدل شهر صارت اسبوع و بدل ماتفتر كل الدوائر الامنيه هسه صارت بس الوزاره :(
-
السلام عليكم
اني عندي سؤال
مقابلتي شهر 12 وعندي مشكله انو اني فشلت بالمقابله مال الباج وتركت العمل
السؤال انو اذا سألوني اذكر سبب ترك العمل لو شلون مع العلم همه قبل ايام طالبين معلومات من شركتي عني.شكرا
-
السلام عليكم
اني عندي سؤال
مقابلتي شهر 12 وعندي مشكله انو اني فشلت بالمقابله مال الباج وتركت العمل
السؤال انو اذا سألوني اذكر سبب ترك العمل لو شلون مع العلم همه قبل ايام طالبين معلومات من شركتي عني.شكرا
نفس علتي يعني سكريننك
نصيحه كون وياهم صريح ولا تكذب
-
شكرا للرد اخ ارمي
هو هم هيج نحجي الصراحه والباقي على الله
للعلم عندي اصدقاء انطردو طرد ياما لعملهم الغير مشرف مثل السرقه او افتعال المشاكل واكو شخص بيهم جان عايش بايران وهمه هسه كلهم بامريكا.
نتوكل على الله واذا الله كاتبلنا نسافر نسافر لان اني تعبت من التفكير
-
ونعم الوكيل ، بيده كل شئ وهو على كل شئ قدير .
-
كلشي و يطلبون اعادة المعاملة الحجي سهل عليهم واحنة التعب علينة
والله خوية ما اعرف شكلك المقصود بالاسئلة بالمقابلة يتاكدون انت ما مطرود لسبب امني والله اعلم
-
السلام عليكم ورحمه الله وبركاته
اخوان اني قابل اس اي في السنه الماضيه وكانت الاسئله كلش تافهه يعني بسيطه جدا بس يسئلك على الدول الي مسافرها والمده الي اشتغلت بيها وية الجي ال اس وليش تريد تروح الامريكا فنصيحه الجواب خلي يكون للتكمله الدراسه ولمستقبل افضل وشنو موقفك من حزب البعث كولو مؤيد لان همه يعرفون الكل جان منتمي الحزب البعث و ورا اسبوعين دزولنا الجواز مختوم بالفيزا وسافرنا واصلا الاسئله مابيها اي استفزاز وبالنسبه العدم المحكومية اذا مغلس عليها ومدازها النبراسكا فعادي جدا ميسئلك عليها اما اذا دازها فيسئلك عليها اني بالنسبه الي غلست عليها ومسئلني نهائي واتمنى التوفيق للجميع والكل مسافرين بعون الله
-
اي ست مضبوط كلامك سالتني الى الدول الي مسافر الها كتلها سافرت الى سوريا مرور الى ماليزيا لان ماكو سفر مباشر من بغداد وسافرت الى ماليزيا لاكمل الماستر بس صار 3 اسابيع وماكو شي والعدم محكومية طلبوها مني واني ممنون وشكرا ممكن ادزنا على الخاص انت بيا ولاية واسولفنا اشلونه هسة الوضع يمكم زين اكو شغل
-
السلام عليكم ورحمة الله وبركاته , ارفع الموضوع الوحيد الذي تركت فيه ذكري . أأمل ان يستفد منه من يحتاجه .
-
السلام عليكم ورحمة الله وبركاته , ارفع الموضوع الوحيد الذي تركت فيه ذكري . أأمل ان يستفد منه من يحتاجه . هههههههههههههههههههههههههههههههههههههها
هههههههههههههههههههههههههههههههههها
شكد حلو ههههههههههههها
الفرج يرد على ابو تبارك هههههههههههههههههههههههههها